المنَافِقون
{ 1 } { بِسْمِ اللَّهِ الرَّحْمَٰنِ الرَّحِيمِ إِذَا جَاءَكَ الْمُنَافِقُونَ قَالُوا نَشْهَدُ إِنَّكَ لَرَسُولُ اللَّهِ ۗ وَاللَّهُ يَعْلَمُ إِنَّكَ لَرَسُولُهُ وَاللَّهُ يَشْهَدُ إِنَّ الْمُنَافِقِينَ لَكَاذِبُونَ } ئه‌گه‌ر دوڕوى هاتنه ديوانا ته -ئه‌ى پێغه‌مبه‌ر- ئه‌و ب ئه‌زمانێ خۆ دبێژن: ئه‌م شاهده‌يیێ دده‌ين كو تو پێغه‌مبه‌رێ خودێیى، وخودێ دزانت كو تو پێغه‌مبه‌رێ وییى، وخودێ شاهده‌يیێ دده‌ت كو دوڕوى د ڤێ شاهده‌يیا خۆ دا يا ئه‌و بۆ ته ئاشكه‌را دكه‌ن، وسويندێ ل سه‌ر دخۆن ددره‌وينن.
{ 2 } { اتَّخَذُوا أَيْمَانَهُمْ جُنَّةً فَصَدُّوا عَنْ سَبِيلِ اللَّهِ ۚ إِنَّهُمْ سَاءَ مَا كَانُوا يَعْمَلُونَ } هه‌ما دوڕوى وان سويندێن خۆ يێن ئه‌و دخۆن بۆ خۆ دكه‌نه په‌رژان د ناڤبه‌را خۆ ولێگرتن وعه‌زابێ دا، وئه‌و خۆ وخه‌لكى ژى ژ ڕێكا خودێ يا ڕاست پاشڤه‌دبه‌ن، هندى ئه‌و بوون پيسه كاربوو وان كرى.
{ 3 } { ذَٰلِكَ بِأَنَّهُمْ آمَنُوا ثُمَّ كَفَرُوا فَطُبِعَ عَلَىٰ قُلُوبِهِمْ فَهُمْ لَا يَفْقَهُونَ } چونكى وان ب سه‌ر ڤه باوه‌رى ئينا، و د دل دا ئه‌و دكافر بوون، ڤێجا ژ به‌ر كافرییا وان خودێ خه‌تم ل سه‌ر دلێن وان دا، له‌و ئێدى ئه‌و تێ ناگه‌هن كانێ مفايێ وان د چ دايه.
{ 4 } { وَإِذَا رَأَيْتَهُمْ تُعْجِبُكَ أَجْسَامُهُمْ ۖ وَإِنْ يَقُولُوا تَسْمَعْ لِقَوْلِهِمْ ۖ كَأَنَّهُمْ خُشُبٌ مُسَنَّدَةٌ ۖ يَحْسَبُونَ كُلَّ صَيْحَةٍ عَلَيْهِمْ ۚ هُمُ الْعَدُوُّ فَاحْذَرْهُمْ ۚ قَاتَلَهُمُ اللَّهُ ۖ أَنَّىٰ يُؤْفَكُونَ } وئه‌گه‌ر تو به‌رێ خۆ بده‌يه ڤان دوڕوییان سه‌روبه‌رێ وان دێ يێ ب دلێ ته بت، وئه‌گه‌ر ئه‌و باخڤن تو دێ گوهـ ده‌يه ئاخفتنا وان؛ چونكى ئه‌و بۆ ئاخفتنێ دڕه‌هوانن، وئه‌و ژ به‌ر دلێن وان يێن ڤالا ژ باوه‌رییێ، وسه‌رێن وان يێن ڤالا ژ زانين وتێگه‌هشتنێ وه‌كى وان ده‌پانه يێن بۆ ديوارى هاتينه پالدان، ئه‌و دارێن چو ژين تێدا نه، ئه‌و هزر دكه‌ن هه‌ر ده‌نگه‌كێ بلند ل سه‌ر وانه وبۆ وان يێ خرابه؛ چونكى ئه‌و ڕاستییا خۆ دزانن، وهندى ئه‌و دترسينۆكن، و ژ به‌ر وێ سه‌هما دلێن وان تژى كرى، ئه‌ون يێن گه‌له‌ك دوژمناتییا ته وخودان باوه‌ران كرى، ڤێجا يێ ژێ هشياربه، خودێ وان شه‌رمزار بكه‌ت و ژ ڕه‌حما خۆ بێ بار بكه‌ت، چاوا ئه‌و به‌رێ خۆ ژ حه‌قییێ وه‌ردگێڕن وقه‌ستا دوڕوياتییێ وسه‌رداچوونێ دكه‌ن؟
{ 5 } { وَإِذَا قِيلَ لَهُمْ تَعَالَوْا يَسْتَغْفِرْ لَكُمْ رَسُولُ اللَّهِ لَوَّوْا رُءُوسَهُمْ وَرَأَيْتَهُمْ يَصُدُّونَ وَهُمْ مُسْتَكْبِرُونَ } وئه‌گه‌ر بۆ ڤان دوڕوییان هاته گۆتن: هوين ب تۆبه‌كرن ڤه وه‌رن وداخوازا لێبۆرينێ بكه‌ن ژ به‌ر وان گۆتنێن خراب يێن هه‌وه كرين، دا پێغه‌مبه‌رێ خودێ ژى داخوازا لێبۆرينێ بۆ هه‌وه ژ خودايێ خۆ بكه‌ت، ئه‌و بۆ خۆمه‌زنكرن وتڕانه سه‌رێ خۆ دێ هژينن، وتو -ئه‌ى پێغه‌مبه‌ر- دێ وان بينى ئه‌و دێ پشت دده‌نه ته، وئه‌و خۆ ژ وێ مه‌زنتر دبينن يا ژ وان دئێته داخوازكرن.
{ 6 } { سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَنْ يَغْفِرَ اللَّهُ لَهُمْ ۚ إِنَّ اللَّهَ لَا يَهْدِي الْقَوْمَ الْفَاسِقِينَ } ل به‌ر ڤان دوڕوییان وه‌كى ئێكه چ تو -ئه‌ى پێغه‌مبه‌ر- داخوازا ژێبرنا گونه‌هان بۆ وان ژ خودێ بكه‌ى يان نه‌كه‌ى، هندى خودێیه قه‌ت ل گونه‌هێن وان نابۆرت؛ چونكى ئه‌و ل سه‌ر وان گونه‌هان دڕژدن و د كوفرا خۆ دا دبه‌رده‌وامن. هندى خودێیه به‌رێ وى ملله‌تى ناده‌ته باوه‌رییێ يێ كوفرێ ب وى بكه‌ت، و ژ بن ئه‌مرێ وى ده‌ركه‌ڤت.
{ 7 } { هُمُ الَّذِينَ يَقُولُونَ لَا تُنْفِقُوا عَلَىٰ مَنْ عِنْدَ رَسُولِ اللَّهِ حَتَّىٰ يَنْفَضُّوا ۗ وَلِلَّهِ خَزَائِنُ السَّمَاوَاتِ وَالْأَرْضِ وَلَٰكِنَّ الْمُنَافِقِينَ لَا يَفْقَهُونَ } ئه‌ڤ دوڕوییه‌نه يێن دبێژنه خه‌لكێ (مه‌دينێ): هوين مالی ل سه‌ر هه‌ڤالێن پێغه‌مبه‌رى يێن مشه‌ختبووين خه‌رج نه‌كه‌ن دا ئه‌و ژ دۆرێن وى ڤه‌ڕه‌ڤن. وگه‌نجينه‌يێن عه‌سمانان وعه‌ردى وڕزق هه‌مى يێ خودێیه، ئه‌و وى دده‌ته هه‌چییێ وى بڤێت و ل به‌ر وى دگرت يێ وى بڤێت، به‌لێ دوڕوى د وێ چه‌ندێ ناگه‌هن.
{ 8 } { يَقُولُونَ لَئِنْ رَجَعْنَا إِلَى الْمَدِينَةِ لَيُخْرِجَنَّ الْأَعَزُّ مِنْهَا الْأَذَلَّ ۚ وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَٰكِنَّ الْمُنَافِقِينَ لَا يَعْلَمُونَ } ئه‌و دوڕوى دبێژن: ئه‌گه‌ر ئه‌م زڤڕينه (مه‌دينێ) ده‌سته‌كا سه‌رفه‌راز ژ مه دێ ده‌سته‌كا خودان باوه‌رێن ڕه‌زيل ده‌رێخت، وسه‌رفه‌رازى يا خودێ وپێغه‌مبه‌رێ وییه، ويا وانه يێن باوه‌رى ب خودێ وپێغه‌مبه‌رێ وى هه‌ى نه يا كه‌سێ دییه، به‌لێ دوڕوى ژ به‌ر بێ فامییا خۆ يا مه‌زن وێ چه‌ندێ نزانن.
{ 9 } { يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ ۚ وَمَنْ يَفْعَلْ ذَٰلِكَ فَأُولَٰئِكَ هُمُ الْخَاسِرُونَ } ئه‌ى ئه‌وێن باوه‌رى ب خودێ ئيناى، ودويكه‌فتنا پێغه‌مبه‌رێ وى كرى، وكار ب شریعه‌تێ وى كرى، بلا مالێ هه‌وه وعه‌يالێ هه‌وه هه‌وه ژ په‌رستنا خودێ وگوهدارییا وى موژيل نه‌كه‌ت، وهه‌چییێ مال وعه‌يالێ وى وى ژ وێ چه‌ندێ موژيل بكه‌ت، ئه‌و ئه‌ون يێن چو بار ژ دلۆڤانییا خودێ بۆ وان نه‌هه‌ى.
{ 10 } { وَأَنْفِقُوا مِنْ مَا رَزَقْنَاكُمْ مِنْ قَبْلِ أَنْ يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَىٰ أَجَلٍ قَرِيبٍ فَأَصَّدَّقَ وَأَكُنْ مِنَ الصَّالِحِينَ } وهوين -گه‌لی خودان باوه‌ران- هنده‌كێ ژ وى ڕزقێ مه دايه هه‌وه د ڕێكێن خێرێ دا خه‌رج بكه‌ن، وله‌زێ ل وێ چه‌ندێ بكه‌ن به‌رى مرن بگه‌هته ئێك ژ هه‌وه، وئه‌و نيشانێن وێ ببينت، ڤێجا ب په‌شێمانى ڤه بێژت: خودايێ من ئه‌گه‌ر ده‌مه‌كى ته ئه‌ز هێلابام، وپيچه‌كێ ته مرنا من پاشڤه‌بربا، ئه‌ز دا خێران ژ مالێ خۆ ده‌م، ودا بمه ژ مرۆڤێن چاك وته‌قوادار.
{ 11 } { وَلَنْ يُؤَخِّرَ اللَّهُ نَفْسًا إِذَا جَاءَ أَجَلُهَا ۚ وَاللَّهُ خَبِيرٌ بِمَا تَعْمَلُونَ } وخودێ مرنا نه‌فسه‌كێ پاشڤه‌نابه‌ت ئه‌گه‌ر ده‌مێ وێ هات، وژییێ وێ خلاس بوو، وخودێ ب وى كارێ هوين دكه‌ن يێ شاره‌زايه چ باشى بت چ خرابى، وئه‌و دێ هه‌وه سه‌را وى كارى جزا ده‌ت.
عربة الشراء 