الليْل
{ 1 } { بِسْمِ اللَّهِ الرَّحْمَٰنِ الرَّحِيمِ وَاللَّيْلِ إِذَا يَغْشَىٰ } خودێ ب شه‌ڤێ سويند خوار ده‌مێ ئه‌و ب تارییا خۆ ڤه ب سه‌ر عه‌ردى وهه‌مى تشتان دا دگرت.
{ 2 } { وَالنَّهَارِ إِذَا تَجَلَّىٰ } و ب ڕۆژێ ده‌مێ ب ڕۆناهییا خۆ تارییا شه‌ڤێ دبه‌ت.
{ 3 } { وَمَا خَلَقَ الذَّكَرَ وَالْأُنْثَىٰ } و ب ئافراندنا نێر ومێیان.
{ 4 } { إِنَّ سَعْيَكُمْ لَشَتَّىٰ } هندى كه‌دا هه‌وه‌يه يا ژێك جودايه د ناڤبه‌را كه‌دا بۆ دنيايێ وكه‌دا بۆ ئاخره‌تێ دا.
{ 5 } { فَأَمَّا مَنْ أَعْطَىٰ وَاتَّقَىٰ } ڤێجا هه‌چییێ مالێ خۆ خه‌رج كر بت وته‌قوایا خودێ د وێ چه‌ندێ دا كر بت.
{ 6 } { وَصَدَّقَ بِالْحُسْنَىٰ } وباوه‌رى ب حسێبێ وجزادانا ل سه‌ر كرياران ئينا بت.
{ 7 } { فَسَنُيَسِّرُهُ لِلْيُسْرَىٰ } ئه‌م دێ به‌رێ وى ده‌ينه ئه‌گه‌رێن خێرێ وچاكییێ وكارێ وى ل به‌ر ب ساناهى كه‌ين.
{ 8 } { وَأَمَّا مَنْ بَخِلَ وَاسْتَغْنَىٰ } وهه‌چییێ چڕيكى ب مالێ خۆ كربت وخۆ ژ جزادانا خودايێ خۆ بێ منه‌ت كربت.
{ 9 } { وَكَذَّبَ بِالْحُسْنَىٰ } ودره‌و ب حسێب وجزادانێ كربت.
{ 10 } { فَسَنُيَسِّرُهُ لِلْعُسْرَىٰ } ئه‌م دێ ئه‌گه‌رێن به‌خت ڕه‌شییێ بۆ وى ئاشكه‌را كه‌ين.
{ 11 } { وَمَا يُغْنِي عَنْهُ مَالُهُ إِذَا تَرَدَّىٰ } ومالێ وى يێ وى به‌خيلی پێ دكر چو مفايى ناگه‌هينتێ ئه‌گه‌ر ئه‌و كه‌فته د ئاگرى دا.
{ 12 } { إِنَّ عَلَيْنَا لَلْهُدَىٰ } هندى ئه‌مين ژ قه‌نجى وحكمه‌تا مه‌يه كو ئه‌م بۆ خه‌لكى وێ ڕێكا وان بگه‌هينته خودێ وبه‌حشتێ ژ ڕێكا سه‌رداچوونێ جودا بكه‌ين.
{ 13 } { وَإِنَّ لَنَا لَلْآخِرَةَ وَالْأُولَىٰ } وهندى ئه‌مين ملكێ ئاخره‌تێ ويێ دنيايێ يێ مه‌يه.
{ 14 } { فَأَنْذَرْتُكُمْ نَارًا تَلَظَّىٰ } ڤێجا من هوين هشياركرن و ژ ئاگره‌كى ترساندن يێ گه‌ش دكه‌ت، كو ئاگرێ جه‌هنه‌مێیه.
{ 15 } { لَا يَصْلَاهَا إِلَّا الْأَشْقَى } كه‌س ناچته وى ئاگرى ئه‌و تێ نه‌بت يێ گه‌له‌كێ به‌خت ڕه‌ش نه‌بت.
{ 16 } { الَّذِي كَذَّبَ وَتَوَلَّىٰ } يێ پێغه‌مبه‌رێ خودێ موحه‌ممه‌د -سلاڤ لێ بن- دره‌وين ده‌رێخست بت، وپشت دابته باوه‌رییا ب خودێ وپێغه‌مبه‌رێ وى، وگوهدارییا وان.
{ 17 } { وَسَيُجَنَّبُهَا الْأَتْقَى } وئه‌و دێ ژێ ئێته دويركرن يێ گه‌له‌كێ ب ته‌قوا بت.
{ 18 } { الَّذِي يُؤْتِي مَالَهُ يَتَزَكَّىٰ } ئه‌وێ پێخه‌مه‌ت خێرێ مالێ خۆ خه‌رج دكه‌ت.
{ 19 } { وَمَا لِأَحَدٍ عِنْدَهُ مِنْ نِعْمَةٍ تُجْزَىٰ } وئه‌و دانا وى بۆ خێرێ نه ژ به‌ر هندێیه دا ئه‌و قه‌نجییه‌كا وى بزڤڕينت يێ باشییه‌ك د گه‌ل وى كربت.
{ 20 } { إِلَّا ابْتِغَاءَ وَجْهِ رَبِّهِ الْأَعْلَىٰ } به‌لكى مه‌خسه‌دا وى پێ ئه‌وه خودايێ وى يێ بلندتر ژ وى ڕازى ببت.
{ 21 } { وَلَسَوْفَ يَرْضَىٰ } وپاشى د به‌حه‌شتێ دا خودێ وى تشتى دێ ده‌تێ يێ ئه‌و پێ ڕازى ببت.
