العَلَق
{ 1 } { بِسْمِ اللَّهِ الرَّحْمَٰنِ الرَّحِيمِ اقْرَأْ بِاسْمِ رَبِّكَ الَّذِي خَلَقَ } تو -ئه‌ى پێغه‌مبه‌ر- وێ يا بۆ ته هاتییه خوارێ ژ قورئانێ ب ناڤێ خودايێ خۆ يێ د ئافراندنێ دا ئێكانه بخوينه.
{ 2 } { خَلَقَ الْإِنْسَانَ مِنْ عَلَقٍ } ئه‌وێ هه‌مى مرۆڤ ژ خوينه‌كا هشك وته‌ڕ ئافراندين.
{ 3 } { اقْرَأْ وَرَبُّكَ الْأَكْرَمُ } تو وێ بخوينه يا بۆ ته هاتییه خوارێ، وهندى خودايێ ته‌يه مه‌ردينییا وى يا به‌رفره‌هه.
{ 4 } { الَّذِي عَلَّمَ بِالْقَلَمِ } ئه‌وێ به‌نییێن خۆ فێرى نڤيسينا ب قه‌له‌مى كرين.
{ 5 } { عَلَّمَ الْإِنْسَانَ مَا لَمْ يَعْلَمْ } مرۆڤ فێرى وى تشتى كر يێ كو وى نه‌دزانى.
{ 6 } { كَلَّا إِنَّ الْإِنْسَانَ لَيَطْغَىٰ } ب ڕاستى هندى مرۆڤه پێ ل توخويبێن خودێ ددانت.
{ 7 } { أَنْ رَآهُ اسْتَغْنَىٰ } ئه‌گه‌ر خۆ زه‌نگين وبێ منه‌ت ديت.
{ 8 } { إِنَّ إِلَىٰ رَبِّكَ الرُّجْعَىٰ } ڤێجا هه‌ر سه‌رداچوويه‌ك بلا بزانت كو دويماهییا وى بۆ نك خودێیه.
{ 9 } { أَرَأَيْتَ الَّذِي يَنْهَىٰ } ئه‌رێ ته تشته‌كێ عه‌جێبتر ژ سه‌رداچوونا وى كه‌سى ديتییه (كو ئه‌بووجه‌هله) ئه‌وێ به‌نییه‌كێ مه (كو موحه‌ممه‌ده سلاڤ لێ بن) پاشڤه‌دبه‌ت.
{ 10 } { عَبْدًا إِذَا صَلَّىٰ } ده‌مێ دبينت ئه‌و يێ نڤێژێ دكه‌ت.
{ 11 } { أَرَأَيْتَ إِنْ كَانَ عَلَى الْهُدَىٰ } ئه‌رێ ته ديتییه ئه‌گه‌ر ئه‌و يێ ژ نڤێژێ دئێته پاشڤه‌برن ل سه‌ر هيدايه‌تێ بت ئه‌رێ چاوا ئه‌و وى پاشڤه‌دبه‌ت؟
{ 12 } { أَوْ أَمَرَ بِالتَّقْوَىٰ } يان ئه‌گه‌ر ئه‌و ب ته‌قوادارییێ فه‌رمانێ ل خه‌لكى بكه‌ت ئه‌رێ ئه‌و دێ وى ژ وێ چه‌ندێ پاشڤه‌به‌ت؟
{ 13 } { أَرَأَيْتَ إِنْ كَذَّبَ وَتَوَلَّىٰ } ئه‌رێ ئه‌گه‌ر ئه‌و گۆتنا وى دره‌و ده‌ربێخت، وپشت بده‌تێ.
{ 14 } { أَلَمْ يَعْلَمْ بِأَنَّ اللَّهَ يَرَىٰ } ئه‌رێ ما ئه‌و نزانت كو هندى خودێیه هه‌مى كارێ وى دبينت؟
{ 15 } { كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ } نه‌خێر وه نينه وه‌كى ئه‌و هزر دكه‌ت، ئه‌گه‌ر ئه‌و ڤێ خرابییا خۆ به‌س نه‌كه‌ت ئه‌م ب دژوارى دێ ناڤچاڤێن وى گرين ووى هاڤێينه د ئاگرى دا.
{ 16 } { نَاصِيَةٍ كَاذِبَةٍ خَاطِئَةٍ } ناڤچاڤه‌كا دره‌وين د گۆتنێ دا، وخه‌له‌تكار د كريارێ دا وى هه‌يه.
{ 17 } { فَلْيَدْعُ نَادِيَهُ } ڤێجا ئه‌ڤ سه‌رداچوويه بلا خه‌لكێ ديوانا خۆ يێن ئه‌و خۆ پێ پشتگه‌رم دكه‌ت ئاماده بكه‌ت.
{ 18 } { سَنَدْعُ الزَّبَانِيَةَ } ئه‌م ژى دێ گازى ملياكه‌تێن عه‌زابێ كه‌ين.
{ 19 } { كَلَّا لَا تُطِعْهُ وَاسْجُدْ وَاقْتَرِبْ ۩ } وه نينه وه‌كى ئه‌بووجه‌هل هزر دكه‌ت، ئه‌و نه‌شێت چو نه‌خۆشییان بگه‌هينته ته -ئه‌ى پێغه‌مبه‌ر- ڤێجا گوهدارییا وى نه‌كه ده‌مێ ئه‌و به‌رێ ته دده‌ته نه‌كرنا نڤێژێ، وتو بۆ خودايێ خۆ هه‌ڕه سوجدێ، و ب كرنا عيباده‌تى خۆ نێزيكى وى بكه.
عربة الشراء 