الضُّحَى
{ 1 } { بِسْمِ اللَّهِ الرَّحْمَٰنِ الرَّحِيمِ وَالضُّحَىٰ } خودێ ب ڕۆژێ هه‌مییێ سويند خوار.
{ 2 } { وَاللَّيْلِ إِذَا سَجَىٰ } و ب شه‌ڤێ ئه‌گه‌ر ڕاوه‌ستا وتارییا وێ دژوار بوو. وهه‌ر تشته‌كێ خودێ حه‌ز بكه‌ت ئه‌و سويند پێ دخۆت، به‌لێ بۆ مرۆڤان چێ نابت ژبلی خودێ ب تشته‌كێ دى سويند بخۆن؛ چونكى سويندا نه ب خودێ بت شركه.
{ 3 } { مَا وَدَّعَكَ رَبُّكَ وَمَا قَلَىٰ } خودايێ ته -ئه‌ى پێغه‌مبه‌ر- تو نه‌هێلاى، ده‌مێ وى وه‌حى ڤه‌هێلاى ووى كه‌رب ژ ته ڤه‌نه‌بوويه.
{ 4 } { وَلَلْآخِرَةُ خَيْرٌ لَكَ مِنَ الْأُولَىٰ } وئاخره‌ت بۆ ته ژ دنيايێ چێتره.
{ 5 } { وَلَسَوْفَ يُعْطِيكَ رَبُّكَ فَتَرْضَىٰ } وپاشى ل ئاخره‌تێ خودايێ ته -ئه‌ى پێغه‌مبه‌ر- هند قه‌نجییان دێ ده‌ته ته، كو تو پێ ڕازى ببى.
{ 6 } { أَلَمْ يَجِدْكَ يَتِيمًا فَآوَىٰ } ئه‌رێ ما وى به‌رێ تو ئێتيم نه‌ديتبووى، ڤێجا وى تو حه‌واندى وچاڤدێرى ل ته كر.
{ 7 } { وَوَجَدَكَ ضَالًّا فَهَدَىٰ } ووى تو نه‌ديتبووى ته چو ژ كيتابێ وباوه‌رییێ نه‌دزانى، ڤێجا وى ئه‌و نيشا ته دا يێ ته نه‌دزانى، وبه‌رێ ته دا باشترين كرياران؟
{ 8 } { وَوَجَدَكَ عَائِلًا فَأَغْنَىٰ } ووى تو فه‌قير نه‌ديتبووى، ڤێجا وى ڕزقێ ته دا ته، ودلێ ته ب قه‌ناعه‌تێ وصه‌برێ ده‌وله‌مه‌ند كر؟
{ 9 } { فَأَمَّا الْيَتِيمَ فَلَا تَقْهَرْ } ڤێجا هندى ئێتيمه تو سه‌ره‌ده‌رییه‌كا خراب د گه‌ل نه‌كه.
{ 10 } { وَأَمَّا السَّائِلَ فَلَا تَنْهَرْ } وهندى خازۆكه تو وى پاشڤه‌نه‌به، وخوارنێ بدێ، وهه‌وجه‌يییا وى بۆ ب جهـ بينه.
{ 11 } { وَأَمَّا بِنِعْمَةِ رَبِّكَ فَحَدِّثْ } وهندى قه‌نجییا خودايێ ته‌يه يا وى د گه‌ل ته كرى تو به‌حس ژێ بكه.
