البرُوج
{ 1 } { بِسْمِ اللَّهِ الرَّحْمَٰنِ الرَّحِيمِ وَالسَّمَاءِ ذَاتِ الْبُرُوجِ } خودێ ب وى عه‌سمانى سويند خوار يێ ئه‌و جهـ لێ هه‌ين يێن ڕۆژ وهه‌يڤ لێ دچن.
{ 2 } { وَالْيَوْمِ الْمَوْعُودِ } و ب ڕۆژا قيامه‌تێ يا خودێ ژڤان پێ دايه خه‌لكى كو وان تێدا كۆم بكه‌ت.
{ 3 } { وَشَاهِدٍ وَمَشْهُودٍ } و ب وى شاهدێ شاهده‌يیێ دده‌ت، و ب وى يێ شاهده‌يى ل سه‌ر دئێته‌دان. وچى تشتێ خودێ بڤێت بۆ وى هه‌يه ئه‌و پێ سويند بخۆت، به‌لێ بۆ مرۆڤى چێ نابت ب تشته‌كى ژبلی خودێ سويند بخۆت؛ چونكى سويندا نه ب خودێ بت شركه.
{ 4 } { قُتِلَ أَصْحَابُ الْأُخْدُودِ } تێچوون وهاتنه عه‌زابدان ودويركرن ژ ڕه‌حما خودێ ئه‌وێن خه‌نده‌كێن مه‌زن بۆ عه‌زابدانا خودان باوه‌ران ل عه‌ردى چێكرين.
{ 5 } { النَّارِ ذَاتِ الْوَقُودِ } وئاگره‌كێ دژوار تێدا هلكرى.
{ 6 } { إِذْ هُمْ عَلَيْهَا قُعُودٌ } ده‌مێ ئه‌و ل سه‌ر لێڤێن خه‌نده‌كان روينشتين وماينه ل وێرێ.
{ 7 } { وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ } وئه‌و دئاماده‌يى وێ عه‌زابێ بوون يا وان ئينايه سه‌رێ خودان باوه‌ران.
{ 8 } { وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ } ووان ئه‌ڤ عه‌زابه نه ژ به‌ر تشته‌كى ئينا سه‌رێ وان ب تنێ ژ به‌ر هندێ نه‌بت كو وان باوه‌رى ب خودايێ زال ئينا بوو يێ كه‌س وى بێزار نه‌كه‌ت، يێ د گۆتن وكريار وسالۆخه‌تێن خۆ دا هێژاى مه‌دحان.
{ 9 } { الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ } ئه‌وێ ملكێ عه‌سمانان وعه‌ردى يێ وى، وئه‌و ل سه‌ر هه‌ر تشته‌كى شاهده، چو تشت ل وى به‌رزه نابن.
{ 10 } { إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ } هندى ئه‌ون يێن مێرێن خودان باوه‌ر وژنێن خودان باوه‌ر ب ئاگرى سۆتين؛ دا ئه‌و وان ژ دينێ خودێ لێڤه‌كه‌ن، وپاشى تۆبه نه‌كرى، ل ئاخره‌تێ عه‌زابا جه‌هنه‌مێ بۆ وانه، وعه‌زابا دژوار وسوژه‌ك بۆ وانه.
{ 11 } { إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ } هندى ئه‌ون يێن باوه‌رى ب خودێ وپێغه‌مبه‌رێ وى ئيناى وكريارێن چاك كرين، ئه‌و به‌حه‌شتێن ڕويبار د بن قه‌سرێن وان دا دچن بۆ وان هه‌نه، ئه‌وه سه‌ركه‌فتنا مه‌زن.
{ 12 } { إِنَّ بَطْشَ رَبِّكَ لَشَدِيدٌ } هندى تۆلڤه‌كرنا خودايێ ته‌يه ژ نه‌ياران وعه‌زابا وى بۆ وان يا دژوار ومه‌زنه.
{ 13 } { إِنَّهُ هُوَ يُبْدِئُ وَيُعِيدُ } هندى ئه‌وه ئه‌و ئافراندنێ ده‌ست پێ دكه‌ت ودوباره دكه‌ته‌ڤه.
{ 14 } { وَهُوَ الْغَفُورُ الْوَدُودُ } وئه‌و باش گونه‌هـ ژێبره بۆ وى يێ تۆبه بكه‌ت، يێ حه‌ژێكه‌ره بۆ وه‌لییێن خۆ.
{ 15 } { ذُو الْعَرْشِ الْمَجِيدُ } خودانێ عه‌رشێ مه‌زنه.
{ 16 } { فَعَّالٌ لِمَا يُرِيدُ } پڕبكه‌رێ وى تشتییه يێ وى دڤێت، تشتێ وى بڤێت ل به‌ر وى ئاسێ نابت.
{ 17 } { هَلْ أَتَاكَ حَدِيثُ الْجُنُودِ } ئه‌رێ به‌حسێ وان كۆمان گه‌هشتییه ته -ئه‌ى پێغه‌مبه‌ر- يێن پێغه‌مبه‌رێن خۆ دره‌وين ده‌رێخستين.
{ 18 } { فِرْعَوْنَ وَثَمُودَ } كۆما فيرعه‌ون وثه‌موودییان، وئه‌و عه‌زابا ب سه‌رێ وان هاتى؟
{ 19 } { بَلِ الَّذِينَ كَفَرُوا فِي تَكْذِيبٍ } ڤى ملله‌تى چو عيبره‌ت بۆ خۆ ژ وان نه‌ديت، به‌لكى ئه‌وێن كافر بووين د دره‌وكرنه‌كا به‌رده‌وام دانه وه‌كى وان يێن به‌رى خۆ.
{ 20 } { وَاللَّهُ مِنْ وَرَائِهِمْ مُحِيطٌ } وخودێ ب زانين وشيانا خۆ دۆر ل وان گرتییه، تشته‌ك ژ كريارێن وان ل به‌ر وى به‌رزه نابت.
{ 21 } { بَلْ هُوَ قُرْآنٌ مَجِيدٌ } وقورئان يا وه‌سا نينه وه‌كى بوتپه‌رێسێن دره‌وپێكه‌ر دبێژن كو ئه‌و شعر وسێره‌به‌ندییه، به‌لكى ئه‌و قورئانه‌كا مه‌زن وخودان قه‌دره.
{ 22 } { فِي لَوْحٍ مَحْفُوظٍ } د له‌وحه‌كێ پاراستى دايه، چو گوهۆڕين وده‌ست تێڤه‌دان ژێ ناگرن.
عربة الشراء 