الأَعْلى
{ 1 } { بِسْمِ اللَّهِ الرَّحْمَٰنِ الرَّحِيمِ سَبِّحِ اسْمَ رَبِّكَ الْأَعْلَى } تو ناڤێ خودايێ خۆ يێ بلندتر ژ كێماسى وشريكان پاك بكه.
{ 2 } { الَّذِي خَلَقَ فَسَوَّىٰ } ئه‌وێ خه‌لك ئافراندين، وئافراندنا وان موكمكرى، وئه‌و ب باشترين ڕه‌نگ داين.
{ 3 } { وَالَّذِي قَدَّرَ فَهَدَىٰ } وئه‌وێ هه‌مى مقه‌ده‌ر داين، وبه‌رێ هه‌ر ئێكى دايه وى تشتێ بابه‌تى وى بت.
{ 4 } { وَالَّذِي أَخْرَجَ الْمَرْعَىٰ } وئه‌وێ گيايێ كه‌سك شينكرى.
{ 5 } { فَجَعَلَهُ غُثَاءً أَحْوَىٰ } پاشى كرییه پيشه‌كێ هشك وڕه‌نگ گۆهاڕتى.
{ 6 } { سَنُقْرِئُكَ فَلَا تَنْسَىٰ } ئه‌ى پێغه‌مبه‌ر، ئه‌م دێ وه‌سا ڤێ قورئانێ ب ته ده‌ينه خواندن كو تو ئێدى ژ بير نه‌كه‌ى.
{ 7 } { إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ } ئه‌و تێ نه‌بت يا خودێ حه‌زكرى بۆ مه‌صلحه‌ته‌كا ئه‌و پێ دزانت ژ بيرا ته ببه‌ت. هندى ئه‌وه ئه‌و تشتێ ئاشكه‌را ژ گۆتن وكرياران دزانت، وتشتێ ڤه‌شارتى ژى.
{ 8 } { وَنُيَسِّرُكَ لِلْيُسْرَىٰ } و د هه‌مى كارێن ته دا ئه‌م دێ به‌رێ ته ده‌ينه تشتێ ب ساناهى.
{ 9 } { فَذَكِّرْ إِنْ نَفَعَتِ الذِّكْرَىٰ } ڤێجا تو بيرا ملله‌تێ خۆ ب ڤێ قورئانێ بينه‌ڤه، ئه‌گه‌ر بيرئينان مفاى بده‌ت. وبيرئينان واجبه ئه‌گه‌ر خۆ مفاى نه‌ده‌ت ژى.
{ 10 } { سَيَذَّكَّرُ مَنْ يَخْشَىٰ } ئه‌و دێ بيرا خۆ لێ ئينته‌ڤه يێ ژ خودايێ خۆ بترست.
{ 11 } { وَيَتَجَنَّبُهَا الْأَشْقَى } وئه‌و دێ خۆ ژ بيرئينانێ ده‌ته پاش ئه‌و به‌ختڕه‌شێ ژ خودايێ خۆ نه‌ترست.
{ 12 } { الَّذِي يَصْلَى النَّارَ الْكُبْرَىٰ } ئه‌وێ دێ چته ئاگرێ جه‌هنه‌ما مه‌زن.
{ 13 } { ثُمَّ لَا يَمُوتُ فِيهَا وَلَا يَحْيَىٰ } پاشى ئه‌و تێدا نه‌دمرت وڕحه‌ت دبت، ونه ژينه‌كا ب مفا دژيت.
{ 14 } { قَدْ أَفْلَحَ مَنْ تَزَكَّىٰ } ب ڕاستى ئه‌و ب سه‌ركه‌فت يێ نه‌فسا خۆ ژ ئه‌خلاقێ خراب پاقژكرى.
{ 15 } { وَذَكَرَ اسْمَ رَبِّهِ فَصَلَّىٰ } وزكرێ خودێ كرى، وباوه‌رى ب ته‌وحيدا وى ئيناى ودوعا ژ وى كرين وكار ب وى تشتى كرى يێ ئه‌و پێ ڕازى، ونڤێژ ل ده‌مێ وێ كرى؛ دا خودێ ژێ ڕازى ببت.
{ 16 } { بَلْ تُؤْثِرُونَ الْحَيَاةَ الدُّنْيَا } هوين -گه‌لی مرۆڤان- خه‌ملا ژينا دنيايێ ب سه‌ر خۆشییا ئاخره‌تێ دئێخن.
{ 17 } { وَالْآخِرَةُ خَيْرٌ وَأَبْقَىٰ } وئاخره‌ت وئه‌و خۆشییا به‌رده‌وام يا تێدا هه‌ى، ژ دنيايێ چێتر وبه‌رده‌وامتره.
{ 18 } { إِنَّ هَٰذَا لَفِي الصُّحُفِ الْأُولَىٰ } هندى ئه‌وه يا د ڤێ سووره‌تێ دا بۆ هه‌وه هاتییه گۆتن ئه‌و ئه‌وه يا ڕامانا وێ د وان كيتابان دا هاتى يێن به‌رى قورئانێ هاتينه خوارێ.
{ 19 } { صُحُفِ إِبْرَاهِيمَ وَمُوسَىٰ } وئه‌و كيتابێن ئيبراهيمى ومووساينه -سلاڤ لێ بن.
