محَمَّد
{ 1 } { بِسْمِ اللَّهِ الرَّحْمَٰنِ الرَّحِيمِ الَّذِينَ كَفَرُوا وَصَدُّوا عَنْ سَبِيلِ اللَّهِ أَضَلَّ أَعْمَالَهُمْ } ئه‌وين باوه‌رى ب خودێ نه‌ئيناى، وبه‌رێ خه‌لكى ژ دينێ وى دايه پاش، خودێ كريارێن وان پويچكرن، وئه‌و پێ به‌ختڕه‌شكرن.
{ 2 } { وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَىٰ مُحَمَّدٍ وَهُوَ الْحَقُّ مِنْ رَبِّهِمْ ۙ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ } وئه‌وێن باوه‌رى ب خودێ ئيناى ودويكه‌فتنا شريعه‌تێ وى كرى وباوه‌رى ب وێ كيتابێ ئيناى يا ل سه‌ر موحه‌ممه‌دى سلاڤ لێ بن هاتییه خوارێ، وئه‌و ئه‌و ڕاستییا بێ گومانه يا ژ نك خودايێ وان هاتى، خودێ گونه‌هێن وان بۆ وان ڤه‌شارتن، و ل دنيايێ وئاخره‌تێ كارێ وان چاككر.
{ 3 } { ذَٰلِكَ بِأَنَّ الَّذِينَ كَفَرُوا اتَّبَعُوا الْبَاطِلَ وَأَنَّ الَّذِينَ آمَنُوا اتَّبَعُوا الْحَقَّ مِنْ رَبِّهِمْ ۚ كَذَٰلِكَ يَضْرِبُ اللَّهُ لِلنَّاسِ أَمْثَالَهُمْ } ئه‌گه‌را وێ به‌رزه‌كرن وهيدايه‌تێ ئه‌وه هندى يێن كافرن دويكه‌فتن وگوهدارییا شه‌يتانى كرییه، وئه‌وين باوه‌رى ئيناى دويكه‌فتنا پێغه‌مبه‌رى سلاڤ لێ بن ووێ ڕۆناهییا ئه‌و پێ هاتى كرییه، ووه‌كى خودێ ئاشكه‌را كرى كانێ وى چ ب سه‌رێ كافر وخودان باوه‌ران ئينايه وه‌سا ئه‌و مه‌ته‌لان بۆ مرۆڤان دئينت، وهه‌ر ملله‌ته‌كى مه‌ته‌له‌كا بابه‌تى وان بت ئه‌و ل سه‌ر دئينت.
{ 4 } { فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّىٰ إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّىٰ تَضَعَ الْحَرْبُ أَوْزَارَهَا ۚ ذَٰلِكَ وَلَوْ يَشَاءُ اللَّهُ لَانْتَصَرَ مِنْهُمْ وَلَٰكِنْ لِيَبْلُوَ بَعْضَكُمْ بِبَعْضٍ ۗ وَالَّذِينَ قُتِلُوا فِي سَبِيلِ اللَّهِ فَلَنْ يُضِلَّ أَعْمَالَهُمْ } ڤێجا ئه‌گه‌ر هوين -گه‌لی خودان باوه‌ران- ل مه‌يدانێن شه‌ڕى ڕابه‌رى كافران ڕاوه‌ستیان، هوين ب دورستى شه‌ڕى د گه‌ل وان بكه‌ن، ودربان ل ستويێن وان بده‌ن، حه‌تا ئه‌گه‌ر هه‌وه ئه‌و لاوازكرن، وهێزا وان شكاند، هوين ئێخسيران باش گرێ بده‌ن: ڤێجا پشتى هنگى يان هوين منه‌تێ ل وان بكه‌ن ووان بێ به‌رانبه‌ر به‌رده‌ن، يان ژى بلا ئه‌و به‌رانبه‌رى به‌ردانا خۆ ماله‌كى يان تشته‌كێ دى بده‌نه هه‌وه، يان ژى بلا ببنه عه‌بد يان بێنه كوشتن، وحه‌تا شه‌ڕ ڕادوه‌ستت هوين ل سه‌ر ڤێ چه‌ندێ دبه‌رده‌وام بن. ئه‌ڤه‌يه حوكمێ دياركرى د مه‌سه‌لا جه‌ڕباندنا خودان باوه‌ران دا ب كافران وزڤڕاندنا ڕۆژان د ناڤبه‌را وان دا، وئه‌گه‌ر خودێ بڤێت بێ شه‌ڕ دێ تولا خودان باوه‌ران ژ كافران ڤه‌كه‌ت، به‌لێ وى ب ده‌ستێن هه‌وه جزايێ وان دا، وكرنا جيهادێ دورست كر؛ دا هه‌وه پێ بجه‌ڕبينت، ودينى ب هه‌وه ب سه‌ربێخت. وئه‌وێن د ڕێكا خودێ دا هاتينه كوشتن ژ خودان باوه‌ران خودێ خێرا كريارێن وان پويچ ناكه‌ت.
{ 5 } { سَيَهْدِيهِمْ وَيُصْلِحُ بَالَهُمْ } ئه‌و دێ به‌رێ وان ده‌ته گوهدارییا خۆ، و ل دنيايێ وئاخره‌تێ دێ كارێ وان چاك كه‌ت.
{ 6 } { وَيُدْخِلُهُمُ الْجَنَّةَ عَرَّفَهَا لَهُمْ } ودێ وان به‌ته به‌حه‌شتێ، وى ئه‌و بۆ وان ئاشكه‌راكر ونيشا وان دا.
{ 7 } { يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رى كرى، وكار ب شریعه‌تێ وى كرى، ئه‌گه‌ر هوين ب كرنا جيهادێ و ب كارئينانا قورئانێ دينێ خودێ ب سه‌ربێخن خودێ دێ هه‌وه ب سه‌ر نه‌ياران ئێخت، و ل ده‌مێ شه‌ڕى دێ پییێن هه‌وه موكم كه‌ت.
{ 8 } { وَالَّذِينَ كَفَرُوا فَتَعْسًا لَهُمْ وَأَضَلَّ أَعْمَالَهُمْ } وئه‌وێن كافربووين تێچوون بۆ وان بت، وخودێ خێرا كريارێن وان پويچ كر.
{ 9 } { ذَٰلِكَ بِأَنَّهُمْ كَرِهُوا مَا أَنْزَلَ اللَّهُ فَأَحْبَطَ أَعْمَالَهُمْ } چونكى وان ب كيتابا خودێ يا بۆ پێغه‌مبه‌رێ وى هاتى نه‌خۆش بوو، وباوه‌رى پێ نه‌ئينا، ڤێجا خودێ كريارێن وان پويچكرن؛ چونكى ئه‌و بۆ ڕێكا شه‌يتانى بوون.
{ 10 } { أَفَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ ۚ دَمَّرَ اللَّهُ عَلَيْهِمْ ۖ وَلِلْكَافِرِينَ أَمْثَالُهَا } ئه‌رێ ما ئه‌ڤ كافره ل عه‌ردێ خودێ نه‌گه‌ڕياينه دا وجه‌كێ بۆ خۆ ژ وێ ببينن يا ب سه‌رێ وان ملله‌تان هاتى يێن به‌رى وان دره‌و ب پێغه‌مبه‌ران كرى؟ خودێ وارێ وان ب سه‌ر سه‌رێ وان دا په‌لخاند، وبۆ كافران دويماهییه‌كا وه‌كى ڤێ دويماهییێ هه‌يه.
{ 11 } { ذَٰلِكَ بِأَنَّ اللَّهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَىٰ لَهُمْ } ئه‌وا هه يا مه ب سه‌رێ هه‌ردو ده‌سته‌كان ئيناى: ده‌سته‌كا باوه‌رییێ وده‌سته‌كا كوفرێ؛ ژ به‌ر هندێیه چونكى خودێ خودان وپشته‌ڤانێ خودان باوه‌رانه، وكافران چو خودان وپشته‌ڤان نينن.
{ 12 } { إِنَّ اللَّهَ يُدْخِلُ الَّذِينَ آمَنُوا وَعَمِلُوا الصَّالِحَاتِ جَنَّاتٍ تَجْرِي مِنْ تَحْتِهَا الْأَنْهَارُ ۖ وَالَّذِينَ كَفَرُوا يَتَمَتَّعُونَ وَيَأْكُلُونَ كَمَا تَأْكُلُ الْأَنْعَامُ وَالنَّارُ مَثْوًى لَهُمْ } هندى خودێیه وان يێن باوه‌رى ب خودێ و ب پێغه‌مبه‌رێ وى ئيناى وچاكى كرين دكه‌ته د وان به‌حه‌شتان دا يێن ڕويبار د بن دا دچن، وئه‌وێن كافر بووين مه‌ته‌لا وان د خوارن وخۆشیبرنا وان يا د دنيايێ دا وه‌كى مه‌ته‌لا وان حه‌يوانانه يێن خه‌ما وان به‌س خوارن، وئاگرێ جه‌هنه‌مێ جهـ وواره بۆ وان.
{ 13 } { وَكَأَيِّنْ مِنْ قَرْيَةٍ هِيَ أَشَدُّ قُوَّةً مِنْ قَرْيَتِكَ الَّتِي أَخْرَجَتْكَ أَهْلَكْنَاهُمْ فَلَا نَاصِرَ لَهُمْ } وگه‌له‌ك باژێر هه‌بوون خه‌لكێ وان ژ خه‌لكێ باژێرێ ته يێ تو -ئه‌ى پێغه‌مبه‌ر- ده‌رێخستى -كو مه‌كه‌هه- د هێز دژوارتر بوون مه ئه‌و ب گه‌له‌ك ڕه‌نگێن عه‌زابێ تێبرن، ڤێجا چو پشته‌ڤان بۆ وان نه‌بوون عه‌زابا خودێ ژ وان پاشڤه ببه‌ن.
{ 14 } { أَفَمَنْ كَانَ عَلَىٰ بَيِّنَةٍ مِنْ رَبِّهِ كَمَنْ زُيِّنَ لَهُ سُوءُ عَمَلِهِ وَاتَّبَعُوا أَهْوَاءَهُمْ } ئه‌رێ ڤێجا هه‌چییێ ده‌ليله‌كێ ئاشكه‌را ژ خودايێ وى د گه‌ل وى هه‌بت و ب ته‌وحيدا وى يێ زانابت، دێ وه‌كى وى بت يێ شه‌يتانى كارێ وى يێ خراب ل به‌ر وى خه‌ملاندى، ڤێجا وى د بێ ئه‌مرییا خودێ دا دويكه‌فتنا دلچوونێن خۆ كرى ووى بێ ده‌ليل په‌رستنا ئێكێ دى ژبلی خودێ كرى؟ ئه‌و وه‌كى ئێك نابن.
{ 15 } { مَثَلُ الْجَنَّةِ الَّتِي وُعِدَ الْمُتَّقُونَ ۖ فِيهَا أَنْهَارٌ مِنْ مَاءٍ غَيْرِ آسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى ۖ وَلَهُمْ فِيهَا مِنْ كُلِّ الثَّمَرَاتِ وَمَغْفِرَةٌ مِنْ رَبِّهِمْ ۖ كَمَنْ هُوَ خَالِدٌ فِي النَّارِ وَسُقُوا مَاءً حَمِيمًا فَقَطَّعَ أَمْعَاءَهُمْ } ژ سالۆخه‌تێن وێ به‌حه‌شتێيه يا خودێ ژڤان پێ دايه ته‌قواداران: هنده‌ك ڕويبارێن مه‌زن ژ وێ ئاڤا ڕه‌نگێ وێ نه‌ئێته گوهاڕتن تێدا هه‌نه، وهنده‌ك ڕويبارێن ژ وى شيرێ تاما وى نه‌ئێته گوهاڕتن، وڕويبارێن ژ وێ مه‌يا ڤه‌خور خۆشییێ پێ دبه‌ن، وڕويبارێن تژى هنگڤينێ صه‌فاندى تێدا هه‌نه، وبۆ ڤان ته‌قواداران د به‌حه‌شتێ دا ژ هه‌مى ڕه‌نگێن فێقى هه‌نه، ويا ژ ڤێ مه‌زنتر لێبورينا ژ گونه‌هێن وانه، ئه‌رێ ئه‌وێ د ڤێ به‌حه‌شتێ دا ما وه‌كى وییه يێ هه‌ر وهه‌ر د ئاگرى دا دمينت، وئاڤه‌كا زێده كه‌لاندى بۆ وان دئێته‌دان ڕويڤيكێن وان پێ پرتپرت دبن؟
{ 16 } { وَمِنْهُمْ مَنْ يَسْتَمِعُ إِلَيْكَ حَتَّىٰ إِذَا خَرَجُوا مِنْ عِنْدِكَ قَالُوا لِلَّذِينَ أُوتُوا الْعِلْمَ مَاذَا قَالَ آنِفًا ۚ أُولَٰئِكَ الَّذِينَ طَبَعَ اللَّهُ عَلَىٰ قُلُوبِهِمْ وَاتَّبَعُوا أَهْوَاءَهُمْ } و ژ ڤان دوڕوییان هنده‌ك هه‌نه گوهێ خۆ دده‌نه ته -ئه‌ى پێغه‌مبه‌ر- وخۆ تێ ناگه‌هينن؛ حه‌تا ده‌مێ ئه‌و ژ ديوانا ته ڕادبن بۆ تڕانه‌پێكرن دبێژنه وان يێن خودان زانين ب كيتابا خودێ: موحه‌ممه‌دى ڤێ گاڤێ چ دگۆت؟ ئه‌و ئه‌ون يێن خودێ خه‌تم ل دلێن وان داى، ڤێجا ئه‌و د حه‌قییێ ناگه‌هن و ب ڕێكێ ناكه‌ڤن، و د كوفر و سه‌رداچوونێ دا وان دويكه‌فتنا دلچوونێن خۆ كرییه.
{ 17 } { وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ } وئه‌وێن هاتينه سه‌ر ڕێكا حه‌ق خودێ هيدايه‌ت ل وان زێده كر، ڤێجا ب وێ چه‌ندێ هيدايه‌تا وان ب هێز كه‌فت، ووى به‌رێ وان دا ته‌قوايێ، وئه‌و بۆ وان ب ساناهى كر.
{ 18 } { فَهَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً ۖ فَقَدْ جَاءَ أَشْرَاطُهَا ۚ فَأَنَّىٰ لَهُمْ إِذَا جَاءَتْهُمْ ذِكْرَاهُمْ } ئه‌ڤ دره‌وپێكه‌ره ژ قيامه‌تێ پێڤه‌تر چاڤه‌ڕێیى تشته‌كێ دى ناكه‌ن كو ئه‌و ژ نشكه‌كێ ڤه بێت وبگه‌هته وان، چونكى ب ڕاستى نيشانێن وێ هاتينه ووان چو مفا بۆ خۆ ژێ وه‌رنه‌گرتییه، ڤێجا ئه‌گه‌ر ئه‌و گه‌هشته وان ئه‌و ژ نوى ژ كيڤه دێ بيرا خۆ لێ ئيننه‌ڤه؟
{ 19 } { فَاعْلَمْ أَنَّهُ لَا إِلَٰهَ إِلَّا اللَّهُ وَاسْتَغْفِرْ لِذَنْبِكَ وَلِلْمُؤْمِنِينَ وَالْمُؤْمِنَاتِ ۗ وَاللَّهُ يَعْلَمُ مُتَقَلَّبَكُمْ وَمَثْوَاكُمْ } ڤێجا تۆ بزانه -ئه‌ى پێغه‌مبه‌ر- كو ژ خودێ پێڤه‌تر چو خودايێن حه‌ق نينن، وتو داخوازا ژێبرنا گونه‌هان بۆ خۆ، وبۆ مێرێن خودان باوه‌ر وژنێن خودان باوه‌ر بكه. وخودێ دزانت ب ڕۆژێ هوين چ دكه‌ن، و ب شه‌ڤێ ل ده‌مێ ئاكنجيبوونێ چ ب سه‌رێ هه‌وه دئێت.
{ 20 } { وَيَقُولُ الَّذِينَ آمَنُوا لَوْلَا نُزِّلَتْ سُورَةٌ ۖ فَإِذَا أُنْزِلَتْ سُورَةٌ مُحْكَمَةٌ وَذُكِرَ فِيهَا الْقِتَالُ ۙ رَأَيْتَ الَّذِينَ فِي قُلُوبِهِمْ مَرَضٌ يَنْظُرُونَ إِلَيْكَ نَظَرَ الْمَغْشِيِّ عَلَيْهِ مِنَ الْمَوْتِ ۖ فَأَوْلَىٰ لَهُمْ } وئه‌وێن باوه‌رى ب خودێ وپێغه‌مبه‌رێ وى ئيناى دبێژن: بلا سووره‌ته‌ك ژ نك خودێ هاتبا خوارێ فه‌رمانا ب جيهادێ ل مه كربا، ڤێجا ئه‌گه‌ر سووره‌ته‌كا موكم هاته‌خوارێ وبه‌حسێ جيهادێ تێدا هاته‌كرن، تو دێ بينى ئه‌وێن نفاق ل نك هه‌ى و د دل دا ژ دينێ خودێ ب گومان وه‌سا دێ به‌رێ خۆ ده‌نه ته -ئه‌ى پێغه‌مبه‌ر- وه‌كى وى يێ ترسا مرنێ ب سه‌ردا گرتى، ڤێجا يا باشتر بۆ ڤان يێن نساخى د دلێن وان دا هه‌ى ئه‌وه ئه‌و گوهدارییا خودێ بكه‌ن.
{ 21 } { طَاعَةٌ وَقَوْلٌ مَعْرُوفٌ ۚ فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْرًا لَهُمْ } گوهدارییا خودێ بكه‌ن وگۆتنه‌كا وه‌سا بێژن يا د گه‌ل شريعه‌تى ڕێككه‌فتى بت. ڤێجا ئه‌گه‌ر فه‌رمانا خودێ ب كرنا شه‌ڕى هات وجيهاد فه‌ر بوو ڤان دوڕوییان پێ نه‌خۆش دبت، وئه‌گه‌ر ئه‌و د باوه‌رییا خۆ دا ب خودێ دڕاستگۆبانه ئه‌و ژ بێ ئه‌مرییا خودێ دا بۆ وان چێتر بت.
{ 22 } { فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ } ڤێجا به‌لكى ئه‌گه‌ر هه‌وه پشت ددا كيتابا خودێ وسوننه‌تا پێغه‌مبه‌رێ وى موحه‌ممه‌دى سلاڤ لێ بن، هوين بێ ئه‌مرییا خودێ د عه‌ردى دا بكه‌ن، ڤێجا هوين كوفرێ ب خودێ بكه‌ن وخوينێ بڕێژن، ومرۆڤاينییێ د ناڤبه‌را خۆ دا ببڕن.
{ 23 } { أُولَٰئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَىٰ أَبْصَارَهُمْ } ئه‌و ئه‌ون يێن خودێ ئه‌و ژ ره‌حما خۆ دويركرين، ڤێجا ئێكا هند ژ وان چێكرى كو وان گوهـ ل وى تشتى نه‌بت يێ مفايێ وان تێدا، وئه‌و وى نه‌بينن، ڤێجا ئه‌و چو ده‌ليلێن خودێ نابينن.
{ 24 } { أَفَلَا يَتَدَبَّرُونَ الْقُرْآنَ أَمْ عَلَىٰ قُلُوبٍ أَقْفَالُهَا } ئه‌رێ ڤێجا ما ئه‌ڤ دوڕییه هزرێن خۆ د شيره‌ت وده‌ليلێن قورئانێ دا ناكه‌ن؟ به‌لكى ئه‌ڤ دله دگرتينه وچو ژ ڤێ قورئانێ تێدا ناچت، وئه‌و هزرا خۆ د شيره‌تێن خودێ دا ناكه‌ن.
{ 25 } { إِنَّ الَّذِينَ ارْتَدُّوا عَلَىٰ أَدْبَارِهِمْ مِنْ بَعْدِ مَا تَبَيَّنَ لَهُمُ الْهُدَى ۙ الشَّيْطَانُ سَوَّلَ لَهُمْ وَأَمْلَىٰ لَهُمْ } هندى ئه‌ون يێن لێڤه‌بووين وهيدايه‌ت وباوه‌رى هێلاين، وپشتى حه‌قى بۆ ئاشكه‌را بووى ئه‌و ب سه‌ر پاش پانییێن خۆ دا ل كوفرێ زڤڕينه‌ڤه، شه‌يتانى گونه‌هێن وان بۆ وان خه‌ملاندن، وهيڤیێن درێژ دانه وان.
{ 26 } { ذَٰلِكَ بِأَنَّهُمْ قَالُوا لِلَّذِينَ كَرِهُوا مَا نَزَّلَ اللَّهُ سَنُطِيعُكُمْ فِي بَعْضِ الْأَمْرِ ۖ وَاللَّهُ يَعْلَمُ إِسْرَارَهُمْ } ئه‌ڤ دويڤبه‌ردانه بۆ هندێیه دا ئه‌و پتر ب ناڤ كوفرێ ڤه بچن؛ چونكى وان گۆته وان جوهییێن ب وێ نه‌خۆش بووى يا خودێ ئينايه خوارێ: د هنده‌ك كاران دا يێن كو بێ ئه‌مرییا خودێ وپێغه‌مبه‌رى تێدا هه‌ى ئه‌م دێ گوهدارییا هه‌وه كه‌ين. وخودێ وى تشتى دزانت يێ ئه‌و ڤه‌دشێرن، ڤێجا بلا موسلمان هشيار بت و د بێ ئه‌مرییا خودێ وپێغه‌مبه‌رى دا -سلاڤ لێ بن- گوهدارییا كه‌سێ نه‌كه‌ت.
{ 27 } { فَكَيْفَ إِذَا تَوَفَّتْهُمُ الْمَلَائِكَةُ يَضْرِبُونَ وُجُوهَهُمْ وَأَدْبَارَهُمْ } ڤێجا حالێ وان دێ چ بت ده‌مێ فريشته ڕحێن وان دستينن وئه‌و ل ڕوییێن وان و ل پاشییێن وان دده‌ن؟
{ 28 } { ذَٰلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَرِهُوا رِضْوَانَهُ فَأَحْبَطَ أَعْمَالَهُمْ } ئه‌و عه‌زابا ئه‌و گه‌هشتينێ؛ ژ به‌ر هندێیه چونكى وان دويكه‌فتنا وى تشتى كر يێ خودێ پێ ژ وان عێجز ببت، ووان كه‌رب ژ وى تشتى ڤه‌بوو يێ خودێ پێ ژ وان ڕازى ببت ژ كريارێن چاك وه‌كى جيهادا د گه‌ل كافران، ڤێجا خودێ خێرا كريارێن وان پويچ كر.
{ 29 } { أَمْ حَسِبَ الَّذِينَ فِي قُلُوبِهِمْ مَرَضٌ أَنْ لَنْ يُخْرِجَ اللَّهُ أَضْغَانَهُمْ } يان دوڕییان هزركرییه خودێ وێ كه‌رب وكينا د دلێن وان دا دژى ئيسلامێ وموسلمانان هه‌ى ده‌رنائێخت؟ به‌لێ هندى خودێیه مرۆڤێ ڕاستگۆ ويێ دره‌وين ژێك جودا دكه‌ت.
{ 30 } { وَلَوْ نَشَاءُ لَأَرَيْنَاكَهُمْ فَلَعَرَفْتَهُمْ بِسِيمَاهُمْ ۚ وَلَتَعْرِفَنَّهُمْ فِي لَحْنِ الْقَوْلِ ۚ وَاللَّهُ يَعْلَمُ أَعْمَالَكُمْ } وئه‌گه‌ر مه بڤێت -ئه‌ى پێغه‌مبه‌ر- ئه‌م دا وان ب خۆ نيشا ته ده‌ين، ڤێجا تو دا وان ب هنده‌ك نيشانێن ئاشكه‌را نیاسى، وتو دێ وان ب ئاخفتنێ نیاسى ئه‌و ئاخفتنا مرادا وان ئاشكه‌را دكه‌ت. وكريارێن كه‌سێ ژ هه‌وه ل به‌ر خودێ به‌رزه نابن، وئه‌و جزايێ هه‌ر ئێكى دێ ده‌تێ.
{ 31 } { وَلَنَبْلُوَنَّكُمْ حَتَّىٰ نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ } وئه‌م ب شه‌ڕ وجيهادا دوژمێن خودێ دێ هه‌وه جه‌ڕبينين -گه‌لی خودان باوه‌ران- حه‌تا ب كرنا جيهادێ جيهادكه‌ر وصه‌بركێش ئاشكه‌را ببن، وئه‌م دێ گۆتن وكريارێن هه‌وه ژى جه‌ڕبينين دا يێ ڕاستگۆ ژ يێ ده‌روين جودا ببت.
{ 32 } { إِنَّ الَّذِينَ كَفَرُوا وَصَدُّوا عَنْ سَبِيلِ اللَّهِ وَشَاقُّوا الرَّسُولَ مِنْ بَعْدِ مَا تَبَيَّنَ لَهُمُ الْهُدَىٰ لَنْ يَضُرُّوا اللَّهَ شَيْئًا وَسَيُحْبِطُ أَعْمَالَهُمْ } هندى ئه‌ون يێن كوفر ب ته‌وحيدا خودێ كرى، وبه‌رێ خه‌لكى ژ دينێ وى دايه پاش، وبێ ئه‌مرییا پێغه‌مبه‌رێ خودێ سلاڤ لێ بن كرى، وپشتى نيشان وده‌ليل ل سه‌ر ڕاستییا پێغه‌مبه‌رينییا وى بۆ وان ئاشكه‌را بووين وان شه‌ڕێ وى كرى، ئه‌و ب تشته‌كى زيانێ ناگه‌هيننه دينێ خودێ، وخودێ خێرا كريارێن وان د دنيايێ دا كرين پويچ دكه‌ت؛ چونكى وان ئه‌و بۆ كنارێ خودێ نه‌كربوون.
{ 33 } { يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، وكار ب شریعه‌تێ وى كرى، هوين گوهدارییا خودێ وگوهدارییا پێغه‌مبه‌رى د ئه‌مر وفه‌رمانێن وان دا بكه‌ن، وهوين خێرا كريارێن خۆ ب كوفرێ وگونه‌هێ پويچ نه‌كه‌ن.
{ 34 } { إِنَّ الَّذِينَ كَفَرُوا وَصَدُّوا عَنْ سَبِيلِ اللَّهِ ثُمَّ مَاتُوا وَهُمْ كُفَّارٌ فَلَنْ يَغْفِرَ اللَّهُ لَهُمْ } هندى ئه‌ون يێن كوفر ب ته‌وحيدا خودێ كرى وباوه‌رى نه‌ئیناى كو ئه‌و ب تنێ خودایێ دورسته، وبه‌رێ خه‌لكى ژ دينێ وى دايه پاش، وپاشى ل سه‌ر وێ چه‌ندێ مرين، خودێ گونه‌هێن وان بۆ وان ژێ نابه‌ت، وسه‌را كوفرا وان دێ وان عه‌زاب ده‌ت، و ل پێش چاڤێن خه‌لكى دێ وان شه‌رمزار كه‌ت.
{ 35 } { فَلَا تَهِنُوا وَتَدْعُوا إِلَى السَّلْمِ وَأَنْتُمُ الْأَعْلَوْنَ وَاللَّهُ مَعَكُمْ وَلَنْ يَتِرَكُمْ أَعْمَالَكُمْ } ڤێجا هوين -گه‌لی خودان باوه‌ران- ژ جيهادا بوتپه‌رێسان لاواز نه‌بن، و ژ كرنا شه‌ڕێ د گه‌ل وان نه‌ترسن، وبۆ صولحێ وان داخواز نه‌كه‌ن، ويێن بلندتر هوينن، وخودێ ب پشته‌ڤانى وسه‌ركه‌فتنا خۆ يێ د گه‌ل هه‌وه. وئه‌ڤه مزگينییه‌كا مه‌زنه ب سه‌ركه‌فتنا ل سه‌ر نه‌ياران. وخودێ خێرا كريارێن هه‌وه بۆ هه‌وه كێم ناكه‌ت.
{ 36 } { إِنَّمَا الْحَيَاةُ الدُّنْيَا لَعِبٌ وَلَهْوٌ ۚ وَإِنْ تُؤْمِنُوا وَتَتَّقُوا يُؤْتِكُمْ أُجُورَكُمْ وَلَا يَسْأَلْكُمْ أَمْوَالَكُمْ } هه‌ما ژينا دنيايێ يارى وموژيلاهییه. وئه‌گه‌ر هوين باوه‌رییێ ب خودێ وپێغه‌مبه‌رێ وى بينن، وته‌قوایا خودێ بكه‌ن وپێگيرییێ ب فه‌رمانا وى بكه‌ن، ئه‌و دێ خێرا كريارێن هه‌وه ده‌ته هه‌وه، وئه‌و ژ هه‌وه ناخوازت كو هوين مالێ خۆ هه‌مییێ بكه‌نه زه‌كات، به‌لكى ئه‌و دخوازت هوين هنده‌ك مالێ خۆ بكه‌نه زه‌كات.
{ 37 } { إِنْ يَسْأَلْكُمُوهَا فَيُحْفِكُمْ تَبْخَلُوا وَيُخْرِجْ أَضْغَانَكُمْ } ئه‌گه‌ر ئه‌و پسيارا مالێ هه‌وه هه‌مییێ بكه‌ت، ئه‌و دێ هه‌وه وه‌ستينت، وهوين دێ قه‌لسییێ كه‌ن، وئه‌و دێ كه‌ربا دلێن هه‌وه ئاشكه‌را كه‌ت ئه‌گه‌ر وى داخوازا وى تشتى ژ هه‌وه كر يێ هه‌وه ب دانا وى نه‌خۆش بت.
{ 38 } { هَا أَنْتُمْ هَٰؤُلَاءِ تُدْعَوْنَ لِتُنْفِقُوا فِي سَبِيلِ اللَّهِ فَمِنْكُمْ مَنْ يَبْخَلُ ۖ وَمَنْ يَبْخَلْ فَإِنَّمَا يَبْخَلُ عَنْ نَفْسِهِ ۚ وَاللَّهُ الْغَنِيُّ وَأَنْتُمُ الْفُقَرَاءُ ۚ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ } ئه‌ڤه هوين -گه‌لی خودان باوه‌ران- بۆ خه‌رجكرنا مالی د ڕێكا جيهادا دوژمنێن خودێ دا يێن دئێنه گازيكرن، ڤێجا د ناڤ هه‌وه دا هه‌يه يێ قه‌لسییێ دكه‌ت، وهه‌چییێ قه‌لسییێ بكه‌ت هه‌ما ئه‌و قه‌لسییێ ل خۆ دكه‌ت، وخودێیه يێ بێ منه‌ت ژ هه‌وه وهوين هه‌ژارێن وينه، وئه‌گه‌ر هوين پشت بده‌نه باوه‌رییا ب خودێ وپێگيرییا ب فه‌رمانا وى، ئه‌و دێ ملله‌ته‌كێ دى ب هه‌وه گوهۆڕت، پاشى ئه‌و وه‌كى هه‌وه پشت ناده‌نه ئه‌مرێ خودێ، به‌لكى دێ گوهدارییا وى ويا پێغه‌مبه‌رێ وى كه‌ن، و ب مال وجانێ خۆ ئه‌و دێ جيهادێ د ڕێكا وى دا كه‌ن.
