الرَّعْد
{ 1 } { المر ۚ تِلْكَ آيَاتُ الْكِتَابِ ۗ وَالَّذِي أُنْزِلَ إِلَيْكَ مِنْ رَبِّكَ الْحَقُّ وَلَٰكِنَّ أَكْثَرَ النَّاسِ لَا يُؤْمِنُونَ } (المر) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه. ئه‌ڤه ئايه‌تێن قورئانا قه‌در بلنده، وئه‌ڤ قورئانا بۆ ته هاتییه خوارێ -ئه‌ى پێغه‌مبه‌ر- حه‌قییه، نه وه‌كى بوتپه‌رێس دبێژن: كو تو وێ ژ نك خۆ دئينى، و د گه‌ل هندێ ژى پترییا مرۆڤان باوه‌رییێ پێ نائينن وكارى پێ ناكه‌ن.
{ 2 } { اللَّهُ الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا ۖ ثُمَّ اسْتَوَىٰ عَلَى الْعَرْشِ ۖ وَسَخَّرَ الشَّمْسَ وَالْقَمَرَ ۖ كُلٌّ يَجْرِي لِأَجَلٍ مُسَمًّى ۚ يُدَبِّرُ الْأَمْرَ يُفَصِّلُ الْآيَاتِ لَعَلَّكُمْ بِلِقَاءِ رَبِّكُمْ تُوقِنُونَ } خودايێ پاك وبلند ئه‌وه يێ هه‌ر حه‌فت عه‌سمان ب شيانا خۆ وبێ ستوين وه‌كى هوين دبينن بلندكرين، پاشى ئه‌و ل سه‌ر عه‌رشى بلندبوو (ئستواكر) بلندبوونه‌كا بابه‌تى وى بت، ووى ڕۆژ وهه‌يڤ وه‌سا چێكرن مفايێ به‌نییان تێدا هه‌بت، هه‌ر ئێك ژ وان د فه‌له‌كا خۆ دا حه‌تا ڕۆژا قيامه‌تێ دزڤڕت. ئه‌و كارێ دنيايێ وئاخره‌تێ ب ڕێڤه دبه‌ت، ئه‌و وان ئايه‌تان يێن شيانا وى به‌رچاڤ دكه‌ن وهندێ دگه‌هينن كو ژ وى پێڤه‌تر چو خودايێن دى نينن بۆ هه‌وه ئاشكه‌را دكه‌ت؛ دا هوين باوه‌رییێ ب خودێ وڕۆژا قيامه‌تێ بينن، وپه‌رستنێ بۆ وى ب تنێ بكه‌ن.
{ 3 } { وَهُوَ الَّذِي مَدَّ الْأَرْضَ وَجَعَلَ فِيهَا رَوَاسِيَ وَأَنْهَارًا ۖ وَمِنْ كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ ۖ يُغْشِي اللَّيْلَ النَّهَارَ ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ } وئه‌وه يێ عه‌رد به‌رفره‌هـ كرى وڕائێخستى، وبۆ ژيارا هه‌وه ئاماده‌كرى، ووى ئه‌و چيا ل عه‌ردى دانان يێن عه‌ردى ڕادگرن، ووى ئه‌و ڕويبارێن هوين ئاڤێ ژێ ڤه‌دخۆن ومفایى ژێ دبینن ل عه‌ردى دانان، و ژ هه‌ر به‌رهه‌مه‌كى وى دو جۆت تێدا دانان، ڤێجا هنده‌ك يێ سپییه وهنده‌ك يێ ڕه‌شه وهنده‌ك يێ شرينه وهنده‌ك يێ ترشه، ووى شه‌ڤ ب سه‌ر ڕۆژێ دا به‌ردا دا ئه‌و وێ تارى بكه‌ت، ب ڕاستى د ڤێ هه‌مییێ دا ئايه‌ت وعيبره‌ت بۆ وى ملله‌تى هه‌نه يێ هزرا خۆ تێدا بكه‌ت، ومفایى ژێ وه‌ربگرت.
{ 4 } { وَفِي الْأَرْضِ قِطَعٌ مُتَجَاوِرَاتٌ وَجَنَّاتٌ مِنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَىٰ بِمَاءٍ وَاحِدٍ وَنُفَضِّلُ بَعْضَهَا عَلَىٰ بَعْضٍ فِي الْأُكُلِ ۚ إِنَّ فِي ذَٰلِكَ لَآيَاتٍ لِقَوْمٍ يَعْقِلُونَ } و د عه‌ردى دا هنده‌ك پارچه عه‌رد هه‌نه ب ڕه‌خ ئێك ڤه‌نه، هنده‌ك دباشن وئه‌و تشت لێ شين دبت يێ خه‌لك مفایى بۆ خۆ ژێ ببينت، وهنده‌ك دبێ خێر وخرشن تشته‌ك لێ شين نابت، و ل عه‌ردێ باش هنده‌ك باغچه‌يێن ترى هه‌نه، وخودێ شينكاتییێ ژێك جودا ودارقه‌سپێن ل سه‌ر بنه‌كێ شين دبن، ويێن ل سه‌ر گه‌له‌ك بنان شين دبن يێن داين، ئه‌ڤه هه‌مى ل سه‌ر ئێك ئاخێ، و ب ئێك ئاڤێ دئێنه ئاڤدان، به‌لێ د گه‌ل هندێ ژى ڕه‌نگ وتاما وان يا ژێك جودايه، هنده‌ك يێ شرينه وهنده‌ك يێ ترشه، وهنده‌ك ژ وان بۆ خوارنێ ژ هنده‌كان چێتره، هندى د ڤێ چه‌ندێ دايه نيشان بۆ وى هه‌نه يێ دله‌ك هه‌بت و د فه‌رمانا خودێ بگه‌هت.
{ 5 } { وَإِنْ تَعْجَبْ فَعَجَبٌ قَوْلُهُمْ أَإِذَا كُنَّا تُرَابًا أَإِنَّا لَفِي خَلْقٍ جَدِيدٍ ۗ أُولَٰئِكَ الَّذِينَ كَفَرُوا بِرَبِّهِمْ ۖ وَأُولَٰئِكَ الْأَغْلَالُ فِي أَعْنَاقِهِمْ ۖ وَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ } وئه‌گه‌ر تو -ئه‌ى پێغه‌مبه‌ر- ژ نه‌باوه‌رى ئينانا وان مه‌نده‌هۆش ببى پا تشتێ ژ وێ ژى عه‌جێبتر گۆتنا كافرانه ده‌مێ ئه‌و دبێژن: ئه‌رێ ئه‌گه‌ر ئه‌م مرين وبووينه ئاخ جاره‌كا دى دێ ڕابينه‌ڤه؟ ئه‌و ئه‌ون يێن كافرى ب وى خودايێ خۆ كرى يێ ئه‌و ژ چونه‌يێ ئافراندين، وئه‌و ئه‌ون يێن كو ل ڕۆژا قيامه‌تێ زنجير دێ دستويێن وان دا بن، وئه‌ون يێن هه‌ر دێ د ئاگرى دا بن، قه‌ت ژێ ده‌رناكه‌ڤن.
{ 6 } { وَيَسْتَعْجِلُونَكَ بِالسَّيِّئَةِ قَبْلَ الْحَسَنَةِ وَقَدْ خَلَتْ مِنْ قَبْلِهِمُ الْمَثُلَاتُ ۗ وَإِنَّ رَبَّكَ لَذُو مَغْفِرَةٍ لِلنَّاسِ عَلَىٰ ظُلْمِهِمْ ۖ وَإِنَّ رَبَّكَ لَشَدِيدُ الْعِقَابِ } ودره‌وپێكه‌ر به‌رى له‌زێ ل وێ باوه‌رییێ بكه‌ن يا ته‌ناهى وباشى ب دويڤ دا دئێت، ئه‌و له‌زێ ل وێ عه‌زابێ دكه‌ن يا من زوى ب سه‌ر وان دا نه‌ئيناى، و ب ڕاستى عه‌زابدانا دره‌وپێكه‌ران به‌رى وان بۆرییه، ڤێجا چاوا ئه‌و عيبره‌تێ بۆ خۆ ژێ وه‌رناگرن؟ وهندى خودايێ ته‌يه -ئه‌ى پێغه‌مبه‌ر- يێ خودان لێبۆرينه بۆ گونه‌هێن وى مرۆڤى يێ تۆبه بكه‌ت د سه‌ر زۆردارییا وى ڕا، وهندى خودايێ ته‌يه يێ عه‌زاب دژواره بۆ وى يێ ڕژدییێ ل سه‌ر كوفرێ وسه‌رداچوونێ ونه‌گوهدارییا خودێ بكه‌ت.
{ 7 } { وَيَقُولُ الَّذِينَ كَفَرُوا لَوْلَا أُنْزِلَ عَلَيْهِ آيَةٌ مِنْ رَبِّهِ ۗ إِنَّمَا أَنْتَ مُنْذِرٌ ۖ وَلِكُلِّ قَوْمٍ هَادٍ } وكافرێن (مه‌كه‌هێ) دبێژن: پا دێ بلا موعجزه‌یه‌كا به‌رچاڤ بۆ وى هاتبا وه‌كى گۆپالێ مووساى يان حێشترا صالحى، وئه‌و چه‌نده نه ب ده‌ستێ ته‌يه -ئه‌ى پێغه‌مبه‌ر- وهه‌ما كارێ ته ئه‌وه تو په‌ياما خودێ بگه‌هينییه وان، ووان ژ عه‌زابا خودێ بترسينى. وبۆ هه‌ر ملله‌ته‌كى پێغه‌مبه‌ره‌ك هه‌يه به‌رێ وان دده‌ته خودێ.
{ 8 } { اللَّهُ يَعْلَمُ مَا تَحْمِلُ كُلُّ أُنْثَىٰ وَمَا تَغِيضُ الْأَرْحَامُ وَمَا تَزْدَادُ ۖ وَكُلُّ شَيْءٍ عِنْدَهُ بِمِقْدَارٍ } خودايێ پاك وبلند دزانت كانێ هه‌ر مێیه‌ك چ تێشكى د زكێ خۆ دا هل دگرت، وكانێ ئه‌و يێ نێره يان يێ مێیه؟ يێ دلشاده يان يێ به‌ختڕه‌شه؟ وئه‌و دزانت كانێ چ ژ مالبچويكان كێم دبت، دكه‌ڤت يان به‌رى نه‌هـ هه‌يڤییێ دچت، وكانێ چ تشتى هلگرتنا وى زێده دبت، وهه‌ر تشته‌ك ل نك خودێ يێ پيڤايه نه‌كێم دكه‌ت نه‌زێده.
{ 9 } { عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ } خودێ ب وى تشتى يێ زانايه يێ كو ل به‌رچاڤ نه‌بت، و ب وى تشتى ژى يێ ل به‌رچاڤ بت، يێ مه‌زنه د ناڤ وسالۆخه‌تێن خۆ دا، ئه‌و ب خۆ وشيان وپێڤه‌هاتنا خۆ ل سه‌ر هه‌مى چێكرییێن خۆ يێ بلنده.
{ 10 } { سَوَاءٌ مِنْكُمْ مَنْ أَسَرَّ الْقَوْلَ وَمَنْ جَهَرَ بِهِ وَمَنْ هُوَ مُسْتَخْفٍ بِاللَّيْلِ وَسَارِبٌ بِالنَّهَارِ } ل نك وى وه‌كى ئێكه ئه‌وێ گۆتنێ ڤه‌شێرت يان ئاشكه‌را بكه‌ت ژ هه‌وه، و ل نك وى وه‌كى ئێكه يێ ل تارییا شه‌ڤێ ب دزى ڤه كاره‌كى بكه‌ت، يان ل ڕۆژێ ئاشكه‌را بكه‌ت.
{ 11 } { لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ ۗ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ ۚ وَمَا لَهُمْ مِنْ دُونِهِ مِنْ وَالٍ } خودێ هنده‌ك فريشته هه‌نه ل دويڤ ئێك ب سه‌ر مرۆڤى دا دئێن ل به‌ر ده‌ستێ وى و ل پشت وى، ئه‌و ب فه‌رمانا خودێ وى دپارێزن وكريارێن وى يێن باش وخراب دهژمێرن. هندى خودێیه وێ قه‌نجییێ يا وى د گه‌ل ملله‌ته‌كى كرى ناگوهۆڕت حه‌تا ئه‌و وێ فه‌رمانێ نه‌گوهۆڕن يا ل وان هاتییه‌كرن. وئه‌گه‌ر خودێ نه‌خۆشییه‌ك بۆ كۆمه‌كێ ڤيا چو ڕه‌ڤ ژێ نابن، ووان ژبلی خودێ كه‌سه‌ك نابت ل وان ببته خودان، وێ بۆ وان بكه‌ت يا وان دڤێت، ووێ ژ وان دوير بكه‌ت يا وان نه‌ڤێت.
{ 12 } { هُوَ الَّذِي يُرِيكُمُ الْبَرْقَ خَوْفًا وَطَمَعًا وَيُنْشِئُ السَّحَابَ الثِّقَالَ } وئه‌وه يێ ژ نيشانێن خۆ برويسییێ نيشا هه‌وه دده‌ت، ڤێجا هوين دترسن كو ئاگره‌ك ژێ ب سه‌ر هه‌وه دا بێت هه‌وه بسۆژت، وهوین دلێ خۆ دبه‌نه هندێ كو باران بۆ هه‌وه ژێ بێت، و ب شيانا وى عه‌ورێن ب ئاڤه‌كا بۆش دگران بۆ مفايێ هه‌وه چێ دبن.
{ 13 } { وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَنْ يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ } وتۆپ وبرويسى ب سوپاسییا خودێ ته‌سبيحا وى دكه‌ن ته‌سبيحه‌كا هندێ دگه‌هينت كو ئه‌و بن ده‌ستى وينه، وملیاكه‌ت ژ ترسا خودێ دا وى پاك وپيرۆز دكه‌ن، وخودێ برويسییان دهنێرت ڤێجا وى پێ تێ دبه‌ت يێ وى بڤێت ژ به‌نییێن خۆ، وكافر هه‌ڤڕكییێ د ده‌رحه‌قا سالۆخه‌ت وشيانا خودێ دا ل سه‌ر ڕاكرنا پشتى مرنێ دكه‌ن، وئه‌و يێ هێز وشيان وگرتن دژواره بۆ وى يێ گوهدارییا وى نه‌كه‌ت.
{ 14 } { لَهُ دَعْوَةُ الْحَقِّ ۖ وَالَّذِينَ يَدْعُونَ مِنْ دُونِهِ لَا يَسْتَجِيبُونَ لَهُمْ بِشَيْءٍ إِلَّا كَبَاسِطِ كَفَّيْهِ إِلَى الْمَاءِ لِيَبْلُغَ فَاهُ وَمَا هُوَ بِبَالِغِهِ ۚ وَمَا دُعَاءُ الْكَافِرِينَ إِلَّا فِي ضَلَالٍ } گازییا ته‌وحيدێ (لا إله إلا الله) بۆ خودێ ب تنێیه، دوعا وپه‌رستن ژ وى ب تنێ دئێته‌كرن، وئه‌و خوداوه‌ندێن ئه‌و ژبلی خودێ گازى دكه‌نێ به‌رسڤا وان يێن گازى دكه‌نێ ناده‌ن، وحالێ وان د گه‌ل خوداوه‌ندێن وان وه‌كى حالێ وى مرۆڤێ تێهنییه يێ ژ دوير ڤه ده‌ستێ خۆ بۆ ئاڤێ درێژ بكه‌ت؛ دا وێ بگه‌هينته ده‌ڤێ خۆ به‌لێ ئه‌و ناگه‌هتێ، وداخوازا كافران ژ وان خوداوه‌ندان گه‌له‌ك ژ ڕاستییێ يا دويره چونكى ئه‌و شريكان بۆ خودێ چێ دكه‌ن.
{ 15 } { وَلِلَّهِ يَسْجُدُ مَنْ فِي السَّمَاوَاتِ وَالْأَرْضِ طَوْعًا وَكَرْهًا وَظِلَالُهُمْ بِالْغُدُوِّ وَالْآصَالِ ۩ } وهه‌ر تشته‌كێ ل عه‌سمانان وعه‌ردى خۆ بۆ خودێ دچه‌مینت و خۆ ب ده‌ست وى ڤه به‌ردده‌ت، ڤێجا خودان باوه‌ر ژ دل خۆ بۆ وى دچه‌مينن، وكافر ب كوته‌كى وێ چه‌ندێ دكه‌ن؛ چونكى ئه‌و خۆ ژ عه‌بدينییا خودێ بلندتر دبينن، وخوڕستییا وان وان دره‌وين ده‌رتێخت، وسيبه‌را چێكرییان خۆ ب ده‌ست وى ڤه به‌ردده‌ت، وئه‌و ب فه‌رمانا وى ل سپێده وئێڤاران دلڤلڤت.
{ 16 } { قُلْ مَنْ رَبُّ السَّمَاوَاتِ وَالْأَرْضِ قُلِ اللَّهُ ۚ قُلْ أَفَاتَّخَذْتُمْ مِنْ دُونِهِ أَوْلِيَاءَ لَا يَمْلِكُونَ لِأَنْفُسِهِمْ نَفْعًا وَلَا ضَرًّا ۚ قُلْ هَلْ يَسْتَوِي الْأَعْمَىٰ وَالْبَصِيرُ أَمْ هَلْ تَسْتَوِي الظُّلُمَاتُ وَالنُّورُ ۗ أَمْ جَعَلُوا لِلَّهِ شُرَكَاءَ خَلَقُوا كَخَلْقِهِ فَتَشَابَهَ الْخَلْقُ عَلَيْهِمْ ۚ قُلِ اللَّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ } تو -ئه‌ى پێغه‌مبه‌ر- بێژه بوتپه‌رێسان: كییه ئافرانده‌رێ عه‌سمانان وعه‌ردى وڕێڤه‌به‌رێ وان؟ تو بێژه: خودێیه، پاشى ژ بۆ نه‌هێلانا چو هێجه‌تان بۆ وان تو بێژه: ئه‌رێ هه‌وه -ژبلی وى- هنده‌ك خودايێن دى بۆ خۆ گرتينه، وئه‌و نه‌شێن چو مفایى يان زيانێ بگه‌هيننه خۆ حه‌تا بگه‌هيننه هه‌وه، وهه‌وه په‌رستنا خودايێ وان هێلايه؟ تو بێژه وان: ئه‌رێ ما ل نك هه‌وه مرۆڤێ كافر -ئه‌ڤێ وه‌كى كۆره‌ى- ويێ خودان باوه‌ر -كو وه‌كى يێ ب چاڤه- وه‌كى ئێكن؟ يان ل نك هه‌وه كوفر -كو وه‌كى تارییانه- وباوه‌رى -كو ڕۆناهییه- وه‌كى ئێكن؟ يان ئه‌و خودايێن وان بۆ خودێ كرينه هه‌ڤپشك ئافراندنه‌كا وه‌كى يا خودێ دكه‌ن، ڤێجا ئافراندنا وان هه‌ڤپشكان ل به‌ر وان تێكه‌لی ئافراندنا خودێ بوويه، ڤێجا وان هزركرییه كو ئه‌و خوداوه‌ند ژى هێژاى په‌رستنێنه؟ تو بێژه وان: خودێیه ئافرانده‌رێ هه‌مى تشتان ژ چوننه‌يێ، وئه‌و ب تنێیه يێ هێژاى په‌رستنێ، وئه‌وه ئێكێ ب سه‌رڤه‌هاتى يێ هێژاى خوداينی وپه‌رستنێ، نه كو ئه‌و صه‌نه‌مێن نه چو زیانێ نه چو مفایى نه‌گه‌هینن.
{ 17 } { أَنْزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَابِيًا ۚ وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِثْلُهُ ۚ كَذَٰلِكَ يَضْرِبُ اللَّهُ الْحَقَّ وَالْبَاطِلَ ۚ فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ ۚ كَذَٰلِكَ يَضْرِبُ اللَّهُ الْأَمْثَالَ } پاشى خودێ مه‌ته‌له‌ك ل سه‌ر حه‌قییێ ونه‌حه‌قییێ ئينا ب وێ ئاڤا وى ژ عه‌سمانى باراندى، ڤێجا نهالێن عه‌ردى پێ ڕابووين ل دويڤ بچويكى ومه‌زنییا وان، وله‌هییێ كه‌فه‌كا بلند وبێ مفا د گه‌ل خۆ هلگرت. ومه‌ته‌له‌كا دى ئينا: ب وان كه‌ره‌ستێن ئاگرى ل سه‌ر هل دكه‌نێ دا بحه‌لينن وبكه‌نه چه‌ك وه‌كى زێڕى وزيڤى، يان ژى دا مفایه‌كێ دى بۆ خۆ ژێ وه‌ربگرن وه‌كى سفرى، ڤێجا ئه‌و ده‌غه‌لێ بێ مفا وه‌كى وێ كه‌فا ب سه‌ر له‌هییێ كه‌فتى ژێ ده‌ردكه‌ڤت، ب ڤى ڕه‌نگى خودێ مه‌ته‌لا حه‌قه‌يێ ونه‌حه‌قییێ دئينت: ڤێجا نه‌حه‌قى وه‌كى كه‌فا ئاڤێيه پويچ دبت ودچت؛ چونكى چو مفا تێدا نينه، وحه‌قى وه‌كى ئاڤا صافییه، ووه‌كى وى كه‌ره‌ستێ پاقژه ئه‌وێ بۆ مفا ژێ وه‌رگرتنێ ل عه‌ردى دمينت، ووه‌كى وى ئه‌ڤ مه‌ته‌له بۆ هه‌وه ئيناين، وه‌سا ئه‌و مه‌ته‌لان بۆ مرۆڤان دئينت؛ دا حه‌قى ونه‌حه‌قى پێ ژێك بێته ڤاڤارتن.
{ 18 } { لِلَّذِينَ اسْتَجَابُوا لِرَبِّهِمُ الْحُسْنَىٰ ۚ وَالَّذِينَ لَمْ يَسْتَجِيبُوا لَهُ لَوْ أَنَّ لَهُمْ مَا فِي الْأَرْضِ جَمِيعًا وَمِثْلَهُ مَعَهُ لَافْتَدَوْا بِهِ ۚ أُولَٰئِكَ لَهُمْ سُوءُ الْحِسَابِ وَمَأْوَاهُمْ جَهَنَّمُ ۖ وَبِئْسَ الْمِهَادُ } بۆ وان خودان باوه‌رێن گوهدارییا خودێ وپێغه‌مبه‌رێ وى كرى به‌حه‌شت هه‌يه، وبۆ ئه‌وێن گوهدارییا وى نه‌كرى وكافربووين ئاگر هه‌يه، وئه‌گه‌ر هه‌ر تشته‌كێ ل عه‌ردى هه‌ى وهندى وى ژى د گه‌ل دا يێ وان با ئه‌و دا وى هه‌مییێ ده‌ن به‌س دا بشێن خۆ پێ ژ عه‌زابا خودێ ل ڕۆژا قيامه‌تێ بكڕن، وئه‌و ژ وان نائێته قه‌بويلكرن، حسيبا هه‌ر كاره‌كێ خراب يێ وان كرى دێ د گه‌ل وان ئێته‌كرن، ووارێ وان دێ جه‌هنه‌م بت ئه‌و دێ بۆ وان بته جهـ، وئه‌و پيسه جهه وان بۆ خۆ ڕائێخستى.
{ 19 } { أَفَمَنْ يَعْلَمُ أَنَّمَا أُنْزِلَ إِلَيْكَ مِنْ رَبِّكَ الْحَقُّ كَمَنْ هُوَ أَعْمَىٰ ۚ إِنَّمَا يَتَذَكَّرُ أُولُو الْأَلْبَابِ } ئه‌رێ ما ئه‌وێ دزانت كو ئه‌وا بۆ ته -ئه‌ى پێغه‌مبه‌ر- ژ نك خودێ هاتییه خوارێ ڕاستییه وباوه‌رییێ پێ دئينت، وه‌كى وى كۆره‌يه يێ حه‌قییێ نه‌بينت وباوه‌رییێ پێ نه‌ئينت؟ هه‌ما خودان عه‌قلێن دورست مفایى بۆ خۆ ژێ دبينن.
{ 20 } { الَّذِينَ يُوفُونَ بِعَهْدِ اللَّهِ وَلَا يَنْقُضُونَ الْمِيثَاقَ } ئه‌وێن وێ په‌يمانا خودێ پێك دئينن يا وى فه‌رمان پێ ل وان كرى، وئه‌و وێ په‌يمانا موكم يا وان دايه خودێ ناشكێنن.
{ 21 } { وَالَّذِينَ يَصِلُونَ مَا أَمَرَ اللَّهُ بِهِ أَنْ يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ } وئه‌و ئه‌ون يێن وى تشتێ خودێ فه‌رمان ب گه‌هاندنا وى كرى وه‌كى مرۆڤاينییێ وهاريكارییا پێتڤییان دگه‌هينن، وبه‌رێ وان يێ ل خودێ، و ژ هندێ دترسن كو خودێ حسێبێ سه‌را گونه‌هان د گه‌ل وان بكه‌ت، وتشته‌كى ژ وان گونه‌هان بۆ وان ژێ نه‌به‌ت.
{ 22 } { وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلَاةَ وَأَنْفَقُوا مِمَّا رَزَقْنَاهُمْ سِرًّا وَعَلَانِيَةً وَيَدْرَءُونَ بِالْحَسَنَةِ السَّيِّئَةَ أُولَٰئِكَ لَهُمْ عُقْبَى الدَّارِ } وئه‌و ئه‌ون يێن پێخه‌مه‌ت ڕازيبوونا خودێ صه‌بر ل سه‌ر نه‌خۆشییێ وگوهدارییا وى كێشاى، ونڤێژ ب ڕه‌نگه‌كێ تمام پێك ئيناى، وزه‌كاتا مالێ خۆ يا فه‌ر داى، وئاشكه‌را وڤه‌شارتى خێر ژێ داين، و ب باشییێ خرابییێ پاشڤه‌دبه‌ن دا ئه‌و وێ ژێ ببه‌ت، ئه‌وێن ب ڤان سالۆخه‌تان دويماهییا باش ل ئاخره‌تێ بۆ وانه.
{ 23 } { جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ ۖ وَالْمَلَائِكَةُ يَدْخُلُونَ عَلَيْهِمْ مِنْ كُلِّ بَابٍ } ئه‌و دويماهییا هه به‌حه‌شتێن عه‌دنێنه ئه‌و هه‌ر دێ لێ مينن وژێ ده‌رناكه‌ڤن، ئه‌و و د گه‌ل وان دا هه‌چییێ چاك ژ باب وژن ودوونده‌هێن وان ژ نێر ومێیان، وملیاكه‌ت د هه‌مى ده‌رگه‌هان ڕا ب سه‌ر وان ڤه دئێنه ژۆر؛ دا پيرۆزباهییێ ل وان بكه‌ن كو ئه‌و هاتينه به‌حه‌شتێ.
{ 24 } { سَلَامٌ عَلَيْكُمْ بِمَا صَبَرْتُمْ ۚ فَنِعْمَ عُقْبَى الدَّارِ } ملیاكه‌ت دبێژنه وان: ژ به‌ر صه‌برا هه‌وه كێشاى ل سه‌ر گوهدارییا خودێ هوين ژ هه‌ر نه‌خۆشییه‌كێ ب سلامه‌تى بن، ڤێجا به‌حه‌شت چ خۆش خانییێ دويماهییێيه.
{ 25 } { وَالَّذِينَ يَنْقُضُونَ عَهْدَ اللَّهِ مِنْ بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَنْ يُوصَلَ وَيُفْسِدُونَ فِي الْأَرْضِ ۙ أُولَٰئِكَ لَهُمُ اللَّعْنَةُ وَلَهُمْ سُوءُ الدَّارِ } به‌لێ ئه‌و به‌ختڕه‌شێن سالۆخه‌تێن وان دژى سالۆخه‌تێن خودان باوه‌ران، ئه‌و ئه‌ون يێن په‌يمانا خودێ ب جهـ نائينن كو په‌رستنا وى ب تنێ بكه‌ن پشتى وان ئه‌و په‌يمان ل سه‌ر خۆ به‌ستى ژى، وئه‌و ئه‌ون يێن وى تشتى دبڕن يێ خودێ فه‌رمان ب گه‌هاندنا وى داى، و ب كرنا گونه‌هان خرابكارییێ د عه‌ردى دا دكه‌ن، ئه‌ڤه ئه‌وێن ئه‌ڤ سالۆخه‌تێن كرێت ل نك هه‌ين دويركه‌فتنا ژ ڕه‌حما خودێ بۆ وان هه‌يه، و ل ئاخره‌تێ ئه‌و عه‌زابا وان پێ نه‌خۆش بت بۆ وان هه‌يه.
{ 26 } { اللَّهُ يَبْسُطُ الرِّزْقَ لِمَنْ يَشَاءُ وَيَقْدِرُ ۚ وَفَرِحُوا بِالْحَيَاةِ الدُّنْيَا وَمَا الْحَيَاةُ الدُّنْيَا فِي الْآخِرَةِ إِلَّا مَتَاعٌ } خودێ ب تنێیه ڕزقى بۆ وى يێ وى بڤێت ژ به‌نییێن خۆ به‌رفره‌هـ دكه‌ت، و ل سه‌ر وى به‌رته‌نگ دكه‌ت يێ وى بڤێت، وكافران كه‌يف ب به‌رفره‌هییا د ژينا دنيايێ دا دئێت، وئه‌ڤ ژينا دنيايێ به‌رانبه‌ر ئاخره‌تێ خۆشییه‌كا كێم وبه‌روه‌خته، دێ چت ونامينت.
{ 27 } { وَيَقُولُ الَّذِينَ كَفَرُوا لَوْلَا أُنْزِلَ عَلَيْهِ آيَةٌ مِنْ رَبِّهِ ۗ قُلْ إِنَّ اللَّهَ يُضِلُّ مَنْ يَشَاءُ وَيَهْدِي إِلَيْهِ مَنْ أَنَابَ } وكافر ژ ڕكدارى دبێژن: پا دێ بلا موعجزه‌یه‌كا به‌رچاڤ يا وه‌كى موعجزه‌يا مووساى وعيساى بۆ موحه‌ممه‌دى هاتبا خوارێ. تو بێژه وان: هندى خودێیه يێ وى بڤێت ژ ڕكداران ئه‌و وى ژ ڕێكا هيدايه‌تێ به‌رزه دكه‌ت، ڤێجا موعجزه چو مفاى ناگه‌هيننه وى، وبه‌رێ وى دده‌ته دينێ خۆ يێ حه‌ق يێ ل وى بزڤڕت وداخوازا ڕازيبوونا وى بكه‌ت.
{ 28 } { الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ } وئه‌و به‌رێ وان دده‌ته هيدايه‌تێ ئه‌وێن دلێن وان ب ته‌وحيدا خودێ وزكرێ وى ته‌نا وڕحه‌ت دبن، ما نه ب گوهدان وزكرێ خودێ دل ته‌نا وڕحه‌ت دبن.
{ 29 } { الَّذِينَ آمَنُوا وَعَمِلُوا الصَّالِحَاتِ طُوبَىٰ لَهُمْ وَحُسْنُ مَآبٍ } ئه‌وێن باوه‌رى ب خودێ وپێغه‌مبه‌رێ وى ئيناى، وكريارێن چاك كرين خۆشى وچاڤڕوهنى، وحاله‌كێ باش، ودويماهى ولێزڤڕينه‌كا تازه ل به‌حه‌شتێ د ڕازيبوونا خودێ دا بۆ وان هه‌يه.
{ 30 } { كَذَٰلِكَ أَرْسَلْنَاكَ فِي أُمَّةٍ قَدْ خَلَتْ مِنْ قَبْلِهَا أُمَمٌ لِتَتْلُوَ عَلَيْهِمُ الَّذِي أَوْحَيْنَا إِلَيْكَ وَهُمْ يَكْفُرُونَ بِالرَّحْمَٰنِ ۚ قُلْ هُوَ رَبِّي لَا إِلَٰهَ إِلَّا هُوَ عَلَيْهِ تَوَكَّلْتُ وَإِلَيْهِ مَتَابِ } وه‌كى به‌رى ته -ئه‌ى پێغه‌مبه‌ر- مه پێغه‌مبه‌ر هنارتين، وه‌سا مه تو ژى د ناڤ ملله‌ته‌كى دا هنارتى به‌رى وان گه‌له‌ك ملله‌تێن پێغه‌مبه‌ران بۆرينه؛ دا تو بۆ ڤى ملله‌تى وێ قورئانێ يا بۆ ته هاتییه خوارێ بخوينى، وحالێ ملله‌تى ئه‌وه ئه‌و كافرییێ ب ئێكينییا خودايێ ره‌حمان دكه‌ن، تو -ئه‌ى پێغه‌مبه‌ر- بێژه وان: خودايێ ره‌حمان ئه‌وێ هوين باوه‌رییێ ب ئێكينییا وى نائينن خودايێ منه، ژ وى پێڤه‌تر چو خودايێن ب حه‌ق نينن په‌رستن بۆ بێته‌كرن، من خۆ هێلايه ب هيڤییا وى ڤه وباوه‌رى پێ ئینایه، وزڤڕينا من بۆ نك ویيه.
{ 31 } { وَلَوْ أَنَّ قُرْآنًا سُيِّرَتْ بِهِ الْجِبَالُ أَوْ قُطِّعَتْ بِهِ الْأَرْضُ أَوْ كُلِّمَ بِهِ الْمَوْتَىٰ ۗ بَلْ لِلَّهِ الْأَمْرُ جَمِيعًا ۗ أَفَلَمْ يَيْأَسِ الَّذِينَ آمَنُوا أَنْ لَوْ يَشَاءُ اللَّهُ لَهَدَى النَّاسَ جَمِيعًا ۗ وَلَا يَزَالُ الَّذِينَ كَفَرُوا تُصِيبُهُمْ بِمَا صَنَعُوا قَارِعَةٌ أَوْ تَحُلُّ قَرِيبًا مِنْ دَارِهِمْ حَتَّىٰ يَأْتِيَ وَعْدُ اللَّهِ ۚ إِنَّ اللَّهَ لَا يُخْلِفُ الْمِيعَادَ } خودايێ مه‌زن به‌رسڤا وان كافران دده‌ت ئه‌وێن داخوازا هاتنا هنده‌ك موعجزه‌يێن به‌رچاڤ ژ پێغه‌مبه‌رى -سلاڤ لێ بن- كرى ودبێژته وان: وئه‌گه‌ر قورئانه‌ك هه‌با هاتبا خواندن، ڤێجا چيا پێ ژ جهێن خۆ هاتبانه ڕاكرن، يان عه‌رد پێ هاتبا شه‌قكرن وڕويبار ژێ ده‌ركه‌فتبان، يان مرى پێ هاتبانه زێنديكرن وئاخافتن، ئه‌و قورئانا وه‌سا دا ئه‌ڤ قورئانه بت، ووان باوه‌رى پێ نه‌دئينا. به‌لكى كار وفه‌رمان د هاتنا موعجزه‌يان دا و د هه‌ر تشته‌كێ دى دا بۆ خودێ ب تنێیه. ئه‌رێ ڤێجا ما خودان باوه‌ران نه‌زانییه كو ئه‌گه‌ر خودێ ڤيابا دا خه‌لكێ عه‌ردى هه‌مى بێى موعجزه ژى باوه‌رییێ ئينن؟ وكافر هه‌ر دێ مينن -ژ به‌ر كوفرا وان- نه‌خۆشى وگرفتارییێن وه‌كى كوشتنێ وئێخسيركرنێ دێ ب سه‌ر وان دا ئێن، يان ئه‌و نه‌خۆشى وگرفتارى دێ كه‌ڤنه نێزيكى خانییێن وان، حه‌تا سۆزا خودێ ب سه‌ركه‌فتنا ل سه‌ر وان دئێت، هندى خودێیه ژ سۆزێ لێڤه نابت.
{ 32 } { وَلَقَدِ اسْتُهْزِئَ بِرُسُلٍ مِنْ قَبْلِكَ فَأَمْلَيْتُ لِلَّذِينَ كَفَرُوا ثُمَّ أَخَذْتُهُمْ ۖ فَكَيْفَ كَانَ عِقَابِ } وئه‌گه‌ر وان يارى بۆ خۆ ب گازییا ته كربن -ئه‌ى پێغه‌مبه‌ر- ب ڕاستى ملله‌تێن به‌رى ته ژى يارى بۆ خۆ ب پێغه‌مبه‌رێن خۆ كربوون، ڤێجا تو ب خه‌م نه‌كه‌ڤه چونكى من ل دويڤ كافران به‌ردابوو پاشى من ئه‌و ب عه‌زابا خۆ گرتن، وئه‌و عه‌زابه‌كا دژوار بوو.
{ 33 } { أَفَمَنْ هُوَ قَائِمٌ عَلَىٰ كُلِّ نَفْسٍ بِمَا كَسَبَتْ ۗ وَجَعَلُوا لِلَّهِ شُرَكَاءَ قُلْ سَمُّوهُمْ ۚ أَمْ تُنَبِّئُونَهُ بِمَا لَا يَعْلَمُ فِي الْأَرْضِ أَمْ بِظَاهِرٍ مِنَ الْقَوْلِ ۗ بَلْ زُيِّنَ لِلَّذِينَ كَفَرُوا مَكْرُهُمْ وَصُدُّوا عَنِ السَّبِيلِ ۗ وَمَنْ يُضْلِلِ اللَّهُ فَمَا لَهُ مِنْ هَادٍ } ئه‌رێ ڤێجا ما ئه‌وێ ل سه‌ر هه‌ر نه‌فسه‌كێ پێڕابوویى بت وكريارێن وێ بهژمێرت، ئه‌و هێژاتره بێته په‌رستن، يان ئه‌ڤ چێكرییێن بێزار؟ ووان -ژ نه‌زانينا خۆ- هنده‌ك هه‌ڤپشك بۆ خودێ ژ چێكرییێن وى دانان په‌رستن بۆ كر، تو -ئه‌ى پێغه‌مبه‌ر- بێژه وان: هوين ناڤ وسالۆخه‌تێن وان بێژن، وئه‌و تشته‌كى ژ سالۆخه‌تێن وان نابێژن كو ئه‌و پێ هێژاى په‌رستنێ ببن، يان هوين به‌حسێ هنده‌ك هه‌ڤپشكان بۆ خودێ د عه‌ردێ وى دا دكه‌ن ئه‌و پێ ناحه‌ست، يان هوين ب په‌يڤێن سه‌رڤه سه‌رڤه بێى كو ڕاستییه‌ك بۆ هه‌بت وان دكه‌نه هه‌ڤپشك. به‌لكى شه‌يتانى ل به‌ر كافران گۆتنا وان يا نه‌حه‌ق وپاشڤه‌برنا وان ژ ڕێكا خودێ خه‌ملاند. وهه‌چییێ خودێ به‌رێ وى نه‌ده‌ته هيدايه‌تا خۆ وى كه‌س نابت به‌رێ وى بده‌ته حه‌قییێ وسه‌رڕاستییێ.
{ 34 } { لَهُمْ عَذَابٌ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَشَقُّ ۖ وَمَا لَهُمْ مِنَ اللَّهِ مِنْ وَاقٍ } بۆ ڤان كافران ئه‌وێن به‌رێ خه‌لكى ژ ڕێكا خودێ دده‌نه پاش د ژينا دنيايێ دا عه‌زابه‌كا ب زه‌حمه‌ت ب كوشتن وگرتن وشه‌رمزارییێ هه‌يه، وعه‌زابا ئاخره‌تێ گرانتر ودژوارتره، ووان كه‌س نابت عه‌زابا خودێ ژ وان پاشڤه ببه‌ت.
{ 35 } { مَثَلُ الْجَنَّةِ الَّتِي وُعِدَ الْمُتَّقُونَ ۖ تَجْرِي مِنْ تَحْتِهَا الْأَنْهَارُ ۖ أُكُلُهَا دَائِمٌ وَظِلُّهَا ۚ تِلْكَ عُقْبَى الَّذِينَ اتَّقَوْا ۖ وَعُقْبَى الْكَافِرِينَ النَّارُ } سالۆخه‌تێ وێ به‌حه‌شتێ ئه‌وا خودێ سۆز پێ دایه وان یێن ژ وى دترسن، ئه‌ڤه‌يه: ڕويبار د بن داروبار وقه‌سرێن وێ دا دچن، فێقییێ وێ خلاس نابت، وسيبه‌را وێ نه‌كێم دبت ونه‌دچت، ئه‌ڤ جزادانا ب به‌حه‌شتێ دويماهییا وانه يێن ژ خودێ ترسیاین، ڤێجا هوين خۆ ژ بێ ئه‌مرییا وى بده‌نه پاش وفه‌رمانێن وى ب جهـ بينن، ودويماهییا كافران ئاگره.
{ 36 } { وَالَّذِينَ آتَيْنَاهُمُ الْكِتَابَ يَفْرَحُونَ بِمَا أُنْزِلَ إِلَيْكَ ۖ وَمِنَ الْأَحْزَابِ مَنْ يُنْكِرُ بَعْضَهُ ۚ قُلْ إِنَّمَا أُمِرْتُ أَنْ أَعْبُدَ اللَّهَ وَلَا أُشْرِكَ بِهِ ۚ إِلَيْهِ أَدْعُو وَإِلَيْهِ مَآبِ } وئه‌وێن مه كيتاب دايێ ژ جوهى وفه‌لان هه‌چییێ باوه‌رى ب ته ئيناى وه‌كى عه‌بدللاهێ كوڕێ سه‌لامى ونه‌جاشى، ئه‌و مزگينییێ ب وێ قورئانا بۆ ته هاتییه خوارێ دده‌نه ئێك ودو؛ چونكى ئه‌و يا ڕێككه‌فتییه د گه‌ل وێ يا ل نك وان، و ژ وان يێن ل سه‌ر كوفرێ ودژينییا ته كۆمبووين، وه‌كى سه‌ييدى وعاقبى -هه‌ردو قه‌شێن نه‌جرانێ-، وكه‌عبێ كوڕێ ئه‌شره‌فى، هنده‌ك هه‌نه باوه‌رییێ ب هنده‌كێ ژ وێ نائينن يا بۆ ته هاتى، تو بێژه وان: هه‌ما خودێ فه‌رمان يا ل من كرى كو ئه‌ز عه‌بدينییا وى ب تنێ بكه‌م، وچو هه‌ڤپشكان بۆ وى چێ نه‌كه‌م، ئه‌ز به‌رێ خه‌لكى دده‌مه عيباده‌تێ وى، وزڤڕينا من بۆ نك وییه.
{ 37 } { وَكَذَٰلِكَ أَنْزَلْنَاهُ حُكْمًا عَرَبِيًّا ۚ وَلَئِنِ اتَّبَعْتَ أَهْوَاءَهُمْ بَعْدَمَا جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلَا وَاقٍ } وكانێ چاوا مه كيتاب بۆ پێغه‌مبه‌ران ب ئه‌زمانێ وان هنارتينه، وه‌سا مه قورئان ب ئه‌زمانێ عه‌ره‌بان بۆ ته ژى ئينا خوارێ؛ دا تو حوكمى پێ بكه‌ى، وئه‌گه‌ر تو د په‌رستنا ئێكێ دى دا ژبلی خودێ ب دويڤ دلچوونێن كافران بكه‌ڤى -پشتى وێ حه‌قییا بۆ ته ژ نك خودێ هاتى- ته چو سه‌ركار وپشته‌ڤان نابن ته ب سه‌ربێخن و ژ عه‌زابا خودێ بپارێزن.
{ 38 } { وَلَقَدْ أَرْسَلْنَا رُسُلًا مِنْ قَبْلِكَ وَجَعَلْنَا لَهُمْ أَزْوَاجًا وَذُرِّيَّةً ۚ وَمَا كَانَ لِرَسُولٍ أَنْ يَأْتِيَ بِآيَةٍ إِلَّا بِإِذْنِ اللَّهِ ۗ لِكُلِّ أَجَلٍ كِتَابٌ } وئه‌گه‌ر وان گۆت: ته چيه -ئه‌ى پێغه‌مبه‌ر- تو ژنان دئينى؟ ب ڕاستى مه به‌رى ته هنده‌ك پێغه‌مبه‌ر ژ مرۆڤان هنارتينه ومه ژن ودوونده‌هـ داينه وان، وئه‌گه‌ر وان گۆت: ئه‌گه‌ر ئه‌و پێغه‌مبه‌ر با دا وان موعجزه‌يان ئينت يێن مه ژێ خواستين، نه د شيانا پێغه‌مبه‌ره‌كى دايه كو بێى ده‌ستويرییا خودێ ئه‌و موعجزه‌یه‌كێ بۆ ملله‌تێ خۆ بينت. بۆ هه‌ر كاره‌كێ خودێ حه‌زكرى نڤيسينه‌ك وده‌مه‌ك هه‌يه خودێ ل نك خۆ نڤيسییه، نه‌پێش دكه‌ڤت ونه‌پاش دكه‌ڤت.
{ 39 } { يَمْحُو اللَّهُ مَا يَشَاءُ وَيُثْبِتُ ۖ وَعِنْدَهُ أُمُّ الْكِتَابِ } تشتێ خودێ بڤێت ژ حوكمان وهه‌ر تشته‌كێ دى ئه‌و ژێ دبه‌ت، وتشتێ وى بڤێت ئه‌و دهێلت ل دويڤ حكمه‌ته‌كا ئه‌و پێ دزانت، وماكا كیتابێ ل نك وییه، كو له‌وحێ پاراستییه یێ هه‌مى تشت حه‌تا ڕۆژا قیامه‌تێ تێدا هاتینه بنه‌جهكرن.
{ 40 } { وَإِنْ مَا نُرِيَنَّكَ بَعْضَ الَّذِي نَعِدُهُمْ أَوْ نَتَوَفَّيَنَّكَ فَإِنَّمَا عَلَيْكَ الْبَلَاغُ وَعَلَيْنَا الْحِسَابُ } وئه‌گه‌ر هنده‌كێ ژ وێ عه‌زابێ يا مه گه‌ف پێ ل نه‌يارێن ته كرى -ئه‌ى پێغه‌مبه‌ر- ئه‌م د دنيايێ دا نيشا ته بده‌ين ئه‌و ئه‌وه يا بۆ وان هاتییه پێشخستن، وئه‌گه‌ر به‌رى تو وێ چه‌ندێ ببينى ئه‌م ته بمرينين، هه‌ما گه‌هاندنا ئيسلامێ ل سه‌ر ته‌يه، وحسێب وجزادان ل سه‌ر مه‌يه.
{ 41 } { أَوَلَمْ يَرَوْا أَنَّا نَأْتِي الْأَرْضَ نَنْقُصُهَا مِنْ أَطْرَافِهَا ۚ وَاللَّهُ يَحْكُمُ لَا مُعَقِّبَ لِحُكْمِهِ ۚ وَهُوَ سَرِيعُ الْحِسَابِ } ئه‌رێ ما ئه‌ڤ كافره نابينن كو ئه‌م يێن دئێين عه‌ردى ژ ره‌خێن وى ڤه كێم دكه‌ين، كو موسلمان وه‌لاتێ شركێ ڤه‌دكه‌ن و ب سه‌ر وه‌لاتێ ئيسلامێ ڤه به‌ردده‌ن؟ وخودێیه حوكمى دكه‌ت وكه‌س نينه حوكمه‌كێ دى د سه‌ر حوكمێ وى ڕا بكه‌ت، وئه‌و يێ حسێب سڤكه، ڤێجا بلا ئه‌و له‌زێ ل عه‌زابێ نه‌كه‌ن، چونكى هه‌ر تشته‌كێ بێت یێ نێزیكه.
{ 42 } { وَقَدْ مَكَرَ الَّذِينَ مِنْ قَبْلِهِمْ فَلِلَّهِ الْمَكْرُ جَمِيعًا ۖ يَعْلَمُ مَا تَكْسِبُ كُلُّ نَفْسٍ ۗ وَسَيَعْلَمُ الْكُفَّارُ لِمَنْ عُقْبَى الدَّارِ } و ب ڕاستى ئه‌وێن به‌رى وان پيلان بۆ پێغه‌مبه‌رێن خۆ گێڕابوون، وگێڕانا هه‌مى پيلانان بۆ خودێ ب تنێیه، ئه‌وه پيلانێن وان پويچ دكه‌ت، خودێ دزانت كانێ هه‌ر نه‌فسه‌ك چ باشییێ يان خرابییێ دكه‌ت وئه‌و دێ وێ سه‌را جزاده‌ت. وكافر پاشى دێ زانن -ده‌مێ ئه‌و دئێنه نك خودايێ خۆ- كانێ دويماهییا باش پشتى ڤێ دنيايێ بۆ كییه؟ ئه‌و بۆ دویكه‌فتییێن پێغه‌مبه‌رانه. وئه‌ڤه گه‌فه‌كه بۆ كافران.
{ 43 } { وَيَقُولُ الَّذِينَ كَفَرُوا لَسْتَ مُرْسَلًا ۚ قُلْ كَفَىٰ بِاللَّهِ شَهِيدًا بَيْنِي وَبَيْنَكُمْ وَمَنْ عِنْدَهُ عِلْمُ الْكِتَابِ } وئه‌وێن كافر بووين دبێژنه پێغه‌مبه‌رێ خودێ: ئه‌ى موحه‌ممه‌د، خودێ تو نه‌كرییه پێغه‌مبه‌ر، تو بێژه وان: خودێ به‌سه شاهد بت ل سه‌ر ڕاستگۆيیا من ودره‌وينییا هه‌وه، وشاهدییا وان به‌سه يێن زانينا كيتابێ ل نك هه‌ى ژ وان جوهى وفه‌لان يێن باوه‌رى ب پێغه‌مبه‌رينییا من ئيناى، و باوه‌رى ب وێ ئيناى يا ژ نك خودێ هاتى، ودويكه‌فتنا حه‌قییێ كرى وشاهدییا خۆ ئاشكه‌را كرى ونه‌ڤه‌شارتى.
