{ 1 } { بِسْمِ اللَّهِ الرَّحْمَٰنِ الرَّحِيمِ يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ ۖ وَاتَّقُوا اللَّهَ رَبَّكُمْ ۖ لَا تُخْرِجُوهُنَّ مِنْ بُيُوتِهِنَّ وَلَا يَخْرُجْنَ إِلَّا أَنْ يَأْتِينَ بِفَاحِشَةٍ مُبَيِّنَةٍ ۚ وَتِلْكَ حُدُودُ اللَّهِ ۚ وَمَنْ يَتَعَدَّ حُدُودَ اللَّهِ فَقَدْ ظَلَمَ نَفْسَهُ ۚ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا } ئه‌ى پێغه‌مبه‌ر ئه‌گه‌ر ته‌ وخودان باوه‌ران ڤيا هوين ژنێن خۆ به‌رده‌ن هوين ل ده‌مێ پاقژییێ -وبه‌رى چوونا نك وان- وان به‌رده‌ن، وهوين ده‌مێ عددان بهژمێرن؛ دا هوين ده‌مێ زڤڕاندنێ بزانن ئه‌گه‌ر هات وهه‌وه‌ ڤيا وان بزڤڕينن، وهوين ژ خودێ خودايێ خۆ بترسن، هوين ژنێن به‌رداى ژ وان خانییان ده‌رنه‌ئێخن يێن ئه‌و لێ دئاكنجى حه‌تا عدده‌ێن وان خلاس نه‌بن، وعدده‌ سێ ژڤانێن بێ نڤێژیێنه‌، ئه‌و ژن تێ نه‌بن يێن بچويك ويێن ژ عوزران كه‌فتين ويێن ب حه‌مله‌، وبۆ وان چێ نابت ئه‌و ژى ژ وان خانییان ده‌ركه‌ڤن، هنگى تێ نه‌بت ئه‌گه‌ر ئه‌و كرێتییه‌كا ئاشكه‌را بكه‌ن، وئه‌و ئه‌حكام يێن خودێنه‌ وى ئه‌و بۆ به‌نییێن خۆ داناينه‌، وهه‌چییێ پێ ل توخويبێن خودێ بدانت ئه‌و وى زۆردارى ل نه‌فسا خۆ كر، وبه‌رێ وێ دا هيلاكێ. تو -ئه‌ى ئه‌وێ ته‌ ژن به‌رداى- نزانى: به‌لكى خودێ پشتى وێ به‌ردانێ تشته‌كى بكه‌ت ل سه‌ر هزرا ته‌ نه‌بت ڤێجا تو ژنكا خۆ بزڤڕينییه‌ ڤه‌.

{ 2 } { فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِنْكُمْ وَأَقِيمُوا الشَّهَادَةَ لِلَّهِ ۚ ذَٰلِكُمْ يُوعَظُ بِهِ مَنْ كَانَ يُؤْمِنُ بِاللَّهِ وَالْيَوْمِ الْآخِرِ ۚ وَمَنْ يَتَّقِ اللَّهَ يَجْعَلْ لَهُ مَخْرَجًا } ڤێجا ئه‌گه‌ر ئه‌و ژنێن هه‌وه‌ به‌رداين گه‌هشتنه‌ دويماهییا عددێن خۆ، هوين ب جوانى وجامێرى وان بزڤڕينن، وخه‌رجییێ وان بده‌نێ، يان ژى هوين حه‌قێ وان بده‌نێ ووان به‌رده‌ن، بێى كو هوين زيانێ بگه‌هيننێ، وهوين دو زه‌لامێن خۆ يێن عادل ل سه‌ر زڤڕاندنێ يان به‌ردانێ بكه‌نه‌ شاهد، وهوين -گه‌لی شاهدان- بۆ خودێ نه‌ بۆ چو تشتێ دى شاهده‌يیێ بده‌ن، ئه‌ڤا خودێ فه‌رمان پێ ل هه‌وه‌ كرى ئه‌و مفاى ژێ دبينت يێ باوه‌رى ب خودێ وڕۆژا دويماهییێ ئيناى. وهه‌چییێ ژ خودێ بترست وكارى ب فه‌رمانا وى بكه‌ت، هه‌ر ته‌نگاڤییه‌كا هه‌بت خودێ دێ وى ژێ ده‌رێخت.

{ 3 } { وَيَرْزُقْهُ مِنْ حَيْثُ لَا يَحْتَسِبُ ۚ وَمَنْ يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا } و ژ ڕێكه‌كا ئه‌و چو هزرێ بۆ نه‌كه‌ت دێ ده‌رگه‌هێن ڕزقى بۆ وى ڤه‌كه‌ت. وهه‌چییێ خۆ بهێلته‌ ب هيڤییا خودێ ڤه‌ ئه‌و تێرا وى هه‌يه‌ كو خه‌مێن وى نه‌هێلت. هندى خودێیه‌ فه‌رمانا خۆ پێك دئينت، چو ژ ده‌ست وى ده‌رناكه‌ڤت، وچو كار وى بێزار ناكه‌ن، خودێ بۆ هه‌ر تشته‌كى ده‌مه‌ك دانايه‌ ئه‌و دگه‌هتێ، وقه‌ده‌رك بۆ دانايه‌ ئه‌و ژێ ده‌رباز نابت.

{ 4 } { وَاللَّائِي يَئِسْنَ مِنَ الْمَحِيضِ مِنْ نِسَائِكُمْ إِنِ ارْتَبْتُمْ فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ ۚ وَأُولَاتُ الْأَحْمَالِ أَجَلُهُنَّ أَنْ يَضَعْنَ حَمْلَهُنَّ ۚ وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا } وئه‌و ژنێن به‌رداى يێن ژ به‌ر ژییێ خۆ يێ مه‌زن ژ بێ نڤێژییان بێ هيڤى بووين، ئه‌گه‌ر هوين تێدا كه‌فتنه‌ گومانێ وهه‌وه‌ نه‌زانى حوكمێ وان چيه‌؟ عددێن وان سێ مه‌هن، وئه‌وێن بچويك يێن هێشتا نه‌كه‌فتينه‌ بێ نڤێژییێ، عددێن وان ژى سێ مه‌هن. وئه‌و ژنێن ب حه‌مله‌ عددتێن وان ئه‌وه‌ ئه‌و حه‌ملێ خۆ بدانن. وهه‌چییێ ژ خودێ بترست وفه‌رمانێن وى ب جهـ بينت، ئه‌و ل دنيايێ وئاخره‌تێ كارێ وى بۆ وى دێ ب ساناهى ئێخت.

{ 5 } { ذَٰلِكَ أَمْرُ اللَّهِ أَنْزَلَهُ إِلَيْكُمْ ۚ وَمَنْ يَتَّقِ اللَّهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا } ئه‌ڤا هاتییه‌ گۆتن ژ مه‌سه‌لا به‌ردانا ژنان وعددێن وان فه‌رمانا خودێیه‌ يا وى بۆ هه‌وه‌ -گه‌لی مرۆڤان- ئينايه‌ خوارێ؛ دا هوين كارى پێ بكه‌ن. وهه‌چییێ ژ خودێ بترست وته‌قوایا وى بكه‌ت وخۆ ژ بێ ئه‌مرییا وى بده‌ته‌ پاش، وفه‌رمانێن وى ب جهـ بينت، ئه‌و دێ گونه‌هێن وى ژێ به‌ت، وخێرا وى ل ئاخره‌تێ مه‌زن كه‌ت، ووى به‌ته‌ به‌حه‌شتێ.

{ 6 } { أَسْكِنُوهُنَّ مِنْ حَيْثُ سَكَنْتُمْ مِنْ وُجْدِكُمْ وَلَا تُضَارُّوهُنَّ لِتُضَيِّقُوا عَلَيْهِنَّ ۚ وَإِنْ كُنَّ أُولَاتِ حَمْلٍ فَأَنْفِقُوا عَلَيْهِنَّ حَتَّىٰ يَضَعْنَ حَمْلَهُنَّ ۚ فَإِنْ أَرْضَعْنَ لَكُمْ فَآتُوهُنَّ أُجُورَهُنَّ ۖ وَأْتَمِرُوا بَيْنَكُمْ بِمَعْرُوفٍ ۖ وَإِنْ تَعَاسَرْتُمْ فَسَتُرْضِعُ لَهُ أُخْرَىٰ } هوين ژنێن خۆ يێن به‌رداى ل ده‌مێ عددێن وان ل دويڤ شيانێن خۆ ل هنده‌ك جهێن وه‌كى جهێن خۆ ئاكنجى بكه‌ن، وچو زيانێ نه‌گه‌هيننه‌ وان؛ دا د خانى دا ل سه‌ر وان به‌رته‌نگ بكه‌ن، وئه‌گه‌ر ئه‌و ژنێن هه‌وه‌ به‌رداين ب حه‌مله‌ بن، هوين ل ده‌مێ عدده‌ى خه‌رجییێ وان بده‌نێ حه‌تا ئه‌و حه‌ملێ خۆ بدانن، ڤێجا ئه‌گه‌ر وان ب پاره‌ شير دا زارۆكێن خۆ ژ هه‌وه‌، هوين پارێ وان ب دورستى بده‌نێ، وهنده‌ك ژ هه‌وه‌ بلا فه‌رمانێ ب قه‌نجییێ ل ئێك ودو بكه‌ن، وئه‌گه‌ر هوين ل سه‌ر هندێ پێك نه‌هاتن كو ده‌یك شيرى بده‌ته‌ زارۆكى، ل سه‌ر بابێیه‌ كو ژنكه‌كا دى بۆ وى بگرت دا شيرى بده‌تێ.

{ 7 } { لِيُنْفِقْ ذُو سَعَةٍ مِنْ سَعَتِهِ ۖ وَمَنْ قُدِرَ عَلَيْهِ رِزْقُهُ فَلْيُنْفِقْ مِمَّا آتَاهُ اللَّهُ ۚ لَا يُكَلِّفُ اللَّهُ نَفْسًا إِلَّا مَا آتَاهَا ۚ سَيَجْعَلُ اللَّهُ بَعْدَ عُسْرٍ يُسْرًا } زه‌لام بلا ل دويڤ وى ڕزقێ خودێ دايێ خه‌رجییێ بده‌ته‌ ژنا خۆ يا وى به‌رداى، وبلا مالی بده‌ته‌ زارۆكێ خۆ ژى ئه‌گه‌ر به‌ر ده‌ستێ وى يێ فره‌هـ بت، وئه‌وێ ڕزق ل سه‌ر هاتییه‌ به‌رته‌نگ كرن كو مرۆڤێ فه‌قيره‌ بلا ئه‌و ژى ل دويڤ شيانا خۆ خه‌رجى بده‌ت، داخوازا هندێ ژ فه‌قيرى نائێته‌كرن هندى ژ زه‌نگينى دئێته‌كرن، پشتى نه‌خۆشییێ وته‌نگاڤییێ خودێ دێ كه‌ته‌ خۆشى وبه‌رفره‌هى.

{ 8 } { وَكَأَيِّنْ مِنْ قَرْيَةٍ عَتَتْ عَنْ أَمْرِ رَبِّهَا وَرُسُلِهِ فَحَاسَبْنَاهَا حِسَابًا شَدِيدًا وَعَذَّبْنَاهَا عَذَابًا نُكْرًا } وگه‌له‌ك گوندان خه‌لكێ وان بێ ئه‌مرییا خودێ وپێغه‌مبه‌رێ وى كربوو وزێده‌ ب ناڤ كوفر وسه‌رداچوونێ ڤه‌ چووبوون، ڤێجا مه‌ حسێبه‌كا دژوار سه‌را كريارێن وان د گه‌ل وان كر، و ب عه‌زابه‌كا مه‌زن وكرێت مه‌ ئه‌و عه‌زابدان.

{ 9 } { فَذَاقَتْ وَبَالَ أَمْرِهَا وَكَانَ عَاقِبَةُ أَمْرِهَا خُسْرًا } ڤێجا وان تام كره‌ دويماهییا خراب يا كوفر وسه‌رداچوونا خۆ، ودويماهییا كوفرا وان تێچوون وزيانا مه‌زن بوو.

{ 10 } { أَعَدَّ اللَّهُ لَهُمْ عَذَابًا شَدِيدًا ۖ فَاتَّقُوا اللَّهَ يَا أُولِي الْأَلْبَابِ الَّذِينَ آمَنُوا ۚ قَدْ أَنْزَلَ اللَّهُ إِلَيْكُمْ ذِكْرًا } خودێ عه‌زابه‌كا دژوار بۆ ڤان ملله‌تێن سه‌رداچووين وبێ ئه‌مرییا وى وپێغه‌مبه‌رێ وى كرى ئاماده‌ كربوو، ڤێجا هوين ته‌قوایا خودێ بكه‌ن و ژ غه‌زه‌با وى بترسن گه‌لی خودان عه‌قلان يێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى. ب ڕاستى خودێ بيرئينانه‌ك بۆ هه‌وه ‌-گه‌لی خودان باوه‌ران- ئينا خوارێ بيرا هه‌وه‌ پێ بێته‌ ڤه‌، وهه‌وه‌ ل بارا هه‌وه‌ ژ باوه‌رییێ وگوهدانێ ئاگه‌هدار بكه‌ت.

{ 11 } { رَسُولًا يَتْلُو عَلَيْكُمْ آيَاتِ اللَّهِ مُبَيِّنَاتٍ لِيُخْرِجَ الَّذِينَ آمَنُوا وَعَمِلُوا الصَّالِحَاتِ مِنَ الظُّلُمَاتِ إِلَى النُّورِ ۚ وَمَنْ يُؤْمِنْ بِاللَّهِ وَيَعْمَلْ صَالِحًا يُدْخِلْهُ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا أَبَدًا ۖ قَدْ أَحْسَنَ اللَّهُ لَهُ رِزْقًا } وئه‌ڤ بيرئينانه‌ ئه‌و پێغه‌مبه‌ره‌ يێ وان ئايه‌تێن خودێ بۆ هه‌وه‌ بخوينت يێن حه‌قییێ ئاشكه‌را دكه‌ن؛ دا ئه‌و وان يێن باوه‌رى ب خودێ وپێغه‌مبه‌رێ وى ئيناى، وكار ب ئه‌مر وفه‌رمانا وى كرى ژ تارییێن كوفرێ ده‌ربێخته‌ ڕۆناهییا باوه‌رییێ، وهه‌چییێ باوه‌رییێ ب خودێ بينت وكاره‌كێ چاك بكه‌ت، ئه‌و دێ وى كه‌ته‌ د وان به‌حه‌شتان دا يێن ڕويبار د بن دار وبارێن وان دا دچن، هه‌روهه‌ر دێ تێدا مينن، ب ڕاستى خودێ ڕزقه‌كێ باش د به‌حه‌شتێ دا يێ دايه‌ مرۆڤێ چاك.

{ 12 } { اللَّهُ الَّذِي خَلَقَ سَبْعَ سَمَاوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَىٰ كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا } خودێ ب تنێیه‌ يێ حه‌فت عه‌سمان ئافراندين، و ژ عه‌ردى ژى حه‌فت ئافراندين، ووى فه‌رمان ب وێ ئينايه‌ خوارێ يا وى بۆ پێغه‌مبه‌رێن خۆ هنارتى و ب وێ يا ئه‌و د ناڤبه‌را عه‌سمانان وعه‌ردى دا خه‌لكى پێ ب ڕێڤه‌ دبه‌ت؛ دا هوين -گه‌لی مرۆڤان- بزانن كو خودێ ل سه‌ر هه‌ر تشته‌كى يێ خودان شيانه‌ چو تشت ل به‌ر وى ئاسێ نابت، وكو خودێ ب زانينێ دۆر ل هه‌ر تشته‌كى گرتییه‌، ڤێجا تشته‌ك ژ بن زانين وشيانا وى ده‌رناكه‌ڤت.