{ 1 } { بِسْمِ اللَّهِ الرَّحْمَٰنِ الرَّحِيمِ يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ ۚ وَاللَّهُ غَفُورٌ رَحِيمٌ } ئه‌ى پێغه‌مبه‌ر بۆچى تو وى تشتێ خودێ بۆ ته‌ حه‌لالكرى ل سه‌ر خۆ حه‌رام دكه‌ى؟ تو دخوازى ژنكێن ته‌ ژ ته‌ ڕازى ببن؟ وخودێ باش گونه‌هـ ژێبره‌ بۆ ته‌، ويێ دلۆڤانكاره‌ ب ته‌.

{ 2 } { قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ } گه‌لی خودان باوه‌ران خودێ كفاره‌تا سويندێ بۆ وى دانايه‌ يێ بڤێت سويندا خۆ بشكێنت، وئه‌ڤ كفاره‌ته‌ ئه‌ڤه‌يه‌: ئه‌و خوارنێ بده‌ته‌ ده‌هـ فه‌قيران، يان جلكى بده‌ته‌ وان، يان عه‌بده‌كى ئازا بكه‌ت، ويێ نه‌شێت چو ژ ڤان هه‌ر سێیان بكه‌ت دێ سێ ڕۆژییان گرت. وخودێ سه‌ركارێ هه‌وه‌يه‌ وئه‌وه‌ هه‌وه‌ ب سه‌ردئێخت، وئه‌و يێ پڕزانايه‌ ب وى تشتێ ب كێر هه‌وه‌ بێت له‌و ئه‌و وى بۆ هه‌وه‌ دكه‌ته‌ شريعه‌ت، د كار وگۆتنێن خۆ دا يێ كاربنه‌جهه‌.

{ 3 } { وَإِذْ أَسَرَّ النَّبِيُّ إِلَىٰ بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَنْ بَعْضٍ ۖ فَلَمَّا نَبَّأَهَا بِهِ قَالَتْ مَنْ أَنْبَأَكَ هَٰذَا ۖ قَالَ نَبَّأَنِيَ الْعَلِيمُ الْخَبِيرُ } وده‌مێ پێغه‌مبه‌رى گۆتنه‌ك ب نه‌په‌نى ڤه‌ گه‌هاندییه‌ ژنكا خۆ حه‌فصايێ -خودێ ژێ ڕازى بت-، ڤێجا ده‌مێ وێ ئه‌و گۆتن بۆ عائيشايێ -خودێ ژێ ڕازى بت- گۆتى، وخودێ ئه‌و ئاگه‌هداركرى كو وێ سررا وى ئاشكه‌راكرییه‌، وى هنده‌ك ژ وێ گۆتنا عائيشايێ گۆتییێ بۆ حه‌فصايێ گۆت، وهنده‌ك هێلا بۆ نه‌گۆت، ڤێجا ده‌مێ وى ئه‌و ئاگه‌هدار كرى كو وى يێ زانى كو وێ سررا وى يا ئاشكه‌راكرى، حه‌فصايێ گۆتێ: كێ ئه‌ڤه‌ بۆ ته‌ گۆتییه‌؟ وى گۆت: خودايێ پڕزانا وشاره‌زا، يێ چو تشت ل به‌ر وى نه‌ئێنه‌ ڤه‌شارتن، يێ گۆتییه‌ من.

{ 4 } { إِنْ تَتُوبَا إِلَى اللَّهِ فَقَدْ صَغَتْ قُلُوبُكُمَا ۖ وَإِنْ تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ ۖ وَالْمَلَائِكَةُ بَعْدَ ذَٰلِكَ ظَهِيرٌ } ئه‌گه‌ر هوين هه‌ردو (حه‌فصا وعائيشا) ل خۆ بزڤڕن وتۆبه‌ بكه‌ن، ب ڕاستى هه‌وه‌ ئه‌و كرییه‌ يا پێتڤییه‌ تۆبه‌ ژێ بێته‌كرن، ده‌مێ هه‌وه‌ دلێ خۆ برییه‌ وى تشتى يێ پێغه‌مبه‌رێ خودێ -سلاڤ لێ بن- نه‌ڤياى، كو سررا وى به‌لاڤ ببت، وهوين هاريكارییا ئێك ودو بكه‌ن ل سه‌ر وى تشتێ وى پێ نه‌خۆش، ڤێجا هندى خودێیه‌ سه‌ركار وپشته‌ڤانێ وییه‌، وجبريل وچاكێن خودان باوه‌ران ژى، وفريشته‌ ژى پشتى خودێ پشته‌ڤان وهاريكارێن وينه‌ دژى هه‌ر كه‌سه‌كێ نه‌ياره‌تییا وى بكه‌ت ووى بێشينت.

{ 5 } { عَسَىٰ رَبُّهُ إِنْ طَلَّقَكُنَّ أَنْ يُبْدِلَهُ أَزْوَاجًا خَيْرًا مِنْكُنَّ مُسْلِمَاتٍ مُؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا } ئه‌گه‌ر وى هوين -گه‌لی ژنكان- به‌ردان به‌لكى خودايێ وى هنده‌ك ژنێن دى بكه‌ته‌ ڕزقێ وى هه‌رده‌م ئه‌و د فه‌رمانا خودێ دا بن، وباوه‌رییێ ب خودێ وپێغه‌مبه‌رێ وى بينن، د عيباده‌تكه‌ر بن، ل وى تشتى بزڤڕن يێ خودێ دڤێت، وگه‌له‌ك په‌رستنا وى بكه‌ن، دڕۆژيگر بن، هنده‌ك بيژن بن، وهنده‌ك كچ بن.

{ 6 } { يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين خۆ وعه‌يالێ خۆ ب گوهدانا فه‌رمانا خودێ ژ وى ئاگرى بپارێزن يێ ب مرۆڤ وبه‌ران دئێته‌ هلكرن، هنده‌ك ملياكه‌تێن ب هێز وزڤر خه‌لكێ وى ئاگرى عه‌زاب دده‌ن، وئه‌و بێ ئه‌مرییا خودێ ناكه‌ن، ووى تشتى دكه‌ن يێ فه‌رمان پێ ل وان دئێته‌كرن.

{ 7 } { يَا أَيُّهَا الَّذِينَ كَفَرُوا لَا تَعْتَذِرُوا الْيَوْمَ ۖ إِنَّمَا تُجْزَوْنَ مَا كُنْتُمْ تَعْمَلُونَ } وده‌مێ ئه‌وێن كوفر ب ته‌وحيدا خودێ كرى دچنه‌ ئاگرى بۆ وان دئێته‌ گۆتن: هوين ئه‌ڤرۆ چو هێجه‌تان بۆ خۆ نه‌گرن؛ چونكى هه‌ما ب وى تشتى هوين دێ ئێنه‌ جزادان يێ هه‌وه‌ د دنيايێ دا دكر.

{ 8 } { يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَىٰ رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ ۖ نُورُهُمْ يَسْعَىٰ بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا ۖ إِنَّكَ عَلَىٰ كُلِّ شَيْءٍ قَدِيرٌ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى وكار ب شریعه‌تێ وى كرى، هوين ژ گونه‌هێن خۆ تۆبه‌ بكه‌ن تۆبه‌يه‌كا وه‌سا يا زڤڕينا ل گونه‌هێ د دويڤ دا نه‌بت، به‌لكى خودايێ هه‌وه‌ گونه‌هێن هه‌وه‌ ژێ ببه‌ت، وهه‌وه‌ بكه‌ته‌ د وان به‌حه‌شتان دا يێن ڕويبار د بن قه‌سرێن وان دا دچن، ڕۆژا خودێ پێغه‌مبه‌رى وئه‌وێن د گه‌ل وى باوه‌رى ئيناى شه‌رمزار ناكه‌ت، ووان عه‌زاب ناده‌ت، به‌لكى قه‌درێ وان بلند دكه‌ت، ڕۆناهییا وان ل به‌راهییا وان و ل ڕاستا وان دچت، ئه‌و دبێژن: خودايێ مه‌ تو ڕۆناهییا مه‌ بۆ مه‌ پێك بينه‌ حه‌تا ئه‌م ژ پرا صراطێ ده‌رباز دبين، ودچينه‌ به‌حه‌شتێ، وتو گونه‌هان بۆ مه‌ ڤه‌شێره‌، هندى تويى تو ل سه‌ر هه‌ر تشته‌كى يێ خودان شيانى.

{ 9 } { يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ ۚ وَمَأْوَاهُمْ جَهَنَّمُ ۖ وَبِئْسَ الْمَصِيرُ } ئه‌ى پێغه‌مبه‌ر تو جيهادا وان بكه‌ يێن كوفر ئاشكه‌راكرى، وتو ب شيرى شه‌ڕێ وان بكه‌، وتو ب دياركرنا ده‌ليلان جيهادێ د گه‌ل وان ژى بكه‌ يێن كوفر د دل دا ڤه‌شارتى، وتو دژوارى وزڤڕاتییێ د گه‌ل هه‌ر دو ده‌سته‌كان ب كار بينه‌، وجهێ وان يێ ئه‌و ل ئاخره‌تێ لێ دزڤڕن جه‌هنه‌مه‌، وپيسه‌ جهێ لێ زڤرينێیه‌ يێ ئه‌و دچنێ.

{ 10 } { ضَرَبَ اللَّهُ مَثَلًا لِلَّذِينَ كَفَرُوا امْرَأَتَ نُوحٍ وَامْرَأَتَ لُوطٍ ۖ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا فَلَمْ يُغْنِيَا عَنْهُمَا مِنَ اللَّهِ شَيْئًا وَقِيلَ ادْخُلَا النَّارَ مَعَ الدَّاخِلِينَ } خودێ مه‌ته‌له‌ك ل سه‌ر حالێ ڤان كافران ئينا -كو ئه‌و تێكه‌لییا موسلمانان دكه‌ن وئه‌ڤ تێكه‌لییه‌ چو مفاى ناگه‌هينته‌ وان- ب حالێ ژنا پێغه‌مبه‌رێ خودێ نووحى، وژنا پێغه‌مبه‌رێ خودێ لووطى: ئه‌و هه‌ردو ژنێن دو به‌نییێن مه‌ يێن چاك بوون، ئينا وان خيانه‌ت د دينى دا ل وان كر، وهه‌ردو كافر بوون، ڤێجا ڤان هه‌ردو پێغه‌مبه‌ران چو مفا نه‌گه‌هانده‌ وان ده‌مێ عه‌زابا خودێ ب سه‌ر وان دا هاتى، وبۆ وان هه‌ردو ژنكان هاته‌ گۆتن: هوين ژى د گه‌ل وان هه‌ڕن يێن دچنه‌ ئاگرى. وئه‌ڤه‌ ده‌ليله‌ كو مرۆڤاينییا پێغه‌مبه‌ر وچاكان چو مفاى ناگه‌هينته‌ مرۆڤى ئه‌گه‌ر كارێ مرۆڤى يێ خراب بت.

{ 11 } { وَضَرَبَ اللَّهُ مَثَلًا لِلَّذِينَ آمَنُوا امْرَأَتَ فِرْعَوْنَ إِذْ قَالَتْ رَبِّ ابْنِ لِي عِنْدَكَ بَيْتًا فِي الْجَنَّةِ وَنَجِّنِي مِنْ فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ } وخودێ مه‌ته‌له‌ك ل سه‌ر حالێ ڤان خودان باوه‌ران ئينا -يێن باوه‌رى ب خودێ ئيناى، وكو تێكه‌لییا وان د گه‌ل كافران چو زيانێ ناگه‌هينته‌ وان- ب حالێ ژنا فيرعه‌ونى ئه‌وا ل نك دژوارترين كافرى، وئه‌وێ باوه‌رى ب خودێ هه‌بوو، ده‌مێ وێ گۆتى: خودايێ من تو خانییه‌كى بۆ من ل نك خۆ د به‌حه‌شتێ دا ئاڤاكه‌، وتو من ژ ده‌سهه‌لاتا فيرعه‌ونى، وكارێ وى يێ خراب ڕزگار بكه‌، وتو من ژ ملله‌تێ وى يێ زۆردار وعه‌زابا وان ڕزگار بكه‌.

{ 12 } { وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا فَنَفَخْنَا فِيهِ مِنْ رُوحِنَا وَصَدَّقَتْ بِكَلِمَاتِ رَبِّهَا وَكُتُبِهِ وَكَانَتْ مِنَ الْقَانِتِينَ } وخودێ مه‌ته‌له‌ك بۆ خودان باوه‌ران ب مه‌ريه‌ما كچا عمرانى ئينا ئه‌وا خۆ ده‌همه‌ن پاقژكرى، وخۆ ژ كرێتییێ دايه‌ پاش، ڤێجا خودێ فه‌رمان ل جبريلی كر كو پفكه‌ته‌ د به‌ريكا كراسێ وێ دا، ڤێجا ب وێ ئه‌و ب عيساى -سلاڤ لێ بن- ب حه‌مله‌ كه‌فت، ووێ باوه‌رى ب په‌يڤێن خودايێ خۆ ئينا، وكار ب شريعه‌تێ وى كر، و ب وان كيتابێن وى بۆ پێغه‌مبه‌رێن خۆ ئيناينه‌ خوارێ، وئه‌و ژ وان بوو يێن گوهدارییا وى كرى.