الانفِطار
{ 1 } { بِسْمِ اللَّهِ الرَّحْمَٰنِ الرَّحِيمِ إِذَا السَّمَاءُ انْفَطَرَتْ } ئه‌گه‌ر عه‌سمان شه‌ق بوو، وسه‌ر وبه‌رێ وى تێك چوو.
{ 2 } { وَإِذَا الْكَوَاكِبُ انْتَثَرَتْ } وئه‌گه‌ر ستێر كه‌فتن.
{ 3 } { وَإِذَا الْبِحَارُ فُجِّرَتْ } وئه‌گه‌ر ده‌ريا تژى بوون، ڤێجا په‌قين و د سه‌ر دا چوون.
{ 4 } { وَإِذَا الْقُبُورُ بُعْثِرَتْ } وئه‌گه‌ر گۆڕ هاتنه ڤه‌كرن ومرى ژێ ده‌ركه‌فتن.
{ 5 } { عَلِمَتْ نَفْسٌ مَا قَدَّمَتْ وَأَخَّرَتْ } هنگى هه‌ر نه‌فسه‌ك هه‌مى كارێ خۆ دێ زانت، كانێ ل پێشییێ چ كرییه و ل پاشییێ چ كرییه، ودێ پێ ئێته جزادان.
{ 6 } { يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ } ئه‌ى مرۆڤێ باوه‌رییێ ب ڕابوونا پشتى مرنێ نائينت، ئه‌و چيه به‌رێ ته دايه هندێ كو تو شركێ ب خودايێ خۆ بكه‌ى يێ كو پێتڤى بوو ته شوكرا وى كربا.
{ 7 } { الَّذِي خَلَقَكَ فَسَوَّاكَ فَعَدَلَكَ } ئه‌وێ تو ئافراندى ڤێجا تو ڕاست ودورست كرى، دا تو بشێى ب كارێ خۆ ڕاببى.
{ 8 } { فِي أَيِّ صُورَةٍ مَا شَاءَ رَكَّبَكَ } و ب چى ڕه‌نگێ وى ڤياى وى تو ئافراندى؟
{ 9 } { كَلَّا بَلْ تُكَذِّبُونَ بِالدِّينِ } وه نينه وه‌كى هوين دبێژن كو د په‌رستنا ئێكێ دى دا ژبلی خودێ هوين دحه‌قن، به‌لكى هوين دره‌وێ ب ڕۆژا حسێب وجزادانێ دكه‌ن.
{ 10 } { وَإِنَّ عَلَيْكُمْ لَحَافِظِينَ } وهندى هوينن هنده‌ك فريشته‌يێن پارێزڤان و ب قه‌در ل نك خودێ زێرڤانییێ ل هه‌وه دكه‌ن.
{ 11 } { كِرَامًا كَاتِبِينَ } و ئەو لنک خودێ ب قەدرن وێ ل سه‌ر هه‌وه دنڤيسن يا فه‌رمان ب نڤيسينا وێ ل وان هاتییه‌كرن، تشته‌ك ژ كار ونهێنییێن هه‌وه ژ وان ناچن.
{ 12 } { يَعْلَمُونَ مَا تَفْعَلُونَ } ئه‌و دزانن كانێ هوين چ باشى وخرابییان دكه‌ن.
{ 13 } { إِنَّ الْأَبْرَارَ لَفِي نَعِيمٍ } هندى ئه‌و ته‌قوادارن يێن كو حه‌قێ خودێ وحه‌قێ به‌نییان ب جهـ دئينن د خۆشییێ دانه.
{ 14 } { وَإِنَّ الْفُجَّارَ لَفِي جَحِيمٍ } وهندى ئه‌و سه‌رداچووينه يێن ته‌خسيرى د حه‌قێ خودێ ويێ به‌نییان دا كرى ئه‌و د ئاگرى دانه.
{ 15 } { يَصْلَوْنَهَا يَوْمَ الدِّينِ } ڕۆژا جزادانێ گوڕییا وى دگه‌هته وان.
{ 16 } { وَمَا هُمْ عَنْهَا بِغَائِبِينَ } وئه‌و ژ عه‌زابا جه‌هنه‌مێ ددوير نينن نه ژێ ده‌ردكه‌ڤن ونه تێدا دمرن.
{ 17 } { وَمَا أَدْرَاكَ مَا يَوْمُ الدِّينِ } وما تو چ دزانى كانێ مه‌زنییا ڕۆژا حسێبێ چه‌نده؟
{ 18 } { ثُمَّ مَا أَدْرَاكَ مَا يَوْمُ الدِّينِ } پاشى ما تو چ دزانى مه‌زنییا ڕۆژا حسێبێ چه‌نده؟
{ 19 } { يَوْمَ لَا تَمْلِكُ نَفْسٌ لِنَفْسٍ شَيْئًا ۖ وَالْأَمْرُ يَوْمَئِذٍ لِلَّهِ } ڕۆژا حسێبێ كه‌س نه‌شێت مفاى بگه‌هينته كه‌سێ، وفه‌رمان هه‌مى وێ ڕۆژێ يا خودێیه كه‌س نه‌شێته وى، وچو هه‌ڤڕك بۆ وى نابن.
عربة الشراء 