الحَديد
{ 1 } { بِسْمِ اللَّهِ الرَّحْمَٰنِ الرَّحِيمِ سَبَّحَ لِلَّهِ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ } هه‌ر تشته‌كێ ل عه‌سمانان وعه‌ردى ژ هه‌مى چێكرییان خودێ پاك وپيرۆز كرییه، وئه‌وه يێ ل سه‌ر خه‌لكى زال، يێ كاربنه‌جهـ د ڕێڤه‌برنا كارێ وان دا.
{ 2 } { لَهُ مُلْكُ السَّمَاوَاتِ وَالْأَرْضِ ۖ يُحْيِي وَيُمِيتُ ۖ وَهُوَ عَلَىٰ كُلِّ شَيْءٍ قَدِيرٌ } ملكێ عه‌سمانان وعه‌ردى وهه‌ر تشته‌كێ د ناڤ دا يێ وییه، ئه‌وه خودان يێ خه‌لكى ب ڕێڤه دبه‌ت، ژينێ ومرنێ دده‌ت، وئه‌و ل سه‌ر هه‌ر تشته‌كى يێ خودان شيانه، تشته‌ك نينه ل به‌ر وى ئاسێ ببت، يا وى بڤێت ئه‌و دكه‌ت، ويا وى نه‌ڤێت نابت.
{ 3 } { هُوَ الْأَوَّلُ وَالْآخِرُ وَالظَّاهِرُ وَالْبَاطِنُ ۖ وَهُوَ بِكُلِّ شَيْءٍ عَلِيمٌ } ئه‌و يێ ئێكێیه كه‌س به‌رى وى نينه، وئه‌و يێ دويماهیێیه كه‌س پشتى وى نينه، ويێ ئاشكه‌رايه كه‌س د سه‌ر وى دا نينه، ويێ ڤه‌شارتییه كه‌س د بن وى دا نينه، وتشته‌ك نه ل عه‌ردى ونه ل عه‌سمانى ل وى به‌رزه نابت، وئه‌و ب هه‌ر تشته‌كى يێ پڕزانايه.
{ 4 } { هُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۚ يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيهَا ۖ وَهُوَ مَعَكُمْ أَيْنَ مَا كُنْتُمْ ۚ وَاللَّهُ بِمَا تَعْمَلُونَ بَصِيرٌ } ئه‌وه عه‌سمان وعه‌رد وهه‌ر تشته‌كێ د ناڤبه‌رێ دا د شه‌ش ڕۆژان دا ئافراندى، پاشى ل سه‌ر عه‌رشێ خۆ بلند بوو وئستيوا كر ئستيوائه‌كا بابه‌تى وى بت، ئه‌و دزانت كانێ چ باران ودندك وهه‌ر تشته‌كێ دى دچته د عه‌ردى ڕا، وكانێ چ ژێ ده‌ردكه‌ڤت ژ شينكاتى وداروباران، وكانێ چ ژ عه‌سمانى دئێته خوارێ ژ بارانێ، وكانێ چ بلند دبتێ ژ ملياكه‌ت وكرياران، وئه‌و ب زانينا خۆ يێ د گه‌ل هه‌وه ل هه‌ر جهه‌كێ هوين لێ بن، وخودێ وان كرياران دبينت يێن هوين دكه‌ن، وئه‌و دێ هه‌وه سه‌را وان جزا ده‌ت.
{ 5 } { لَهُ مُلْكُ السَّمَاوَاتِ وَالْأَرْضِ ۚ وَإِلَى اللَّهِ تُرْجَعُ الْأُمُورُ } ملكێ عه‌سمانان وعه‌ردى يێ وییه، و دويماهییا كريارێن خه‌لكى ل ئاخره‌تێ بۆ نك خودێیه، وئه‌و دێ جزايێ وان سه‌را ده‌تێ.
{ 6 } { يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ ۚ وَهُوَ عَلِيمٌ بِذَاتِ الصُّدُورِ } ئه‌و وى ده‌مێ ژ شه‌ڤێ كێم دبت ل ڕۆژێ زێده دكه‌ت، ووى ده‌مێ ژ ڕۆژێ كێم دبت ل شه‌ڤێ زێده دكه‌ت، وئه‌و ب وى تشتێ د سنگێن خه‌لكى دا يێ پڕزانايه، تشته‌ك ژێ ل وى به‌رزه نابت.
{ 7 } { آمِنُوا بِاللَّهِ وَرَسُولِهِ وَأَنْفِقُوا مِمَّا جَعَلَكُمْ مُسْتَخْلَفِينَ فِيهِ ۖ فَالَّذِينَ آمَنُوا مِنْكُمْ وَأَنْفَقُوا لَهُمْ أَجْرٌ كَبِيرٌ } هوين باوه‌رییێ ب خودێ وپێغه‌مبه‌رێ وى موحه‌ممه‌دى سلاڤ لێ بن بينن، وخێران ژ وى مالی بده‌ن يێ خودێ دايه هه‌وه وهوين تێدا كرينه جێگر، ڤێجا ئه‌وێن باوه‌رى ئيناى ژ هه‌وه -گه‌لی مرۆڤان- وخێر ژ مالێ خۆ داين، خێره‌كا مه‌زن بۆ وان هه‌يه.
{ 8 } { وَمَا لَكُمْ لَا تُؤْمِنُونَ بِاللَّهِ ۙ وَالرَّسُولُ يَدْعُوكُمْ لِتُؤْمِنُوا بِرَبِّكُمْ وَقَدْ أَخَذَ مِيثَاقَكُمْ إِنْ كُنْتُمْ مُؤْمِنِينَ } وما هه‌وه چو هێجه‌ت هه‌يه كو هوين باوه‌رییێ ب ته‌وحيدا خودێ نائينن وكارى ب شريعه‌تێ وى ناكه‌ن، وپێغه‌مبه‌ر هه‌وه بۆ وێ چه‌ندێ داخواز دكه‌ت، و ب ڕاستى خودێ په‌يمان ژ هه‌وه ل سه‌ر وێ چه‌ندێ وه‌رگرتبوو، ئه‌گه‌ر هوين دخودان باوه‌رن ب خودایى ئافرانده‌رێ خۆ.
{ 9 } { هُوَ الَّذِي يُنَزِّلُ عَلَىٰ عَبْدِهِ آيَاتٍ بَيِّنَاتٍ لِيُخْرِجَكُمْ مِنَ الظُّلُمَاتِ إِلَى النُّورِ ۚ وَإِنَّ اللَّهَ بِكُمْ لَرَءُوفٌ رَحِيمٌ } ئه‌وه يێ ئايه‌تێن به‌رفره‌هـ وئاشكه‌را ژ قورئانێ ب سه‌ر به‌نییێ خۆ موحه‌ممه‌دى دا سلاڤ لێ بن دئينته خوارێ؛ دا ئه‌و هه‌وه پێ ژ تارییا كوفرێ ده‌ربێخته ڕۆناهییا باوه‌رییێ، وهندى خودێیه ب ده‌رێخستنا هه‌وه ژ تارییان بۆ ڕۆناهییێ ب هه‌وه مهره‌بانێ دلۆڤانكاره.
{ 10 } { وَمَا لَكُمْ أَلَّا تُنْفِقُوا فِي سَبِيلِ اللَّهِ وَلِلَّهِ مِيرَاثُ السَّمَاوَاتِ وَالْأَرْضِ ۚ لَا يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ ۚ أُولَٰئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا ۚ وَكُلًّا وَعَدَ اللَّهُ الْحُسْنَىٰ ۚ وَاللَّهُ بِمَا تَعْمَلُونَ خَبِيرٌ } وما چ تشت هه‌يه نه‌هێلت هوين مالی د ڕێكا خودێ دا خه‌رج بكه‌ن؟ وميراتگرییا عه‌سمانان وعه‌ردى يا خودێیه، ژ وى پێڤه‌تر كه‌سێ چو ملك نينه. د خێرێ وكرێ دا د وه‌كى ئێك نابن ئه‌وێ به‌رى ڤه‌كرنا (مه‌كه‌هێ) مالێ خۆ خه‌رج كرى وشه‌ڕێ كافران كرى، ده‌ره‌جا وان ل نك خودێ مه‌زنتره ژ يا وان يێن پشتى هنگى مالێ خۆ خه‌رج كرى وشه‌ڕێ كافران كرى، وخودێ سۆز ب به‌حه‌شتێ دايه هه‌ردو ده‌سته‌كان، وخودێ ب كارێن هه‌وه يێ شاره‌زايه تشته‌ك ژێ ل وى به‌رزه نابت، وئه‌و دێ هه‌وه سه‌را جزا ده‌ت.
{ 11 } { مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ وَلَهُ أَجْرٌ كَرِيمٌ } ئه‌و كییه يێ ژ دل مالی د ڕێكا خودێ دا خه‌رج دكه‌ت بێى وى بكه‌ته منه‌ت، يان نه‌خۆشییێ پێ بگه‌هينته وى يێ ئه‌و خێرێ د گه‌ل دكه‌ت، ڤێجا دا خودايێ وى خێرێ بۆ زێده بكه‌ت، وجزايه‌كێ ب قه‌در، كو به‌حه‌شته، بۆ وى هه‌يه؟
{ 12 } { يَوْمَ تَرَى الْمُؤْمِنِينَ وَالْمُؤْمِنَاتِ يَسْعَىٰ نُورُهُمْ بَيْنَ أَيْدِيهِمْ وَبِأَيْمَانِهِمْ بُشْرَاكُمُ الْيَوْمَ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ ذَٰلِكَ هُوَ الْفَوْزُ الْعَظِيمُ } ڕۆژا تو مێرێن خودان باوه‌ر وژنێن خودان باوه‌ر دبينى ڕۆناهییا وان -ل دويڤ كريارێن وان- ل سه‌ر پرێ (صراطێ) ل به‌ر ده‌ستێن وان و ل ڕه‌خێن وان يێن ڕاستێ دچت، وبۆ وان دئێته گۆتن: ئه‌ڤرۆ مزگينى ل هه‌وه بت هوين دێ چنه د وان به‌حه‌شتێن به‌رفره‌هـ دا يێن ڕويبار د بن داروبارێن وان دا دچن، قه‌ت هوين ژێ نائێنه ده‌رێخستن، وئه‌و جزايێ هه ل ئاخره‌تێ بۆ هه‌وه سه‌ركه‌فتنا مه‌زنه.
{ 13 } { يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انْظُرُونَا نَقْتَبِسْ مِنْ نُورِكُمْ قِيلَ ارْجِعُوا وَرَاءَكُمْ فَالْتَمِسُوا نُورًا فَضُرِبَ بَيْنَهُمْ بِسُورٍ لَهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِنْ قِبَلِهِ الْعَذَابُ } ڕۆژا مێرێن دوڕوى وژنێن دوڕوى ل سه‌ر پرێ دبێژنه وان يێن باوه‌رى ئيناى: مه بهێلن دا ئه‌م بۆ خۆ هنده‌كێ ژ ڕۆناهییا هه‌وه وه‌رگرين، ڤێجا ملياكه‌ت -بۆ تڕانه‌كرن ب وان- دێ بێژنه وان: ل پشت خۆ بزڤڕن بۆ خۆ هنده‌ك ڕۆناهییێ بخوازن، و ب شويرهه‌كا ب ده‌رگه‌هـ ناڤبڕه‌ك كه‌فته ناڤبه‌را وان، لايێ وێ شويرهێ يێ ژ ناڤدا ئه‌وێ ل لايێ خودان باوه‌ران دلۆڤانى تێدا هه‌يه، ولايێ ژ ده‌رڤه يێ كو دكه‌فته لايێ دوڕوییان عه‌زابه.
{ 14 } { يُنَادُونَهُمْ أَلَمْ نَكُنْ مَعَكُمْ ۖ قَالُوا بَلَىٰ وَلَٰكِنَّكُمْ فَتَنْتُمْ أَنْفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّىٰ جَاءَ أَمْرُ اللَّهِ وَغَرَّكُمْ بِاللَّهِ الْغَرُورُ } دوڕوى گازى خودان باوه‌ران دكه‌ن ودبێژن: ئه‌رێ ما ئه‌م ژى د دنيايێ دا د گه‌ل هه‌وه نه‌بووين، مه ژى وه‌كى هه‌وه عيباده‌ت دكر؟ خودان باوه‌ر دبێژنه وان: به‌لێ ب سه‌ر ڤه هوين د گه‌ل مه بوون، به‌لێ هه‌وه ب گونه‌هـ ودوڕویاتییێ خۆ تێبربوو، وهه‌وه چاڤه‌ڕێیى مرنێ بۆ پێغه‌مبه‌رى وشكه‌ستنێ بۆ خودان باوه‌ران دكر، وهوين د ڕابوونا پشتى مرنێ دا دودل بووبوون، وخوزییێن هه‌وه يێن بێ خێر هوين خاپاند بوون، وهوين وه‌سا مابوون حه‌تا مرن ب هه‌وه ڕا گه‌هشتى، وشه‌يتانى هوين ژ ڕێكا خودێ خاپاندن.
{ 15 } { فَالْيَوْمَ لَا يُؤْخَذُ مِنْكُمْ فِدْيَةٌ وَلَا مِنَ الَّذِينَ كَفَرُوا ۚ مَأْوَاكُمُ النَّارُ ۖ هِيَ مَوْلَاكُمْ ۖ وَبِئْسَ الْمَصِيرُ } ڤێجا ئه‌ڤرۆ چو فديه ژ كه‌سه‌ك ژ هه‌وه -ئه‌ى گه‌لی دوڕوییان- نائێته وه‌رگرتن؛ دا هوين خۆ پێ ژ عه‌زابا خودێ بكڕن، و ژ وان ژى نائێته وه‌رگرتن يێن كوفر ب خودێ وپێغه‌مبه‌رێ وى كرى، دويماهییا هه‌وه هه‌مییان ئاگره، ئه‌و ژ هه‌ر جهه‌كێ دى بۆ هه‌وه يێ هێژاتره، وئه‌و پيسه جهێ لێ زڤڕينێیه.
{ 16 } { أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِنْهُمْ فَاسِقُونَ } ئه‌رێ ما نه وه‌خته بۆ وان يێن باوه‌رى ب خودێ وپێغه‌مبه‌رێ وى ئيناى ودويكه‌فتنا ڕێكا وى كرى، كو ل ده‌مێ زكرێ خودێ وخواندنا قورئانێ دلێن وان نه‌رم ببن، و د دل ڕه‌قییێ دا وه‌كى وان نه‌بن يێن به‌رى وان كيتاب بۆ هاتى -ژ جوهى وفه‌لان- ئه‌وێن ده‌م ل سه‌ر وان درێژ بووى ڤێجا وان گۆتنا خودێ گوهاڕتى، ودلێن وان ڕه‌ق بووين، وپترییا وان ژ ئه‌مرێ خودێ دده‌ركه‌فتينه؟ وئه‌ڤ ئايه‌ته به‌رێ مه دده‌ته هندێ ئه‌م ددلنه‌رم بين و ژ خودێ بترسين ده‌مێ مه گوهـ ل قورئانێ دبت، ومه ژ هندێ دده‌ته پاش كو ئه‌م د دلڕه‌قى وبێ ئه‌مرییا خودێ دا وه‌كى جوهى وفه‌لان بين.
{ 17 } { اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا ۚ قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ } هوين بزانن كو هندى خودێیه عه‌ردى پشتى دمرت ب بارانێ زێندى دكه‌ت، وشينكاتى ژێ ده‌ردئێخت، ڤێجا هه‌ر وه‌سا خودێ دشێت مرییان ل ڕۆژا قيامه‌تێ زێندى بكه‌ت، وئه‌و دشێت دلان پشتى ئه‌و ڕه‌ق دبن نه‌رم بكه‌ت. ب ڕاستى مه نيشانێن شيانا خۆ بۆ هه‌وه دياركرن؛ دا هوين تێ بگه‌هن ووجه‌كێ بۆ خۆ ژێ وه‌ربگرن.
{ 18 } { إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ كَرِيمٌ } هندى ئه‌ون يێن خێرێ ژ مالێ خۆ دده‌ن ژ ژن ومێران، وخه‌رجییێن باش د ڕێكا خودێ دا خه‌رج دكه‌ن؛ دا خودێ ژ وان ڕازى ببت، خێرا وێ چه‌ندێ بۆ وان دئێته زێده‌كرن، و د سه‌ر هندێ ژى ڕا خێره‌كا به‌رده‌وام ومشه، كو به‌حه‌شته، بۆ وان هه‌يه.
{ 19 } { وَالَّذِينَ آمَنُوا بِاللَّهِ وَرُسُلِهِ أُولَٰئِكَ هُمُ الصِّدِّيقُونَ ۖ وَالشُّهَدَاءُ عِنْدَ رَبِّهِمْ لَهُمْ أَجْرُهُمْ وَنُورُهُمْ ۖ وَالَّذِينَ كَفَرُوا وَكَذَّبُوا بِآيَاتِنَا أُولَٰئِكَ أَصْحَابُ الْجَحِيمِ } وئه‌وێن باوه‌رى ب خودێ وپێغه‌مبه‌رێن وى ئيناى وچو جوداهى نه‌ئێخستییه ناڤبه‌را وان، ئه‌ون يێن پڕ ڕاستگۆ، وخێرا شه‌هيدان ل نك خودايێ وان يا مه‌زنه وڕۆناهییا وان ژى يا مه‌زنه، وئه‌وێن كافر بووين ودره‌و ب ئايه‌ت وده‌ليلێن مه كرى ئه‌و خودانێن ئاگرينه، نه وان چو خێر هه‌يه نه چو ڕۆناهى.
{ 20 } { اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ ۖ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا ۖ وَفِي الْآخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ ۚ وَمَا الْحَيَاةُ الدُّنْيَا إِلَّا مَتَاعُ الْغُرُورِ } هوين بزانن -ئه‌ى گه‌لی مرۆڤان- هندى ژينا دنيايێیه هه‌ما يارى وموژيلاهییه، له‌ش يارییان پێ دكه‌ن ودل پێڤه موژيل دبن، وئه‌و خه‌مله‌كه بۆ هه‌وه، وهوين د ناڤبه‌را خۆ دا شانازییێ ب خۆشى وزێده‌يیا مالی وعه‌يالی دبه‌ن، مه‌ته‌لا وێ وه‌كى وێ بارانێیه يا كه‌يفا وه‌رازان ب شوينكاتییێ وێ دئێت، پاشى ئه‌ڤ شينكاتییه هشك دبت، له‌و تو دێ بينى ئه‌و زه‌ر دبت پشتى كو كه‌سك بووى، پاشى ئه‌و دبته پيش وهوير دبت، و ل ئاخره‌تێ عه‌زابه‌كا دژوار بۆ كافران ولێبۆرين وڕازيبوونه‌ك ژ خودێ بۆ خودان باوه‌ران هه‌يه. وهه‌ما ژينا دنيايێ بۆ وى يێ كارى بۆ دكه‌ت وئاخره‌تێ ژ بير دكه‌ت ب تنێ په‌رتالێ خاپاندنێیه.
{ 21 } { سَابِقُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ۚ ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ } هوين -ئه‌ى گه‌لی مرۆڤان- له‌زێ د وان ئه‌گه‌ران دا بكه‌ن يێن لێبۆرين پێ ب ده‌ست هه‌وه‌ڤه دئێت وه‌كى تۆبه‌كرنێ وخۆدويركرنا ژ گونه‌هان؛ دا جزايێ هه‌وه ببته لێبۆرين ژ خودايێ هه‌وه، وبه‌حه‌شته‌كا فره‌هییا وێ هندى عه‌رد وعه‌سمانان، ئه‌و بۆ وان يا هاتییه ئاماده‌كرن يێن ته‌وحيدا خودێ كرى ودويكه‌فتنا پێغه‌مبه‌رێن وى كرى، ئه‌و قه‌نجییا خودێیه ئه‌و وێ دده‌ته وى يێ وى بڤێت ژ به‌نییێن خۆ، وئه‌گه‌ر قه‌نجى ودلۆڤانییا خودێ وكارێ چاك نه‌بت كه‌سه‌ك ناچته به‌حه‌شتێ. وخودێ خودانێ قه‌نجییا مه‌زنه ل سه‌ر به‌نییێن خۆ.
{ 22 } { مَا أَصَابَ مِنْ مُصِيبَةٍ فِي الْأَرْضِ وَلَا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ } چو ئاتاف وموصيبه‌ت نه د عه‌ردى دا ونه د له‌شێن هه‌وه ب خۆ دا وه‌كى نساخییێ وبرسێ ونه‌خۆشییێ نائێنه سه‌رێ هه‌وه -گه‌لی مرۆڤان- ئه‌گه‌ر ئه‌و د له‌وحێ پاراستى دا نه‌هاتبنه نڤيسين به‌رى رح بۆ هه‌وه بێنه‌دان. هندى ئه‌و چه‌نده‌يه ئه‌و ل سه‌ر خودێ يا ب ساناهییه.
{ 23 } { لِكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ } دا هوين ب خه‌م نه‌كه‌ڤن ل سه‌ر وى تشتێ نه‌گه‌هشتییه هه‌وه ژ دنيايێ، ودا هوين ب كه‌يف ژى نه‌كه‌ڤن ل سه‌ر وى تشتێ گه‌هشتییه هه‌وه ژێ كه‌يفه‌كا وه‌سا هوين خۆ پێ ژبير بكه‌ن، وخودێ حه‌ز ژ وى ناكه‌ت يێ خۆ ب وى تشتى مه‌زن بكه‌ت يێ گه‌هشتییێ ژ دنيايێ وخۆ پێ ل سه‌ر خه‌لكى دفن بلند بكه‌ت.
{ 24 } { الَّذِينَ يَبْخَلُونَ وَيَأْمُرُونَ النَّاسَ بِالْبُخْلِ ۗ وَمَنْ يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ } ئه‌و خۆمه‌زنكه‌رێن هه‌نه يێن قه‌لسییێ د مالێ خۆ دا دكه‌ن، ووى د ڕێكا خودێ دا خه‌رج ناكه‌ن، وفه‌رمانێ ب قه‌لسییێ ل مرۆڤان دكه‌ن وقه‌لسییێ ل به‌ر وان شرين دكه‌ن. وهه‌چییێ پشت بده‌ته گوهدارییا خودێ ئه‌و ژ خۆ پێڤه‌تر زيانێ ناگه‌هينته كه‌سێ، وئه‌و چو زيانێ ناگه‌هينته خودێ؛ چونكى هندى خودێیه يێ ده‌وله‌مه‌ند وبێ منه‌ته ژ خه‌لكى، ئه‌وه يێ هێژاى مه‌دحان يێ كو هه‌ر سالۆخه‌ته‌كێ ته‌كووز وكاره‌كێ جوانێ هه‌ى يێ وییه.
{ 25 } { لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ ۖ وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَنْ يَنْصُرُهُ وَرُسُلَهُ بِالْغَيْبِ ۚ إِنَّ اللَّهَ قَوِيٌّ عَزِيزٌ } ب ڕاستى مه پێغه‌مبه‌رێن خۆ ب ده‌ليلێن ئاشكه‌را هنارتن، ومه كيتاب ب ئه‌حكام وشريعه‌ت ڤه د گه‌ل وان ئينا خوارێ، ومه ته‌رازى ئينا خوارێ؛ دا مرۆڤ ب دادییێ سه‌ره‌ده‌رییێ د گه‌ل ئێك ودو بكه‌ن، ومه ئاسن بۆ وان ئينا خوارێ، هێزه‌كا دژوار تێدا هه‌يه، ومفايێن جودا جودا ژى بۆ مرۆڤان تێدا هه‌نه، ودا خودێ بزانت كانێ كییه نه ل به‌رچاڤ دينێ وى وپێغه‌مبه‌رێ وى ب سه‌ر دئێخت. هندى خودێیه ئه‌و هێزداره يێ نه‌ئێته بێزاركرن، وئه‌و زاله يێ كه‌س نه‌شێتێ.
{ 26 } { وَلَقَدْ أَرْسَلْنَا نُوحًا وَإِبْرَاهِيمَ وَجَعَلْنَا فِي ذُرِّيَّتِهِمَا النُّبُوَّةَ وَالْكِتَابَ ۖ فَمِنْهُمْ مُهْتَدٍ ۖ وَكَثِيرٌ مِنْهُمْ فَاسِقُونَ } و ب ڕاستى مه نووح وئيبراهيم بۆ ملله‌تێن وان هنارتن، ومه پێغه‌مبه‌رينى وكيتابێن هاتينه خوارێ كرنه د ناڤ دوونده‌ها وان دا، ڤێجا ژ دوونده‌ها وان هه‌يه يێ ب سه‌ر حه‌قییێ هلبووى، وپترییا وان ژ گوهدارى وئه‌مرێ خودێ دده‌ركه‌فتينه.
{ 27 } { ثُمَّ قَفَّيْنَا عَلَىٰ آثَارِهِمْ بِرُسُلِنَا وَقَفَّيْنَا بِعِيسَى ابْنِ مَرْيَمَ وَآتَيْنَاهُ الْإِنْجِيلَ وَجَعَلْنَا فِي قُلُوبِ الَّذِينَ اتَّبَعُوهُ رَأْفَةً وَرَحْمَةً وَرَهْبَانِيَّةً ابْتَدَعُوهَا مَا كَتَبْنَاهَا عَلَيْهِمْ إِلَّا ابْتِغَاءَ رِضْوَانِ اللَّهِ فَمَا رَعَوْهَا حَقَّ رِعَايَتِهَا ۖ فَآتَيْنَا الَّذِينَ آمَنُوا مِنْهُمْ أَجْرَهُمْ ۖ وَكَثِيرٌ مِنْهُمْ فَاسِقُونَ } پاشى ل سه‌ر شۆپا نووحى وئيبراهيمى مه ئه‌و پێغه‌مبه‌ر هنارتن يێن مه ده‌ليلێن ئاشكه‌را داينه د گه‌ل، ومه عيسايێ كوڕێ مه‌ريه‌مێ ب دويڤ وان دا هنارت، ومه ئنجيل دايێ، ومه نه‌رمى ودلۆڤانى كره د دلێن وان دا يێن دويكه‌فتنا وى ل سه‌ر دينێ وى كرى، ڤێجا ئه‌و د ناڤبه‌را خۆ دا ب ڤيان بوون، ووان ژ نك خۆ ره‌به‌نییه‌ك ئينا بوو ده‌رێ كو زێده ب ناڤ دینى ڤه چووین مه ئه‌و ل سه‌ر وان فه‌ر نه‌كربوو، به‌لكى وان ژ نك خۆ پێگيرى ب وێ چه‌ندێ دكر، مه‌خسه‌دا وان پێ ڕازيبوونا خودێ بوو، ڤێجا ئه‌و ب دورستى پێ ڕانه‌بوون؛ چونكى وان گوهۆڕين تێدا كر و ل دويڤ دينێ خودێ نه‌چوون، ڤێجا ئه‌وێن باوه‌رى ب خودێ وپێغه‌مبه‌رێ وى ئيناى ژ وان مه -ل دويڤ باوه‌رییا وان- خێرا وان دايێ، وپترییا وان ژ ئه‌مرێ خودێ دده‌ركه‌فتينه وباوه‌رییێ ب پێغه‌مبه‌رێ وى موحه‌ممه‌دى -سلاڤ لێ بن- نائينن.
{ 28 } { يَا أَيُّهَا الَّذِينَ آمَنُوا اتَّقُوا اللَّهَ وَآمِنُوا بِرَسُولِهِ يُؤْتِكُمْ كِفْلَيْنِ مِنْ رَحْمَتِهِ وَيَجْعَلْ لَكُمْ نُورًا تَمْشُونَ بِهِ وَيَغْفِرْ لَكُمْ ۚ وَاللَّهُ غَفُورٌ رَحِيمٌ } ئه‌ى گه‌لی ئه‌وێن باوه‌رى ئيناى، ژ عه‌زابا خودێ بترسن وباوه‌رییێ ب پێغه‌مبه‌رێ وى بينن، ئه‌و دوقاتى دلۆڤانییا خۆ دێ ده‌ته هه‌وه، وئه‌و ڕۆناهییه‌كێ دێ ده‌ته هه‌وه هوين پێ ب ڕێكێ بكه‌ڤن، وئه‌و دێ گونه‌هێن هه‌وه بۆ هه‌وه ژێ به‌ت، وخودێ باش گونه‌هـ ژێبرێ به‌نییێن خۆيه، يێ دلۆڤانكاره ب وان.
{ 29 } { لِئَلَّا يَعْلَمَ أَهْلُ الْكِتَابِ أَلَّا يَقْدِرُونَ عَلَىٰ شَيْءٍ مِنْ فَضْلِ اللَّهِ ۙ وَأَنَّ الْفَضْلَ بِيَدِ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ } خودێ ئه‌و هه‌مى دا هه‌وه؛ دا خودانێن كيتابێ ئه‌وێن باوه‌رى ب موحه‌ممه‌دى -سلاڤ لێ بن- نه‌ئيناى بزانن كو ئه‌و نه‌شێن تشته‌كى ژ قه‌نجییا خودێ بۆ خۆ ببه‌ن و ژ خه‌لكێ دى بگرن، وكو قه‌نجى هه‌مى ب ده‌ستێ خودێ ب تنێیه ئه‌و وێ دده‌ته وى يێ وى بڤێت ژ به‌نییێن خۆ، وخودێ خودانێ قه‌نجییا مه‌زنه.
عربة الشراء 