المجَادلة
{ 1 } { بِسْمِ اللَّهِ الرَّحْمَٰنِ الرَّحِيمِ قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ } ب ڕاستى خودێ گوهـ ل ده‌نگێ خه‌ولايا كچا ثه‌عله‌به‌ى بوو ئه‌وا هاتییه نك ته دا پسيارا وێ گۆتنێ ژ ته بكه‌ت يا مێرێ وێ ئه‌وسێ كوڕێ صامتى گۆتییێ ده‌مێ وى ئه‌و ل سه‌ر خۆ حه‌رام كرى، وگۆتییێ: (تو بۆ من وه‌كى ده‌یكا من يا حه‌رام بى)، ووێ هاوارا خۆ دگه‌هانده خودێ؛ دا ئه‌و ڤێ ته‌نگاڤییێ ژ سه‌ر وێ ڕاكه‌ت، وخودێ گوهـ ل دان وستاندنا هه‌وه دبوو. هندى خودێیه گوهدێرێ هه‌مى گۆتنانه، و ب هه‌ر تشته‌كێ هه‌بت يێ بينه‌ره، تشته‌ك ل وى به‌رزه نابت.
{ 2 } { الَّذِينَ يُظَاهِرُونَ مِنْكُمْ مِنْ نِسَائِهِمْ مَا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنْكَرًا مِنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ } ئه‌وێن ڤى كارى دكه‌ن ژ هه‌وه ودبێژنه ژنێن خۆ: (هوين ل سه‌ر مه وه‌كى ده‌یكێن مه دحه‌رام بن) ب ڕاستى ئه‌و ده‌یكێن وان نينن، وهه‌ما ده‌یكێن وان ئه‌ون يێن ئه‌و ژێ بووين. وهندى ئه‌ڤ زه‌لامه‌نه يێن ڤێ گۆتنێ دبێژن ئه‌و گۆتنه‌كا كرێت ودره‌و دبێژن يا چو ڕاستى بۆ نه‌بن. وهندى خودێیه لێنه‌گرێ باش گونه‌هـ ژێبره بۆ وى يێ هنده‌ك خه‌له‌تى ژێ چێ ببن، پاشى ل خۆ بزڤڕت وتۆبه بكه‌ت.
{ 3 } { وَالَّذِينَ يُظَاهِرُونَ مِنْ نِسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِنْ قَبْلِ أَنْ يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ } وئه‌وێن ب ڤێ گۆتنێ ژنێن خۆ ل سه‌ر خۆ حه‌رام دكه‌ن، پاشى ل گۆتنا خۆ لێڤه دبن و ل ژنێن خۆ دزڤڕنه‌ڤه، ل سه‌ر وى زه‌لامى يێ ئه‌ڤ كاره كرى كفاره‌ت هه‌يه، دڤێت ئه‌و به‌نییه‌كێ خودان باوه‌ر ئازا بكه‌ت به‌رى ئه‌و ده‌ست بكه‌ته ژنكا خۆ، ئه‌ڤه حوكمێ خودێیه د ده‌ر حه‌قا وى كه‌سى دا يێ ب ڤێ گۆتنێ ژنكا خۆ ل سه‌ر خۆ حه‌رام دكه‌ت شيره‌ت پێ ل هه‌وه دئێته كرن؛ دا هوين ڤێ گۆتنا ژ دره‌و نه‌كه‌ن، ودا هوين ڤێ كفاره‌تێ بده‌ن ئه‌گه‌ر هه‌وه ئه‌و گۆتن كر، وتشته‌ك ژ كارێ هه‌وه ل خودێ به‌رزه نابت.
{ 4 } { فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ مِنْ قَبْلِ أَنْ يَتَمَاسَّا ۖ فَمَنْ لَمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ } ڤێجا هه‌چییێ چو به‌نى بۆ ئازاكرنێ ب ده‌ست نه‌كه‌ڤن، دڤێت ئه‌و دو هه‌يڤان ل دويڤێك يێ ب ڕۆژى بت به‌رى ئه‌و ده‌ست بكه‌ته ژنكا خۆ، وهه‌چییێ عوزره‌كا شه‌رعى هه‌بت ونه‌شێت دو هه‌يڤان يێ ب ڕۆژى بت، بلا ئه‌و هند خوارنێ بده‌ته شێست هه‌ژاران كو ئه‌و پێ تێر ببن، ئه‌ڤ حوكمه يێ مه بۆ هه‌وه ئاشكه‌راكرى بۆ هندێیه دا هوين باوه‌رییێ ب خودێ بينن ودويكه‌فتنا پێغه‌مبه‌رێ وى بكه‌ن وكارى ب شريعه‌تێ وى بكه‌ن، ودا هوين وى عه‌ده‌تى بهێلن يێ ل زه‌مانێ جاهليه‌تێ ل نك هه‌وه هه‌ى، وئه‌ڤ حوكمه ئه‌مر وتوخويبێن خودێنه پێ لێ نه‌دانن، وبۆ وان يێ كوفرێ پێ دكه‌ن عه‌زابه‌كا ب ئێش هه‌يه.
{ 5 } { إِنَّ الَّذِينَ يُحَادُّونَ اللَّهَ وَرَسُولَهُ كُبِتُوا كَمَا كُبِتَ الَّذِينَ مِنْ قَبْلِهِمْ ۚ وَقَدْ أَنْزَلْنَا آيَاتٍ بَيِّنَاتٍ ۚ وَلِلْكَافِرِينَ عَذَابٌ مُهِينٌ } هندى ئه‌ون يێن دوژمناتییا خودێ وپێغه‌مبه‌رێ وى دكه‌ن هاتنه ڕه‌زيلكرن وشكاندن، كانێ چاوا ئه‌و ملله‌تێن به‌رى وان يێن دوژمناتییا خودێ وپێغه‌مبه‌رێن وى كرى هاتبوونه ڕه‌زيلكرن، و ب ڕاستى مه ئه‌و ئايه‌تێن ئاشكه‌را ئينانه خوارێ يێن هندێ دگه‌هينن كو شريعه‌تێ خودێ وتوخويبێن وى دحه‌قن، وبۆ وان يێن كوفرێ ب وان ئايه‌تان بكه‌ن عه‌زابه‌كا ڕه‌زيلكه‌ر د جه‌هنه‌مێ دا هه‌يه.
{ 6 } { يَوْمَ يَبْعَثُهُمُ اللَّهُ جَمِيعًا فَيُنَبِّئُهُمْ بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ } وتو -ئه‌ى پێغه‌مبه‌ر- به‌حسێ ڕۆژا قيامه‌تێ بكه، ڕۆژا خودێ مرییان تێدا زێندى دكه‌ت، وهه‌مییان يێن پێشییێ ويێن پاشییێ ل جهه‌كى كۆم دكه‌ت، وبه‌حسێ وى كارى بۆ وان دكه‌ت يێ وان كرى چ باشى بت چ خرابى، خودێ ئه‌و كار هژمارتينه و د له‌وحێ پاراستى دا نڤيسينه، ووان ئه‌و ژبير كربوون. وخودێ ل سه‌ر هه‌مى تشتان شاهده، چو ل وى به‌رزه نابت.
{ 7 } { أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ ۖ مَا يَكُونُ مِنْ نَجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِنْ ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ۖ ثُمَّ يُنَبِّئُهُمْ بِمَا عَمِلُوا يَوْمَ الْقِيَامَةِ ۚ إِنَّ اللَّهَ بِكُلِّ شَيْءٍ عَلِيمٌ } ئه‌رێ ما ته نه‌زانییه كو هه‌ر تشته‌كێ ل عه‌سمانان و ل عه‌ردى هه‌بت خودێ پێ دزانت؟ نينه سێ مرۆڤ ب دزى ڤه د گه‌ل ئێك باخڤن ئه‌گه‌ر خودێ ب زانينا خۆ د گه‌ل وان يێ چارێ نه‌بت، ونه پێنج كه‌س ئه‌گه‌ر ئه‌و د گه‌ل وان يێ شه‌شێ نه‌بت، ونه كێمتر ژ ڤێ هژمارێ ونه پتر ئه‌گه‌ر ئه‌و ب زانينا خۆ د گه‌ل وان نه‌بت چى جهێ ئه‌و لێ بن، تشته‌ك ژ حالێ وان ل وى به‌رزه نابت، پاشى ل ڕۆژا قيامه‌تێ ئه‌و دێ بۆ وان به‌حسێ وى كارى كه‌ت يێ وان كرى چ باشى بت چ خرابى بت وئه‌و دێ وان سه‌را جزا ده‌ت. هندى خودێیه ب هه‌ر تشته‌كى يێ پڕزانايه.
{ 8 } { أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ وَيَتَنَاجَوْنَ بِالْإِثْمِ وَالْعُدْوَانِ وَمَعْصِيَتِ الرَّسُولِ وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي أَنْفُسِهِمْ لَوْلَا يُعَذِّبُنَا اللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ الْمَصِيرُ } ئه‌رێ ما ته -ئه‌ى پێغه‌مبه‌ر- ئه‌و جوهى نه‌ديتينه يێن هاتينه پاشڤه‌برن ژ گۆتنا ب دزى ڤه ئه‌وا گومانێ دئێخته دلێ خودان باوه‌ران، پاشى ئه‌و ل وێ دزڤڕنه‌ڤه يا ئه‌و ژێ هاتينه پاشڤه‌برن، وئه‌و ب دزى ڤه وێ گۆتنێ دبێژن يا ب گونه‌هـ ويا دوژمناتى وبێ ئه‌مرییا پێغه‌مبه‌رى تێدا؟ وئه‌گه‌ر ئه‌ڤ جوهییه بۆ كاره‌كى هاتنه نك ته -ئه‌ى پێغه‌مبه‌ر- ل شوينا وێ سلاڤێ يا خودێ بۆ ته كرییه سلاڤ ئه‌و دبێژنه ته: (السام عليك) یه‌عنى: مرن بۆ ته بت، وئه‌و د ناڤبه‌را خۆ دا دبێژن: ئه‌گه‌ر ڕاسته موحه‌ممه‌د پێغه‌مبه‌ره پا دێ بلا خودێ مه ب ڤێ گۆتنێ يا ئه‌م دبێژينه وى عه‌زاب بده‌ت، جه‌هنه‌م تێرا وان هه‌يه ئه‌و بچنێ، وتام بكه‌نه گه‌رماتییا وێ، ڤێجا ئه‌و چ پيسه جهه ئه‌و دزڤڕنێ.
{ 9 } { يَا أَيُّهَا الَّذِينَ آمَنُوا إِذَا تَنَاجَيْتُمْ فَلَا تَتَنَاجَوْا بِالْإِثْمِ وَالْعُدْوَانِ وَمَعْصِيَتِ الرَّسُولِ وَتَنَاجَوْا بِالْبِرِّ وَالتَّقْوَىٰ ۖ وَاتَّقُوا اللَّهَ الَّذِي إِلَيْهِ تُحْشَرُونَ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، ئه‌گه‌ر هوين ب دزى ڤه د گه‌ل ئێك ودو ئاخفتن هوين ب وێ گۆتنێ نه‌ئاخڤن يا ب گونه‌هـ بت، يان دوژمناتییا خه‌لكى، وبێ ئه‌مرییا پێغه‌مبه‌رى تێدا بت، وهوين ب وى تشتى باخڤن يێ خێر وباشى تێدا بت، وهوين ژ خودێ بترسن و ب گۆتنا وى بكه‌ن، وزڤڕينا هه‌وه ب وان هه‌مى گۆتن وكرياران ڤه يێن وى ل سه‌ر هه‌وه هژمارتين بۆ نك وییه، وئه‌و دێ هه‌وه سه‌را وان جزا ده‌ت.
{ 10 } { إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ } هه‌ما ئاخفتنا ب دزى ڤه ب وێ گۆتنێ يا گونه‌هـ تێدا بت ژ كارێ شه‌يتانییه، ئه‌وه وێ ل به‌ر مرۆڤى شرين دكه‌ت، وبه‌رێ وى دده‌تێ؛ دا ئه‌و خه‌مێ پێ بێخته دلێن خودان باوه‌ران، وئه‌و ب خۆ قه‌ت زيانه‌كێ ناگه‌هينته خودان باوه‌ران ئه‌گه‌ر ڤيانا خودێ وئيرادا وى ل سه‌ر نه‌بت. وخودان باوه‌ر بلا خۆ بهێلنه ب هيڤییا خودێ ب تنێ ڤه.
{ 11 } { يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انْشُزُوا فَانْشُزُوا يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ } ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى و ب هيدايه‌تا وى هاتينه سه‌ر ڕێ، ئه‌گه‌ر داخواز ژ هه‌وه هاته‌كرن كو هنده‌ك ژ هه‌وه جهى بۆ هنده‌كان به‌رفره‌هـ بكه‌ن هوين وه بكه‌ن، خودێ ژى ل دنيايێ وئاخره‌تێ دێ ل سه‌ر هه‌وه كه‌ته به‌رفره‌هى، وئه‌گه‌ر داخواز ژ هه‌وه -گه‌لی خودان باوه‌ران- هاته‌كرن كو هوين بۆ كاره‌كێ خێرا هه‌وه تێدا ژ جهێ خۆ ڕاببن هوين ڕابن، خودێ مه‌رته‌با خودان باوه‌رێن دلسۆز ژ هه‌وه دێ بلند كه‌ت، وئه‌و مه‌رته‌با خودانێن زانينێ ژى د خێر وڕازيبوونێ دا گه‌له‌ك دێ بلند كه‌ت، وخودايێ مه‌زن ب كريارێن هه‌وه يێ شاره‌زايه تشته‌ك ژێ ل وى به‌رزه نابت، وئه‌و دێ هه‌وه سه‌را جزا ده‌ت. وئه‌ڤ ئايه‌ته ئيشاره‌تێ دده‌ته بهايێ زانايان، وده‌ره‌جێن وان يێن بلند.
{ 12 } { يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ۚ ذَٰلِكَ خَيْرٌ لَكُمْ وَأَطْهَرُ ۚ فَإِنْ لَمْ تَجِدُوا فَإِنَّ اللَّهَ غَفُورٌ رَحِيمٌ } ئه‌ى ئه‌وێن باوه‌رى ئيناى، ئه‌گه‌ر هه‌وه ڤيا هوين ب دزى ڤه د گه‌ل پێغه‌مبه‌ری باخڤن، هوين به‌رى هنگى خێره‌كێ بده‌نه مرۆڤه‌كێ پێتڤى، ژ به‌ر وێ خێرا بۆ هه‌وه تێدا ئه‌و بۆ هه‌وه چێتره، وبۆ دلێن هه‌وه پاقژتره، وئه‌گه‌ر چو ب ده‌ست هه‌وه نه‌كه‌فت هوين بكه‌نه خێر چو گونه‌هـ ل سه‌ر هه‌وه نينه؛ چونكى هندى خودێیه باش گونه‌هـ ژێبرێ به‌نییێن خۆ يێن خودان باوه‌ره، ويێ دلۆڤانكاره ب وان.
{ 13 } { أَأَشْفَقْتُمْ أَنْ تُقَدِّمُوا بَيْنَ يَدَيْ نَجْوَاكُمْ صَدَقَاتٍ ۚ فَإِذْ لَمْ تَفْعَلُوا وَتَابَ اللَّهُ عَلَيْكُمْ فَأَقِيمُوا الصَّلَاةَ وَآتُوا الزَّكَاةَ وَأَطِيعُوا اللَّهَ وَرَسُولَهُ ۚ وَاللَّهُ خَبِيرٌ بِمَا تَعْمَلُونَ } ئه‌رێ هوين ژ فه‌قيرییێ دترسن كو هوين خێره‌كێ بده‌ن به‌رى هوين ب دزى ڤه د گه‌ل پێغه‌مبه‌ری باخڤن؟ ڤێجا ئه‌گه‌ر هوين وێ نه‌كه‌ن يا فه‌رمان پێ ل هه‌وه هاتییه‌كرن، وخودێ تۆبه دانا سه‌ر هه‌وه، وده‌ستويرى دا هه‌وه كو هوين وه نه‌كه‌ن، ئێدى هوين به‌رده‌وامییێ ل سه‌ر كرنا نڤێژێ ودانا زه‌كاتێ وگوهدارییا خودێ وپێغه‌مبه‌رێ وى د وان هه‌مى تشتان دا يێن وى فه‌رمان پێ ل هه‌وه كرى بكه‌ن، وخودێ ب كريارێن هه‌وه يێ شاره‌زايه.
{ 14 } { أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِمْ مَا هُمْ مِنْكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ } ئه‌رێ ما ته ئه‌و منافق نه‌ديتينه يێن جوهى بۆ خۆ كرينه دۆست وپشته‌ڤان؟ و ب ڕاستى ئه‌و منافق نه ژ موسلمانانه ونه ژ جوهییانه، ئه‌و ژ دره‌و سويند دخۆن كو ئه‌و موسلمانن، وكو تو پێغه‌مبه‌رێ خودییى وئه‌و دزانن كو ئه‌و د ڤێ سويندخوارنا خۆ دا ددره‌وينن.
{ 15 } { أَعَدَّ اللَّهُ لَهُمْ عَذَابًا شَدِيدًا ۖ إِنَّهُمْ سَاءَ مَا كَانُوا يَعْمَلُونَ } خودێ بۆ وان عه‌زابه‌كا زێده دژوار و ب ئێش ئاماده‌كرییه، هندى ئه‌ون پيسه‌كار بوو وان كرى كو دوڕوییاتى كرى و ژ دره‌و سويند خوارى.
{ 16 } { اتَّخَذُوا أَيْمَانَهُمْ جُنَّةً فَصَدُّوا عَنْ سَبِيلِ اللَّهِ فَلَهُمْ عَذَابٌ مُهِينٌ } دوڕوییان سويندێن خۆ يێن ژ دره‌و كرنه په‌رژان د ناڤبه‌را خۆ وكوشتنێ دا؛ دا موسلمان وان نه‌كوژن ومالێ وان نه‌به‌ن، ڤێجا ژ به‌ر هندێ وان به‌رێ خۆ ژ ڕێكا خودێ كو ئيسلامه وه‌رگێڕا، له‌و عه‌زابه‌كا ڕه‌زيلكه‌ر بۆ وان د ئاگرى دا هه‌يه.
{ 17 } { لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا ۚ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ } نه مالێ ڤان منافقان ونه عه‌يالێ وان عه‌زابا خودێ ژ وان ناده‌ته پاش، ئه‌و خودانێن ئاگرينه يێن هه‌ر تێدا دمينن، وژێ ده‌رناكه‌ڤن، وئه‌و تێدا نامرن. وئه‌ڤ جزايه ژ هه‌ر كه‌سه‌كى دگرت يێ ب گۆتنه‌كێ يان ب كرياره‌كێ به‌رێ خه‌لكى ژ ڕێكا خودێ بده‌ته پاش.
{ 18 } { يَوْمَ يَبْعَثُهُمُ اللَّهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَيْءٍ ۚ أَلَا إِنَّهُمْ هُمُ الْكَاذِبُونَ } ڕۆژا قيامه‌تێ خودێ دوڕوییان هه‌مییان ژ گۆڕێن وان ڕادكه‌ته‌ڤه، ڤێجا ئه‌و دێ بۆ وى سويند خۆن كو ئه‌و دخودان باوه‌ر بوون، وه‌كى كو وان د دنيايێ دا بۆ هه‌وه -گه‌لی خودان باوه‌ران- سويند دخوار، وئه‌و هزر دكه‌ن كو ئه‌ڤ سوينده ل نك خودێ دێ مفايه‌كى گه‌هينته وان وه‌كى كو د دنيايێ دا ل نك خودان باوه‌ران مفا دگه‌هانده وان، نێ هندى ئه‌ون ئه‌و د دره‌وێ دا يێن گه‌هشتينه پێكه‌كا كه‌سێ دى نه‌گه‌هشتییێ.
{ 19 } { اسْتَحْوَذَ عَلَيْهِمُ الشَّيْطَانُ فَأَنْسَاهُمْ ذِكْرَ اللَّهِ ۚ أُولَٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ } شه‌يتان يێ شيايه وان، ووى ب سه‌ر وان دا گرتییه، حه‌تا وه ل وان كرى ئه‌و بێ ئه‌مرییا خودێ بكه‌ن، ئه‌ون پارتا شه‌يتانى ودويكه‌فتییێن وى. نێ هندى پارتا شه‌يتانییه ئه‌ون يێن ل دنيايێ وئاخره‌تێ دزيانكار.
{ 20 } { إِنَّ الَّذِينَ يُحَادُّونَ اللَّهَ وَرَسُولَهُ أُولَٰئِكَ فِي الْأَذَلِّينَ } هندى ئه‌ون يێن بێ ئه‌مرییا خودێ وپێغه‌مبه‌رێ وى دكه‌ن، ئه‌و ل دنيايێ وئاخره‌تێ ژ وانه يێن شكه‌ستى وڕه‌زيل وبێ بها.
{ 21 } { كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ } خودێ د له‌وحێ پاراستى دا نڤيسییه وحوكم كرییه كو سه‌ركه‌فتن يا وى وكيتابا وى وپێغه‌مبه‌رێن وى وبه‌نییێن وى يێن خودان باوه‌ره. هندى خودێیه ئه‌و هێزداره يێ چو تشت وى بێزار نه‌كه‌ت، وئه‌و ل سه‌ر به‌نییێن خۆ يێ زاله.
{ 22 } { لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ ۖ وَيُدْخِلُهُمْ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ } تو -ئه‌ى پێغه‌مبه‌ر- ملله‌ته‌كى نابينى باوه‌رییێ ب خودێ و ڕۆژا دويماهییێ بينت، وكارى ب وى شريعه‌تى بكه‌ت يێ خودێ بۆ وان داناى، و د سه‌ر هندێ ڕا ڕاببت حه‌ز ژ وى بكه‌ت يێ دوژمناتییا خودێ وپێغه‌مبه‌رێ وى كرى ودوستينییا وى بكه‌ت، ئه‌گه‌ر خۆ ئه‌و بابێن وان بن يان كوڕێن وان بن يان برايێن وان بن يان مرۆڤێن وان بن، ئه‌وێن هه يێن ڤيان ونه‌ڤيانا وان بۆ خودێ، خودێ باوه‌رى د دلێن وان دا نڤيسییه، و ب سه‌ركه‌فتن وپشته‌ڤانییا خۆ وى د دنيايێ دا ئه‌و ب سه‌ر دوژمنێن وان ئێخستينه، وئه‌و ل ئاخره‌تێ دێ وان كه‌ته د هنده‌ك به‌حه‌شتان دا ڕويبار د بن داروبارێن وان دا دچن، ده‌مه‌كێ بێ ڤه‌بڕين ئه‌و دێ تێدا مينن، خودێ ژ وان ڕازى بوويه وئێدى ئه‌و قه‌ت ژ وان عێجز نابت، وئه‌و ژ وى ڕازى بووينه ژ به‌ر وان ده‌ره‌جێن بلند يێن وى ئه‌و برينێ، ئه‌و پارتا خودێ ووه‌لییێن وينه، وئه‌ون يێن ل دنيايێ وئاخره‌تێ ددلخۆش.
عربة الشراء 