المعَارج
{ 1 } { بِسْمِ اللَّهِ الرَّحْمَٰنِ الرَّحِيمِ سَأَلَ سَائِلٌ بِعَذَابٍ وَاقِعٍ } نفرينكه‌ره‌كى ژ بوتپه‌رێسان نفرينه‌ك ل خۆ وملله‌تێ خۆ كر كو عه‌زاب ب سه‌ر دا بێت.
{ 2 } { لِلْكَافِرِينَ لَيْسَ لَهُ دَافِعٌ } ومسۆگه‌ر ل ڕۆژا قيامه‌تێ ئه‌و عه‌زاب دێ ب سه‌ر وان دا ئێت، چو مانع بۆ وێ عه‌زابێ نابن.
{ 3 } { مِنَ اللَّهِ ذِي الْمَعَارِجِ } كو ئه‌و ژ نك خودێ خودانێ بلندى ومه‌زنییێ بێت.
{ 4 } { تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ } فريشته وجبريل ب نك خودێ ڤه بلند دبن ل ڕۆژه‌كا درێژییا وێ پێنجى هزار سال ژ سالێن دنيايێ، وئه‌و ل به‌ر خودان باوه‌رى هندى ده‌مێ نڤێژه‌كا فه‌رزه.
{ 5 } { فَاصْبِرْ صَبْرًا جَمِيلًا } ڤێجا تو -ئه‌ى پێغه‌مبه‌ر- صه‌برێ ل سه‌ر تڕانه‌پێكرن وله‌زكرنا وان د عه‌زابێ دا بكێشه، صه‌بره‌كا جوان وبێ گازنده.
{ 6 } { إِنَّهُمْ يَرَوْنَهُ بَعِيدًا } هندى كافرن عه‌زابێ دوير دبينن وهزر دكه‌ن ئه‌و نائێت.
{ 7 } { وَنَرَاهُ قَرِيبًا } وئه‌م وێ نێزيك دبينين وهه‌ر دێ ئێت.
{ 8 } { يَوْمَ تَكُونُ السَّمَاءُ كَالْمُهْلِ } ڕۆژا عه‌سمان وه‌كى وێ كه‌فێ لێ دئێت ئه‌وا ب سه‌ر زه‌يتا حه‌لاندى دكه‌ڤت.
{ 9 } { وَتَكُونُ الْجِبَالُ كَالْعِهْنِ } وچيا وه‌كى وێ هريا ڤه‌چڕى لێ دئێت يا با د گه‌ل خۆ دبه‌ت.
{ 10 } { وَلَا يَسْأَلُ حَمِيمٌ حَمِيمًا } وئێك پسيارا حالێ مرۆڤێ خۆ ناكه‌ت؛ چونكى هه‌ر ئێك ب خۆ ڤه يێ موژيله.
{ 11 } { يُبَصَّرُونَهُمْ ۚ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ } ئه‌و وان دبينن ودنياسن، وئێك نه‌شێت مفاى بگه‌هينته ئێكى. كافر خوزییان ڕادهێلت كو ب كوڕێن خۆ.
{ 12 } { وَصَاحِبَتِهِ وَأَخِيهِ } و ب ژنا خۆ وبرايێ خۆ.
{ 13 } { وَفَصِيلَتِهِ الَّتِي تُؤْوِيهِ } وئويجاخا خۆ يا ئه‌و د ناڤ وان دا ڤه‌دحويێت.
{ 14 } { وَمَنْ فِي الْأَرْضِ جَمِيعًا ثُمَّ يُنْجِيهِ } و ب هه‌ر ئێكێ ل عه‌ردى هه‌بت خۆ بكڕت، دا پاشى ئه‌و ژ عه‌زابا خودێ ڕزگار ببت.
{ 15 } { كَلَّا ۖ إِنَّهَا لَظَىٰ } مه‌سه‌له يا وه‌سا نينه وه‌كى تو -ئه‌ى كافرۆ- هزر دكه‌ى كو تو دێ خۆ كڕى.
{ 16 } { نَزَّاعَةً لِلشَّوَىٰ } هندى ئه‌وه ئه‌و جه‌هنه‌مه يا ئاگرێ وێ يێ گه‌رم وشاراندى، ب گه‌رما خۆ يا دژوار ئه‌و چه‌رمێ سه‌رى وهه‌مى له‌شى ڕادكه‌ت.
{ 17 } { تَدْعُو مَنْ أَدْبَرَ وَتَوَلَّىٰ } ئه‌و گازى وى دكه‌ت يێ د دنيايێ دا پشت دايه حه‌قییێ، وگوهدارییا خودێ وپێغه‌مبه‌رێ وى نه‌كرى.
{ 18 } { وَجَمَعَ فَأَوْعَىٰ } ومال كۆمكرى، وكرییه د خزينه‌يێن خۆ دا، وحه‌قێ خودێ ژێ ده‌رنه‌ئێخستى.
{ 19 } { إِنَّ الْإِنْسَانَ خُلِقَ هَلُوعًا } هندى مرۆڤه وه‌سا يێ هاتییه ئافراندن كو يێ بێنته‌نگ وچڕيك بت.
{ 20 } { إِذَا مَسَّهُ الشَّرُّ جَزُوعًا } ئه‌گه‌ر نه‌خۆشى وته‌نگاڤییه‌ك گه‌هشتێ ئه‌و صه‌برێ ناكێشت وگه‌له‌ك خه‌مگين دبت.
{ 21 } { وَإِذَا مَسَّهُ الْخَيْرُ مَنُوعًا } وئه‌گه‌ر خۆشى وبه‌رفره‌هییه‌ك گه‌هشتێ ئه‌و چڕيك دبت وده‌ستێ خۆ دگرت.
{ 22 } { إِلَّا الْمُصَلِّينَ } نڤێژكه‌ر تێ نه‌بن.
{ 23 } { الَّذِينَ هُمْ عَلَىٰ صَلَاتِهِمْ دَائِمُونَ } ئه‌وێن هه‌مى ده‌مان ل سه‌ر نڤێژێن خۆ دبه‌رده‌وام، وتشته‌ك وان ژێ موژيل ناكه‌ت.
{ 24 } { وَالَّذِينَ فِي أَمْوَالِهِمْ حَقٌّ مَعْلُومٌ } وئه‌وێن باره‌كا ده‌سنيشانكرى كو زه‌كاته د ناڤ مالێ وان دا هه‌ى.
{ 25 } { لِلسَّائِلِ وَالْمَحْرُومِ } ئه‌و دده‌نه وى يێ هاريكارییێ ژ وان بخوازت، ووى يێ نه‌خوازت ژى.
{ 26 } { وَالَّذِينَ يُصَدِّقُونَ بِيَوْمِ الدِّينِ } وئه‌وێن باوه‌رییێ ب ڕۆژا حسێب وجزادانێ دئينن و ب كرنا چاكییان خۆ بۆ ئاماده دكه‌ن.
{ 27 } { وَالَّذِينَ هُمْ مِنْ عَذَابِ رَبِّهِمْ مُشْفِقُونَ } وئه‌وێن ژ عه‌زابا خودێ دترسن.
{ 28 } { إِنَّ عَذَابَ رَبِّهِمْ غَيْرُ مَأْمُونٍ } هندى عه‌زابا خودايێ وانه دڤێت كه‌س يێ ژێ پشتڕاست نه‌بت.
{ 29 } { وَالَّذِينَ هُمْ لِفُرُوجِهِمْ حَافِظُونَ } وئه‌وێن نامويسا خۆ ژ تشتێ حه‌رام دپارێزن.
{ 30 } { إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ } د گه‌ل ژن وجارییێن وان نه‌بت، د وێ چه‌ندێ دا ئه‌و دلۆمه‌لێكرى نينن.
{ 31 } { فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ } ڤێجا هه‌چییێ بۆ قه‌تاندنا وجا خۆ قه‌ستا هنده‌كێن دى ژبلی ژن وجارییێن خۆ بكه‌ن، ئه‌و ئه‌ون يێن زێده گاڤى كرى و ژ حه‌لالی ده‌رباز بووينه حه‌رامى.
{ 32 } { وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ } وئه‌وێن ئێمانه‌تێ خودێ ويێ خه‌لكى دپارێزن، وپه‌يمانا خۆ د گه‌ل خودێ وبه‌نییان ژى دپارێزن.
{ 33 } { وَالَّذِينَ هُمْ بِشَهَادَاتِهِمْ قَائِمُونَ } وئه‌وێن ب دورستى شاهده‌يیێن خۆ دده‌ن بێ گوهۆڕين وڤه‌شارتن.
{ 34 } { وَالَّذِينَ هُمْ عَلَىٰ صَلَاتِهِمْ يُحَافِظُونَ } وئه‌وێن ب دورستى ب كرنا نڤێژان ڕادبن وتشته‌كى ژێ كێم ناكه‌ن.
{ 35 } { أُولَٰئِكَ فِي جَنَّاتٍ مُكْرَمُونَ } ئه‌وێن خودانێن ڤان سالۆخه‌تێن مه‌زن ئه‌ون يێن د به‌حه‌شتان دا ئاكنجى دبن، و ب هه‌مى ڕه‌نگێن قه‌درگرتنێ قه‌درێ وان دئێته‌گرتن.
{ 36 } { فَمَالِ الَّذِينَ كَفَرُوا قِبَلَكَ مُهْطِعِينَ } ڤێجا ئه‌و چ تشته ئه‌و كافر ب له‌ز ب نك ته ڤه -ئه‌ى پێغه‌مبه‌ر- پالداين، وان ستويێن خۆ يێن درێژ كرين وبه‌رێ وان ڕك وڕك يێ ل ته.
{ 37 } { عَنِ الْيَمِينِ وَعَنِ الشِّمَالِ عِزِينَ } ل لايێ ته يێ ڕاستێ ويێ چه‌پێ ئه‌و يێن كۆم بووين دئاخڤن وعه‌جێبگرتى دمينن؟
{ 38 } { أَيَطْمَعُ كُلُّ امْرِئٍ مِنْهُمْ أَنْ يُدْخَلَ جَنَّةَ نَعِيمٍ } ئه‌رێ ڤان كافران دڤێت خودێ وان هه‌مییان ببه‌ته وێ به‌حه‌شتا خۆشییا وێ يا به‌رده‌وام؟
{ 39 } { كَلَّا ۖ إِنَّا خَلَقْنَاهُمْ مِمَّا يَعْلَمُونَ } نه‌خێر وه نينه وه‌كى ئه‌و دلێ خۆ دبه‌نێ، وئه‌و قه‌ت ناچنه وێ به‌حه‌شتێ. هندى ئه‌مين مه ئه‌و ژ ئاڤه‌كا بێ بها يا ئه‌و پێ دزانن ئافراندينه، وئه‌و باوه‌رییێ نائينن، ڤێجا چاوا ئه‌و دلێ خۆ دبه‌نه به‌حشتێ؟
{ 40 } { فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ } خودێ ب خۆ سویند خوارییه، وئه‌و خودایێ ڕۆژهه‌لات وڕۆژئاڤایێن ڕۆژێ وهه‌یڤ وهه‌مى ستێرانه، ژ به‌ر وان نیشانێن ئاشكه‌را یێن د وان دا هه‌ین ل سه‌ر ڕابوونا ژ مرنێ، هندى ئه‌مین مه شیانه‌كا تمام هه‌یه.
{ 41 } { عَلَىٰ أَنْ نُبَدِّلَ خَيْرًا مِنْهُمْ وَمَا نَحْنُ بِمَسْبُوقِينَ } كو ملله‌ته‌كێ ژ وان چێتر وگوهدارتر بۆ خودێ ل شوينا وان بدانين، وكه‌سه‌ك نينه مه بێزار بكه‌ت يان ژ ده‌ست مه ده‌ركه‌ڤت ئه‌گه‌ر مه ڤيا وى چێكه‌ينه ڤه.
{ 42 } { فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ } ڤێجا وان بهێله بلا ئه‌و ده‌ڤ ژ نه‌حه‌قییا خۆ به‌رنه‌ده‌ن، وبلا ئه‌و د دنيايا خۆ دا يارییان بكه‌ن حه‌تا ڕۆژا قيامه‌تێ ب سه‌ر وان دا بێت ئه‌و ڕۆژا ژڤان ب عه‌زابێ تێدا بۆ وان هاتییه‌دان.
{ 43 } { يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ } ڕۆژا ئه‌و ب له‌ز ژ گۆڕان ده‌ردكه‌ڤن، هه‌ر وه‌كى ئه‌و د دنيايێ دا ب نك وان صه‌نه‌مان ڤه دچوون يێن وان چێكرين دا عيباده‌تى بۆ بكه‌ن، ئه‌و ب له‌ز دچن ودكه‌نه غار.
{ 44 } { خَاشِعَةً أَبْصَارُهُمْ تَرْهَقُهُمْ ذِلَّةٌ ۚ ذَٰلِكَ الْيَوْمُ الَّذِي كَانُوا يُوعَدُونَ } چاڤێن وان دشكه‌ستينه وبه‌رێ وان يێ ل عه‌ردى، ڕه‌زيلی وشه‌رمزارى ب سه‌ر وان دا دئێت، ئه‌ڤه ئه‌و ڕۆژه يا د دنيايێ دا ژڤان بۆ وان پێ دهاته‌دان، ووان باوه‌رى پێ نه‌دئينا وتڕانه بۆ خۆ پێ دكرن.
عربة الشراء 