{ 1 } { بِسْمِ اللَّهِ الرَّحْمَٰنِ الرَّحِيمِ يُسَبِّحُ لِلَّهِ مَا فِي السَّمَاوَاتِ وَمَا فِي الْأَرْضِ الْمَلِكِ الْقُدُّوسِ الْعَزِيزِ الْحَكِيمِ } هه‌ر تشته‌كێ ل عه‌سمانان و هه‌ر تشته‌كێ ل عه‌ردى خودێ ژ وى تشتێ نه‌بابه‌تى وى بت پاك دكه‌ت، وئه‌و ب تنێیه‌ خودانێ هه‌مى تشتان، يێ كو بێ هه‌ڤڕك وان ب ڕێڤه‌ دبه‌ت، يێ پاك ژ هه‌ر كێماسییه‌كا هه‌بت، زالێ كه‌س نه‌شێتێ، يێ كاربنه‌جهـ د كار وكريارێن خۆ دا.

{ 2 } { هُوَ الَّذِي بَعَثَ فِي الْأُمِّيِّينَ رَسُولًا مِنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ } خودێیه‌ يێ كو د ناڤ وان عه‌ره‌بێن نه‌خوانده‌ڤان وبێ كيتاب دا يێن چو شوينوارێن پێغه‌مبه‌رينییێ د ناڤ دا نه‌ماين، پێغه‌مبه‌ره‌ك ژ وان ب خۆ بۆ هه‌مى مرۆڤان هنارتى، قورئانێ بۆ وان دخوينت، ووان ژ هه‌مى بير وباوه‌رێن خراب وئه‌خلاقێ نه‌باش پاقژ دكه‌ت، وقورئانێ وسوننه‌تێ نيشا وان دده‌ت، وهندى ئه‌و بوون ئه‌و به‌رى هاتنا وى د به‌رزه‌بوونه‌كا ئاشكه‌را دا بوون.

{ 3 } { وَآخَرِينَ مِنْهُمْ لَمَّا يَلْحَقُوا بِهِمْ ۚ وَهُوَ الْعَزِيزُ الْحَكِيمُ } ووى ئه‌و بۆ هنده‌كێن دى ژى هنارتییه‌ ژ عه‌ره‌بان و ژ ملله‌تێن دى يێن هێشتا نه‌هاتين، پاشى دێ ئێن. وخودێ ب تنێیه‌ يێ ل سه‌ر هه‌مى تشتان زال وكه‌س نه‌شێتێ، يێ كاربنه‌جهـ د گۆتن وكريارێن خۆ دا.

{ 4 } { ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ } ئه‌ڤ هنارتنا پێغه‌مبه‌رى -سلاڤ لێ بن- بۆ عه‌ره‌بان وملله‌تێن دى، قه‌نجییه‌كه‌ ژ خودێ، ئه‌و وێ دده‌ته‌ وى يێ وى بڤێت ژ به‌نییێن خۆ، وئه‌و ب تنێیه‌ يێ خودان قه‌نجى ودانا مه‌زن وبه‌رفره‌هـ.

{ 5 } { مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا ۚ بِئْسَ مَثَلُ الْقَوْمِ الَّذِينَ كَذَّبُوا بِآيَاتِ اللَّهِ ۚ وَاللَّهُ لَا يَهْدِي الْقَوْمَ الظَّالِمِينَ } مه‌ته‌لا وان جوهییان يێن فه‌رمان لێ هاتییه‌كرن كو كارى ب ته‌وراتێ بكه‌ن پاشى وان كار پێ نه‌كرى، وه‌كى مه‌ته‌لا كه‌رییه‌ كتێبان هل دگرت ونزانت چ تێدا هه‌يه‌، پيسه‌ مه‌ته‌له‌ بۆ وان يێن دره‌و ب ئايه‌تێن خودێ كرى، وچو مفا بۆ خۆ ژێ نه‌ديتى، وخودێ وى ملله‌تێ زۆردار ب هيدايه‌ت نائينت يێ پێ ل توخويبێن وى داناى، وبێ ئه‌مرییا وى كرى.

{ 6 } { قُلْ يَا أَيُّهَا الَّذِينَ هَادُوا إِنْ زَعَمْتُمْ أَنَّكُمْ أَوْلِيَاءُ لِلَّهِ مِنْ دُونِ النَّاسِ فَتَمَنَّوُا الْمَوْتَ إِنْ كُنْتُمْ صَادِقِينَ } تو -ئه‌ى پێغه‌مبه‌ر- بێژه‌ وان يێن پێگيرى ب دينێ جوهياتییێ يێ هاتییه‌ ده‌ستێڤه‌دان كرى: ئه‌گه‌ر هوين -ژ دره‌و- بێژن كو د ناڤبه‌را هه‌مى مرۆڤان دا هوينن خۆشتڤییێن خودێ، پا دێ مرنێ بخوازن ئه‌گه‌ر هوين د ڤێ گۆتنا خۆ دا دڕاستگۆنه‌.

{ 7 } { وَلَا يَتَمَنَّوْنَهُ أَبَدًا بِمَا قَدَّمَتْ أَيْدِيهِمْ ۚ وَاللَّهُ عَلِيمٌ بِالظَّالِمِينَ } وئه‌ڤ جوهییه‌ قه‌ت داخوازا مرنێ ناكه‌ن؛ چونكى وان دنيا ژ ئاخره‌تێ خۆشتر دڤێت، وئه‌و دترسن خودێ وان عه‌زاب بده‌ت؛ ژ به‌ر كوفر وخرابییێن وان كرين. وخودێ ب زۆرداران يێ پڕزانايه‌، تشته‌ك ژ زۆردارییا وان ل وى به‌رزه‌ نابت.

{ 8 } { قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ } تو بێژه‌: هندى ئه‌و مرنه‌ يا هوين ژێ دڕه‌ڤن چو ڕه‌ڤ ژێ نينن، وئه‌و هه‌ر دێ ب سه‌ر هه‌وه‌ دا ئێت ئه‌گه‌ر ڕۆژا هه‌وه‌ هات، پاشى ڕۆژا ڕابوونێ هوين دێ زڤڕنه‌ نك خودێ زانايێ ب هه‌ر تشته‌كێ نه‌به‌رچاڤ ويێ به‌رچاڤ، ڤێجا ئه‌و دێ بێژته‌ هه‌وه‌ كانێ هه‌وه‌ چ كرییه‌، وئه‌و دێ هه‌وه‌ سه‌را وى كارى جزا ده‌ت.

{ 9 } { يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ } ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، ئه‌گه‌ر بانگهلدێرى ل ڕۆژا ئه‌ينییێ بۆ نڤێژێ بانگ دا، هوين بۆ گوهدانا خوتبێ وكرنا نڤێژێ له‌زێ بكه‌ن، وكڕين وفرۆتنێ وهه‌ر تشته‌كێ هه‌وه‌ موژيل بكه‌ت بهێلن، ئه‌ڤ كاره‌ يێ فه‌رمان پێ ل هه‌وه‌ هاتییه‌كرن بۆ هه‌وه‌ چێتره‌؛ ژ به‌ر وێ خێر وگونه‌هـ ژێبرنا دێ گه‌هته‌ هه‌وه‌، ئه‌گه‌ر هوين مفايێ خۆ بزانن وێ چه‌ندێ بكه‌ن. وئه‌ڤ ئايه‌ته‌ ده‌ليله‌ كو واجبه‌ مرۆڤ بچته‌ نڤێژا ئه‌ينییێ وگوهدارییا خوتبێ بكه‌ت.

{ 10 } { فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ } ڤێجا ئه‌گه‌ر هه‌وه‌ گوهدارییا خوتبێ كر، وهه‌وه‌ نڤێژ كر، هوين ل عه‌ردى به‌لاڤ ببن، وهوين ب كه‌دا خۆ داخوازا ڕزقى ژ خودێ بكه‌ن، وهوين د هه‌مى حالان دا گه‌له‌ك زكرێ خودێ بكه‌ن؛ دا به‌لكى هوين خێرا دنيايێ وئاخره‌تێ ب ده‌ست خۆ بێخن.

{ 11 } { وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا وَتَرَكُوكَ قَائِمًا ۚ قُلْ مَا عِنْدَ اللَّهِ خَيْرٌ مِنَ اللَّهْوِ وَمِنَ التِّجَارَةِ ۚ وَاللَّهُ خَيْرُ الرَّازِقِينَ } وئه‌گه‌ر هنده‌ك موسلمانان بازرگانییه‌ك يان هنده‌ك موژيلاهییا دنيايێ وخه‌ملا وێ ديت ئه‌و دێ قه‌ست كه‌نێ، ودێ ته‌ -ئه‌ى پێغه‌مبه‌ر- ڕاوه‌ستیاى ل سه‌ر منبه‌رێ هێلن، تو -ئه‌ى پێغه‌مبه‌ر- بێژه‌ وان: ئه‌و خێر وخۆشییا ل نك خودێ هه‌ى ژ وێ موژيلاهى وبازرگانییێ ب مفاتره‌، وخودێ -ب تنێ- چێترينێ ڕزقده‌هانه‌، ڤێجا هوين ڕزقى ژ وى بخوازن، و ب گوهدارییا ئه‌مرێ وى هوين خێرا دنيايێ وئاخره‌تێ بخوازن.