الغَاشِية
{ 1 } { بِسْمِ اللَّهِ الرَّحْمَٰنِ الرَّحِيمِ هَلْ أَتَاكَ حَدِيثُ الْغَاشِيَةِ } ئه‌رێ به‌حسێ قيامه‌تێ ئه‌وا دێ ب ته‌نگاڤییێن خۆ ڤه ب سه‌ر خه‌لكى دا گرت گه‌هشتییه ته -ئه‌ى پێغه‌مبه‌ر-؟
{ 2 } { وُجُوهٌ يَوْمَئِذٍ خَاشِعَةٌ } ژ به‌ر عه‌زابێ ڕوییێن كافران وێ ڕۆژێ دشكه‌ستى وڕه‌زيلن.
{ 3 } { عَامِلَةٌ نَاصِبَةٌ } ب كارى ڤه دوه‌ستياينه.
{ 4 } { تَصْلَىٰ نَارًا حَامِيَةً } ئاگره‌كێ دژوار وشاراندى دگرت.
{ 5 } { تُسْقَىٰ مِنْ عَيْنٍ آنِيَةٍ } ژ كانییه‌كا زێده كه‌لاندى دئێنه ئاڤدان.
{ 6 } { لَيْسَ لَهُمْ طَعَامٌ إِلَّا مِنْ ضَرِيعٍ } ژبلی وێ سترییا ب عه‌ردى ڤه نويسياى، كو نه‌خۆشترين وپيسترين خوارنه، خوارنه‌ك بۆ جه‌هنه‌مییان نينه.
{ 7 } { لَا يُسْمِنُ وَلَا يُغْنِي مِنْ جُوعٍ } وئه‌و خوارنه‌كه نه خودانێ خۆ قه‌له‌و دكه‌ت، ونه برسا وى دشكێنت.
{ 8 } { وُجُوهٌ يَوْمَئِذٍ نَاعِمَةٌ } ڕۆژا قيامه‌تێ ڕوییێن خودان باوه‌ران دگه‌شن و د خۆشییان دانه.
{ 9 } { لِسَعْيِهَا رَاضِيَةٌ } ژ به‌ر وێ كه‌دا وان د دنيايێ دا كرى ئه‌و ل ئاخره‌تێ دڕازينه.
{ 10 } { فِي جَنَّةٍ عَالِيَةٍ } د به‌حه‌شته‌كا بلند دانه.
{ 11 } { لَا تَسْمَعُ فِيهَا لَاغِيَةً } گۆتنه‌كا ب تنێ ژى يا بێ مفا تێدا نائێته بهيستن.
{ 12 } { فِيهَا عَيْنٌ جَارِيَةٌ } كانییه‌كا ئاڤ ژێ دزێت تێدا هه‌يه.
{ 13 } { فِيهَا سُرُرٌ مَرْفُوعَةٌ } ته‌ختێن بلند تێدا هەنە.
{ 14 } { وَأَكْوَابٌ مَوْضُوعَةٌ } وكۆپێن داناى بۆ ڤه‌خورانێ.
{ 15 } { وَنَمَارِقُ مَصْفُوفَةٌ } وباليفكێن ب ڕێزكرى ئێك ب ڕه‌خ ئێكێ ڤه.
{ 16 } { وَزَرَابِيُّ مَبْثُوثَةٌ } ومه‌حفويرێن ڕائێخستى تێدا هه‌نه.
{ 17 } { أَفَلَا يَنْظُرُونَ إِلَى الْإِبِلِ كَيْفَ خُلِقَتْ } ئه‌رێ ما كافرێن دره‌وپێكه‌ر به‌رێ خۆ ناده‌نه حێشترێ: چاوا ئه‌و ب ڤى ڕه‌نگێ عه‌جێب هاتییه ئافراندن؟
{ 18 } { وَإِلَى السَّمَاءِ كَيْفَ رُفِعَتْ } وعه‌سمان چاوا ب ڤى ڕه‌نگێ جوان هاتییه بلندكرن؟
{ 19 } { وَإِلَى الْجِبَالِ كَيْفَ نُصِبَتْ } وچيا چاوا هاتينه چكلاندن، ڤێجا عه‌رد ب وان هاتییه ڕاگرتن؟
{ 20 } { وَإِلَى الْأَرْضِ كَيْفَ سُطِحَتْ } وعه‌رد چاوا هاتییه رائێخستن وخۆشكرن؟
{ 21 } { فَذَكِّرْ إِنَّمَا أَنْتَ مُذَكِّرٌ } ڤێجا تو -ئه‌ى پێغه‌مبه‌ر- ب وێ يا تو پێ هاتییه هنارتن بيرا وان بينه‌ڤه يێن پشت دده‌ن.
{ 22 } { لَسْتَ عَلَيْهِمْ بِمُصَيْطِرٍ } وتو سه‌را پشتدانا وان ب خه‌م نه‌كه‌ڤه، يا ل سه‌ر ته ئه‌و نينه تو ب ته‌عدايى باوه‌رییێ بكه‌يه د دلێن وان دا.
{ 23 } { إِلَّا مَنْ تَوَلَّىٰ وَكَفَرَ } به‌لێ ئه‌وێ پشت دايه بيرئينان وشيره‌تێ وڕژدى ل سه‌ر كوفرا خۆ كرى.
{ 24 } { فَيُعَذِّبُهُ اللَّهُ الْعَذَابَ الْأَكْبَرَ } خودێ ب عه‌زابه‌كا دژوار د ئاگرى دا دێ وى عه‌زاب ده‌ت.
{ 25 } { إِنَّ إِلَيْنَا إِيَابَهُمْ } هندى زڤڕينا وانه پشتى مرنێ بۆ نك مه‌يه.
{ 26 } { ثُمَّ إِنَّ عَلَيْنَا حِسَابَهُمْ } پاشى هندى جزايێ وانه سه‌را كريارێن وان ل سه‌ر مه‌يه.
