البَلَد
{ 1 } { بِسْمِ اللَّهِ الرَّحْمَٰنِ الرَّحِيمِ لَا أُقْسِمُ بِهَٰذَا الْبَلَدِ } خودێ ب ڤى باژێرێ حه‌رام، كو (مه‌كه‌هه) سويند خوار.
{ 2 } { وَأَنْتَ حِلٌّ بِهَٰذَا الْبَلَدِ } وتو -ئه‌ى پێغه‌مبه‌ر- يێ ل ڤى باژێرى ئاكنجى.
{ 3 } { وَوَالِدٍ وَمَا وَلَدَ } وسويند ب بابێ مرۆڤان -كو ئاده‌مه سلاڤ لێ بن- خوار وئه‌و زارۆكێن ژ وى بووين.
{ 4 } { لَقَدْ خَلَقْنَا الْإِنْسَانَ فِي كَبَدٍ } ب ڕاستى مه مرۆڤ ئافراند ئه‌و نه‌خۆشى وزه‌حمه‌تێ د دنيايێ دا دبه‌ت.
{ 5 } { أَيَحْسَبُ أَنْ لَنْ يَقْدِرَ عَلَيْهِ أَحَدٌ } ئه‌رێ ژ به‌ر وى مالێ وى كۆم كرى ئه‌و هزر دكه‌ت كو خودێ نه‌شێتێ؟
{ 6 } { يَقُولُ أَهْلَكْتُ مَالًا لُبَدًا } ب مه‌دحه‌ڤه دبێژت: من گه‌له‌ك مال يێ خه‌رج كرى.
{ 7 } { أَيَحْسَبُ أَنْ لَمْ يَرَهُ أَحَدٌ } ئه‌رێ ئه‌و هزر دكه‌ت كو د ڤى حالی دا خودێ ئه‌و نه‌ديتییه، وحسێبێ د گه‌ل وى ناكه‌ت؟
{ 8 } { أَلَمْ نَجْعَلْ لَهُ عَيْنَيْنِ } ئه‌رێ ما مه دو چاڤ نه‌داينه وى ئه‌و پێ دبينت.
{ 9 } { وَلِسَانًا وَشَفَتَيْنِ } وئه‌زمانه‌ك ودو لێڤ ئه‌و پێ دئاخڤت.
{ 10 } { وَهَدَيْنَاهُ النَّجْدَيْنِ } ومه ڕێكا باش وخراب بۆ وى ئاشكه‌را كرن؟
{ 11 } { فَلَا اقْتَحَمَ الْعَقَبَةَ } ڤێجا بلا وى ب خه‌رجكرنا مالێ خۆ، خۆ ژ ئاسته‌نگا ئاخره‌تێ ده‌رباز كربا، دا پشتڕاست ببا.
{ 12 } { وَمَا أَدْرَاكَ مَا الْعَقَبَةُ } وتو چ دزانى: ئاسته‌نگا ئاخره‌تێ چيه، وخه‌لك ب چ ژێ ده‌رباز دبن؟
{ 13 } { فَكُّ رَقَبَةٍ } ئه‌و ئازاكرنا گه‌رده‌نه‌كێ ژ عه‌بدينیێیه.
{ 14 } { أَوْ إِطْعَامٌ فِي يَوْمٍ ذِي مَسْغَبَةٍ } يان دانا خوارنێیه ل ڕۆژه‌كا برسا وێ دژوار.
{ 15 } { يَتِيمًا ذَا مَقْرَبَةٍ } بۆ ئێتيمه‌كێ مرۆڤێ مرۆڤى بت يێ خێرا مرۆڤينییێ ودانا خێرێ پێ دگه‌هته مرۆڤى.
{ 16 } { أَوْ مِسْكِينًا ذَا مَتْرَبَةٍ } يان هه‌ژاره‌كێ چو تشت نه‌بن.
{ 17 } { ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ } پاشى ئه‌و د گه‌ل كرنا ڤان خێرێن ژێگۆتى ژ وان بوو يێن ئيخلاص د باوه‌رییا خۆ ب خودێ دا كرى، وشيره‌ت ب بێهنفره‌هییا ل سه‌ر گوهدارییا خودێ وخۆ پاشڤه‌برنا ژ بێ ئه‌مرییا وى ل ئێك ودو كرين، وشيره‌ت ب دلۆڤانییا د گه‌ل خه‌لكى ل ئێك ودو كرين.
{ 18 } { أُولَٰئِكَ أَصْحَابُ الْمَيْمَنَةِ } ئه‌وێن ئه‌ڤ كاره كرين، ئه‌ون خودانێن ڕاستییێ، يێن ڕۆژا قيامه‌تێ ب لايێ ڕاستێ ڤه بۆ به‌حه‌شتێ دئێنه‌برن.
{ 19 } { وَالَّذِينَ كَفَرُوا بِآيَاتِنَا هُمْ أَصْحَابُ الْمَشْأَمَةِ } وئه‌وێن كافرى ب قورئانێ كرى ئه‌ون يێن ڕۆژا قيامه‌تێ ب لايێ چه‌پێ ڤه بۆ ئاگرى دئێنه‌برن.
{ 20 } { عَلَيْهِمْ نَارٌ مُؤْصَدَةٌ } جزايێ وان جه‌هنه‌مه ب سه‌ر وان دا دگرت و ل وان دئێته ئێك.
عربة الشراء 