{ 1 } { الم } [الم] ل ده‌سپێكا سووره‌تا به‌قه‌ره‌ به‌حس ژێ هاته‌كرن.

{ 2 } { اللَّهُ لَا إِلَٰهَ إِلَّا هُوَ الْحَيُّ الْقَيُّومُ } ئه‌وه‌ خودێ، ژ وى پێڤه‌تر چو خودايێن ب حه‌ق نينن په‌رستن بۆ بێته‌كرن، ژينه‌كا پێكهاتى وه‌كى هێژایى وى بت بۆ وى هه‌يه‌، ئه‌و ب كرنا هه‌ر تشته‌كى يێ ڕابوويیه‌.

{ 3 } { نَزَّلَ عَلَيْكَ الْكِتَابَ بِالْحَقِّ مُصَدِّقًا لِمَا بَيْنَ يَدَيْهِ وَأَنْزَلَ التَّوْرَاةَ وَالْإِنْجِيلَ } وى قورئانا چو گومان تێدا نه‌هه‌ى ب حه‌قى بۆ ته‌ -ئه‌ى پێغه‌مبه‌ر- ئينايه‌ خوارێ، ئه‌و كيتاب وپێغه‌مبه‌رێن به‌رى خۆ ڕاستگۆ ده‌رتێخت، وبه‌رى ئينانه‌خوارا قورئانێ وى ته‌ورات بۆ مووسایى سلاڤ لێ بن وئنجيل بۆ عیسایى سلاڤ لێ بن ئينابوونه‌ خوارێ.

{ 4 } { مِنْ قَبْلُ هُدًى لِلنَّاسِ وَأَنْزَلَ الْفُرْقَانَ ۗ إِنَّ الَّذِينَ كَفَرُوا بِآيَاتِ اللَّهِ لَهُمْ عَذَابٌ شَدِيدٌ ۗ وَاللَّهُ عَزِيزٌ ذُو انْتِقَامٍ } بەری قورئانێ ئه‌و ئينابوونه‌ خوارێ دا ئه‌و به‌رێ ته‌قواداران پێ بده‌ته‌ باوه‌رییێ وتشتێ مفايێ دين ودنيايا وان تێدا هه‌ى، ووى ئه‌و تشت ئيناخوارێ يێ حه‌قییێ ژ نه‌حه‌قییێ جودا دكه‌ت. هندى ئه‌ون يێن باوه‌رى ب وان ئايه‌تێن خودێ يێن هاتينه ‌خوارێ نه‌ئيناى، عه‌زابه‌كا مه‌زن بۆ وان هه‌يه‌. وخودێ يێ زاله‌ كه‌س نه‌شێتێ، وئه‌و تۆلێ ژ وى دستينت يێ باوه‌رییێ ب نيشانێن وى نه‌ئينت.

{ 5 } { إِنَّ اللَّهَ لَا يَخْفَىٰ عَلَيْهِ شَيْءٌ فِي الْأَرْضِ وَلَا فِي السَّمَاءِ } هندى خودێیه‌ زانينا وى دۆر ل هه‌مى چێكرییان گرتییه‌، چو تشت نه‌ ل عه‌ردى ونه‌ ل عه‌سمانى ل به‌ر وى به‌رزه‌ نابت، يێ هوير بت يان يێ گر بت.

{ 6 } { هُوَ الَّذِي يُصَوِّرُكُمْ فِي الْأَرْحَامِ كَيْفَ يَشَاءُ ۚ لَا إِلَٰهَ إِلَّا هُوَ الْعَزِيزُ الْحَكِيمُ } ئه‌و ب تنێیه‌ يێ هه‌وه‌ د مالبچويكان دا دئافرينت، وه‌كى وى دڤێت، نێر يان مێ، جوان يان كرێت، كه‌يفخۆش يان خه‌مگين، ژ وى پێڤه‌تر چو خودايێن ب حه‌ق نينن په‌رستن بۆ بێته‌كرن، ئه‌وه‌ زالێ كه‌س نه‌شێتێ، يێ كاربنه‌جهه د هه‌مى كار وكريارێن خۆ دا.

{ 7 } { هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ ۖ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ ۗ وَمَا يَعْلَمُ تَأْوِيلَهُ إِلَّا اللَّهُ ۗ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا ۗ وَمَا يَذَّكَّرُ إِلَّا أُولُو الْأَلْبَابِ } ئه‌و ب تنێیه‌ يێ قورئان بۆ ته‌ ئينايه ‌خوارێ: هنده‌ك ئايه‌ت ژێ د بنه‌جهـ وڕامان ئاشكه‌رانه‌، ئه‌ون بناخه‌يێ كيتابێ يێ كو ل ده‌مێ ئالۆزییێ دڤێت لێ زڤڕين بۆ بێته‌كرن، وهنده‌ك ئايه‌تێن دى ژێ نه‌ دئاشكه‌رانه‌ پتر ژ ڕامانه‌كێ ژێ دچت، وڕامانا وان ئاشكه‌را نابت حه‌تا ئه‌و نه‌ئێنه‌ دانان ب ڕه‌خ وان ڤه‌ يێن ئاشكه‌را، ڤێجا خودانێن مه‌ژییێن نساخ وسه‌رداچووى، ژ به‌ر دلێ وان يێ خراب دويچوونا ڤان ئايه‌تێن نه‌ئاشكه‌را دكه‌ن، دا خه‌لكى به‌رزه‌كه‌ن، ووان دسه‌ردا ببه‌ن، وئه‌و وه‌ربادانێ دئێخنێ دا خه‌لك ل دويڤ بۆچوونێن وان يێن نه‌حه‌ق بچن. و ژ خودێ پێڤه‌تر كه‌س ڕامانا ڤان ئايه‌تان نزانت. ويێن موكم د زانينێ دا دبێژن: مه‌ باوه‌رى ب ڤێ قورئانێ هه‌يه‌، ئه‌و هه‌مى ژ نك خودايێ مه‌ و ل سه‌ر ئه‌زمانێ پێغه‌مبه‌رێ وى موحه‌ممه‌دى سلاڤ لێ بن بۆ مه‌ هاتییه‌، وئه‌و تشتێ نه‌ئاشكه‌را ژێ دداننه‌ د گه‌ل يێ ئاشكه‌را، وهه‌ما ئه‌و ب دورستى د ڕامانان دگه‌هن وبيرا خۆ لێ دئيننه‌ڤه‌ يێن خودان عه‌قله‌كێ دورست بن.

{ 8 } { رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً ۚ إِنَّكَ أَنْتَ الْوَهَّابُ } وئه‌و دبێژن: خودايێ مه‌ يێ ته‌ منه‌ت ل مه‌ كرى وبه‌رێ مه‌ دايه‌ دينێ خۆ تو دلێن مه‌ دسه‌ردا نه‌به‌، و ژ قه‌نجییا خۆ تو دلۆڤانییه‌كا به‌رفره‌هـ بده‌ مه‌، هندى تويى تو پڕ قه‌نجییێ دده‌ى: دان وقه‌نجییا ته‌ گه‌له‌كه‌، هه‌چییێ ته‌ بڤێت بێ هژمار تو دده‌يێ.

{ 9 } { رَبَّنَا إِنَّكَ جَامِعُ النَّاسِ لِيَوْمٍ لَا رَيْبَ فِيهِ ۚ إِنَّ اللَّهَ لَا يُخْلِفُ الْمِيعَادَ } خودايێ مه‌ ئه‌م شاهده‌يیێ دده‌ين ومه‌ باوه‌رى هه‌يه‌ كو تو مرۆڤان بۆ ڕۆژه‌كا گۆمان تێدا نه‌هه‌ى كو ڕۆژا قيامه‌تێیه‌ دێ كۆم كه‌ى، هندى تويى تو ل وێ سۆزا خۆ لێڤه‌نابى يا ته‌ دايه‌ به‌نییێن خۆ.

{ 10 } { إِنَّ الَّذِينَ كَفَرُوا لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا ۖ وَأُولَٰئِكَ هُمْ وَقُودُ النَّارِ } هندى ئه‌ون يێن كافرى ب دینێ حه‌ق كرى، وباوه‌رى پێ نه‌ئيناى، نه‌ مالێ وان ونه‌ عه‌يالێ وان ب تشته‌كى مفايێ وان ژ عه‌زابا خودێ ناده‌ن ئه‌گه‌ر ئه‌و د دنيايێ دا ب سه‌ر وان دا هات، يان ل ئاخره‌تێ گه‌هشته‌ وان، وئه‌وێن هه‌نه‌ ڕۆژا قيامه‌تێ ئاگر پێ هل دبتێ.

{ 11 } { كَدَأْبِ آلِ فِرْعَوْنَ وَالَّذِينَ مِنْ قَبْلِهِمْ ۚ كَذَّبُوا بِآيَاتِنَا فَأَخَذَهُمُ اللَّهُ بِذُنُوبِهِمْ ۗ وَاللَّهُ شَدِيدُ الْعِقَابِ } مه‌ته‌لا ڤان كافرێن باوه‌رییێ ب وێ نه‌ئينن يا بۆ وان هاتییه‌ خوارێ وه‌كى مه‌ته‌لا فرعه‌ونییان ووان كافرێن به‌رى وانه‌، وان دره‌و ب ئايه‌تێن خودێ يێن ئاشكه‌را كر، ڤێجا ژ به‌ر ڕكدارى وگونه‌هێن وان خودێ له‌ز د جزادانا وان دا كر. وخودێ يێ عه‌زاب دژواره‌ د گه‌ل وى يێ پێ كافر ببت وپێغه‌مبه‌رێن وى دره‌وين ده‌ربێخت.

{ 12 } { قُلْ لِلَّذِينَ كَفَرُوا سَتُغْلَبُونَ وَتُحْشَرُونَ إِلَىٰ جَهَنَّمَ ۚ وَبِئْسَ الْمِهَادُ } ئه‌ى پێغه‌مبه‌ر تو بێژه‌ وان جوهییان وئه‌وێن سه‌ركه‌فتنا ته‌ ل (به‌درێ) ب چو ڤه‌ نه‌گرتى: هوين د دنيايێ دا دێ ئێنه ‌شكاندن و ل سه‌ر كوفرێ دێ مرن، وبۆ ئاگرێ جه‌هنه‌مێ دێ ئێنه‌ كۆمكرن؛ دا ئه‌و بۆ هه‌وه‌ ببته‌ جهـ، وپيسه‌ جهه‌ ئه‌و.

{ 13 } { قَدْ كَانَ لَكُمْ آيَةٌ فِي فِئَتَيْنِ الْتَقَتَا ۖ فِئَةٌ تُقَاتِلُ فِي سَبِيلِ اللَّهِ وَأُخْرَىٰ كَافِرَةٌ يَرَوْنَهُمْ مِثْلَيْهِمْ رَأْيَ الْعَيْنِ ۚ وَاللَّهُ يُؤَيِّدُ بِنَصْرِهِ مَنْ يَشَاءُ ۗ إِنَّ فِي ذَٰلِكَ لَعِبْرَةً لِأُولِي الْأَبْصَارِ } ئه‌ى جوهییێن خۆمه‌زنكه‌ر وڕكۆ ب ڕاستى نيشانه‌كا مه‌زن بۆ هه‌وه‌ د دو كۆمان دا يێن كو ل به‌درێ گه‌هشتينه‌ ئێك هه‌بوو: كۆمه‌كێ، كو موحه‌ممه‌د سلاڤ لێ بن وهه‌ڤالێن وى بوون، شه‌ڕ د ڕێكا خودێ دا دكر، و كۆمه‌كا دى يا كافر ب خودێ، شه‌ڕ د ڕێكا نه‌حه‌قییێ دا دكر، وان ب ديتنا چاڤان خودان باوه‌ر دوجاركى هندى وان دديتن، وخودێ ئه‌و چه‌نده‌ كره‌ ئه‌گه‌را سه‌ركه‌فتنا موسلمانان ل سه‌ر وان. وهه‌چى به‌نییێ خودێ ئه‌و بڤێت ئه‌و ب سه‌ركه‌فتنا خۆ پشته‌ڤانییا وى دكه‌ت. هندى ئه‌و چه‌نده‌يه‌ يا كو چێبووى عيبره‌ته‌كا مه‌زن بۆ خودان ديتنان تێدا هه‌يه‌ ئه‌وێن حوكمێ خودێ وكریارێن وى دزانن.

{ 14 } { زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ۗ ذَٰلِكَ مَتَاعُ الْحَيَاةِ الدُّنْيَا ۖ وَاللَّهُ عِنْدَهُ حُسْنُ الْمَآبِ } ڤيانا دلچوونان ژ ژن وكوڕان، ومالێ گه‌له‌ك ژ زێڕ وزيڤان، و ژ ده‌وارێن جوان، وحێشتر وچێل وته‌رش وكه‌والان، وعه‌ردێ بۆ چاندنێ هاتییه‌ ده‌ستنيشاكرن، ل به‌ر مرۆڤان يا هاتییه‌ خه‌ملاندن، وئه‌وا هه‌ خۆشییا ژينا دنيايێیه‌ يا كو نه‌مينت. و ل نك خودێ خێر وجهێ باشێ زڤڕينێ -كو به‌حه‌شته-‌ هه‌يه‌.

{ 15 } { قُلْ أَؤُنَبِّئُكُمْ بِخَيْرٍ مِنْ ذَٰلِكُمْ ۚ لِلَّذِينَ اتَّقَوْا عِنْدَ رَبِّهِمْ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَأَزْوَاجٌ مُطَهَّرَةٌ وَرِضْوَانٌ مِنَ اللَّهِ ۗ وَاللَّهُ بَصِيرٌ بِالْعِبَادِ } تو -ئه‌ى پێغه‌مبه‌ر- بێژه‌: ئه‌رێ ئه‌ز بۆ هه‌وه‌ وێ يا چێتر ژ ڤێ ئه‌وا ل به‌ر مرۆڤان هاتییه‌ شرينكرن بێژم، بۆ وى يێ ته‌قوایا خودێ بكه‌ت و ژ جزادانا وى بترست كو به‌حشتێن ڕويبار د بن خانى وداروبارێن وان دا دچن هه‌نه‌، ئه‌و هه‌ر دێ تێدا مينن، وژنێن پاقژ ژ هه‌مى پيساتییان بۆ وان تێدا هه‌نه‌، ويا ژ ڤێ مه‌زنتر بۆ وان تێدا هه‌یه‌: كو ڕازيبوونا خودێیه‌. وخودێ ب هه‌مى به‌نییێن خۆ يێ ئاگه‌هداره‌، ب حالێ وان يێ زانايه‌، وئه‌و دێ جزايێ وان سه‌را وێ چه‌ندێ ده‌ت.

{ 16 } { الَّذِينَ يَقُولُونَ رَبَّنَا إِنَّنَا آمَنَّا فَاغْفِرْ لَنَا ذُنُوبَنَا وَقِنَا عَذَابَ النَّارِ } ئه‌و عیباده‌تكه‌رێن ته‌قواردار دبێژن: خودايێ مه‌، هندى ئه‌مين مه‌ باوه‌رى ب ته‌ ئينايه‌، ودویكه‌فتنا پێغه‌مبه‌رێ ته‌ موحه‌ممه‌دى سلاڤ لێ بن كرییه‌، ڤێجا تو گونه‌هێن مه‌ بۆ مه‌ ژێ ببه‌، ومه‌ ژ عه‌زابا ئاگرى بپارێزه‌.

{ 17 } { الصَّابِرِينَ وَالصَّادِقِينَ وَالْقَانِتِينَ وَالْمُنْفِقِينَ وَالْمُسْتَغْفِرِينَ بِالْأَسْحَارِ } ئه‌ون یێن ل سه‌ر كرنا عيباده‌تى وخۆ دويركرنا ژ گونه‌هان و وان نه‌خۆشییێن ب قه‌ده‌را خودێ دگه‌هنێ دبێهنفره‌هـ، وئه‌و د گۆتن وكريارێن خۆ دا دڕاستگۆنه‌، و ب تمامى عيباده‌تى دكه‌ن، وئاشكه‌را وڤه‌شارتى خێران دده‌ن، و ل دويماهییا شه‌ڤان داخوازا ژێبرنا گونه‌هان بۆ خۆ ژ خودێ دكه‌ن؛ چونكى ل وى ده‌مى پتر يا به‌رهزره‌ كو دوعا بێنه‌ وه‌رگرتن.

{ 18 } { شَهِدَ اللَّهُ أَنَّهُ لَا إِلَٰهَ إِلَّا هُوَ وَالْمَلَائِكَةُ وَأُولُو الْعِلْمِ قَائِمًا بِالْقِسْطِ ۚ لَا إِلَٰهَ إِلَّا هُوَ الْعَزِيزُ الْحَكِيمُ } خودێ شاهده‌يى دايه‌ كو ئه‌و ب تنێ خودايه‌، ووى شاهده‌يیا ملیاكه‌ت وزانايان ژى دا د گه‌ل شاهده‌ییا خۆ، ل سه‌ر مه‌زنترين تشتێ شاهده‌يى بۆ دئێته‌دان: كو ته‌وحيد وپێ ڕابوونا وییه‌ ب دادییێ، ژ وى پێڤه‌تر چو خودا نينن، يێ زاله‌ چو تشته‌كێ وى بڤێت ل به‌ر وى ئاسێ نابت، د گۆتن وكريارێن خۆ دا يێ كاربنه‌جهه‌.

{ 19 } { إِنَّ الدِّينَ عِنْدَ اللَّهِ الْإِسْلَامُ ۗ وَمَا اخْتَلَفَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ ۗ وَمَنْ يَكْفُرْ بِآيَاتِ اللَّهِ فَإِنَّ اللَّهَ سَرِيعُ الْحِسَابِ } هندى ئه‌و دينه‌ يێ خودێ بۆ به‌نییێن خۆ پێ ڕازى بووى وپێغه‌مبه‌رێن خۆ پێ هنارتين، و ژبلى وى ئه‌و ب چو دينێن دى ڕازى نابت، ئيسلامه‌، وئيسلام ئه‌وه‌ مرۆڤ عيباده‌تى بۆ خودێ ب تنێ بكه‌ت وخۆ ته‌سليمى وى بكه‌ت، ودويچوونا پێغه‌مبه‌ران بكه‌ت. وئه‌وێن كيتاب بۆ هاتى ژ جوهى وفه‌لان ب خيلاف نه‌چوون، ونه‌بوونه‌ پارت وده‌سته‌كێن لێككه‌فتى حه‌تا ب هنارتنا پێغه‌مبه‌ران وئينانه ‌خوارا كيتابان هێجه‌ت بۆ وان نه‌ماى؛ ژ به‌ر چاڤ پێ نه‌ڕابوون وداخوازكرنا وان بۆ دنيايێ. وهه‌چییێ باوه‌رییێ ب وان ئايه‌تێن خودێ نه‌ئينت يێن هاتينه‌خوارێ وخوداينییا وى ئاشكه‌را دكه‌ن.. هندى خودێیه‌ حسێبا وى يا ب له‌زه‌، وئه‌و سه‌را كارێ وان دكر دێ جزايێ وان ده‌ت.

{ 20 } { فَإِنْ حَاجُّوكَ فَقُلْ أَسْلَمْتُ وَجْهِيَ لِلَّهِ وَمَنِ اتَّبَعَنِ ۗ وَقُلْ لِلَّذِينَ أُوتُوا الْكِتَابَ وَالْأُمِّيِّينَ أَأَسْلَمْتُمْ ۚ فَإِنْ أَسْلَمُوا فَقَدِ اهْتَدَوْا ۖ وَإِنْ تَوَلَّوْا فَإِنَّمَا عَلَيْكَ الْبَلَاغُ ۗ وَاللَّهُ بَصِيرٌ بِالْعِبَادِ } ڤێجا ئه‌گه‌ر خودانێن كيتابێ هه‌ڤڕكى د گه‌ل ته‌ -ئه‌ى پێغه‌مبه‌ر- د ته‌وحيدێ دا كر پشتى ته‌ چو هێجه‌ت بۆ وان نه‌هێلاين، تو بێژه‌ وان: من به‌رێ خۆ يێ دايه‌ خودێ ب تنێ وئه‌ز كه‌سێ بۆ وى ناكه‌مه‌ هه‌ڤپشك، هه‌ر وه‌سا هه‌چییێ دويكه‌فتنا من كرى ژ خودان باوه‌ران، وان ژى به‌رێ خۆ دايه‌ خودێ ب تنێ، وتو بێژه‌ وان وبێژه‌ بوتپه‌رێسێن عه‌ره‌بان وكافرێن دى: ئه‌گه‌ر هوين موسلمان ببن هوين دێ ل سه‌ر حه‌قییێ وڕێكا ڕاست بن، وئه‌گه‌ر هوين پشت بده‌ن حسێبا هه‌وه‌ دێ ل سه‌ر خودێ بت، وهه‌ما يا ل سه‌ر من گه‌هاندنه‌، ومن حه‌قى گه‌هانده‌ هه‌وه‌ وچو هێجه‌ت بۆ هه‌وه‌ نه‌هێلان. وخودێ ب به‌نییان يێ بينه‌ره‌، تشته‌ك ژ كارێ وان ل به‌ر وى به‌رزه‌ نابت.

{ 21 } { إِنَّ الَّذِينَ يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ حَقٍّ وَيَقْتُلُونَ الَّذِينَ يَأْمُرُونَ بِالْقِسْطِ مِنَ النَّاسِ فَبَشِّرْهُمْ بِعَذَابٍ أَلِيمٍ } هندى ئه‌ون يێن كافرییێ ب ئايه‌تێن ئاشكه‌را دكه‌ن و ب وێ يا پێغه‌مبه‌ر پێ هاتين، وپێغه‌مبه‌رێن خودێ ژ زۆردارى وبێ حه‌ق دكوژن، ووان دكوژن يێن فه‌رمانێ ب دادییێ ودويكه‌فتنا پێغه‌مبه‌ران دكه‌ن، تو مزگينییێ ب عه‌زابه‌كا ب ئێش بده‌ وان.

{ 22 } { أُولَٰئِكَ الَّذِينَ حَبِطَتْ أَعْمَالُهُمْ فِي الدُّنْيَا وَالْآخِرَةِ وَمَا لَهُمْ مِنْ نَاصِرِينَ } ئه‌و ئه‌ون يێن كريارێن وان د دنيايێ وئاخره‌تێ دا پويچ بووين، ڤێجا كرياره‌ك ژ وان نائێته‌ قه‌بويلكرن، وچو پشته‌ڤانه‌ك بۆ وان نابت وان ژ عه‌زابا خودێ بپارێزت.

{ 23 } { أَلَمْ تَرَ إِلَى الَّذِينَ أُوتُوا نَصِيبًا مِنَ الْكِتَابِ يُدْعَوْنَ إِلَىٰ كِتَابِ اللَّهِ لِيَحْكُمَ بَيْنَهُمْ ثُمَّ يَتَوَلَّىٰ فَرِيقٌ مِنْهُمْ وَهُمْ مُعْرِضُونَ } ئه‌رێ ما ته‌ -ئه‌ى پێغه‌مبه‌ر- ژ حالێ ڤان جوهییان عه‌جێبتر ديتییه‌ ئه‌وێن خودێ باره‌ك ژ كيتابێ دايێ ڤێجا وان زانى كو ئه‌وا بۆ ته‌ هاتى حه‌قییه‌، ئه‌و بۆ وێ يا د كيتابا خودێ دا -كو قورئانه- هاتى دئێنه‌ گازيكرن دا حوكمى د ناڤبه‌را وان دا بكه‌ت، ڤێجا ئه‌گه‌ر ئه‌و ل دويڤ دلێ وان نه‌بت بارا پتر ژ وان حوكمێ خودێ قه‌بويل ناكه‌ن؛ چونكى عه‌ده‌تێ وانه‌ ئه‌و پشتا خۆ دده‌نه‌ حه‌قییێ.

{ 24 } { ذَٰلِكَ بِأَنَّهُمْ قَالُوا لَنْ تَمَسَّنَا النَّارُ إِلَّا أَيَّامًا مَعْدُودَاتٍ ۖ وَغَرَّهُمْ فِي دِينِهِمْ مَا كَانُوا يَفْتَرُونَ } ئه‌و پشتدانا وان بۆ حه‌قییێ ژ ئه‌گه‌را وێ باوه‌رییا خرابه‌ ئه‌وا ل نك كيتابییان هه‌ى؛ كو هنده‌ك ڕۆژێن كێم تێ نه‌بن ئه‌و نائێنه‌ عه‌زابدان، وئه‌ڤ باوه‌رییه‌يه‌ ئه‌و ل سه‌ر خودێ بسته‌كرين كو سڤكییێ ب دينێ وى بكه‌ن، و ل سه‌ر دينێ خۆ يێ پويچ يێ وان خۆ پێ خاپاندى به‌رده‌وام بمينن.

{ 25 } { فَكَيْفَ إِذَا جَمَعْنَاهُمْ لِيَوْمٍ لَا رَيْبَ فِيهِ وَوُفِّيَتْ كُلُّ نَفْسٍ مَا كَسَبَتْ وَهُمْ لَا يُظْلَمُونَ } ڤێجا حالێ وان دێ يێ چاوا بت ئه‌گه‌ر خودێ ل ڕۆژه‌كا گۆمان تێدانه‌ -كو ڕۆژا قيامه‌تێیه- ئه‌و كۆمكرن دا حسێبێ د گه‌ل وان بكه‌ت، وهه‌ر ئێكى جزايێ خۆ ل دويڤ كريارا خۆ وه‌رگرت، وزۆردارى ل وان نائێته‌كرن؟

{ 26 } { قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ ۖ بِيَدِكَ الْخَيْرُ ۖ إِنَّكَ عَلَىٰ كُلِّ شَيْءٍ قَدِيرٌ } تو -ئه‌ى پێغه‌مبه‌ر-دوعايێ ژ خودايێ خۆ بكه‌ وبێژه‌: ئه‌ى خودانێ ملكى هه‌مییێ، تويى يێ ته‌ بڤێت ژ به‌نییێن خۆ تو ملكى ومالى ومه‌زنییێ د عه‌ردى دا دده‌يێ، وتو ملكى ژ وى دستينى يێ ته‌ بڤێت، ويێ ته‌ بڤێت تو ل دنيايێ وئاخره‌تێ وى سه‌رفه‌راز دكه‌ى، ويێ ته‌ بڤێت تو وى ڕه‌زيل دكه‌ى، خێر د ده‌ستێ ته‌ دايه‌، هندى تويى تو ب تنێ ل سه‌ر هه‌ر تشته‌كى يێ خودان شيانى. وئه‌ڤ ئايه‌ته‌ هندێ دگه‌هينت كو خودێ ده‌ست هه‌يه‌ ب ڕه‌نگه‌كێ بابه‌تى وى بت.

{ 27 } { تُولِجُ اللَّيْلَ فِي النَّهَارِ وَتُولِجُ النَّهَارَ فِي اللَّيْلِ ۖ وَتُخْرِجُ الْحَيَّ مِنَ الْمَيِّتِ وَتُخْرِجُ الْمَيِّتَ مِنَ الْحَيِّ ۖ وَتَرْزُقُ مَنْ تَشَاءُ بِغَيْرِ حِسَابٍ } و ژ نيشانێن شيانا ته‌يه‌ تو شه‌ڤێ تێكه‌لى ڕۆژێ دكه‌ى، وڕۆژێ تێكه‌لى شه‌ڤێ دكه‌ى، ڤێجا ئه‌ڤه‌ درێژ دبت ويا دى كورت دبت، وتو يێ زێندى ژ يێ مرى دئينيه‌ده‌ر، وه‌كى ده‌رێخستنا شينكاتى ژ دندكێ، وخودان باوه‌رى ژ كافرى، وتو يێ مرى ژ يێ زێندى دئينيه‌ده‌ر، وه‌كى ده‌رێخستنا هێكێ ژ مريشكێ، وهه‌چییێ ته‌ بڤێت ژ به‌نییێن خۆ بێ هژمار تو ڕزقى دده‌يێ.

{ 28 } { لَا يَتَّخِذِ الْمُؤْمِنُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ ۖ وَمَنْ يَفْعَلْ ذَٰلِكَ فَلَيْسَ مِنَ اللَّهِ فِي شَيْءٍ إِلَّا أَنْ تَتَّقُوا مِنْهُمْ تُقَاةً ۗ وَيُحَذِّرُكُمُ اللَّهُ نَفْسَهُ ۗ وَإِلَى اللَّهِ الْمَصِيرُ } خودێ خودان باوه‌ران پاشڤه‌ دبه‌ت كو ئه‌و ب ڤيان وپشته‌ڤانییێ كافران بۆ خۆ بكه‌نه‌ سه‌ركار، وخودان باوه‌ران بهێلن، وهه‌چییێ وان بۆ خۆ بكه‌ته‌ سه‌ركار ئه‌و ژ خودێ يێ به‌رییه‌، وخودێ ژى ژ وى يێ به‌رییه‌، ئه‌و تێ نه‌بت كو هوين دلاواز بن وبترسن هنگى خودێ ده‌ستويرى دايه‌ كو هه‌ڤالينییا وان بكه‌ن دا خۆ ژێ بكڕن، حه‌تا هوين ب هێز دكه‌ڤن، وخودێ هه‌وه‌ ژ خۆ دترسينت، ڤێجا ته‌قوایا وى بكه‌ن وژێ بترسن. وزڤڕينا هه‌مى چێكرییان بۆ حسێبێ وجزادانێ بۆ نك خودێ ب تنێیه‌.

{ 29 } { قُلْ إِنْ تُخْفُوا مَا فِي صُدُورِكُمْ أَوْ تُبْدُوهُ يَعْلَمْهُ اللَّهُ ۗ وَيَعْلَمُ مَا فِي السَّمَاوَاتِ وَمَا فِي الْأَرْضِ ۗ وَاللَّهُ عَلَىٰ كُلِّ شَيْءٍ قَدِيرٌ } ئه‌ى پێغه‌مبه‌ر تو بێژه‌ خودان باوه‌ران: ئه‌گه‌ر هوين وێ يا د سنگێ هه‌وه‌ دا ژ ڤيان ودۆستينى وپشته‌ڤانییا كافران ڤه‌شێرن يان هوين ئاشكه‌را بكه‌ن تشته‌ك ژ وێ ل خودێ نائێته‌ ڤه‌شارتن، چونكى زانينا وى دۆرا ل هه‌ر تشته‌كێ ل عه‌سمانان وهه‌ر تشته‌كێ ل عه‌ردى گرتى، وشيانا تمام ل سه‌ر هه‌ر تشته‌كى وى هه‌يه‌.

{ 30 } { يَوْمَ تَجِدُ كُلُّ نَفْسٍ مَا عَمِلَتْ مِنْ خَيْرٍ مُحْضَرًا وَمَا عَمِلَتْ مِنْ سُوءٍ تَوَدُّ لَوْ أَنَّ بَيْنَهَا وَبَيْنَهُ أَمَدًا بَعِيدًا ۗ وَيُحَذِّرُكُمُ اللَّهُ نَفْسَهُ ۗ وَاللَّهُ رَءُوفٌ بِالْعِبَادِ } ڕۆژا قيامه‌تێ، ڕۆژا جزادانێ، هه‌ر نه‌فسه‌ك هه‌چى خێرا كربت ل به‌را خۆ ئاماده‌ دبينت؛ دا جزايێ وێ پێ بێته‌دان، وهه‌چى خرابییه‌كا كربت ژى ل به‌را خۆ دبينت، ڤێجا ئه‌و نه‌فس حه‌ز دكه‌ت كو د ناڤبه‌را وێ وڤى كارى دا ده‌مه‌كێ دوير هه‌با. ڤێجا هوين بۆ ڤێ ڕۆژێ خۆ ئاماده‌ بكه‌ن، و ژ گرتنا خودايێ ب هێز بترسن. و د گه‌ل كو عه‌زابا خودێ يا دژواره‌ ژى به‌لێ ئه‌و ب به‌نییێن خۆ يێ مهره‌بانه‌.

{ 31 } { قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ ۗ وَاللَّهُ غَفُورٌ رَحِيمٌ } ئه‌ى پێغه‌مبه‌ر تو بێژه‌: ئه‌گه‌ر ڕاسته‌ هه‌وه‌ خودێ دڤێت هوين دويكه‌فتنا من بكه‌ن، خودێ ژى دێ هوين ڤێن، وگونه‌هێن هه‌وه‌ دێ ژێ به‌ت، چونكى خودێ گونه‌هـ ژێبرێ گونه‌هێن به‌نییێن خۆيه‌، و ب وان يێ دلۆڤانكاره‌.وئه‌ڤ ئايه‌ته‌ حوكمى ب هندێ دكه‌ت كو هه‌ر كه‌سێ بێژت: من خودێ دڤێت ودويكه‌فتنا پێغه‌مبه‌رێ وى موحه‌ممه‌دى سلاڤ لێ بن ب دورستى نه‌كه‌ت، ئه‌و د ڤێ گۆتنا خۆ دا يێ دره‌وينه‌، وئه‌و ڕاست نابێژت حه‌تا ب دورستى دويكه‌فتنا پێغه‌مبه‌رى نه‌كه‌ت.

{ 32 } { قُلْ أَطِيعُوا اللَّهَ وَالرَّسُولَ ۖ فَإِنْ تَوَلَّوْا فَإِنَّ اللَّهَ لَا يُحِبُّ الْكَافِرِينَ } ئه‌ى پێغه‌مبه‌ر تو بێژه‌: هوين ب دویكه‌فتنا كیتابا خودێ گوهدارییا وى بكه‌ن، و ب دویكه‌فتنا سوننه‌تا پێغه‌مبه‌رى د ژیان ومرنا وى دا هوین گوهدارییا وى بكه‌ن. وئه‌گه‌ر وان پشتا خۆ دا ته‌، وهه‌ر مانه‌ ل سه‌ر كوفرا خۆ، ئه‌و د هێژاى ڤيانا خودێ نابن، چونكى هندى خودێیه‌ حه‌ز ژ كافران ناكه‌ت.

{ 33 } { إِنَّ اللَّهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ } هندى خودێیه‌ ئاده‌م ونوح وبنه‌مالا ئيبراهيمى وبنه‌مالا عيمرانى هلبژارت بوون، ووى ئه‌و كربوونه‌ چێترينێ خه‌لكێ زه‌مانێ وان.

{ 34 } { ذُرِّيَّةً بَعْضُهَا مِنْ بَعْضٍ ۗ وَاللَّهُ سَمِيعٌ عَلِيمٌ } ئه‌و پێغه‌مبه‌ر زنجيره‌كا پاقژا به‌رده‌وامن ل سه‌ر ئيخلاصا بۆ خودێ وته‌وحيدا وى، وخودێ گوهـ ل گۆتنێن به‌نیێن خۆ دبت، وئه‌و ب كريارێن وان يێ زانايه‌.

{ 35 } { إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ } ئه‌ى پێغه‌مبه‌ر، تو به‌حسێ مه‌ریه‌مێ وده‌یكا وێ وكوڕێ وێ عیسایى سلاڤ لێ بن بكه‌؛ دا به‌رسڤا وان پێ بده‌ى ئه‌وێن دبێژن عیسا خودێیه‌ یان كوڕێ خودێیه‌، ده‌مێ ژنكا عيمرانى پشتى ب حه‌مله‌ كه‌فتى گۆتى: ئه‌ى خودا، ئه‌و تشتێ د زكێ من دا من بۆ ته‌ ب تنێ يێ نه‌زركرى، دا خزمه‌تا (به‌يتولمه‌قدسێ) بكه‌ت، ڤێجا تو وى ژ من قه‌بويل بكه‌، هندى تويى ته‌ ب تنێ گوهـ ل دوعايا من هه‌يه‌، وتو ب ئنيه‌تا من يێ زانايى.

{ 36 } { فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنْثَىٰ وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالْأُنْثَىٰ ۖ وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ } ڤێجا ده‌مێ ژڤانێ وێ هاتى ووێ بچويكێ خۆ داناى، وێ گۆت: خودايێ من بچويكێ من ده‌ركه‌ت كچ وئه‌و ب كێر خزمه‌تا (به‌يتولمه‌قدسێ) نائێت -وخودێ زاناتره‌ ب تشتێ وێ داناى، وئه‌و دزانت كو دێ وێ ل پاشه‌ڕۆژێ سه‌نگا خۆ هه‌بت- ووێ گۆت: يێ نێر ئه‌وێ من بۆ خزمه‌تێ دڤيا وه‌كى يا مێ نينه‌ د ڤێ چه‌ندێ دا؛ چونكى يێ نێر بۆ خزمه‌تێ يێ ب هێزتره‌ وپتر دشێت پێ ڕاببت، ومن ناڤێ وێ كره‌ مه‌ريه‌م، ومن ئه‌و ودوونده‌ها وێ ب ته‌ پاراستییه‌ ژ شه‌يتانێ دويركرى ژ ڕه‌حما ته‌.

{ 37 } { فَتَقَبَّلَهَا رَبُّهَا بِقَبُولٍ حَسَنٍ وَأَنْبَتَهَا نَبَاتًا حَسَنًا وَكَفَّلَهَا زَكَرِيَّا ۖ كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِنْدَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا ۖ قَالَتْ هُوَ مِنْ عِنْدِ اللَّهِ ۖ إِنَّ اللَّهَ يَرْزُقُ مَنْ يَشَاءُ بِغَيْرِ حِسَابٍ } ئينا خودێ د به‌رسڤا دوعايا وێ هات ونه‌زرا وێ جوان ژێ قه‌بويلكر، وئه‌وى په‌روه‌رده‌كرنا كچا وێ مه‌ريه‌مێ ب خۆ ڤه‌ گرت وئه‌و شينكر شينكره‌كا باش، وزه‌كه‌ريا سلاڤ لێ بن كره‌ كه‌فيلێ وێ، ووى ئه‌و بره‌ نك خۆ ل وى جهێ وى عيباده‌ت لێ دكر، وهه‌ر جاره‌كا ئه‌و ب سه‌ر وێ ڤه‌ هاتبا وى ڕزقه‌كێ خۆش ل نك وێ دديت، له‌و دگۆتێ: ئه‌ى مه‌ريه‌م ئه‌ڤ ڕزقێ باش بۆ ته‌ ژ كيڤه‌ هاتییه‌؟ وێ دگۆت: ئه‌و ڕزق ژ نك خودێیه‌، هه‌چییێ خودێ بڤێت ژ به‌نییێن خۆ ئه‌و ڕزقه‌كێ بێ حسێب دده‌تێ.

{ 38 } { هُنَالِكَ دَعَا زَكَرِيَّا رَبَّهُ ۖ قَالَ رَبِّ هَبْ لِي مِنْ لَدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ } ده‌مێ زه‌كه‌ريایى ديتى خودێ ژ ڕزقێ خۆ چه‌ند قه‌نجى ل مه‌ريه‌مێ كرينه‌، وى قه‌ستا خودايێ خۆ كر وگۆت: ئه‌ى خودايێ من تو ژ نك خۆ كوڕه‌كێ چاك وپيرۆز بده‌ من، هندى تويى ته‌ گوهـ ل وى دبت يێ دوعايێ ژ ته‌ دكه‌ت.

{ 39 } { فَنَادَتْهُ الْمَلَائِكَةُ وَهُوَ قَائِمٌ يُصَلِّي فِي الْمِحْرَابِ أَنَّ اللَّهَ يُبَشِّرُكَ بِيَحْيَىٰ مُصَدِّقًا بِكَلِمَةٍ مِنَ اللَّهِ وَسَيِّدًا وَحَصُورًا وَنَبِيًّا مِنَ الصَّالِحِينَ } وده‌مێ ئه‌و به‌رانبه‌ر خودێ ل جهێ نڤێژێ يێ ڕاوه‌ستاى دوعايان دكه‌ت ملیاكه‌تان گازيكره‌ وى: هندى خودێیه‌ مزگينییه‌كا ته‌ كه‌يف پێ بێت دده‌ته‌ ته‌، كو ته‌ كوڕه‌ك ب ناڤێ يه‌حيا دێ هه‌بت، ئه‌و دێ باوه‌رییێ ب په‌يڤا ژ خودێ -كو عيسايێ كوڕێ مه‌ريه‌مێیه سلاڤ لێ بن- ئينت، ويه‌حيا د ناڤ ملله‌تێ خۆ دا دێ بته‌ سه‌روه‌ره‌ك، جهه‌كێ بالا وبلند دێ وى هه‌بت، وئه‌و دێ يێ پارستى بت ژ گونه‌هـ ودلچوونێن خراب، وئه‌و دێ پێغه‌مبه‌ره‌كێ ژ چاكان بت ژ وان يێن گه‌هشتينه‌ كولۆڤانكا چاكییێ.

{ 40 } { قَالَ رَبِّ أَنَّىٰ يَكُونُ لِي غُلَامٌ وَقَدْ بَلَغَنِيَ الْكِبَرُ وَامْرَأَتِي عَاقِرٌ ۖ قَالَ كَذَٰلِكَ اللَّهُ يَفْعَلُ مَا يَشَاءُ } زه‌كه‌ريایى ژ كه‌يف ومه‌نده‌هۆشییان دا گۆت: خودايێ من چاوا دێ من كوڕه‌ك هه‌بت وپيراتى يا گه‌هشتییه‌ من وژنكا من بچويك نابن؟ وى گۆت: وه‌كى ڤى تشتى هه‌ر تشته‌كێ خودێ بڤێت دكه‌ت بلا يێ عه‌جێب ونه‌عه‌ده‌تى بت.

{ 41 } { قَالَ رَبِّ اجْعَلْ لِي آيَةً ۖ قَالَ آيَتُكَ أَلَّا تُكَلِّمَ النَّاسَ ثَلَاثَةَ أَيَّامٍ إِلَّا رَمْزًا ۗ وَاذْكُرْ رَبَّكَ كَثِيرًا وَسَبِّحْ بِالْعَشِيِّ وَالْإِبْكَارِ } زه‌كه‌ريایى گۆت: خودايێ من نيشانه‌كێ بۆ من بدانه‌ ئه‌ز پێ بزانم كو دێ من كوڕه‌ك هه‌بت؛ دا من كه‌يف پێ بێت ومزگينى بگه‌هته‌ من، وى گۆت: نيشانا ته‌ خواستى ئه‌وه‌ سێ ڕۆژان تو نه‌شێى خه‌لكى باخێڤى ب تنێ ب ئيشاره‌تان نه‌بت، هه‌ر چه‌نده‌ تو يێ ساخله‌مى ژى، و ل ڤى ده‌مى تو خودايێ خۆ گه‌له‌ك ل بيرا خۆ بينه‌، وتو ل ئێڤار وسپێده‌يان نڤێژان بۆ وى بكه‌.

{ 42 } { وَإِذْ قَالَتِ الْمَلَائِكَةُ يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ } وتو -ئه‌ى پێغه‌مبه‌ر- ل بيرا خۆ بينه‌ ده‌مێ ملیاكه‌تان گۆتى: ئه‌ى مه‌ريه‌م، هندى خودێیه‌ تو بۆ گوهدارییا خۆ يا هلبژارتى و ژ ڕه‌وشتێن كێم يا پاقژكرى، و د ناڤبه‌را ژنكێن سه‌ر ده‌مێ ته‌ هه‌مییان دا وى تو يا هلبژارتى.

{ 43 } { يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ } ئه‌ى مه‌ريه‌م، تو به‌رده‌وام گوهدارییا خودايێ خۆ بكه‌، و ب ترس وخۆشكاندن ڤه‌ ڕابه‌، ووه‌ك سوپاسى بۆ خودێ ژ به‌ر قه‌نجییێن وى د گه‌ل ته‌ كرين، تو د گه‌ل نڤێژكه‌ران خۆ بۆ وى بچه‌مينه‌.

{ 44 } { ذَٰلِكَ مِنْ أَنْبَاءِ الْغَيْبِ نُوحِيهِ إِلَيْكَ ۚ وَمَا كُنْتَ لَدَيْهِمْ إِذْ يُلْقُونَ أَقْلَامَهُمْ أَيُّهُمْ يَكْفُلُ مَرْيَمَ وَمَا كُنْتَ لَدَيْهِمْ إِذْ يَخْتَصِمُونَ } ئه‌ڤا هه‌ یا مه‌ بۆ ته‌ -ئه‌ى پێغه‌مبه‌ر- ڤه‌گێڕاى ژ ده‌نگ وباسێن نه‌به‌رچاڤن يێن خودێ ب وه‌حى بۆ ته‌ هنارتين، چونكى تو ل نك وان نه‌بووى ده‌مێ ئه‌و د كه‌فاله‌تا مه‌ريه‌مێ دا ژێك جودا بووين كانێ كى ژ وان هێژاتره‌ پێ ڕاببت، وده‌مێ ئه‌و ب هه‌ڤڕكى چووين، ووان ب هاڤێتنا قه‌له‌مێن خۆ پشك هاڤێتى، ڤێجا پشك بۆ زه‌كه‌ريایى -سلاڤ لێ بن- ده‌ركه‌فتى، وئه‌و ب كه‌فاله‌تا وێ ڕابووى.

{ 45 } { إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالْآخِرَةِ وَمِنَ الْمُقَرَّبِينَ } وتو -ئه‌ى پێغه‌مبه‌رێ خودێ- ل وێرێ نه‌بووى ده‌مێ ملیاكه‌تان گۆتى: ئه‌ى مه‌ريه‌م، هندى خودێیه‌ مزگينییێ ب بوونا كوڕه‌كى دده‌ته‌ ته‌، هه‌بوونا وى ب په‌يڤه‌كا ژ نك خودێیه‌، یه‌عنى: ئه‌و دێ بێژتێ: (ببه‌)، ئه‌و دێ بت، ناڤێ وى مه‌سيح عيسايێ كوڕێ مه‌ريه‌مێیه‌، ئه‌و ل دنيايێ وئاخره‌تێ يێ پێشكێشه‌، وئه‌و ژ وانه‌ يێن ل ڕۆژا قيامه‌تێ نێزيكى خودێ.

{ 46 } { وَيُكَلِّمُ النَّاسَ فِي الْمَهْدِ وَكَهْلًا وَمِنَ الصَّالِحِينَ } وئه‌و پشتى دبت، هێشتا د پێچكێ دا ئه‌و دێ د گه‌ل مرۆڤان ئاخڤت، وهه‌ر وه‌سا ده‌مێ ئه‌و مه‌زن دبت ودگه‌هته‌ تمامییا هێزا خۆ ئه‌و ب وه‌حییا خودێ د گه‌ل وان دئاخڤت، وبه‌رێ وان ده‌ته‌ خودێ. وئه‌ڤه‌ ئاخفتنا پێغه‌مبه‌راتییێ وڕێنيشادانێیه‌، وئه‌و د گۆتن وكريارا خۆ دا ژ چاك وقه‌نجيكاران دئێته‌ هژمارتن.

{ 47 } { قَالَتْ رَبِّ أَنَّىٰ يَكُونُ لِي وَلَدٌ وَلَمْ يَمْسَسْنِي بَشَرٌ ۖ قَالَ كَذَٰلِكِ اللَّهُ يَخْلُقُ مَا يَشَاءُ ۚ إِذَا قَضَىٰ أَمْرًا فَإِنَّمَا يَقُولُ لَهُ كُنْ فَيَكُونُ } مه‌ريه‌م ژ ڤى كارى مه‌نده‌هۆش ما وگۆت: چاوا دێ من كوڕه‌ك هه‌بت وئه‌زا شويكرى نینم وئه‌ز نه‌ ژ خرابامه‌؟ ملیاكه‌تى گۆتێ: ئه‌ڤ كاره‌ يێ بۆ ته‌ چێ دبت تشته‌كێ ب زه‌حمه‌ت نينه‌ ل به‌ر خودايێ خودان شيان، يێ كو هه‌ر تشته‌كێ وى بڤێت ئه‌و وى ژ چوننه‌يێ دده‌ت، ڤێجا ئه‌گه‌ر وى تشته‌ك ڤيا هه‌ما دێ بێژتێ: (ببه‌) ئه‌و دێ بت.

{ 48 } { وَيُعَلِّمُهُ الْكِتَابَ وَالْحِكْمَةَ وَالتَّوْرَاةَ وَالْإِنْجِيلَ } وئه‌و دێ وى فێرى نڤيسين وكاربنه‌جهییا د گۆتن وكرياران دا كه‌ت، ووى فێرى وێ ته‌وراتێ كه‌ت یا خودێ بۆ مووسایى سلاڤ لێ بن هنارتى، ووێ ئنجيلا بۆ وى ئینایه‌ خوارێ.

{ 49 } { وَرَسُولًا إِلَىٰ بَنِي إِسْرَائِيلَ أَنِّي قَدْ جِئْتُكُمْ بِآيَةٍ مِنْ رَبِّكُمْ ۖ أَنِّي أَخْلُقُ لَكُمْ مِنَ الطِّينِ كَهَيْئَةِ الطَّيْرِ فَأَنْفُخُ فِيهِ فَيَكُونُ طَيْرًا بِإِذْنِ اللَّهِ ۖ وَأُبْرِئُ الْأَكْمَهَ وَالْأَبْرَصَ وَأُحْيِي الْمَوْتَىٰ بِإِذْنِ اللَّهِ ۖ وَأُنَبِّئُكُمْ بِمَا تَأْكُلُونَ وَمَا تَدَّخِرُونَ فِي بُيُوتِكُمْ ۚ إِنَّ فِي ذَٰلِكَ لَآيَةً لَكُمْ إِنْ كُنْتُمْ مُؤْمِنِينَ } وئه‌و دێ وى بۆ ئسرائيلییان كه‌ته‌ پێغه‌مبه‌ر، ئه‌و دێ بێژته‌ وان: ئه‌ز ب نيشانه‌كا ژ لايێ خودايێ هه‌وه‌ ڤه‌ بۆ هه‌وه‌ هاتيمه‌ كو ئه‌ز پێغه‌مبه‌رم، ئه‌و ژى ئه‌ڤه‌يه‌: ئه‌ز ژ ته‌قنێ وه‌كى په‌يكه‌رێ ته‌يره‌كى بۆ هه‌وه‌ چێ دكه‌م، و پف دكه‌مێ ڤێجا ب ئانه‌هییا خودێ ئه‌و دبته‌ ته‌يره‌كێ دورست، وئه‌وێ د زكماك دا يێ كۆره‌ بت ئه‌ز چێ دكه‌م، ويێ گوڕى ئه‌ز ساخ دكه‌م، و ب ئانه‌هییا خودێ ئه‌ز مرییان زێندى دكه‌م، وئه‌ز وى تشتى بۆ هه‌وه‌ دبێژم يێ هوين ل مالێن خۆ دخۆن وبۆ خۆ هل دگرن ژ خوارنێ. هندى ئه‌ڤ كارێن مه‌زنن يێن مرۆڤ نه‌شێن بكه‌ن نيشانا هندێنه‌ كو ئه‌ز پێغه‌مبه‌رێ خودێمه‌، ئه‌گه‌ر هه‌وه‌ باوه‌رى ب ئايه‌ت ونيشانێن خودێ هه‌بت، وهوين باوه‌رییێ ب ته‌وحيدا وى بينن.

{ 50 } { وَمُصَدِّقًا لِمَا بَيْنَ يَدَيَّ مِنَ التَّوْرَاةِ وَلِأُحِلَّ لَكُمْ بَعْضَ الَّذِي حُرِّمَ عَلَيْكُمْ ۚ وَجِئْتُكُمْ بِآيَةٍ مِنْ رَبِّكُمْ فَاتَّقُوا اللَّهَ وَأَطِيعُونِ } وئه‌ز بۆ هه‌وه‌ يێ هاتيم دا ئه‌ز وێ یا د ته‌وراتێ دا هاتى ڕاست ده‌ربێخم، ودا ئه‌ز ب وه‌حییا خودێ هنده‌كێ ژ وێ يا خودێ ل سه‌ر هه‌وه‌ حه‌رام كرى وه‌ك سڤككرن ودلۆڤانى ژ خودێ بۆ هه‌وه‌ حه‌لال بكه‌م، وئه‌ز ب نيشانه‌كا ژ لايێ خودايێ هه‌وه‌ ڤه‌ ل سه‌ر ڕاستییا گۆتنا ئه‌ز دبێژمه‌ هه‌وه‌ يێ بۆ هه‌وه‌ هاتيم، ڤێجا ته‌قوایا خودێ بكه‌ن وبێ ئه‌مرییا وى نه‌كه‌ن، وگوهدارییا من بكه‌ن د وى تشتى دا يێ ئه‌ز ژ خودێ دگه‌هينمه‌ هه‌وه‌.

{ 51 } { إِنَّ اللَّهَ رَبِّي وَرَبُّكُمْ فَاعْبُدُوهُ ۗ هَٰذَا صِرَاطٌ مُسْتَقِيمٌ } هندى ئه‌و خودايه‌ يێ ئه‌ز دوعايان ژ وى ب تنێ دكه‌م خودايێ من وخودايێ هه‌وه‌يه‌، ڤێجا هوين عه‌بدينییا وى بكه‌ن، وئه‌ز وهوين د عه‌بدينییا وى دا وه‌كى ئێكين، وئه‌ڤه‌يه‌ ڕێكا ڕاست يا چو چه‌پ وچوير تێدا نه‌هه‌ين.

{ 52 } { فَلَمَّا أَحَسَّ عِيسَىٰ مِنْهُمُ الْكُفْرَ قَالَ مَنْ أَنْصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنْصَارُ اللَّهِ آمَنَّا بِاللَّهِ وَاشْهَدْ بِأَنَّا مُسْلِمُونَ } ڤێجا ده‌مێ عيسایى هه‌ست كرى كو ئه‌و ل سه‌ر كافرییا خۆ دێ دبه‌رده‌وام بن وى د ناڤ هه‌ڤالێن خۆ يێن نێزيك دا گۆت: كى دێ د گه‌ل من بت بۆ پشته‌ڤانییا دينێ خودێ؟ هه‌ڤالێن عيسایى يێن بژاره‌ گۆت: ئه‌مين پشته‌ڤان وگازيكه‌رێن دينێ خودێ، مه‌ باوه‌رى ب خودێ ئينايه‌ ودويكه‌فتنا ته‌ كرییه‌، وتو ئه‌ى عيسا شاهده‌يیێ بۆ مه‌ بده‌ كو مه‌ ب ته‌وحيدێ وگوهدارییێ خۆ ته‌سليمى خودێ كرییه‌.

{ 53 } { رَبَّنَا آمَنَّا بِمَا أَنْزَلْتَ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ } خودايێ مه‌، مه‌ باوه‌رى ب وێ ئينا يا ته‌ ژ ئنجيلێ هنارتى، ومه‌ دويكه‌فتنا پێغه‌مبه‌رێ ته‌ عيسایى سلاڤ لێ بن كرییه‌، ڤێجا تو مه‌ بكه‌ ژ وان يێن شاهده‌يى ب ته‌وحيدێ بۆ ته‌ و ب پێغه‌مبه‌رينییێ بۆ پێغه‌مبه‌رێن ته‌ داين، وئه‌و ئوممه‌تا موحه‌ممه‌دینه‌ سلاڤ لێ بن.

{ 54 } { وَمَكَرُوا وَمَكَرَ اللَّهُ ۖ وَاللَّهُ خَيْرُ الْمَاكِرِينَ } وئه‌وێن كافر بووين ژ ئسرائيلییان فێلبازى وپيلان دژى عيسایى سلاڤ لێ بن گێڕان، ووان ئه‌و هنارتێ يێ كو ب كوشتنا وى ڕاببت، ڤێجا خودێ ئێك ژ وان يێن جهێ وى نيشا وان داى وه‌كى عيساى لێ كر، ڤێجا وان ئه‌و گرت وكوشت وهلاويست، ويا ژ وان ڤه‌ ئه‌و عيسايه‌ وخودێ ژ هه‌مى فێلبازان چێتره‌. و د ڤێ چه‌ندێ دا نيشان هه‌يه‌ كو فێلبازى (مه‌كر) سالۆخه‌ته‌كه‌ ژ سالۆخه‌تێن خودێ به‌لێ ب ڕه‌نگه‌كێ بابه‌تى وى بت؛ چونكى فێلا وى ب حه‌قییه‌، وبه‌رانبه‌ر فێلا فێلبازانه‌.

{ 55 } { إِذْ قَالَ اللَّهُ يَا عِيسَىٰ إِنِّي مُتَوَفِّيكَ وَرَافِعُكَ إِلَيَّ وَمُطَهِّرُكَ مِنَ الَّذِينَ كَفَرُوا وَجَاعِلُ الَّذِينَ اتَّبَعُوكَ فَوْقَ الَّذِينَ كَفَرُوا إِلَىٰ يَوْمِ الْقِيَامَةِ ۖ ثُمَّ إِلَيَّ مَرْجِعُكُمْ فَأَحْكُمُ بَيْنَكُمْ فِيمَا كُنْتُمْ فِيهِ تَخْتَلِفُونَ } وفێلا خودێ د گه‌ل وان ئه‌و بوو ده‌مێ خودێ گۆتییه‌ عيسایى: ئه‌ز دێ ته‌ ژ عه‌ردى ڕاكه‌م بێى نه‌خۆشییه‌ك بگه‌هته‌ ته‌، ودێ ته‌ ب له‌شى وڕحێ ڤه‌ ب نك خۆ ڤه‌ بلند كه‌م، ودێ ته‌ ژ وان يێن كافرى ب ته‌ كرى ڕزگاركه‌م، وئه‌وێن دويكه‌فتنا ته‌ كرى یه‌عنى: هاتينه‌ سه‌ر دينێ ته‌ وباوه‌رى ب وێ ئيناى يا تو پێ هاتى د ده‌رحه‌قا مزگينيدانا ب موحه‌ممه‌دى دا سلاڤ لێ بن، وپشتى هنارتنا وى باوه‌رى ب وى ئینای وكار ب شريعه‌تێ وى كرى، حه‌تا ڕۆژا ڕابوونێ ئه‌ز دێ وان ب سه‌ر وان ئێخم يێن باوه‌رى نه‌ئيناى، پاشى زڤڕينا هه‌وه‌ هه‌مییان ل ڕۆژا حسێبێ دێ بۆ نك من بت، ڤێجا ئه‌ز دێ حوكمى د ناڤبه‌را هه‌وه‌ دا كه‌م د وى تشتى دا يێ هوين تێدا ژێك جودا بووين ژ مه‌سه‌لا عیسایى سلاڤ لێ بن.

{ 56 } { فَأَمَّا الَّذِينَ كَفَرُوا فَأُعَذِّبُهُمْ عَذَابًا شَدِيدًا فِي الدُّنْيَا وَالْآخِرَةِ وَمَا لَهُمْ مِنْ نَاصِرِينَ } ڤێجا هندى ئه‌ون يێن باوه‌رى نه‌ئيناى، ئه‌ز دێ وان ب عه‌‌زابه‌كا دژوار ل دنيايێ عه‌زاب ده‌م: ب كوشتنێ وژێستاندنا مالى ونه‌هێلانا ملكى، و ل ئاخره‌تێ ب ئاگرى، ووان چو پشته‌ڤانه‌ك نابت عه‌زابا خودێ ژ وان بده‌ته‌ پاش.

{ 57 } { وَأَمَّا الَّذِينَ آمَنُوا وَعَمِلُوا الصَّالِحَاتِ فَيُوَفِّيهِمْ أُجُورَهُمْ ۗ وَاللَّهُ لَا يُحِبُّ الظَّالِمِينَ } وئه‌وێن باوه‌رى ب خودێ وپێغه‌مبه‌رێن وى ئيناى وكريارێن چاك كرين، خودێ جزايێ خێرێن وان ب تمامى دێ ده‌تێ بێ كێمكرن. وخودێ حه‌ز ژ وان ناكه‌ت یێن ب شركێ وكوفرێ زۆردارى كرى.

{ 58 } { ذَٰلِكَ نَتْلُوهُ عَلَيْكَ مِنَ الْآيَاتِ وَالذِّكْرِ الْحَكِيمِ } ئه‌ڤا هه‌ يا ئه‌م بۆ ته‌ دبێژين ژ مه‌سه‌لا عیسایى، ژ ئايه‌تێن ئاشكه‌رايه‌ ل سه‌ر ڕاستییا پێغه‌مبه‌رينییا ته‌، و ل سه‌ر ڕاستییا قورئانێ ئه‌وا حه‌قییێ ونه‌حه‌قییێ ژێك جودا دكه‌ت.

{ 59 } { إِنَّ مَثَلَ عِيسَىٰ عِنْدَ اللَّهِ كَمَثَلِ آدَمَ ۖ خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ } هندى ئافراندنا عيسايه‌ بێ باب ل نك خودێ وه‌كى مه‌ته‌لا ئافراندنا ئاده‌مییه‌ بێ باب وداى؛ چونكى وى ئه‌و ژ ئاخا عه‌ردى ئافراند، پاشى گۆتێ: (ببه‌ مرۆڤ) ئينا ئه‌و بوويێ. ڤێجا گۆتنا كو عيسا خودێیه‌ چونكى وى باب نينه‌ گۆتنه‌كا ژ قه‌ستايه‌؛ چونكى ئاده‌م ژى يێ بێ باب ودايه‌، وهه‌مى يێ ل وێ باوه‌رێ كو ئه‌و به‌نییه‌كه‌ ژ به‌نییێن خودێ.

{ 60 } { الْحَقُّ مِنْ رَبِّكَ فَلَا تَكُنْ مِنَ الْمُمْتَرِينَ } حه‌قى يا چو گومان تێدا نه‌هه‌ى د مه‌سه‌لا عیسایى دا ئه‌وه‌ یا ژ خودايێ ته‌ بۆ ته‌ هاتى ئه‌ى پێغه‌مبه‌ر، ڤێجا تو ل سه‌ر باوه‌رییا خۆ یێ به‌رده‌وام به‌، و ژ وان نه‌به‌ یێن دودل. وئه‌ڤه‌ موكمكرن وپشتڕاستكرنه‌كه‌ بۆ پێغه‌مبه‌رى سلاڤ لێ بن.

{ 61 } { فَمَنْ حَاجَّكَ فِيهِ مِنْ بَعْدِ مَا جَاءَكَ مِنَ الْعِلْمِ فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ وَنِسَاءَنَا وَنِسَاءَكُمْ وَأَنْفُسَنَا وَأَنْفُسَكُمْ ثُمَّ نَبْتَهِلْ فَنَجْعَلْ لَعْنَتَ اللَّهِ عَلَى الْكَاذِبِينَ } پشتى ئه‌ڤ زانينه‌ د ده‌رحه‌قا عيسايێ كوڕێ مه‌ريه‌مێ دا بۆ ته‌ -ئه‌ى پێغه‌مبه‌ر- هاتى، هه‌چییێ هه‌ڤڕكییێ د گه‌ل ته‌ بكه‌ت، تو بێژه‌ وان: وه‌رن دا ئه‌م كوڕێن خۆ وكوڕێن هه‌وه‌، وژنێن خۆ وژنێن هه‌وه‌، وخۆ ب خۆ و هه‌وه‌ ب خۆ ئاماده‌ بكه‌ين، پاشى دا هه‌واركه‌ينه‌ خودێ كو ئه‌و عه‌زاب وله‌عنه‌تا خۆ بدانته‌ سه‌ر دره‌وينان، يێن به‌رده‌وامییێ ل سه‌ر هه‌ڤڕكییا خۆ دكه‌ن.

{ 62 } { إِنَّ هَٰذَا لَهُوَ الْقَصَصُ الْحَقُّ ۚ وَمَا مِنْ إِلَٰهٍ إِلَّا اللَّهُ ۚ وَإِنَّ اللَّهَ لَهُوَ الْعَزِيزُ الْحَكِيمُ } هندى ئه‌ڤه‌يه‌ يا من بۆ ته‌ گۆتى ژ به‌حسێ عيسایى -ئه‌ى پێغه‌مبه‌ر- ئه‌وه‌ به‌حسێ ڕاست ودورست يێ چو گومان تێدا نه‌هه‌ى، و ژ خودێ پێڤه‌تر چو خودايێن هێژاى په‌رستنێ نينن، وهندى خودێیه‌ ئه‌وه‌ يێ زال د ملكێ خۆ دا، ويێ كاربنه‌جهه‌ د كار وڕێڤه‌برنا خۆ دا.

{ 63 } { فَإِنْ تَوَلَّوْا فَإِنَّ اللَّهَ عَلِيمٌ بِالْمُفْسِدِينَ } ڤێجا ئه‌گه‌ر وان گوهدارییا ته‌ نه‌كر وباوه‌رى ب ته‌ نه‌ئينا، ئه‌و ئه‌ون يێن خرابكار، وخودێ ب وان يێ زانايه‌، وئه‌و دێ وان سه‌را وێ چه‌ندێ جزا ده‌ت.

{ 64 } { قُلْ يَا أَهْلَ الْكِتَابِ تَعَالَوْا إِلَىٰ كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلَا نُشْرِكَ بِهِ شَيْئًا وَلَا يَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ ۚ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ } ئه‌ى پێغه‌مبه‌ر، تو بێژه‌ خودانێن كيتابێ ژ جوهى وفه‌لان: وه‌رن دا ئه‌م وهوين پێكڤه‌ پێگيرییێ ب په‌يڤه‌كا ڕاست ودورست بكه‌ين: كو ئه‌م عه‌بدينییا خودێ ب تنێ بكه‌ين، وچو تشته‌كى ژ صه‌نه‌م وخاچ وخوداوه‌ندان بۆ وى نه‌كه‌ينه‌ هه‌ڤپشك، وهنده‌ك ژ مه‌ هنده‌كان ژ بلى خودێ بۆ خۆ نه‌كه‌نه‌ خودا. ڤێجا ئه‌گه‌ر وان پشت ددا ڤێ گازییا باش، هوين -گه‌لى خودان باوه‌ران- بێژنه‌ وان: هوين شاهده‌يیێ بۆ مه‌ بده‌ن كو ئه‌م موسلمانين، مه‌ عيباده‌ت ب تنێ بۆ خودايێ خۆ كرییه‌. وگازيكرن بۆ ڤێ په‌يڤا ڕاست كانێ چاوا بۆ جوهى وفه‌لان دئێته‌ ئاراسته‌كرن وه‌سا ئه‌و بۆ يێن وه‌كى وان ژى دئێته‌ ئاراسته‌كرن.

{ 65 } { يَا أَهْلَ الْكِتَابِ لِمَ تُحَاجُّونَ فِي إِبْرَاهِيمَ وَمَا أُنْزِلَتِ التَّوْرَاةُ وَالْإِنْجِيلُ إِلَّا مِنْ بَعْدِهِ ۚ أَفَلَا تَعْقِلُونَ } گه‌لى خودانێن وان كيتابان یێن هاتينه‌ خوارێ ژ جوهى وفه‌لان، چاوا ئێك ژ هه‌وه‌ هه‌ڤڕكییێ د ده‌رحه‌قا ئيبراهيمى دا سلاڤ لێ بن دكه‌ت كو ئه‌و ژ هه‌وه‌ بوو، وته‌ورات وئنجيل پشتى وى يێن هاتينه‌ خوارێ؟ ئه‌رێ ما هوين خه‌له‌تییا گۆتنا خۆ نزانن ده‌مێ هوين دبێژن: ئيبراهيم جوهى بوو يان فه‌له‌ بوو، وهوين دزانن كو جوهياتى وفه‌لاتى پشتى وى ب زه‌مانه‌كى يێن په‌يدا بووين؟

{ 66 } { هَا أَنْتُمْ هَٰؤُلَاءِ حَاجَجْتُمْ فِيمَا لَكُمْ بِهِ عِلْمٌ فَلِمَ تُحَاجُّونَ فِيمَا لَيْسَ لَكُمْ بِهِ عِلْمٌ ۚ وَاللَّهُ يَعْلَمُ وَأَنْتُمْ لَا تَعْلَمُونَ } ئه‌ها ئه‌ڤه‌ هه‌وه‌ هه‌ڤڕكییا پێغه‌مبه‌رێ خودێ موحه‌ممه‌دى سلاڤ لێ بن د وى تشتى دا كر يێ هه‌وه‌ زانين پێ هه‌ى ژ مه‌سه‌لا دينێ خۆ، ژ وى تشتێ هه‌وه‌ باوه‌رى ب ڕاستییا وى د كيتابێن خۆ دا هه‌ى، ڤێجا بۆچى هوين هه‌ڤڕكییێ د وى تشتى دا دكه‌ن يێ هه‌وه‌ زانين پێ نه‌هه‌ى ژ مه‌سه‌لا ئيبراهيمى؟ وكار چه‌ند دڤه‌شارتى بن خودێ پێ دزانت، وهوين نزانن.

{ 67 } { مَا كَانَ إِبْرَاهِيمُ يَهُودِيًّا وَلَا نَصْرَانِيًّا وَلَٰكِنْ كَانَ حَنِيفًا مُسْلِمًا وَمَا كَانَ مِنَ الْمُشْرِكِينَ } ئيبراهيم نه‌ جوهى بوو ونه‌ فه‌له‌ بوو، چونكى جوهياتى وفه‌لاتى پشتى وى يێن په‌يدا بووين، به‌لێ ئه‌و دويكه‌فتییێ فه‌رمانا خودێ بوو، وى خۆ ته‌سليمى خودايێ خۆ كربوو، وئه‌و ژ بوتپه‌رێسان نه‌بوو.

{ 68 } { إِنَّ أَوْلَى النَّاسِ بِإِبْرَاهِيمَ لَلَّذِينَ اتَّبَعُوهُ وَهَٰذَا النَّبِيُّ وَالَّذِينَ آمَنُوا ۗ وَاللَّهُ وَلِيُّ الْمُؤْمِنِينَ } هندى حه‌قترينێ مرۆڤانه‌ ب ئيبراهيمى، ئه‌ون يێن باوه‌رى ب وى وپه‌ياما وى ئيناى ودويكه‌فتنا وى ل سه‌ر دينێ وى كرى، وئه‌ڤ پێغه‌مبه‌ره‌يه‌ كو موحه‌ممه‌ده‌ سلاڤ لێ بن، وئه‌وێن باوه‌رى ب وى ئيناى. وخودێ خودان وسه‌ركارێ وان خودان باوه‌رانه‌ يێن دويچوونا شريعه‌تێ وى دكه‌ن.

{ 69 } { وَدَّتْ طَائِفَةٌ مِنْ أَهْلِ الْكِتَابِ لَوْ يُضِلُّونَكُمْ وَمَا يُضِلُّونَ إِلَّا أَنْفُسَهُمْ وَمَا يَشْعُرُونَ } ده‌سته‌كه‌ك ژ جوهى وفه‌لان هيڤى دكه‌ن كو هه‌وه‌ د سه‌ر دا ببه‌ن گه‌لى موسلمانان، وئه‌و ژ خۆ ودويكه‌فتییێن خۆ پێڤه‌تر كه‌سێ د سه‌ر دا نابه‌ن، وئه‌و وێ نزانن وپێ ناحه‌سن.

{ 70 } { يَا أَهْلَ الْكِتَابِ لِمَ تَكْفُرُونَ بِآيَاتِ اللَّهِ وَأَنْتُمْ تَشْهَدُونَ } گه‌لى خودانێن ته‌وراتێ وئنجيلێ بۆچى هوين كافرییێ ب وان ئايه‌تێن خودێ دكه‌ن يێن وى د كيتابێن هه‌وه‌ دا بۆ پێغه‌مبه‌رێن خۆ ئيناينه‌ خوارێ، وتێدا هاتییه‌ كو موحه‌ممه‌د سلاڤ لێ بن ئه‌و پێغه‌مبه‌ره‌ يێ چاڤه‌ڕێیى بۆ دئێته‌كرن، وكو تشتێ ئه‌و پێ هاتى حه‌قییه‌، وهوين شاهده‌يیێ ب وێ چه‌ندێ دده‌ن؟ به‌لێ هوین حاشاتییێ لێ دكه‌ن.

{ 71 } { يَا أَهْلَ الْكِتَابِ لِمَ تَلْبِسُونَ الْحَقَّ بِالْبَاطِلِ وَتَكْتُمُونَ الْحَقَّ وَأَنْتُمْ تَعْلَمُونَ } گه‌لى خودانێن ته‌وراتێ وئنجيلێ بۆچى هوين د كيتابێن خۆ دا حه‌قییێ تێكه‌لى وێ نه‌حه‌قییێ دكه‌ن يا هه‌وه‌ ب ده‌ستێن خۆ نڤيسى، وهوين وان سالۆخه‌تێن موحه‌ممه‌دى سلاڤ لێ بن يێن تێدا هاتين وكو دينێ وى يێ حه‌قه‌ ڤه‌دشێرن، وهوين وێ چه‌ندێ دزانن؟

{ 72 } { وَقَالَتْ طَائِفَةٌ مِنْ أَهْلِ الْكِتَابِ آمِنُوا بِالَّذِي أُنْزِلَ عَلَى الَّذِينَ آمَنُوا وَجْهَ النَّهَارِ وَاكْفُرُوا آخِرَهُ لَعَلَّهُمْ يَرْجِعُونَ } وكۆمه‌كێ ژ خودانێن كيتابێ ژ جوهییان گۆت: ل سه‌رێ ڕۆژێ باوه‌رییێ ب وێ بينن يا كو ل سه‌ر خودان باوه‌ران هاتییه‌ خوارێ، و ل دويماهییا ڕۆژێ كافر ببن؛ دا به‌لكى ئه‌و د دينێ خۆ دا بكه‌ڤنه‌ گومانێ، وژێ لێڤه‌ ببن.

{ 73 } { وَلَا تُؤْمِنُوا إِلَّا لِمَنْ تَبِعَ دِينَكُمْ قُلْ إِنَّ الْهُدَىٰ هُدَى اللَّهِ أَنْ يُؤْتَىٰ أَحَدٌ مِثْلَ مَا أُوتِيتُمْ أَوْ يُحَاجُّوكُمْ عِنْدَ رَبِّكُمْ ۗ قُلْ إِنَّ الْفَضْلَ بِيَدِ اللَّهِ يُؤْتِيهِ مَنْ يَشَاءُ ۗ وَاللَّهُ وَاسِعٌ عَلِيمٌ } وهوين باوه‌رییێ ب كه‌سێ نه‌ئينن، ب تنێ ب وى نه‌بت يێ دويكه‌فتنا دينێ هه‌وه‌ كرى وبوويه‌ جوهى، ئه‌ى پێغه‌مبه‌ر تو بێژه‌ وان: هندى ڕێنيشادانا بۆ باوه‌رییا دورسته‌ ڕێنيشادانا خودێیه‌. ووان گۆت: ئه‌و زانينا ل نك هه‌وه‌ هه‌ى بۆ موسلمانان نه‌بێژن نه‌كو ئه‌و وێ بۆ خۆ ژ هه‌وه‌ بگرن، ڤێجا ئه‌و ژى د وێ چه‌ندێ دا وه‌كى هه‌وه‌ لێ بێن، وئه‌و ژ هه‌وه‌ چێتر لێ بێن، يان ژى ئه‌و وێ بۆ خۆ ل نك خودايێ هه‌وه‌ بكه‌نه‌ هێجه‌ت وپێ بشێنه‌ هه‌وه‌. تو -ئه‌ى پێغه‌مبه‌ر- بێژه‌ وان: هندى دان وقه‌نجى وهه‌مى كارن ب ده‌ستێ خودێنه‌ و ب فه‌رمانا وينه‌، ئه‌و وان دده‌ته‌ وى يێ وى بڤێت ژ وان يێن باوه‌رى ب وى وپێغه‌مبه‌رێ وى ئيناى. وخودێ فره‌هێ زانايه‌، وى ب زانين ودانا خۆ هه‌مى چێكرییێن خۆ يێن هێژاى قه‌نجییێن وى ڤه‌گرتينه‌.

{ 74 } { يَخْتَصُّ بِرَحْمَتِهِ مَنْ يَشَاءُ ۗ وَاللَّهُ ذُو الْفَضْلِ الْعَظِيمِ } هندى خودێیه‌ يێ وى بڤێت ژ به‌نییێن خۆ ب پێغه‌مبه‌رينییێ ونيشادانا شريعه‌تێن پێكهاتيتر تايبه‌ت دكه‌ت. وخودێ خودانێ سه‌راتى وقه‌نجییا مه‌زنه‌.

{ 75 } { وَمِنْ أَهْلِ الْكِتَابِ مَنْ إِنْ تَأْمَنْهُ بِقِنْطَارٍ يُؤَدِّهِ إِلَيْكَ وَمِنْهُمْ مَنْ إِنْ تَأْمَنْهُ بِدِينَارٍ لَا يُؤَدِّهِ إِلَيْكَ إِلَّا مَا دُمْتَ عَلَيْهِ قَائِمًا ۗ ذَٰلِكَ بِأَنَّهُمْ قَالُوا لَيْسَ عَلَيْنَا فِي الْأُمِّيِّينَ سَبِيلٌ وَيَقُولُونَ عَلَى اللَّهِ الْكَذِبَ وَهُمْ يَعْلَمُونَ } و ژ خودانێن كيتابێ ژ جوهییان هه‌يه‌ يێ ئه‌گه‌ر تو ماله‌كێ مه‌زن بده‌يه‌ ڤێ دێ ل ته‌ زڤڕينت بێ خيانه‌تێ بكه‌ت، و ژ وان هه‌يه‌ يێ ئه‌گه‌ر تو ديناره‌كا ب تنێ بده‌يه‌ ڤێ ئه‌و ل ته‌ نازڤڕينت ئه‌گه‌ر تو خۆ پێڤه‌ نه‌وه‌ستينى. وئه‌گه‌را ڤێ چه‌ندێ باوه‌رییا وان يا خرابه‌ يا كو وه‌ ل وان دكه‌ت ئه‌و مالێ عه‌ره‌بان بێ حه‌ق بۆ خۆ حه‌لال بكه‌ن، وبێژن: چو گونه‌هـ د خوارنا مالێ وان دا بۆ مه‌ نينه‌؛ چونكى خودێ ئه‌و بۆ مه‌ يێ حه‌لال كرى. وئه‌ڤه‌ دره‌وه‌كه‌ ئه‌و ژ كيسێ خودێ دكه‌ن، ئه‌و ب ده‌ڤێ خۆ دبێژن، وئه‌و دزانن كو ئه‌و ددره‌وينن.

{ 76 } { بَلَىٰ مَنْ أَوْفَىٰ بِعَهْدِهِ وَاتَّقَىٰ فَإِنَّ اللَّهَ يُحِبُّ الْمُتَّقِينَ } به‌لێ مه‌سه‌له‌ وه‌ نينه‌ وه‌كى ئه‌ڤ دره‌وينه‌ دبێژن، چونكى هندى مرۆڤێ ب ته‌قوايه‌ ئه‌وه‌ يێ وێ سۆزا خۆ ب جهـ بينت يا وى دايه‌ خودێ، وه‌كى زڤڕاندنا ئێمانه‌تى وباوه‌رى ئينانا ب خودێ وپێغه‌مبه‌رێ وى وپێگيرییا ب ڕێ وشريعه‌تێ وى، و ژ خودێ بترست وفه‌رمانێن وى ب جهـ بينت. وخودێ حه‌ز ژ ته‌قواداران دكه‌ت ئه‌وێن خۆ ژ شركێ وگونه‌هان دده‌نه‌ پاش.

{ 77 } { إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا أُولَٰئِكَ لَا خَلَاقَ لَهُمْ فِي الْآخِرَةِ وَلَا يُكَلِّمُهُمُ اللَّهُ وَلَا يَنْظُرُ إِلَيْهِمْ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ } هندى ئه‌ون يێن په‌يمانا خودێ وئه‌و شيره‌تا وى يا د وان كيتابان دا هاتى يێن وى بۆ پێغه‌مبه‌رێن خۆ هنارتين، ب بهایه‌كێ كێم وبێ خێر ژ په‌رتالێ دنيايێ دگوهۆڕن، ئه‌و ل ئاخره‌تێ دبێ بارن ژ خێرێ، وخودێ د گه‌ل وان نائاخڤت ب وێ ئاخفتنا وان كه‌يف پێ بێت، و ل ڕۆژا ڕابوونێ ئه‌و ب چاڤێ دلۆڤانییێ به‌رێ خۆ ناده‌ته‌ وان، ووان ژ قڕێژا گونه‌هێ وكوفرێ پاقژ ناكه‌ت، وعه‌زابه‌كا ب ئێش بۆ وان هه‌يه‌.

{ 78 } { وَإِنَّ مِنْهُمْ لَفَرِيقًا يَلْوُونَ أَلْسِنَتَهُمْ بِالْكِتَابِ لِتَحْسَبُوهُ مِنَ الْكِتَابِ وَمَا هُوَ مِنَ الْكِتَابِ وَيَقُولُونَ هُوَ مِنْ عِنْدِ اللَّهِ وَمَا هُوَ مِنْ عِنْدِ اللَّهِ وَيَقُولُونَ عَلَى اللَّهِ الْكَذِبَ وَهُمْ يَعْلَمُونَ } و ژ جوهییان كۆمه‌ك هه‌يه‌ وه‌ربادانێ دئێخنه‌ گۆتنێ، وئاخفتنا خودێ دگوهۆڕن؛ دا خه‌لكى وه‌سا تێ بگه‌هينن كو ئه‌ڤه‌ ژ گۆتنا خودێیه‌، كو ته‌وراته‌، وئه‌و ب خۆ نه‌ ژ وێيه‌، وئه‌و دبێژن: ئه‌ڤه‌ ژ نك خودێیه‌ وى ب وه‌حى بۆ پێغه‌مبه‌رێ خۆ مووسایى هنارتییه‌، وئه‌و ب خۆ نه‌ ژ نك خودێیه‌، وئه‌و ژ به‌ر دنيايا خۆ دره‌وێ ل سه‌ر ناڤێ خودێ دكه‌ن، وئه‌و دزانن كو ئه‌و ددره‌وينن.

{ 79 } { مَا كَانَ لِبَشَرٍ أَنْ يُؤْتِيَهُ اللَّهُ الْكِتَابَ وَالْحُكْمَ وَالنُّبُوَّةَ ثُمَّ يَقُولَ لِلنَّاسِ كُونُوا عِبَادًا لِي مِنْ دُونِ اللَّهِ وَلَٰكِنْ كُونُوا رَبَّانِيِّينَ بِمَا كُنْتُمْ تُعَلِّمُونَ الْكِتَابَ وَبِمَا كُنْتُمْ تَدْرُسُونَ } نه‌بوويه‌ بۆ مرۆڤه‌كى كو خودێ كيتابا خۆ بۆ بينته‌ خوارێ ووى د ناڤبه‌را خه‌لكى دا بكه‌ته‌ حه‌كه‌م وبۆ پێغه‌مبه‌رينییێ هلبژێرت، پاشى ئه‌و بێژته‌ مرۆڤان: هوين من بپه‌رێسن ژ بلى خودێ، به‌لكى ئه‌و دبێژت: ببنه‌ تێگه‌هشتییێن زانا ب تشتێ هوين ژ وه‌حییا خودێ نيشا خه‌لكى دده‌ن، و ب تشتێ هوين ب تێگه‌هشتن وزانين ژێ دده‌نه‌ خواندن.

{ 80 } { وَلَا يَأْمُرَكُمْ أَنْ تَتَّخِذُوا الْمَلَائِكَةَ وَالنَّبِيِّينَ أَرْبَابًا ۗ أَيَأْمُرُكُمْ بِالْكُفْرِ بَعْدَ إِذْ أَنْتُمْ مُسْلِمُونَ } ونه‌بوويه‌ بۆ ئێك ژ وان فه‌رمانێ ل هه‌وه‌ بكه‌ت كو هوين ملیاكه‌ت وپێغه‌مبه‌ران بۆ خۆ بكه‌نه‌ خودا و ژ بلى خودێ په‌رستنێ بۆ بكه‌ن. ئه‌رێ -گه‌لى مرۆڤان- ما تشته‌كێ به‌رعه‌قله‌ ئه‌و فه‌رمانێ ب كوفرێ ل هه‌وه‌ بكه‌ت پشتى كو هوين بووينه‌ موسلمان وهه‌وه‌ خۆ ته‌سليمى خودێ كرى؟

{ 81 } { وَإِذْ أَخَذَ اللَّهُ مِيثَاقَ النَّبِيِّينَ لَمَا آتَيْتُكُمْ مِنْ كِتَابٍ وَحِكْمَةٍ ثُمَّ جَاءَكُمْ رَسُولٌ مُصَدِّقٌ لِمَا مَعَكُمْ لَتُؤْمِنُنَّ بِهِ وَلَتَنْصُرُنَّهُ ۚ قَالَ أَأَقْرَرْتُمْ وَأَخَذْتُمْ عَلَىٰ ذَٰلِكُمْ إِصْرِي ۖ قَالُوا أَقْرَرْنَا ۚ قَالَ فَاشْهَدُوا وَأَنَا مَعَكُمْ مِنَ الشَّاهِدِينَ } وتو -ئه‌ى پێغه‌مبه‌ر- ل بيرا خۆ بينه‌ ده‌مێ خودێ په‌يمانا موكم ژ هه‌مى پێغه‌مبه‌ران وه‌رگرتى: ئه‌گه‌ر من كيتاب وكاربنه‌جهى دا هه‌وه‌، پاشى پێغه‌مبه‌ره‌ك ژ نك من بۆ هه‌وه‌ هات، ڕاستگۆيیا وێ يا د گه‌ل هه‌وه‌ ديار بكه‌ت، هوين دێ باوه‌رییێ پێ ئينن وپشته‌ڤانییا وى كه‌ن. ڤێجا هه‌وه‌ ئه‌و په‌يمان بنه‌جهـ كر وئعتراف پێ كر؟ وان گۆت: مه‌ ئعتراف كر، وى گۆت: پا دێ هنده‌ك ژ هه‌وه‌ بلا شاهده‌يیێ ل سه‌ر هنده‌كان بده‌ن، وشاهده‌يیێ بۆ ئوممه‌تێن خۆ ژى ب ڤێ چه‌ندێ بده‌ن، وئه‌ز د گه‌ل هه‌وه‌ ژ شاهدانم ل سه‌ر هه‌وه‌ و ل سه‌ر وان. وئه‌ڤه‌ هندێ دگه‌هينت كو خودێ په‌يمان ژ هه‌ر پێغه‌مبه‌ره‌كى وه‌رگرتییه‌ كو باوه‌رییێ ب موحه‌ممه‌دى سلاڤ لێ بن بينت، وپه‌يمان ب وێ چه‌ندێ ژ ملله‌تێن پێغه‌مبه‌ران وه‌رگرتییه‌.

{ 82 } { فَمَنْ تَوَلَّىٰ بَعْدَ ذَٰلِكَ فَأُولَٰئِكَ هُمُ الْفَاسِقُونَ } ڤێجا هه‌چییێ پشتى ڤێ ئاشكه‌راكرنێ وڤێ په‌يمانا خودێ ژ پێغه‌مبه‌رێن خۆ وه‌رگرتى پشت بده‌ته‌ گازییا ئيسلامێ، ئه‌و ئه‌ون يێن ژ دينێ خودێ وگوهدارییا وى ده‌ركه‌فتين.

{ 83 } { أَفَغَيْرَ دِينِ اللَّهِ يَبْغُونَ وَلَهُ أَسْلَمَ مَنْ فِي السَّمَاوَاتِ وَالْأَرْضِ طَوْعًا وَكَرْهًا وَإِلَيْهِ يُرْجَعُونَ } ئه‌رێ ما ئه‌وان سه‌رداچوويێن هه‌ ژ خودانێن كيتابێ دينه‌كێ دى ژ بلى يێ خودێ -كو ئيسلامه‌ يا خودێ موحه‌ممه‌د سلاڤ لێ بن پێ هنارتى- دڤێت؟ د گه‌ل كو هه‌ر تشته‌كێ ل عه‌سمانان و ل عه‌ردى خۆ ب ده‌ست خودێ ڤه‌ به‌ردايه‌ ژ دل -وه‌كى خودان باوه‌ران- يان ب كوته‌كى وه‌كى كافران ل ده‌مێ وان چو ڕێكێن دى نه‌بن، هه‌ر وه‌سا هه‌مى چێكرییان خۆ بۆ وى چه‌ماندییه‌، وڕۆژا ژڤان پێ هاتییه‌ دان ئه‌و بۆ نك وى دێ زڤڕن، ڤێجا ئه‌و جزايێ هه‌ر ئێكى ل دويڤ كريارا وى دێ ده‌تێ. وئه‌ڤه‌ ترساندنه‌كه‌ ژ خودێ بۆ خه‌لكى كو كه‌س ب دينه‌كێ دى ژ بلى ئيسلامێ نه‌زڤڕته‌ نك وى.

{ 84 } { قُلْ آمَنَّا بِاللَّهِ وَمَا أُنْزِلَ عَلَيْنَا وَمَا أُنْزِلَ عَلَىٰ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالْأَسْبَاطِ وَمَا أُوتِيَ مُوسَىٰ وَعِيسَىٰ وَالنَّبِيُّونَ مِنْ رَبِّهِمْ لَا نُفَرِّقُ بَيْنَ أَحَدٍ مِنْهُمْ وَنَحْنُ لَهُ مُسْلِمُونَ } تو -ئه‌ى پێغه‌مبه‌ر- بێژه‌ وان: مه‌ باوه‌رى ب خودێ ئينايه‌ وگوهدارییا وى كرییه‌، ڤێجا ژ وى پێڤه‌تر مه‌ چو خودا نينن، و ژ بلى وى ئه‌م په‌رستنا كه‌سێ دى ناكه‌ين، ومه‌ باوه‌رى ب وێ وه‌حییێ ئينايه‌ يا خودێ ل سه‌ر مه‌ ئينايه‌ خوارێ، و ب وێ يا ل سه‌ر خۆشتڤییێ خودێ ئيبراهيمى، وهه‌ر دو كوڕێن وى ئيسماعيلى وئيسحاقى، ونه‌ڤییێ وى يه‌عقووبێ كوڕێ ئيسحاقى، هاتییه‌ خوارێ، و ب وێ يا ل سه‌ر ئه‌سباتان هاتییه‌ خوارێ -وئه‌و ئه‌و پێغه‌مبه‌ر بوون يێن د ناڤ هه‌ر دووازده‌ ئويجاخێن ئسرائيلییان دا ژ عه‌يالێ يه‌عقووبى هاتينه‌ هنارتن- و ب وێ يا بۆ مووسا وعيسایى ژ ته‌وراتێ وئنجيلێ هاتییه‌ خوارێ، و ب وێ يا خودێ بۆ پێغه‌مبه‌رێن خۆ ئينايه‌ خوارێ، ئه‌م باوه‌رییێ ب وێ هه‌مییێ دئينين، وچو جوداهییێ نائێخينه‌ د ناڤبه‌را ئێك ژ وان دا، وئه‌م د فه‌رمانا وى ب تنێ داينه‌، گوهدارییا وى دكه‌ين، وشاهده‌يیێ ب خوداينییێ وپه‌رستنێ بۆ وى دده‌ين.

{ 85 } { وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ } وهه‌چییێ دينه‌كى ژ بلى ئيسلامێ داخواز بكه‌ت، وئيسلام ئه‌وه‌ مرۆڤ ب ته‌وحيدێ وگوهدارییێ خۆ ته‌سليمى خودێ بكه‌ت، وباوه‌رییێ ب پێغه‌مبه‌رێ دويماهییێ موحه‌ممه‌دى سلاڤ لێ بن بينت، ودويچوونا وى بكه‌ت، وڤه‌شارتى وئاشكه‌را ئه‌و بڤێت، هه‌چییێ دينه‌كى دێ داخواز بكه‌ت ئه‌و دين ژ وى نائێته‌ قه‌بويلكرن، وئه‌و ل ئاخره‌تێ ژ زيانكارانه‌ ئه‌وێن پشك وبارێن خۆ ژ ده‌ست داين.

{ 86 } { كَيْفَ يَهْدِي اللَّهُ قَوْمًا كَفَرُوا بَعْدَ إِيمَانِهِمْ وَشَهِدُوا أَنَّ الرَّسُولَ حَقٌّ وَجَاءَهُمُ الْبَيِّنَاتُ ۚ وَاللَّهُ لَا يَهْدِي الْقَوْمَ الظَّالِمِينَ } چاوا خودێ به‌رێ ملله‌ته‌كێ كافرى كرى دێ ده‌ته‌ باوه‌رییێ پشتى وان باوه‌رى ئيناى، وشاهده‌يى داى كو موحه‌ممه‌د سلاڤ لێ بن يێ حه‌قه‌ وتشتێ ئه‌و پێ هاتى ڕاستییه‌، ونيشان وئايه‌ت ل سه‌ر وێ چه‌ندێ ژ نك خودێ بۆ وان هاتين؟ وخودێ به‌رێ ملله‌تێ زۆردار ناده‌ته‌ ڕاستییێ ودورستییێ، ئه‌وێن به‌رێ خۆ ژ حه‌قییێ وه‌رگێڕاى وكوفر بۆ خۆ هلبژارتى.

{ 87 } { أُولَٰئِكَ جَزَاؤُهُمْ أَنَّ عَلَيْهِمْ لَعْنَةَ اللَّهِ وَالْمَلَائِكَةِ وَالنَّاسِ أَجْمَعِينَ } ئه‌و زۆردارێن هه‌ جزايێ وان ئه‌وه‌ له‌عنه‌تا خودێ ويا ملیاكه‌تان ومرۆڤان هه‌مییان ل سه‌ر وانه‌، ڤێجا ئه‌و ژ دلۆڤانییا خودێ دده‌ركرينه‌.

{ 88 } { خَالِدِينَ فِيهَا لَا يُخَفَّفُ عَنْهُمُ الْعَذَابُ وَلَا هُمْ يُنْظَرُونَ } ئه‌و هه‌ر وهه‌ر دێ د ئاگرى دا بن، عه‌زاب ژ سه‌ر وان نائێته‌ ڕاكرن دا ئه‌و پيچه‌كێ بێهنا خۆ بده‌ن، و ژ وان نائێته‌ پاشڤه‌هێلان ژ به‌ر هێجه‌ته‌كا ئه‌و بۆ خۆ بگرن.

{ 89 } { إِلَّا الَّذِينَ تَابُوا مِنْ بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَحِيمٌ } ئه‌و تێ نه‌بن يێن پشتى كوفر وزۆردارییا خۆ لێڤه‌بووين و ب تۆبه‌كا دورست ل خودايێ خۆ زڤڕين، وتشتێ وان خراب كرى ب تۆبا خۆ چاك بكه‌ن، هندى خودێیه‌ وێ قه‌بويل دكه‌ت، چونكى ئه‌و گونه‌هژێبرێ گونه‌هێن به‌نییێن خۆيه‌، دلۆڤانییێ ب وان دبه‌ت.

{ 90 } { إِنَّ الَّذِينَ كَفَرُوا بَعْدَ إِيمَانِهِمْ ثُمَّ ازْدَادُوا كُفْرًا لَنْ تُقْبَلَ تَوْبَتُهُمْ وَأُولَٰئِكَ هُمُ الضَّالُّونَ } هندى ئه‌ون يێن پشتى باوه‌رییا خۆ كافربووين وحه‌تا مرين به‌رده‌وام ل سه‌ر كوفرێ ماين، تۆبا وان ل به‌ر مرنێ نائێته‌ قه‌بويلكرن، وئه‌و ئه‌ون يێن ڕێ ل به‌ر خۆ به‌رزه‌كرى.

{ 91 } { إِنَّ الَّذِينَ كَفَرُوا وَمَاتُوا وَهُمْ كُفَّارٌ فَلَنْ يُقْبَلَ مِنْ أَحَدِهِمْ مِلْءُ الْأَرْضِ ذَهَبًا وَلَوِ افْتَدَىٰ بِهِ ۗ أُولَٰئِكَ لَهُمْ عَذَابٌ أَلِيمٌ وَمَا لَهُمْ مِنْ نَاصِرِينَ } هندى ئه‌ون يێن كافرى ب پێغه‌مبه‌رينییا موحه‌ممه‌دى سلاڤ لێ بن كرى، و ل سه‌ر كوفرا ب خودێ وپێغه‌مبه‌رێ وى مرين، ڕۆژا قيامه‌تێ تژى عه‌ردى زێڕ ژ ئێك ژ وان نائێته‌ وه‌رگرتن؛ دا ئه‌و خۆ پێ ژ عه‌زابا خودێ بكڕت، ئه‌گه‌ر خۆ ئه‌و وه‌ بكه‌ت ژى. ئه‌وان عه‌زابه‌كا ب ئێش بۆ هه‌يه‌، وكه‌سه‌ك نينه‌ وان ژ عه‌زابا خودێ ڕزگار بكه‌ت.

{ 92 } { لَنْ تَنَالُوا الْبِرَّ حَتَّىٰ تُنْفِقُوا مِمَّا تُحِبُّونَ ۚ وَمَا تُنْفِقُوا مِنْ شَيْءٍ فَإِنَّ اللَّهَ بِهِ عَلِيمٌ } حه‌تا هوين خێرێ ژ وى تشتى نه‌ده‌ن يێ هه‌وه‌ بڤێت، هوين ناگه‌هنه‌ به‌حه‌شتێ، وهه‌ر تشته‌كێ هوين ب خێر بده‌ن يێ كێم بت يان گه‌له‌ك بت خودێ پێ دزانت، وئه‌و جزايێ هه‌ر خێركه‌ره‌كى ل دويڤ كارێ وى كرى دێ ده‌تێ.

{ 93 } { كُلُّ الطَّعَامِ كَانَ حِلًّا لِبَنِي إِسْرَائِيلَ إِلَّا مَا حَرَّمَ إِسْرَائِيلُ عَلَىٰ نَفْسِهِ مِنْ قَبْلِ أَنْ تُنَزَّلَ التَّوْرَاةُ ۗ قُلْ فَأْتُوا بِالتَّوْرَاةِ فَاتْلُوهَا إِنْ كُنْتُمْ صَادِقِينَ } هه‌مى خوارنێن پاقژ بۆ عه‌يالێن يه‌عقووبى دحه‌لال بوون، ئه‌و تێ نه‌بت يا يه‌عقووبى ژ به‌ر نساخییه‌كێ ل سه‌ر خۆ حه‌رام كرى، ئه‌ڤه‌ به‌رى ته‌ورات بێته‌ خوارێ. وپشتى ته‌ورات هاتییه‌ خوارێ و ژ به‌ر زێده‌گاڤییا ئسرائیلییان خودێ هنده‌ك خوارن ل سه‌ر وان حه‌رامكرن، تو -ئه‌ى پێغه‌مبه‌ر- بێژه‌ وان: كانێ ته‌وراتێ بينن، وتشتێ تێدا هاتى بخوينن ئه‌گه‌ر هوين ڕاست دبێژن كو خودێ د ته‌وراتێ دا ئه‌و تشتێ هاتییه‌ حه‌رامكرن يێ يه‌عقووبى ل سه‌ر خۆ حه‌رامكرى، دا هوین بزانن كو ئه‌و تشتێ قورئان دبێژت حه‌قییه‌.

{ 94 } { فَمَنِ افْتَرَىٰ عَلَى اللَّهِ الْكَذِبَ مِنْ بَعْدِ ذَٰلِكَ فَأُولَٰئِكَ هُمُ الظَّالِمُونَ } ڤێجا پشتى خواندنا ته‌وراتێ هه‌چییێ دره‌وێ ل سه‌ر ناڤێ خودێ بكه‌ت، ئه‌و ئه‌ون يێن زۆردار يێن نه‌حه‌قییێ ل سه‌ر ناڤێ خودێ دبێژن.

{ 95 } { قُلْ صَدَقَ اللَّهُ ۗ فَاتَّبِعُوا مِلَّةَ إِبْرَاهِيمَ حَنِيفًا وَمَا كَانَ مِنَ الْمُشْرِكِينَ } تو بێژه‌ وان: خودێ د وى تشتى دا يێ وى گۆتى ڕاست دبێژت، وئه‌گه‌ر هوين ڕاست دبێژن كو هوين ژ خۆشتڤییێ خودێ ئيبراهيمينه‌، ل دويڤ وى شريعه‌تى هه‌ڕن يێ خودێ ل سه‌ر ئه‌زمانێ موحه‌ممه‌دى سلاڤ لێ بن داناى ، وئيبراهيم ئه‌و بوو يێ د ته‌وحيد وپه‌رستنا خودێ دا چو شريك بۆ وى نه‌ددانان.

{ 96 } { إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِلْعَالَمِينَ } هندى ئێكه‌مين ماله‌ بۆ عه‌بدينییا خودێ ل سه‌ر عه‌ردى هاتییه‌ دانان مالا خودێ يا حه‌رامه‌ ئه‌وا ل مه‌كه‌هێ، وئه‌ڤ ماله‌ يا پيرۆزه‌ خێر لێ دئێنه‌ زێده‌كرن، وره‌حم لێ دبارت، و د به‌رێخۆدانا وێ دا ل ده‌مێ نڤێژێ، وقه‌ستكرنا وێ ل ده‌مێ حه‌جێ وعومرێ، چاكى وڕێنيشان بۆ مرۆڤان هه‌نه‌.

{ 97 } { فِيهِ آيَاتٌ بَيِّنَاتٌ مَقَامُ إِبْرَاهِيمَ ۖ وَمَنْ دَخَلَهُ كَانَ آمِنًا ۗ وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا ۚ وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ } د ڤێ به‌يتێ دا نيشانێن ئاشكه‌را هه‌نه‌ كو ئه‌و ژ ئاڤاكرنا ئيبراهيمییه‌، ژ وان: جهێ ئيبراهيمى سلاڤ لێ بن كو ئه‌و به‌ره‌ يێ ئه‌و ل سه‌ر ڕادوه‌ستا ده‌مێ وى وكوڕێ وى ئيسماعيلى ئاڤاهییێ كه‌عبێ بلند دكر، و هه‌چییێ بچته‌ وێ به‌يتێ ئه‌و یێ ئه‌مينه‌ كه‌س نه‌خۆشییێ ناگه‌هينتێ. وخودێ ل سه‌ر مرۆڤێ شيان هه‌بن ل هه‌چى جهێ ئه‌و لێ بت قه‌ستكرنا ڤێ مالێ بۆ كرنا حه‌جێ فه‌ركرییه‌. وهه‌چییێ باوه‌رییێ ب فه‌ربوونا حه‌جێ نه‌ئينت ئه‌و كافره‌، وخودێ يێ ده‌وله‌مه‌نده‌ چو مننه‌ت ب وى وحه‌جا وى وكارێ وى نينه‌.

{ 98 } { قُلْ يَا أَهْلَ الْكِتَابِ لِمَ تَكْفُرُونَ بِآيَاتِ اللَّهِ وَاللَّهُ شَهِيدٌ عَلَىٰ مَا تَعْمَلُونَ } ئه‌ى پێغه‌مبه‌ر تو بێژه‌ خودانێن كيتابێ ژ جوهى وفه‌لان: بۆچى هوين كافرییێ ب وان نيشانێن خودێ دكه‌ن ئه‌وێن هندێ دگه‌هينن كو ئيسلام دينێ خودێیه‌، وهوين وان ده‌ليلان ڤه‌دشێرن یێن د كتێبێن هه‌وه‌ دا هاتين ل دۆر وێ چه‌ندێ، وهوين دزانن؟ وخودێ شاهده‌ ل سه‌ر تشتێ هوين دكه‌ن. وئه‌ڤه‌ گه‌فه‌كه‌ بۆ وان.

{ 99 } { قُلْ يَا أَهْلَ الْكِتَابِ لِمَ تَصُدُّونَ عَنْ سَبِيلِ اللَّهِ مَنْ آمَنَ تَبْغُونَهَا عِوَجًا وَأَنْتُمْ شُهَدَاءُ ۗ وَمَا اللَّهُ بِغَافِلٍ عَمَّا تَعْمَلُونَ } تو -ئه‌ى پێغه‌مبه‌ر- بێژه‌ وان: بۆچى هوين به‌رێ وى ژ ئيسلامێ وه‌ردگێڕن يێ بڤێت بێته‌ تێدا، هه‌وه‌ دڤێت وى ژ ڕێكا دورست لاده‌ن، وهوين دزانن كو يا ئه‌ز پێ هاتيم حه‌قییه‌؟ وخودێ يێ بێ ئاگه‌هـ نينه‌ ژ وى كارێ هوين دكه‌ن.

{ 100 } { يَا أَيُّهَا الَّذِينَ آمَنُوا إِنْ تُطِيعُوا فَرِيقًا مِنَ الَّذِينَ أُوتُوا الْكِتَابَ يَرُدُّوكُمْ بَعْدَ إِيمَانِكُمْ كَافِرِينَ } ئه‌ى ئه‌وێن باوه‌رى ئيناى، ئه‌گه‌ر هوين گوهدارییا ده‌سته‌كه‌كێ ژ جوهى وفه‌لان بكه‌ن يێن خودێ ته‌ورات وئنجيل بۆ هنارتى، ئه‌و دێ هه‌وه‌ د سه‌ر دا به‌ن، وگومانێ بۆ هه‌وه‌ ئێخنه‌ د دينێ هه‌وه‌ دا؛ دا پشتى هه‌وه‌ باوه‌رى ب حه‌قییێ ئيناى هوين بزڤڕن پێ كافر ببن، ڤێجا هوین ژ وان ئێمن نه‌بن ل سه‌ر دينێ خۆ، و ب گۆتنا وان نه‌كه‌ن.

{ 101 } { وَكَيْفَ تَكْفُرُونَ وَأَنْتُمْ تُتْلَىٰ عَلَيْكُمْ آيَاتُ اللَّهِ وَفِيكُمْ رَسُولُهُ ۗ وَمَنْ يَعْتَصِمْ بِاللَّهِ فَقَدْ هُدِيَ إِلَىٰ صِرَاطٍ مُسْتَقِيمٍ } وچاوا هوين -گه‌لى خودان باوه‌ران- دێ كافر بن ب خودێ، وئايه‌تێن قورئانێ بۆ هه‌وه‌ دئێنه‌ خواندن، وپێغه‌مبه‌رێ خودێ موحه‌ممه‌د سلاڤ لێ بن د ناڤ هه‌وه‌ دايه‌ وان ئايه‌تان دگه‌هينته‌ هه‌وه‌؟ وهه‌چییێ خۆ بهێلته‌ ب هيڤییا خودێ ڤه‌، وخۆ ب قورئانێ وسوننه‌تێ ڤه‌ بگرت ئه‌و به‌رێ وى هاته‌ دان بۆ رێكه‌كا ئاشكه‌را، ومه‌نهه‌جه‌كێ ڕاست.

{ 102 } { يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ } ئه‌ى ئه‌وێن باوه‌رى ئيناى، ب دورستى هوين ژ خودێ بترسن: وه‌سا كو هوين گوهدارییا وى بكه‌ن وبێ ئه‌مرییا وى نه‌كه‌ن، وشوكرا وى بكه‌ن وكافرییێ پێ نه‌كه‌ن، و ل بيرا خۆ بينن و ژ بير نه‌كه‌ن، وبه‌رده‌وام خۆ ب ئيسلاما خۆ ڤه‌ بگرن حه‌تا هوين دمرن؛ دا هوين بگه‌هنه‌ خودێ وهوين دموسلمان.

{ 103 } { وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا وَكُنْتُمْ عَلَىٰ شَفَا حُفْرَةٍ مِنَ النَّارِ فَأَنْقَذَكُمْ مِنْهَا ۗ كَذَٰلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ } وهوين هه‌مى خۆ ب كيتابا خودايێ خۆ وسوننه‌تا پێغه‌مبه‌رێ وى ڤه‌ بگرن، ووى تشتێ دبته‌ ئه‌گه‌را ژێكڤه‌بوونا هه‌وه‌ هوين نه‌كه‌ن. وقه‌نجییه‌كا مه‌زن يا خودێ د گه‌ل هه‌وه‌ كرى ل بيرا خۆ بينن: كو هوين -گه‌لى خودان باوه‌ران- به‌رى ئيسلامێ نه‌يارێن ئێك ودو بوون، ئينا خودێ دلێن هه‌وه‌ ل سه‌ر ڤيانا خۆ وڤيانا پێغه‌مبه‌رێ خۆ كۆمكرن، وڤيانا هه‌وه‌ هاڤێته‌ دلێن ئێك ودو، ڤێجا ژ قه‌نجییا وى هوين بوونه‌ برايێن خۆشتڤى، وهوين ل سه‌ر لێڤا ئاگرێ جه‌هنه‌مێ بوون، ئينا وى به‌رێ هه‌وه‌ دا ئيسلامێ وهوين ژ ئاگرى ڕزگاركرن. وكانێ چاوا خودێ ڕێنيشانێن باوه‌رییا دورست بۆ هه‌وه‌ ئاشكه‌راكرن وه‌سا هه‌ر تشته‌كێ مفايێ هه‌وه‌ تێدا هه‌بت ئه‌و بۆ هه‌وه‌ ئاشكه‌را دكه‌ت؛ دا به‌رێ هه‌وه‌ بكه‌فته‌ ڕێكا ڕاست، وهوين لێ بچن، وژێ به‌رزه‌ نه‌بن.

{ 104 } { وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ ۚ وَأُولَٰئِكَ هُمُ الْمُفْلِحُونَ } وبلا ده‌سته‌كه‌ك ژ هه‌وه‌ -گه‌لى خودان باوه‌ران- هه‌بت به‌رێ خه‌لكى بده‌ته‌ خێرێ وفه‌رمانێ ب باشییێ بكه‌ت، وپاشڤه‌برنا ژ خرابییێ بكه‌ت، وئه‌و ئه‌ون يێن ب گه‌هشتنا به‌حه‌شتێن خۆش ب سه‌ردكه‌ڤن.

{ 105 } { وَلَا تَكُونُوا كَالَّذِينَ تَفَرَّقُوا وَاخْتَلَفُوا مِنْ بَعْدِ مَا جَاءَهُمُ الْبَيِّنَاتُ ۚ وَأُولَٰئِكَ لَهُمْ عَذَابٌ عَظِيمٌ } وهوين -گه‌لى خودان باوه‌ران- وه‌كى وان كتابییان نه‌بن يێن دوژمناتى ونه‌ڤيان كه‌فتییه‌ ناڤبه‌را وان ڤێجا ل سه‌ر كۆم وپارتان لێكڤه‌بووين، و د بناخه‌يێن دينێ خۆ دا ژێك جودابووين پشتى حه‌قى بۆ وان ئاشكه‌را بووى، وئه‌و ئه‌ون يێن هێژایى عه‌زابه‌كا مه‌زنا ب ئێش بووين.

{ 106 } { يَوْمَ تَبْيَضُّ وُجُوهٌ وَتَسْوَدُّ وُجُوهٌ ۚ فَأَمَّا الَّذِينَ اسْوَدَّتْ وُجُوهُهُمْ أَكَفَرْتُمْ بَعْدَ إِيمَانِكُمْ فَذُوقُوا الْعَذَابَ بِمَا كُنْتُمْ تَكْفُرُونَ } ڕۆژا قيامه‌تێ ڕوییێن دلخۆشان يێن باوه‌رى ب خودێ وپێغه‌مبه‌رێ وى ئيناى، وكار ب فه‌رمانا وى كرى سپى دبن، وڕوییێن شه‌رمزاران يێن باوه‌رى ب پێغه‌مبه‌رێ وى نه‌ئيناى، وگوهدارییا فه‌رمانا وى نه‌كرى ڕه‌ش دبن. ڤێجا هندى ئه‌ون يێن ڕویڕه‌ش دبن، دێ بۆ وان ئێته‌ گۆتن: ئه‌رێ پشتى هه‌وه‌ باوه‌رى ئيناى هوين كافربوون، وهه‌وه‌ پێش باوه‌رییێ ڤه‌ كافرى هلبژارت؟ پا دێ هوين ژ به‌ر كوفرا خۆ تام بكه‌نه‌ عه‌زابێ.

{ 107 } { وَأَمَّا الَّذِينَ ابْيَضَّتْ وُجُوهُهُمْ فَفِي رَحْمَةِ اللَّهِ هُمْ فِيهَا خَالِدُونَ } وهندى ئه‌ون يێن ڕوییێن وان ب خۆشییێ و ب وێ مزگينییا خێرێ يا بۆ وان هاتییه‌ دان سپى بووين، ئه‌و يێن د به‌حه‌شتا خودێ دا، وئه‌و هه‌ر وهه‌ر دێ تێدا مينن، چو جاران ژێ ده‌رناكه‌ڤن.

{ 108 } { تِلْكَ آيَاتُ اللَّهِ نَتْلُوهَا عَلَيْكَ بِالْحَقِّ ۗ وَمَا اللَّهُ يُرِيدُ ظُلْمًا لِلْعَالَمِينَ } ئه‌ڤه‌ ئايه‌تێن خودێ يێن ئاشكه‌رانه‌، ئه‌م ب ڕاستى ودورستى بۆ ته‌ -ئه‌ى پێغه‌مبه‌ر- دخوينين. وخودێ زۆردارییێ ل كه‌سێ ژ به‌نییێن خۆ ناكه‌ت، وچويێ ژ كارێ وان ژى كێم ناكه‌ت؛ چونكى ئه‌وه‌ حاكمێ عادل يێ زۆردارییێ ناكه‌ت.

{ 109 } { وَلِلَّهِ مَا فِي السَّمَاوَاتِ وَمَا فِي الْأَرْضِ ۚ وَإِلَى اللَّهِ تُرْجَعُ الْأُمُورُ } وهه‌ر تشته‌كێ ل عه‌سمانان وهه‌ر تشته‌كێ ل عه‌ردى يێ خودێیه‌، ئه‌و ملكێ وى ب تنێیه‌ وئه‌وه‌ وان چێ دكه‌ت و ب ڕێڤه‌ دبه‌ت، ودويماهییا هه‌مى چێكرییان بۆ نك وى دزڤڕت، ڤێجا ئه‌و هه‌ر ئێكى ل دويڤ حه‌قێ وى جزا دده‌ت.

{ 110 } { كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ ۗ وَلَوْ آمَنَ أَهْلُ الْكِتَابِ لَكَانَ خَيْرًا لَهُمْ ۚ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ } هوين -ئه‌ى ئوممه‌تا موحه‌ممه‌دى سلاڤ لێ بن- چێترين ئوممه‌تن و ب مفاترين مرۆڤن بۆ مرۆڤان، هوين فه‌رمانێ ب باشییێ دكه‌ن، وباشى ئه‌وه‌ يا شریعه‌تى وعه‌قلى گۆتى ئه‌و تشته‌كێ باشه‌، وهوين پاشڤه‌برنا ژ خرابییێ دكه‌ن، وخرابى ئه‌وه‌ يا شریعه‌تى وعه‌قلى گۆتى ئه‌و تشته‌كێ كرێته‌، وهوين باوه‌رییێ ب خودێ دئينن باوه‌رییه‌كا دورست يا كريار د گه‌ل دا. وئه‌گه‌ر خودانێن كيتابێ ژ جوهى وفه‌لان باوه‌رى ب موحه‌ممه‌دى سلاڤ لێ بن و ب وى تشتێ ئه‌و پێ هاتى ئينابا وه‌كى هه‌وه‌ باوه‌رى ئيناى، ل دنيايێ وئاخره‌تێ دا بۆ وان چێتر بت، ژ وان هه‌نه‌ يێن باوه‌رى ب په‌ياما موحه‌ممه‌دى سلاڤ لێ بن ئيناى وكار پێ كرى، وئه‌و دكێمن، وپترییا وان ئه‌ون يێن دسه‌ردا چووين و ژ دينێ خودێ ده‌ركه‌فتين.

{ 111 } { لَنْ يَضُرُّوكُمْ إِلَّا أَذًى ۖ وَإِنْ يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنْصَرُونَ } ئه‌و سه‌رداچوويێن هه‌ ژ كيتابییان چ زيانێ ناگه‌هيننه‌ هه‌وه‌، ئه‌و تێ نه‌بت كو ئه‌و هنده‌ك نه‌خۆشییێ بگه‌هيننه‌ هه‌وه‌ ب گۆتنا هنده‌ك په‌يڤێن شركێ وكوفرێ، وئه‌گه‌ر ئه‌و شه‌ڕێ هه‌وه‌ بكه‌ن ئه‌و دێ ئێنه‌ شكاندن، ودێ ڕه‌ڤن وپشت ده‌نه‌ هه‌وه‌، پاشى ب چو ڕه‌نگان ئه‌و نائێنه‌ ب سه‌رێخستن.

{ 112 } { ضُرِبَتْ عَلَيْهِمُ الذِّلَّةُ أَيْنَ مَا ثُقِفُوا إِلَّا بِحَبْلٍ مِنَ اللَّهِ وَحَبْلٍ مِنَ النَّاسِ وَبَاءُوا بِغَضَبٍ مِنَ اللَّهِ وَضُرِبَتْ عَلَيْهِمُ الْمَسْكَنَةُ ۚ ذَٰلِكَ بِأَنَّهُمْ كَانُوا يَكْفُرُونَ بِآيَاتِ اللَّهِ وَيَقْتُلُونَ الْأَنْبِيَاءَ بِغَيْرِ حَقٍّ ۚ ذَٰلِكَ بِمَا عَصَوْا وَكَانُوا يَعْتَدُونَ } خودێ سه‌رشۆرى وشه‌رمزارى كره‌ كاره‌كێ ب جوهییان ڤه‌ نيسيایى وئه‌و ژ وان ڤه‌ نابت، چى جهێ ئه‌و لێ بن ئه‌و دڕه‌زيل وبێ بهانه‌، وه‌سا تێ نه‌بت ئه‌و خۆ ب په‌يمانه‌كا ژ خودێ وپه‌يمانه‌كا ژ مرۆڤان ڤه‌ بگرن، كو خۆ ومالێ خۆ پێ بپارێزن، وئه‌ڤه‌ هنگییه‌ ده‌مێ ئه‌و دكه‌ڤنه‌ د بن ئه‌حكامێن ئيسلامێ ڤه‌، وئه‌و ب غه‌زه‌به‌كا ژ نك خودێ ڤه‌ يا ئه‌و ژ هه‌ژى زڤڕين، وشه‌رمزارى ل سه‌ر وان هاته‌دانان، ڤێجا تو مرۆڤێ جوهى نابينى ئه‌گه‌ر ترس وسه‌هما خودان باوه‌رى ل نك وى نه‌بت؛ ئه‌ڤه‌ خودێ د گه‌ل وان كر ژ به‌ر كوفرا وان ب خودێ، وپێلێدانا وان بۆ توخويبێن وى، وكوشتنا وان بۆ پێغه‌مبه‌ران ژ زۆردارى وته‌عدايى، وهه‌ما ب تنێ كرنا وان بۆ گونه‌هان وپێلێدانا وان بۆ توخويبێن خودێ ئه‌و ل سه‌ر ڤێ چه‌ندێ بسته‌كرن.

{ 113 } { لَيْسُوا سَوَاءً ۗ مِنْ أَهْلِ الْكِتَابِ أُمَّةٌ قَائِمَةٌ يَتْلُونَ آيَاتِ اللَّهِ آنَاءَ اللَّيْلِ وَهُمْ يَسْجُدُونَ } خودانێن كيتابێ هه‌مى وه‌كى ئێك نينن، ژ وان كۆمه‌ك هه‌يه‌ ل سه‌ر ئه‌مرێ خودێ دڕاستن وباوه‌رییێ ب پێغه‌مبه‌رێ وى موحه‌ممه‌دى سلاڤ لێ بن دئينن، ب شه‌ڤێ ئه‌و ڕادبن ئايه‌تێن قورئانێ دخوينن، وئه‌و د نڤێژێن خۆ دا هاوارێن خۆ دگه‌هيننه‌ خودێ.

{ 114 } { يُؤْمِنُونَ بِاللَّهِ وَالْيَوْمِ الْآخِرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُسَارِعُونَ فِي الْخَيْرَاتِ وَأُولَٰئِكَ مِنَ الصَّالِحِينَ } ئه‌و باوه‌رییێ ب خودێ وڕۆژا دويماهییێ دئينن، وفه‌رمانێ ب باشییێ هه‌مییێ دكه‌ن، وپاشڤه‌برنێ ژ خرابییێ هه‌مییێ دكه‌ن، وله‌زێ د كرنا خێرێ دا دكه‌ن، وئه‌و ژ به‌نییێن خودێ يێن چاكن.

{ 115 } { وَمَا يَفْعَلُوا مِنْ خَيْرٍ فَلَنْ يُكْفَرُوهُ ۗ وَاللَّهُ عَلِيمٌ بِالْمُتَّقِينَ } وهه‌ر خێره‌كا ئه‌ڤ ده‌سته‌كا خودان باوه‌ر بكه‌ت يا كێم بت يان ژى يا گه‌له‌ك بت، ئه‌و ل نك خودێ به‌رزه‌ نابت، به‌لكى سوپاسییا وان سه‌را وێ چه‌ندێ دێ ئێته‌كرن، وجزایێ وان دێ ئێته‌دان. وخودێ يێ زانايه‌ ب وان ته‌قوادارێن پێخه‌مه‌ت ڕازيبوونا خودێ باشى كرين، وخۆ ژ حه‌رامییان داينه‌ پاش.

{ 116 } { إِنَّ الَّذِينَ كَفَرُوا لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا ۖ وَأُولَٰئِكَ أَصْحَابُ النَّارِ ۚ هُمْ فِيهَا خَالِدُونَ } هندى ئه‌ون يێن كوفر ب ئایه‌تێن خودێ كرى، وپێغه‌مبه‌رێن وى دره‌وین ده‌رێخستین، نه‌ مالێ وان ونه‌ عه‌يالێ وان تشته‌كى ژ عه‌زابا خودێ نه‌ ل دنيايێ ونه‌ ل ئاخره‌تێ ژ وان پاشڤه‌ نابه‌ت، وئه‌ون خودانێن ئاگرى يێن هه‌رده‌م تێدا دمینن، وچو جاران ژێ ده‌رناكه‌ڤن.

{ 117 } { مَثَلُ مَا يُنْفِقُونَ فِي هَٰذِهِ الْحَيَاةِ الدُّنْيَا كَمَثَلِ رِيحٍ فِيهَا صِرٌّ أَصَابَتْ حَرْثَ قَوْمٍ ظَلَمُوا أَنْفُسَهُمْ فَأَهْلَكَتْهُ ۚ وَمَا ظَلَمَهُمُ اللَّهُ وَلَٰكِنْ أَنْفُسَهُمْ يَظْلِمُونَ } مه‌ته‌لا وى مالى يێ كافر د ڤێ ژينا دنيايێ دا دكه‌نه‌ خێر وهيڤییا خێرێ ژێ دكه‌ن، وه‌كى مه‌ته‌لا وى هڕه‌بايه‌ يێ سڕه‌كا دژوار د گه‌ل دا و ب سه‌ر شينكاتییێ وان مرۆڤان دا گرتى يێن ژێ ب هيڤى، و ژ به‌ر گونه‌هێن وان وى هڕه‌باى تشته‌ك ژێ نه‌هێلاى. وئه‌و كافرێن هه‌ ل ئاخره‌تێ چو خێرێ نابينن، وخودێ ب وێ چه‌ندێ زۆردارى ل وان نه‌كرییه‌، به‌لكى وان ب كوفر ونه‌گوهدارییا خۆ زۆردارى ل خۆ دكر.

{ 118 } { يَا أَيُّهَا الَّذِينَ آمَنُوا لَا تَتَّخِذُوا بِطَانَةً مِنْ دُونِكُمْ لَا يَأْلُونَكُمْ خَبَالًا وَدُّوا مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ ۚ قَدْ بَيَّنَّا لَكُمُ الْآيَاتِ ۖ إِنْ كُنْتُمْ تَعْقِلُونَ } ئه‌ى گه‌لى ئه‌وێن باوه‌رى ب خودێ وپێغه‌مبه‌رێ وى ئيناى، وكار ب شریعه‌تێ وى كرى، هوين ژ بلى خودان باوه‌ران چو كافران بۆ خۆ نه‌كه‌نه‌ دۆست وسه‌ركار، نهێنییێن خۆ بۆ بێژن، چونكى ئه‌و سستییێ د خرابكرنا حالێ هه‌وه‌ دا ناكه‌ن، ووان كه‌يف ب ئه‌وى تشتى دئێت يێ نه‌خۆشى وزيانا هه‌وه‌ تێدا، ونه‌ڤيانا وان يا دژوار ژ گوتنا ده‌ڤێن وان يا ئاشكه‌رايه‌، ونه‌ڤيانا وان بۆ هه‌وه‌ ئه‌وا د سنگێن وان دا ڤه‌شارتى پتر ومه‌زنتره‌. ب ڕاستى مه‌ نيشان وهێجه‌ت بۆ هه‌وه‌ ئاشكه‌راكرن؛ دا هوین وجه‌كێ بۆ خۆ ژێ بگرن، ئه‌گه‌ر هوين د گۆتن وشيره‌تا خودێ بگه‌هن.

{ 119 } { هَا أَنْتُمْ أُولَاءِ تُحِبُّونَهُمْ وَلَا يُحِبُّونَكُمْ وَتُؤْمِنُونَ بِالْكِتَابِ كُلِّهِ وَإِذَا لَقُوكُمْ قَالُوا آمَنَّا وَإِذَا خَلَوْا عَضُّوا عَلَيْكُمُ الْأَنَامِلَ مِنَ الْغَيْظِ ۚ قُلْ مُوتُوا بِغَيْظِكُمْ ۗ إِنَّ اللَّهَ عَلِيمٌ بِذَاتِ الصُّدُورِ } ئه‌ڤه‌ نيشانا خه‌له‌تییا هه‌وه‌يه‌ كو هوين حه‌ز ژ وان بكه‌ن، چونكى هوين حه‌ز ژ وان دكه‌ن وقه‌نجییێ د گه‌ل وان دكه‌ن، وئه‌و حه‌ز ژ هه‌وه‌ ناكه‌ن ونه‌ڤيان ودوژمناتییا هه‌وه‌ دكه‌ن، وهوين باوه‌رییێ ب هه‌مى كيتابێن هاتينه‌ خوارێ دئينن وكيتابا وان ئێك ژ وانه‌، وئه‌و باوه‌رییێ ب كيتابا هه‌وه‌ نائينن، ڤێجا چاوا هوين حه‌ز ژ وان دكه‌ن؟ وئه‌گه‌ر ئه‌و هاتنه‌ نك هه‌وه‌ ژ منافقى ئه‌و دێ بێژن: مه‌ باوه‌رى ئينايه‌، وئه‌گه‌ر ئه‌و مانه‌ ب تنێ د گه‌ل ئێك ودو خه‌م وقه‌هرا خۆ ئاشكه‌را دكه‌ن، و ژ كه‌ربان دا تبلێن خۆ دده‌نه‌ به‌ر له‌قان، ده‌مێ ئه‌و هه‌وه‌ دبينن هوين حه‌ز ژ ئێك ودو دكه‌ن وهوين ئێك بير وڕانه‌، وئيسلام يا ب هێزه‌، وئه‌و ژ به‌ر ئيسلامێ دڕه‌زيلن. تو -ئه‌ى پێغه‌مبه‌ر- بێژه‌ وان: ژ كه‌رب وكينا خۆ دا بمرن. هندى خودێیه‌ ب تشتێ ڤه‌شارتى د سنگان دا يێ ئاگه‌هداره‌، وئه‌و جزايێ هه‌ر كه‌سه‌كى ل دويڤ كريارا وى دێ ده‌تێ.

{ 120 } { إِنْ تَمْسَسْكُمْ حَسَنَةٌ تَسُؤْهُمْ وَإِنْ تُصِبْكُمْ سَيِّئَةٌ يَفْرَحُوا بِهَا ۖ وَإِنْ تَصْبِرُوا وَتَتَّقُوا لَا يَضُرُّكُمْ كَيْدُهُمْ شَيْئًا ۗ إِنَّ اللَّهَ بِمَا يَعْمَلُونَ مُحِيطٌ } ئه‌گه‌ر باشییه‌ك ژ سه‌ركه‌فتنه‌كێ يان مفایه‌كى گه‌هشته‌ هه‌وه‌ -گه‌لى خودان باوه‌ران- ئه‌و پێ ب خه‌م دكه‌ڤن، وئه‌گه‌ر نه‌خۆشییه‌ك ژ شكه‌ستنه‌كێ يان كێمبوونا مال ومرۆڤ وده‌رامه‌تى گه‌هشته‌ هه‌وه‌ كه‌يفا وان پێ دئێت، وئه‌گه‌ر هوين بێهنا خۆ فره‌هـ بكه‌ن ل سه‌ر وێ نه‌خۆشییا دگه‌هته‌ هه‌وه‌، وته‌قوایا خودێ د وى تشتى دا بكه‌ن يێ وى فه‌رمان پێ ل هه‌وه‌ كرى، نه‌خۆشییا فێلبازییا وان زيانێ ناگه‌هينته‌ هه‌وه‌. وخودێ دۆرا ل وى هه‌مى كارى گرتى يێ ئه‌و كافر دكه‌ن، وئه‌و دێ جزایێ وان سه‌را وى ده‌ت.

{ 121 } { وَإِذْ غَدَوْتَ مِنْ أَهْلِكَ تُبَوِّئُ الْمُؤْمِنِينَ مَقَاعِدَ لِلْقِتَالِ ۗ وَاللَّهُ سَمِيعٌ عَلِيمٌ } وتو -ئه‌ى پێغه‌مبه‌ر- ل بيرا خۆ بينه‌ ده‌مێ تو ژ مالا خۆ ده‌ركه‌فتى وكارێ شه‌ڕى ته‌ كرى، دا ڕێزێن صه‌حابییێن خۆ دورست بكه‌ى، وهه‌ر ئێكى جهێ وى بۆ ده‌ستنيشان بكه‌ى بۆ كرنا شه‌ڕێ كافران ل (ئوحودێ). وخودێ گوهدێرێ گۆتنێن هه‌وه‌یه‌، یێ پڕزانايه‌ ب كریارێن هه‌وه‌.

{ 122 } { إِذْ هَمَّتْ طَائِفَتَانِ مِنْكُمْ أَنْ تَفْشَلَا وَاللَّهُ وَلِيُّهُمَا ۗ وَعَلَى اللَّهِ فَلْيَتَوَكَّلِ الْمُؤْمِنُونَ } وتو -ئه‌ى پێغه‌مبه‌ر- به‌حس بكه‌ ده‌مێ دلێ به‌نى سه‌له‌مه‌ وبه‌نى حارثییان چوويێ كو ژ ترسێن شه‌ڕێ د گه‌ل دوژمنى دا، د گه‌ل سه‌رۆكێ خۆ يێ منافق عه‌بدللاهێ كوڕێ ئوبه‌ى بزڤڕن؛ به‌لێ خودێ ئه‌و پاراستن، وئه‌و د گه‌ل ته‌ مان ووان دا ڕێ وخۆ هێلا ب هيڤییا خودێ ڤه‌. وخودان باوه‌ر بلا خۆ بهێلنه‌ ب هيڤییا خودێ ب تنێ ڤه‌.

{ 123 } { وَلَقَدْ نَصَرَكُمُ اللَّهُ بِبَدْرٍ وَأَنْتُمْ أَذِلَّةٌ ۖ فَاتَّقُوا اللَّهَ لَعَلَّكُمْ تَشْكُرُونَ } و ب ڕاستى خودێ هوين -گه‌لى خودان باوه‌ران- ل (به‌درێ) ب سه‌ر دوژمنێن هه‌وه‌ يێن بوتپه‌رێس ئێخستبوون د گه‌ل كو هژمار وچه‌كێ هه‌وه‌ يێ كێم ژى بوو، ڤێجا هوين ژ خودێ بترسن وپێگيرییێ ب فه‌رمانێن وى بكه‌ن؛ دا به‌لكى هوين سوپاسییا وى ل سه‌ر قه‌نجییێن وى بكه‌ن.

{ 124 } { إِذْ تَقُولُ لِلْمُؤْمِنِينَ أَلَنْ يَكْفِيَكُمْ أَنْ يُمِدَّكُمْ رَبُّكُمْ بِثَلَاثَةِ آلَافٍ مِنَ الْمَلَائِكَةِ مُنْزَلِينَ } وتو -ئه‌ى پێغه‌مبه‌ر- به‌حس بكه‌ ده‌مێ بۆ هه‌ڤالێن ته‌ نه‌خۆش بووى كو هاریكارى ل به‌درێ بۆ كافران هاتى، ڤێجا مه‌ وه‌حى بۆ ته‌ هنارت كو تو بێژییه‌ هه‌ڤالێن خۆ: ئه‌رێ ما هاريكارییا خودايێ هه‌وه‌ تێرا هه‌وه‌ ناكه‌ت كو ئه‌و ب سێ هزار ملیاكه‌تێن ژ عه‌سمانى بێنه‌ خوارێ هاريكارییا هه‌وه‌ بكه‌ت، دا ئه‌و هه‌وه‌ موكم بكه‌ن، و د گه‌ل هه‌وه‌ شه‌ڕى بكه‌ن؟

{ 125 } { بَلَىٰ ۚ إِنْ تَصْبِرُوا وَتَتَّقُوا وَيَأْتُوكُمْ مِنْ فَوْرِهِمْ هَٰذَا يُمْدِدْكُمْ رَبُّكُمْ بِخَمْسَةِ آلَافٍ مِنَ الْمَلَائِكَةِ مُسَوِّمِينَ } به‌لێ، ئه‌ڤ هاريكارییه‌ تێرا هه‌وه‌ هه‌يه‌. ومزگينییه‌كا دى ژى بۆ هه‌وه‌ هه‌يه‌: ئه‌گه‌ر هوين بێهنا خۆ ل سه‌ر شه‌ڕێ د گه‌ل دوژمنى فره‌هـ بكه‌ن وته‌قوایا خودێ ب گوهدارییا فه‌رمانێن وى بكه‌ن، وكافرێن مه‌كه‌هێ د ڤێ ده‌ليڤه‌يێ دا ب له‌ز بێنه‌ شه‌ڕێ هه‌وه‌، هزر بكه‌ن ئه‌و دێ هه‌وه‌ برينن، خودێ ب پێنچ هزاران ژ ملیاكه‌تێن نيشانكرى، دێ هاريكارییا هه‌وه‌ كه‌ت، یه‌عنى: یێن خۆ و هه‌سپێن خۆ ب نیشانێن ئاشكه‌را نیشان كرین.

{ 126 } { وَمَا جَعَلَهُ اللَّهُ إِلَّا بُشْرَىٰ لَكُمْ وَلِتَطْمَئِنَّ قُلُوبُكُمْ بِهِ ۗ وَمَا النَّصْرُ إِلَّا مِنْ عِنْدِ اللَّهِ الْعَزِيزِ الْحَكِيمِ } وئه‌ڤ پشته‌ڤانییا ب ملیاكه‌تان ژ به‌ر هندێ بوويه‌ دا خودێ وێ بۆ هه‌وه‌ بكه‌ته‌ مزگينى، ودا دلێن هه‌وه‌ پێ موكم ببن، وكه‌يفخۆش ببن ب وێ سۆزا خودێ داى. وسه‌ركه‌فتن هه‌ما ب تنێ ژ نك خودايێ زاله‌ یێ كه‌س نه‌شێتێ، ويێ د گۆتن وكريارێن خۆ دا كاربنه‌جهـ.

{ 127 } { لِيَقْطَعَ طَرَفًا مِنَ الَّذِينَ كَفَرُوا أَوْ يَكْبِتَهُمْ فَيَنْقَلِبُوا خَائِبِينَ } وسه‌ركه‌فتنا هه‌وه‌ ل (به‌درێ) بۆ هندێ بوو دا هنده‌ك كافر ب كوشتنێ تێ بچن، ودا ئه‌وێن ژ كوشتنێ قورتال بووين ژى ب خه‌م وكۆڤان ڤه‌ بزڤڕن وبێن ته‌نگ ببن، وسه‌رشۆڕى وشه‌رمزارییا وان ئاشكه‌را ببت.

{ 128 } { لَيْسَ لَكَ مِنَ الْأَمْرِ شَيْءٌ أَوْ يَتُوبَ عَلَيْهِمْ أَوْ يُعَذِّبَهُمْ فَإِنَّهُمْ ظَالِمُونَ } ئه‌ى پێغه‌مبه‌ر د كارێ به‌نییان دا چو تشته‌ك د ده‌ستێ ته‌ دا نينه‌، وبه‌لكى هنده‌ك ژ ڤان يێن شه‌ڕێ ته‌ كرى دلێ وان بۆ ئيسلامێ ڤه‌ببت وموسلمان ببن، ڤێجا خودێ تۆبێ بدانته‌ سه‌ر وان. وئه‌وی عه‌زاب بده‌ت یێ بمينته‌ ل سه‌ر كوفرا خۆ.

{ 129 } { وَلِلَّهِ مَا فِي السَّمَاوَاتِ وَمَا فِي الْأَرْضِ ۚ يَغْفِرُ لِمَنْ يَشَاءُ وَيُعَذِّبُ مَنْ يَشَاءُ ۚ وَاللَّهُ غَفُورٌ رَحِيمٌ } وهه‌ر تشته‌كێ ل عه‌سمانان وهه‌ر تشته‌كێ ل عه‌ردى يێ خودێ ب تنێیه‌، يێ وى بڤێت ئه‌و گونه‌هێن وى بۆ ژێ دبه‌ت، ويێ وى بڤێت ئه‌و وى عه‌زاب دده‌ت. وخودێ گونه‌هـ ژێبرێ به‌نییێن خۆیه‌، یێ دلۆڤانكاره‌ ب وان.

{ 130 } { يَا أَيُّهَا الَّذِينَ آمَنُوا لَا تَأْكُلُوا الرِّبَا أَضْعَافًا مُضَاعَفَةً ۖ وَاتَّقُوا اللَّهَ لَعَلَّكُمْ تُفْلِحُونَ } ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شریعه‌تێ وى كرى، خۆ ژ هه‌مى ڕه‌نگێن ربايێ بده‌نه‌ پاش، وده‌مێ هوين قه‌ره‌كى دده‌ن زێده‌يیێ ل سه‌ر سه‌رمالێ خۆ وه‌رنه‌گرن ئه‌گه‌ر خۆ يا كێم ژى بت، ڤێجا پا چاوا ئه‌گه‌ر ئه‌و زێده‌يى ل ده‌مێ زڤڕاندنا قه‌رى هندى دى پتر بت؟ وهوين ته‌قوایا خودێ بكه‌ن؛ دا به‌لكى هوين ب سه‌ركه‌ڤن.

{ 131 } { وَاتَّقُوا النَّارَ الَّتِي أُعِدَّتْ لِلْكَافِرِينَ } وهوين په‌رژانه‌كى بۆ خۆ د ناڤبه‌را خۆ ووى ئاگرى دا بدانن يێ كو بۆ كافران هاتییه‌ ئاماده‌كرن.

{ 132 } { وَأَطِيعُوا اللَّهَ وَالرَّسُولَ لَعَلَّكُمْ تُرْحَمُونَ } وهوين -گه‌لى خودان باوه‌ران- گوهدارییا خودێ وپێغه‌مبه‌رى بكه‌ن؛ دا به‌لكى ڕه‌حم ب هه‌وه‌ بێته‌برن.

{ 133 } { وَسَارِعُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ } وهوين ب گوهدارییا خودێ وپێغه‌مبه‌رێ وى له‌زێ بكه‌ن دا غه‌فراندنه‌كا مه‌زن ژ نك خودايێ خۆ ب ده‌ست خۆ ڤه‌ بينن، وبه‌حه‌شته‌كا به‌رين، يا فره‌هییا وێ هندى عه‌سمانان وعه‌ردى، خودێ بۆ ته‌قواداران ئاماده‌كرییه‌.

{ 134 } { الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ } ئه‌وێن مالێ خۆ ل به‌رفره‌هى وته‌نگاڤییێ خه‌رج دكه‌ن، وئه‌وێن ب صه‌بركێشانێ كه‌ربا دلێ خۆ دادكه‌ن، وئه‌گه‌ر ئه‌و شيانه‌ وان يێن زۆردارى ل وان كرى ئه‌و لێ دبۆرن. وئه‌ڤه‌یه‌ ئه‌و قه‌نجى يا خودێ حه‌ز ژ خودانێن وێ دكه‌ت.

{ 135 } { وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ } وئه‌وێن ده‌مێ گونه‌هه‌كا مه‌زن دكه‌ن يان ب كرنا گونه‌هه‌كا كێمتر زۆردارییێ ل خۆ دكه‌ن، ئه‌و بيرا خۆ ل سۆز وگه‌فا خودێ دئيننه‌ڤه‌ ڤێجا ل خودايێ خۆ دزڤڕن وتۆبه‌ دكه‌ن، وداخوازا ژێبرنا گونه‌هان بۆ خۆ ژێ دكه‌ن، وئه‌و باش دزانن كو ب تنێ خودێیه‌ گونه‌هان ژێ دبه‌ت، له‌و ئه‌و ل سه‌ر گونه‌هێ نامينن، وئه‌و دزانن كو ئه‌گه‌ر وان تۆبه‌ كر خودێ تۆبا وان دێ قه‌بويل كه‌ت.

{ 136 } { أُولَٰئِكَ جَزَاؤُهُمْ مَغْفِرَةٌ مِنْ رَبِّهِمْ وَجَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ وَنِعْمَ أَجْرُ الْعَامِلِينَ } خودانێن ڤان سالۆخه‌تێن مه‌زن جزايێ وان ئه‌وه‌ خودێ گونه‌هێن وان ڤه‌شێرت، وبه‌حه‌شتێن ئاڤێن شرين د بن داروبار وقه‌سرێن وان دا دچن بۆ وان هه‌نه‌، هه‌ر وهه‌ر ئه‌و دێ تێدا مينن وژێ ده‌رناكه‌ڤن. وبه‌حه‌شت ولێبۆرينا گونه‌هان چ خۆش جزايه‌ بۆ كاركه‌ران.

{ 137 } { قَدْ خَلَتْ مِنْ قَبْلِكُمْ سُنَنٌ فَسِيرُوا فِي الْأَرْضِ فَانْظُرُوا كَيْفَ كَانَ عَاقِبَةُ الْمُكَذِّبِينَ } خودێ گۆتنێ ئاراسته‌ى خودان باوه‌ران دكه‌ت؛ دا ئه‌و دله‌ى دله‌ى وان بده‌ت ژ به‌ر وێ یا ل ڕۆژا (ئوحودێ) ب سه‌رێ وان هاتى، كو ئه‌وا ب سه‌رێ وان هاتى به‌رى هه‌وه‌ ب سه‌ر چه‌ند ملله‌تێن دى ژى ڕا بۆريیه‌، خودان باوه‌رێن وان ملله‌تان ب شه‌ڕێ كافران هاتنه‌ جه‌رباندن ودويماهى بۆ وان بوو، ڤێجا هوين ل عه‌ردى بگه‌ڕیێن وبه‌رێ خۆ بده‌نێ كانێ دويماهییا ئه‌وان يێن دره‌و ب خودێ وپێغه‌مبه‌ران كرى چاوا بوويه‌.

{ 138 } { هَٰذَا بَيَانٌ لِلنَّاسِ وَهُدًى وَمَوْعِظَةٌ لِلْمُتَّقِينَ } ئه‌ڤ قورئانه‌ نيشادانه‌كا ئاشكه‌رايه‌ بۆ ڕێكا حه‌ق، وبيرئينانه‌كه‌ دلێن ته‌قواداران ئه‌وێن ژ خودێ دترسن پێ نه‌رم دبن، وبه‌حسێ ته‌قواداران ب تايبه‌تى هاته‌كرن؛ چونكى ئه‌ون د ناڤ خه‌لكى دا يێن مفاى بۆ خۆ ژێ دبينن.

{ 139 } { وَلَا تَهِنُوا وَلَا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ } وهوين -گه‌لى خودان باوه‌ران- ژ شه‌ڕێ دوژمنێ خۆ لاواز نه‌بن، و ژ به‌ر ئه‌وا ل (ئوحودێ) ب سه‌رێ هه‌وه‌ هاتى ب خه‌م نه‌كه‌ڤن، وهوينن يێن سه‌ركه‌فتى ودويماهى بۆ هه‌وه‌يه‌، ئه‌گه‌ر هه‌وه‌ باوه‌رى ب خودێ وپێغه‌مبه‌رێ وى هه‌يه‌.

{ 140 } { إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ ۚ وَتِلْكَ الْأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنْكُمْ شُهَدَاءَ ۗ وَاللَّهُ لَا يُحِبُّ الظَّالِمِينَ } ئه‌گه‌ر ل (ئوحودێ) برينه‌ك يان كوشتنه‌ك گه‌هشتبته‌ هه‌وه‌ -گه‌لى خودان باوه‌ران- ڤێجا ژ به‌ر هندێ هوين ب خه‌م كه‌فتبن، پانێ برينه‌ك وكوشتنه‌كا وه‌كى وێ ل (به‌درێ) گه‌هشتبوو بوتپه‌رێسان ژى. وخودێ وان ڕۆژان د ناڤبه‌را مرۆڤان دا دزڤڕينت، جاره‌كێ سه‌ركه‌فتن وجاره‌كا دى شكه‌ستن، ژ به‌ر وێ حكمه‌تا وى د وێ چه‌ندێ دا هه‌ى، دا خودێ وى تشتى یێ وى د ئه‌زه‌ل دا زانى ئاشكه‌را بكه‌ت، كو خودان باوه‌رێ ڕاستگۆ ژ يێ دى جودا بكه‌ت، و هنده‌كان ژ هه‌وه‌ ب شه‌هيدبوونێ ب قه‌در بێخت. وخودێ حه‌ز ژ وان ناكه‌ت يێن زۆردارى ل خۆ كرى، وخۆ ژ شه‌ڕێ د ڕێكا وى دا دايه‌ پاش.

{ 141 } { وَلِيُمَحِّصَ اللَّهُ الَّذِينَ آمَنُوا وَيَمْحَقَ الْكَافِرِينَ } وئه‌ڤ شكه‌ستنا ل (ئوحودێ) چێبووى جه‌ڕباندن وڤه‌وژارتنه‌ك بوو بۆ خودان باوه‌ران، وجوداكرنه‌ك بوو بۆ وان ژ منافقان، وتێبرنه‌ك بوو بۆ كافران.

{ 142 } { أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمِ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ } ئه‌ى صه‌حابییێن موحه‌ممه‌دى سلاڤ لێ بن ئه‌رێ هه‌وه‌ هزر دكر كو هوين دێ چنه‌ به‌حه‌شتێ، بێى هوين ب شه‌ڕ وته‌نگاڤییان بێنه‌ جه‌ڕباندن؟ هوين ناچنه‌ به‌حه‌شتێ حه‌تا هوين نه‌ئێنه‌ جه‌ڕباندن، و ب نیاسینه‌كا به‌رچاڤ خودێ جيهادكه‌ران ژ هه‌وه‌ بنیاست، ووان ژى بنیاست يێن صه‌برێ ل سه‌ر به‌رگرییا نه‌ياران دكێشن.

{ 143 } { وَلَقَدْ كُنْتُمْ تَمَنَّوْنَ الْمَوْتَ مِنْ قَبْلِ أَنْ تَلْقَوْهُ فَقَدْ رَأَيْتُمُوهُ وَأَنْتُمْ تَنْظُرُونَ } وب ڕاستى هه‌وه‌ -گه‌لى خودان باوه‌ران- به‌رى شه‌ڕێ (ئوحودێ) خوزى ڕادهێلان كو هوين به‌رانبه‌ر دوژمنى ڕاوه‌ستن؛ دا كو شه‌ره‌فا جيهادێ وشه‌هيدبوونا د ڕێكا خودێ دا يا برايێن هه‌وه‌ ل (به‌درێ) ب ده‌ست خۆ ڤه‌ ئيناى هوين ژى ب ده‌ست خۆ ڤه‌ بينن، ئه‌ڤه‌ ئه‌وا هه‌وه‌ داخواز دكر بۆ هه‌وه‌ ب جهـ هات، ڤێجا شه‌ڕى بكه‌ن وصه‌برێ بكێشن.

{ 144 } { وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ ۚ أَفَإِنْ مَاتَ أَوْ قُتِلَ انْقَلَبْتُمْ عَلَىٰ أَعْقَابِكُمْ ۚ وَمَنْ يَنْقَلِبْ عَلَىٰ عَقِبَيْهِ فَلَنْ يَضُرَّ اللَّهَ شَيْئًا ۗ وَسَيَجْزِي اللَّهُ الشَّاكِرِينَ } وهه‌ما موحه‌ممه‌د سلاڤ لێ بن پێغه‌مبه‌ره‌كه‌ وه‌كى پێغه‌مبه‌رێن به‌رى خۆ په‌ياما خودايێ خۆ دگه‌هينت. ئه‌رێ ڤێجا ئه‌گه‌ر ئه‌و ب ڕۆژا خۆ مر، يان ژى هاته‌ كوشتن وه‌كى دوژمنان به‌لاڤكرى، هوين دێ ژ دينێ خۆ زڤڕنه‌ڤه‌، ووێ هێلن يا پێغه‌مبه‌رێ هه‌وه‌ بۆ هه‌وه‌ پێ هاتى؟ وهه‌چییێ ژ هه‌وه‌ ژ دينێ خۆ بزڤڕت ئه‌و ب تشته‌كى زيانێ ناگه‌هينته‌ خودێ، به‌لكى ئه‌و زيانه‌كا مه‌زن دێ گه‌هينته‌ خۆ. وهه‌چییێ ل سه‌ر باوه‌رییێ موكم بمينت وسوپاسییا خودايێ خۆ بكه‌ت، هندى خودێیه‌ باشترين جزایى دێ ده‌ته‌ وى.

{ 145 } { وَمَا كَانَ لِنَفْسٍ أَنْ تَمُوتَ إِلَّا بِإِذْنِ اللَّهِ كِتَابًا مُؤَجَّلًا ۗ وَمَنْ يُرِدْ ثَوَابَ الدُّنْيَا نُؤْتِهِ مِنْهَا وَمَنْ يُرِدْ ثَوَابَ الْآخِرَةِ نُؤْتِهِ مِنْهَا ۚ وَسَنَجْزِي الشَّاكِرِينَ } كه‌سه‌ك نامرت بێى ئانه‌هى وقه‌ده‌را خودێ وحه‌تا ئه‌و وى ده‌مى خلاس دكه‌ت يێ خودێ بۆ وى داناى ونڤيسى نڤيسينه‌كا پاش ئێخستى. وهه‌چییێ ب كارێ خۆ په‌رتالێ دنيايێ بخوازت، ئه‌م دێ وێ بارێ ژێ ده‌ينێ يا مه‌ بۆ وى نڤيسى، ووى چو بار وپشك ل ئاخره‌تێ نابن، وهه‌چییێ ب كارێ خۆ جزايێ خودێ يێ ئاخره‌تێ بخوازت ئه‌م دێ وێ ده‌ينێ يا ئه‌و دخوازت، وجزايێ وى ب تمامى د گه‌ل وى ڕزقێ د دنيايێ دا بۆ وى هاتییه‌ نڤيسين ئه‌م دێ ده‌ينێ، چونكى ئه‌ڤه‌ ئه‌وه‌ يێ ب گوهدارى وجيهادا خۆ سوپاسییا مه‌ كرى، وئه‌م جزايێ شوكرداران ب باشى دێ ده‌ينێ.

{ 146 } { وَكَأَيِّنْ مِنْ نَبِيٍّ قَاتَلَ مَعَهُ رِبِّيُّونَ كَثِيرٌ فَمَا وَهَنُوا لِمَا أَصَابَهُمْ فِي سَبِيلِ اللَّهِ وَمَا ضَعُفُوا وَمَا اسْتَكَانُوا ۗ وَاللَّهُ يُحِبُّ الصَّابِرِينَ } گه‌له‌ك پێغه‌مبه‌رێن بۆرین كۆمێن گه‌له‌ك ژ هه‌ڤالێن وان شه‌ڕ د گه‌ل وان دا كرينه‌، ڤێجا ژ به‌ر وێ برين وكوشتنا گه‌هشتییه‌ وان ئه‌و لاواز نه‌بووبوون؛ چونكى ئه‌و د ڕێكا خودايێ وان دا بوو، وئه‌و سست نه‌بووبوون، وخۆ بۆ دوژمنى نه‌شكاندبوو، به‌لكى وان صه‌بر ل سه‌ر وێ كێشا يا هاتییه‌ سه‌رێ وان. وخودێ حه‌ز ژ بێنفره‌هان دكه‌ت.

{ 147 } { وَمَا كَانَ قَوْلَهُمْ إِلَّا أَنْ قَالُوا رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ } وگۆتنا وان بێنفره‌هان ب تنێ ئه‌و بوويه‌ وان گۆت: خودايێ مه‌ گونه‌هێن مه‌، وئه‌و زێده‌گاڤییا ژ مه‌ ده‌ركه‌فتى د كارێ دينێ مه‌ دا تو بۆ مه‌ ژێ ببه‌، وپییێن مه‌ موكم بكه‌ دا ئه‌م ژ شه‌ڕێ دوژمنێ خۆ نه‌ڕه‌ڤين، ومه‌ ب سه‌ر وان بێخه‌ يێن باوه‌ری نه‌ئيناى.

{ 148 } { فَآتَاهُمُ اللَّهُ ثَوَابَ الدُّنْيَا وَحُسْنَ ثَوَابِ الْآخِرَةِ ۗ وَاللَّهُ يُحِبُّ الْمُحْسِنِينَ } ئينا خودێ جزايێ وان بێنفره‌هان د دنيايێ دا كره‌ ئه‌و ئه‌و شیانه‌ نه‌یارێن خۆ، وعه‌رد كه‌فته‌ ده‌ستێ وان، وخودێ جزايێ باشێ مه‌زن ل ئاخره‌تێ ژى دا وان، كو به‌حه‌شتێن خۆشییێنه‌. وخودێ حه‌ز ژ هه‌ر ئێكى دكه‌ت كو ب قه‌نجی عیباده‌تێ خودایێ خۆ بكه‌ت، و ب باشى سه‌ره‌ده‌رییێ د گه‌ل مرۆڤان بكه‌ت.

{ 149 } { يَا أَيُّهَا الَّذِينَ آمَنُوا إِنْ تُطِيعُوا الَّذِينَ كَفَرُوا يَرُدُّوكُمْ عَلَىٰ أَعْقَابِكُمْ فَتَنْقَلِبُوا خَاسِرِينَ } ئه‌ى گه‌لى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، وكار ب شریعه‌تێ وى كر، ئه‌گه‌ر هوين گوهدارییا وان بكه‌ن يێن كافرى ب خوداينییا من كرى، وباوه‌رى ب پێغه‌مبه‌رێن من نه‌ئيناى ژ جوهى وفه‌له‌ ومنافق وبوتپه‌رێسان د وى تشتى دا يێ ئه‌و فه‌رمانێ پێ ل هه‌وه‌ دكه‌ن، ئه‌و دێ هه‌وه‌ ژ ڕێكا حه‌ق به‌رزه‌كه‌ن، وهوين دێ ژ دينێ خۆ ده‌ركه‌ڤن، ڤێجا ب زيانا ئاشكه‌را و تێچوونا مسوگه‌ر ڤه‌ هوين دێ زڤڕن.

{ 150 } { بَلِ اللَّهُ مَوْلَاكُمْ ۖ وَهُوَ خَيْرُ النَّاصِرِينَ } ئه‌و هه‌وه‌ ب سه‌ر نائێخن، به‌لكى خودێیه‌ هه‌وه‌ ب سه‌ردئێخت، وئه‌و باشترين پشته‌ڤانه‌، د گه‌ل وى هه‌وه‌ پێتڤى ب پشته‌ڤانییا كه‌سه‌كێ دى نابت.

{ 151 } { سَنُلْقِي فِي قُلُوبِ الَّذِينَ كَفَرُوا الرُّعْبَ بِمَا أَشْرَكُوا بِاللَّهِ مَا لَمْ يُنَزِّلْ بِهِ سُلْطَانًا ۖ وَمَأْوَاهُمُ النَّارُ ۚ وَبِئْسَ مَثْوَى الظَّالِمِينَ } مه‌زنترين ترس وسه‌همێ ئه‌م دێ هاڤێينه‌ دلێن كافران ژ به‌ر كو وان هنده‌ك خوداوه‌ندێن ژ قه‌ستا بۆ خودێ كرنه‌ هه‌ڤپشك، ووان چو هێجه‌ت وده‌ليل ل سه‌ر هندێ نينن كو ئه‌ڤه‌ د گه‌ل خودێ دهێژاى په‌رستنێنه‌، ڤێجا حالێ وان د دنيايێ دا: ترس وسه‌هما ژ خودان باوه‌رانه‌، وجهێ وان يێ ئه‌و ل ئاخره‌تێ دچنێ ئاگره‌؛ ژ به‌ر زۆردارى ودوژمنكارییا وان، وئه‌ڤ جهه‌ بۆ وان پيسه‌ جهه‌ .

{ 152 } { وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُمْ بِإِذْنِهِ ۖ حَتَّىٰ إِذَا فَشِلْتُمْ وَتَنَازَعْتُمْ فِي الْأَمْرِ وَعَصَيْتُمْ مِنْ بَعْدِ مَا أَرَاكُمْ مَا تُحِبُّونَ ۚ مِنْكُمْ مَنْ يُرِيدُ الدُّنْيَا وَمِنْكُمْ مَنْ يُرِيدُ الْآخِرَةَ ۚ ثُمَّ صَرَفَكُمْ عَنْهُمْ لِيَبْتَلِيَكُمْ ۖ وَلَقَدْ عَفَا عَنْكُمْ ۗ وَاللَّهُ ذُو فَضْلٍ عَلَى الْمُؤْمِنِينَ } و ب ڕاستى خودێ په‌يمانا خۆ د گه‌ل هه‌وه‌ كو هه‌وه‌ ب سه‌ربێخت پێك ئينا، ده‌مێ هه‌وه‌ ب ئانه‌هییا وى ل شه‌ڕێ (ئوحودێ) كافر دكوشتن، حه‌تا ده‌مێ هوين ترسیاين، و ژ كرنا شه‌ڕى لاواز بووين، وهوين د ناڤبه‌را خۆ دا ژێك جودابووين: كانێ ل جهێن خۆ بمينن، يان ژى جهێن خۆ بهێلن وبچن ده‌سكه‌فتییان كۆم بكه‌ن؟ وهه‌وه‌ گوهدارییا پێغه‌مبه‌رێ خۆ نه‌كر ده‌مێ وى فه‌رمان ل هه‌وه‌ كرى كو ب چ حالێ هه‌ى هوين جهێن خۆ نه‌هێلن، هنگى شكه‌ستن كه‌ته‌ ڕێزێن هه‌وه‌ پشتى وى ئه‌و نيشا چاڤێن هه‌وه‌ داى يا هه‌وه‌ حه‌ز ژێ دكر ژ سه‌ركه‌فتنێ، وئاشكه‌را بوو كو هنده‌ك ژ هه‌وه‌ هه‌نه‌ ده‌سكه‌فتى دڤێن، وهنده‌ك ژ هه‌وه‌ هه‌نه‌ ئاخره‌ت دڤێت، پاشى خودێ به‌رێ هه‌وه‌ ژ وان وه‌رگێڕا؛ دا هه‌وه‌ بجه‌ڕبينت، و ب ڕاستى خودێ تۆبه‌ وپه‌شێمانییا هه‌وه‌ زانى له‌و وى هوين عه‌فى كرن، وخودێ خودان سه‌راتى وقه‌نجییا مه‌زنه‌ ل سه‌ر خودان باوه‌ران.

{ 153 } { إِذْ تُصْعِدُونَ وَلَا تَلْوُونَ عَلَىٰ أَحَدٍ وَالرَّسُولُ يَدْعُوكُمْ فِي أُخْرَاكُمْ فَأَثَابَكُمْ غَمًّا بِغَمٍّ لِكَيْلَا تَحْزَنُوا عَلَىٰ مَا فَاتَكُمْ وَلَا مَا أَصَابَكُمْ ۗ وَاللَّهُ خَبِيرٌ بِمَا تَعْمَلُونَ } هوين -گه‌لى صه‌حابییێن موحه‌ممه‌دى سلاڤ لێ بن- ل بيرا خۆ بينن ده‌مێ هوين ژ نه‌يارێن خۆ ڕه‌ڤين وهه‌وه‌ قه‌ستا چيایى كرى، وهوين ژ ترس ومه‌نده‌هۆشییێن خۆ دا ل كه‌سێ نه‌ دزڤڕين، وپێغه‌مبه‌رێ خودێ -سلاڤ لێ بن- ل مه‌يدانا شه‌ڕى موكم ما بوو و ل پشت هه‌وه‌ گازى هه‌وه‌ دكر ودگۆت: ئه‌ى به‌نییێن خودێ وه‌رنه‌ نك من، وهه‌وه‌ هاى ژ وى نه‌بوو، ئينا جزايێ هه‌وه‌ ئه‌و بوو خودێ ئێش وته‌نگاڤى وخه‌م ب سه‌ر هه‌وه‌ دا ئينا؛ دا هوين ب خه‌م نه‌كه‌ڤن ل سه‌ر وێ سه‌ركه‌فتن ووان ده‌سكه‌فتییێ نه‌گه‌هشتینه‌ هه‌وه‌، و ل سه‌ر وێ ترس وشكه‌ستنا ب سه‌ر هه‌وه‌ دا هاتى. وخودێ ب هه‌مى كارێ هه‌وه‌ يێ شاره‌زايه‌، تشته‌ك ژێ ل وى نائێته‌ ڤه‌شارتن.

{ 154 } { ثُمَّ أَنْزَلَ عَلَيْكُمْ مِنْ بَعْدِ الْغَمِّ أَمَنَةً نُعَاسًا يَغْشَىٰ طَائِفَةً مِنْكُمْ ۖ وَطَائِفَةٌ قَدْ أَهَمَّتْهُمْ أَنْفُسُهُمْ يَظُنُّونَ بِاللَّهِ غَيْرَ الْحَقِّ ظَنَّ الْجَاهِلِيَّةِ ۖ يَقُولُونَ هَلْ لَنَا مِنَ الْأَمْرِ مِنْ شَيْءٍ ۗ قُلْ إِنَّ الْأَمْرَ كُلَّهُ لِلَّهِ ۗ يُخْفُونَ فِي أَنْفُسِهِمْ مَا لَا يُبْدُونَ لَكَ ۖ يَقُولُونَ لَوْ كَانَ لَنَا مِنَ الْأَمْرِ شَيْءٌ مَا قُتِلْنَا هَاهُنَا ۗ قُلْ لَوْ كُنْتُمْ فِي بُيُوتِكُمْ لَبَرَزَ الَّذِينَ كُتِبَ عَلَيْهِمُ الْقَتْلُ إِلَىٰ مَضَاجِعِهِمْ ۖ وَلِيَبْتَلِيَ اللَّهُ مَا فِي صُدُورِكُمْ وَلِيُمَحِّصَ مَا فِي قُلُوبِكُمْ ۗ وَاللَّهُ عَلِيمٌ بِذَاتِ الصُّدُورِ } پاشى ژ ره‌حما خودێ ب خودان باوه‌رێن دلسۆز ئه‌و بوو پشتى وێ خه‌م ونه‌خۆشییێ خودێ رحه‌تى وباوه‌رییا ب سۆزا خۆ هاڤێته‌ دلێن وان، و ژ نيشانێن وێ چه‌ندێ ئه‌و بوو نقرۆسك ب سه‌ر هنده‌ك ژ وان دا -كو یێن دلسۆز بوون- هاتنه‌ خوارێ، وده‌سته‌كه‌كا دى خه‌ما وان ئه‌و بوو ئه‌و خۆ قورتال بكه‌ن، ولاوازى گه‌هشتێ، وهه‌ما ئه‌و ب خۆ ب تنێ ڤه‌ موژيل بوون، ووان هزره‌كا خراب ژ خودايێ خۆ ودینێ وى وپێغه‌مبه‌رێ وى كر، ووان هزر كر خودێ ڤى كارى بۆ پێغه‌مبه‌رێ خۆ پێك نائینت، وئیسلام ب سه‌ر ناكه‌ڤت، له‌و تو دێ بينى ئه‌و ل سه‌ر ده‌ركه‌فتنا خۆ دپه‌شێمانن، هنده‌ك ژ وان دبێژنه‌ هنده‌كان: ئه‌رێ ما د ڤێ ده‌ركه‌فتنێ دا تشته‌ك ب مه‌ هه‌بوو؟ تو -ئه‌ى پێغه‌مبه‌ر- بێژه‌ وان: هندى كاره‌ هه‌مى ب خودێیه‌، وئه‌و بوو يێ ده‌ركه‌فتنا هه‌وه‌ وتشتێ هاتییه‌ سه‌رێ هه‌وه‌ بۆ هه‌وه‌ ته‌قديركرى، وئه‌و كه‌سه‌را ل سه‌ر ده‌ركه‌فتنا بۆ شه‌ڕى د دلێ خۆ دا ڤه‌دشێرن وبۆ ته‌ ئاشكه‌را نه‌كه‌ن، ئه‌و دبێژن: ئه‌گه‌ر تشته‌كێ كێم ژى د ڤێ مه‌سه‌لێ دا ب مه‌ با ئه‌م ل ڤێرێ نه‌دهاتينه‌ كوشتن، تو بێژه‌ وان: مرن ب ده‌ستێ خودێیه‌، وئه‌گه‌ر هوين د مالێن خۆ ژى دا بانه‌، وخودێ حه‌زكربا هوين بمرن، ئه‌وێن كوشتن ل سه‌ر هاتییه‌ نڤيسين دا ده‌ركه‌ڤنه‌ وان جهێن ئه‌و لێ بێنه‌ كوشتن، وخودێ ئه‌ڤ چه‌نده‌ نه‌كر ژ به‌ر هندێ نه‌بت دا وێ گومان ونفاقا د سنگێ هه‌وه‌ دا بجه‌ڕبينت، ودا مرۆڤێ باش ومرۆڤێ پيس ژێك ڤاڤێرت، ودا ئه‌و كارێ خودان باوه‌رى ژ یێ منافقى د گۆتن وكرياران دا بۆ مرۆڤان ئاشكه‌را بكه‌ت. وخودێ ب وى تشتێ د سنگێن به‌نیێن وى دا هه‌ى يێ شاره‌زايه‌، وتشته‌ك ژ كارێ وان ل به‌ر وى به‌رزه‌ نابت.

{ 155 } { إِنَّ الَّذِينَ تَوَلَّوْا مِنْكُمْ يَوْمَ الْتَقَى الْجَمْعَانِ إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُوا ۖ وَلَقَدْ عَفَا اللَّهُ عَنْهُمْ ۗ إِنَّ اللَّهَ غَفُورٌ حَلِيمٌ } گه‌لى صه‌حابییێن موحه‌ممه‌دى سلاڤ لێ بن، هندى ئه‌ون يێن ڕه‌ڤين ژ هه‌وه‌ ژ شه‌ڕى ل ڕۆژا خودان باوه‌ر وبوتپه‌رێس ل (ئوحودێ) گه‌هشتينه‌ ئێك، هه‌ما ژ به‌ر هنده‌ك گونه‌هێن وان كرين شه‌يتانى ئه‌و ئێخستنه‌ د ڤێ گونه‌هێ دا، وخودێ ل وان بۆرى وئه‌و جزا نه‌دان. هندى خودێیه‌ بۆ گونه‌هكارێن تۆبه‌كه‌ر گونه‌هـ ژێبره‌، يێ ئارامه‌ له‌زێ د جزادانا وى دا ناكه‌ت يێ بێ ئه‌مرییا وى بكه‌ت.

{ 156 } { يَا أَيُّهَا الَّذِينَ آمَنُوا لَا تَكُونُوا كَالَّذِينَ كَفَرُوا وَقَالُوا لِإِخْوَانِهِمْ إِذَا ضَرَبُوا فِي الْأَرْضِ أَوْ كَانُوا غُزًّى لَوْ كَانُوا عِنْدَنَا مَا مَاتُوا وَمَا قُتِلُوا لِيَجْعَلَ اللَّهُ ذَٰلِكَ حَسْرَةً فِي قُلُوبِهِمْ ۗ وَاللَّهُ يُحْيِي وَيُمِيتُ ۗ وَاللَّهُ بِمَا تَعْمَلُونَ بَصِيرٌ } ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى، وكار ب شریعه‌تێ وى كرى، هوین وه‌كى وان كافران نه‌بن يێن باوه‌رى ب خودايێ خۆ نه‌ئيناى، هندى ئه‌ون ئه‌و دبێژنه‌ برايێن خۆ ژ كافران ده‌مێ ئه‌و ده‌ردكه‌ڤن وبۆ كۆمكرنا ڕزقى ل عه‌ردى دگه‌ڕيێن، يان ژى د گه‌ل شه‌ڕكه‌ران ده‌ردكه‌ڤنه‌ غه‌زايێ ڤێجا دمرن يان تێنه‌كوشتن: ئه‌گه‌ر ئه‌و ده‌رنه‌كه‌فتبانه‌، وشه‌ڕ نه‌كربا، ومابانه‌ ل نك مه‌، ئه‌و نه‌دمرن ونه‌دهاتنه‌ كوشتن. وئه‌ڤ گۆتنه‌ پتر وان دئێشينت وخه‌مێ وكه‌سه‌رێ ل وان زێده‌ دكه‌ت، ڤێجا هندى خودان باوه‌رن دزانن ئه‌ڤ چه‌نده‌ ب قه‌ده‌را خودێیه‌، له‌و خودێ به‌رێ وان دده‌ته‌ هيدايه‌تێ، وموصيبه‌تێ ل سه‌ر وان سڤك دكه‌ت، وخودێ وى دهێلته‌ ساخ يێ وى ژين بۆ حه‌زكرى ئه‌گه‌ر خۆ ڕێڤنگ یان جیهادكه‌ر ژى بت، وئه‌و وى دمرينت يێ ئه‌جه‌لێ وى ب دويماهى بێت، ئه‌گه‌ر خۆ ل مالا خۆ ژى بت. وخودێ ب هه‌مى كارێ هه‌وه‌ يێ بينه‌ره‌، وئه‌و دێ هه‌وا سه‌را جزا ده‌ت.

{ 157 } { وَلَئِنْ قُتِلْتُمْ فِي سَبِيلِ اللَّهِ أَوْ مُتُّمْ لَمَغْفِرَةٌ مِنَ اللَّهِ وَرَحْمَةٌ خَيْرٌ مِمَّا يَجْمَعُونَ } وئه‌گه‌ر هوين -گه‌لى خودان باوه‌ران- ل ده‌مێ جيهادا د ڕێكا خودێ دا بێنه‌ كوشتن يان ل ده‌مێ شه‌ڕى هوين بمرن، خودێ گونه‌هێن هه‌وه‌ دێ بۆ هه‌وه‌ ژێ به‌ت، و ب ره‌حمه‌كا ژ نك خۆ ئه‌و دێ ره‌حمێ ب هه‌وه‌ به‌ت، وهوين ب گه‌هشتنا به‌حه‌شتێ دێ ب سه‌ركه‌ڤن، وئه‌و چێتره‌ ژ دنيايێ وئه‌و تشتێ خه‌لكێ وێ كۆم دكه‌ت.

{ 158 } { وَلَئِنْ مُتُّمْ أَوْ قُتِلْتُمْ لَإِلَى اللَّهِ تُحْشَرُونَ } وئه‌گه‌ر ژییێ هه‌وه‌ د ڤێ دنيايێ دا ب دويماهى هات، وهوين ل سه‌ر جهێن خۆ مرن، يان هوين ل مه‌يدانا شه‌ڕى هاتنه‌ كوشتن، هوين بۆ نك خودێ ب تنێ دێ ئێنه‌ كۆمكرن، وئه‌و سه‌را كريارێن هه‌وه‌ دێ هه‌وه‌ جزاده‌ت.

{ 159 } { فَبِمَا رَحْمَةٍ مِنَ اللَّهِ لِنْتَ لَهُمْ ۖ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ ۖ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ } ڤێجا ژ دلۆڤانییا خودێ ب ته‌ وهه‌ڤالێن ته‌ -ئه‌ى پێغه‌مبه‌ر- خودێ منه‌ت ل ته‌ كر وتو د گه‌ل وان نه‌رم كرى، وئه‌گه‌ر تو يێ ڕه‌وشت خراب ودلڕه‌ق باى، هه‌ڤالێن ته‌ دا ژ ته‌ ڤه‌ڕه‌ڤن، ڤێجا تو ل وان نه‌گره‌ ژ به‌ر يا وان ل شه‌ڕێ (ئوحودێ) كرى، وتو داخوازێ ژ خودێ بكه‌ دا گونه‌هێن وان بۆ وان ژێ ببه‌ت، وتو د وان كاران دا يێن هه‌وجه‌يى ب مشێوره‌تێ هه‌بت گۆتنا وان وه‌ربگره‌، وئه‌گه‌ر دلێ ته‌ ل سه‌ر كاره‌كى موكم بوو تو وى كارى بكه‌ وخۆ بهێله‌ ب هيڤییا خودێ ب تنێ ڤه‌، هندى خودێیه‌ حه‌ز ژ وان دكه‌ت يێن خۆ دهێلنه‌ ب هيڤییا وى ڤه‌.

{ 160 } { إِنْ يَنْصُرْكُمُ اللَّهُ فَلَا غَالِبَ لَكُمْ ۖ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ ۗ وَعَلَى اللَّهِ فَلْيَتَوَكَّلِ الْمُؤْمِنُونَ } ئه‌گه‌ر خودێ ب سه‌ركه‌فتن وهاريكارییا خۆ پشته‌ڤانییا هه‌وه‌ بكه‌ت كه‌سه‌ك نينه‌ بشێته‌ هه‌وه‌، وئه‌گه‌ر ئه‌و هه‌وه‌ بشكێنت ئه‌و كییه‌ يێ بشێت هه‌وه‌ ب سه‌ربێخت پشتى وى هوين شكاندين؟ وخودان باوه‌ر بلا خۆ بهێلنه‌ ب هيڤییا خودێ ب تنێ ڤه‌.

{ 161 } { وَمَا كَانَ لِنَبِيٍّ أَنْ يَغُلَّ ۚ وَمَنْ يَغْلُلْ يَأْتِ بِمَا غَلَّ يَوْمَ الْقِيَامَةِ ۚ ثُمَّ تُوَفَّىٰ كُلُّ نَفْسٍ مَا كَسَبَتْ وَهُمْ لَا يُظْلَمُونَ } ونه‌بوويه‌ بۆ پێغه‌مبه‌ره‌كى كو خيانه‌تێ ل هه‌ڤالێن خۆ بكه‌ت وتشته‌كى ژ ده‌سكه‌فتییان ژ بلى وى یێ خودێ بۆ دانایى بۆ خۆ ببه‌ت، وهه‌چییێ ژ هه‌وه‌ وێ چه‌ندێ بكه‌ت، ل ڕۆژا قيامه‌تێ ئه‌و دێ ئێت وى تشتى هلگرت يێ وى برى؛ دا ل پێش چاڤ شه‌رما وى پێ بچت، پاشى هه‌ر ئێكى جزايێ وى ب تمامى وبێ كێمكرن وزۆردارى دێ بۆ ئێته‌دان.

{ 162 } { أَفَمَنِ اتَّبَعَ رِضْوَانَ اللَّهِ كَمَنْ بَاءَ بِسَخَطٍ مِنَ اللَّهِ وَمَأْوَاهُ جَهَنَّمُ ۚ وَبِئْسَ الْمَصِيرُ } ئه‌وێ مه‌خسه‌دا وى ڕازيبوونا خودێ بت وه‌كى وى نابت يێ هه‌ر گونه‌هان دكه‌ت، وخودايێ خۆ عێجز دكه‌ت، ڤێجا ژ به‌ر وێ چه‌ندێ خۆ هێژایى ئاكنجيبوونا ل جه‌هنه‌مێ بكه‌ت، وئه‌و چ نه‌خۆش جهێ لێ زڤڕينییه‌!

{ 163 } { هُمْ دَرَجَاتٌ عِنْدَ اللَّهِ ۗ وَاللَّهُ بَصِيرٌ بِمَا يَعْمَلُونَ } خه‌لكێ به‌حه‌شتێ ئه‌وێن دویكه‌فتنا وى تشتى دكه‌ن یێ خودێ پێ خۆش بت ده‌ره‌جێن وان د وه‌كى ئێك نينن، وخه‌لكێ جه‌هنه‌مێ ژى ئه‌وێن دویكه‌فتنا وى تشتى دكه‌ن یێ خودێ پێ نه‌خۆش بت د جهى دا وه‌كى ئێك نینن. وخودێ ب كريارێن وان يێ بينه‌ره‌ چو ل به‌ر وى به‌رزه‌ نابت.

{ 164 } { لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ } ب ڕاستى خودێ مننه‌ت ل خودان باوه‌رێن عه‌ره‌ب كر؛ ده‌مێ پێغه‌مبه‌ره‌ك ژ وان ب خۆ د ناڤ وان دا هنارتى، دا ئايه‌تێن قورئانێ بۆ وان بخوينت، ووان ژ بوتپه‌رێسییێ وڕه‌وشتێن خراب پاقژ بكه‌ت، وقورئانێ وسوننه‌تێ نيشا وان بده‌ت، ئه‌گه‌ر چ ئه‌و به‌رى ڤى پێغه‌مبه‌رى د به‌رزه‌بوون و د بێ فامییه‌كا ئاشكه‌را دا بوون.

{ 165 } { أَوَلَمَّا أَصَابَتْكُمْ مُصِيبَةٌ قَدْ أَصَبْتُمْ مِثْلَيْهَا قُلْتُمْ أَنَّىٰ هَٰذَا ۖ قُلْ هُوَ مِنْ عِنْدِ أَنْفُسِكُمْ ۗ إِنَّ اللَّهَ عَلَىٰ كُلِّ شَيْءٍ قَدِيرٌ } ئه‌رێ ده‌مێ به‌لایه‌ك ب سه‌ر هه‌وه‌ دا هات گه‌لى خودان باوه‌ران، ومه‌خسه‌د پێ ئه‌و گرفتارییه‌ یا ل ڕۆژا (ئوحودێ) گه‌هشتییه‌ هه‌وه‌، وئه‌و ب خۆ هه‌وه‌ به‌لایه‌كا دوجاركى وه‌كى وێ ل ڕۆژا (به‌درێ) ب سه‌رێ بوتپه‌رێسان ئينابوو، هوين ژ مه‌نده‌هۆشى ڤه‌ دێ بێژن: ئه‌ڤه‌ چاوا چێ دبت وئه‌م موسلمانين وپێغه‌مبه‌رێ خودێ سلاڤ لێ بن د ناڤ مه‌ دایه‌ وئه‌وێن هه‌ بوتپه‌رێسن؟ تو -ئه‌ى پێغه‌مبه‌ر- بێژه‌ وان: ئه‌وا هاتییه‌ سه‌رێ هه‌وه‌ ئه‌گه‌ر هوین ب خۆنه‌، ئه‌و ژ ئه‌گه‌را نه‌گوهدارییا هه‌وه‌يه‌ بۆ فه‌رمانا پێغه‌مبه‌رێ هه‌وه‌، وچوونا هه‌وه‌ بۆ كۆمكرنا ده‌سكه‌فتییان هاته‌ سه‌رێ هه‌وه‌. هندى خودێیه‌ وێ دكه‌ت يا وى دڤێت، وئه‌و وى حوكمى دگێڕت يێ ئه‌و حه‌ز بكه‌ت، كه‌س حوكمێ وى ناگوهۆرت.

{ 166 } { وَمَا أَصَابَكُمْ يَوْمَ الْتَقَى الْجَمْعَانِ فَبِإِذْنِ اللَّهِ وَلِيَعْلَمَ الْمُؤْمِنِينَ } وئه‌و برين وكوشتنا ل (ئوحودێ) هاتییه‌ سه‌رێ هه‌وه‌، ڕۆژا كۆما خودان باوه‌ران وكۆما بوتپه‌رێسان گه‌هشتينه‌ ئێك، و ل سه‌رى خودان باوه‌ر ب سه‌ركه‌فتين پاشى بوتپه‌رێس، ئه‌و هه‌مى ب قه‌ده‌را خودێ چێ بووبوو، و ژ به‌ر هندێ بوو دا خودێ وى تشتى ئاشكه‌را بكه‌ت یێ وى د ئه‌زه‌ل دا زانى، كو خودان باوه‌رێن ڕاستگۆ ژ هه‌وه‌ به‌رچاڤ ببن.

{ 167 } { وَلِيَعْلَمَ الَّذِينَ نَافَقُوا ۚ وَقِيلَ لَهُمْ تَعَالَوْا قَاتِلُوا فِي سَبِيلِ اللَّهِ أَوِ ادْفَعُوا ۖ قَالُوا لَوْ نَعْلَمُ قِتَالًا لَاتَّبَعْنَاكُمْ ۗ هُمْ لِلْكُفْرِ يَوْمَئِذٍ أَقْرَبُ مِنْهُمْ لِلْإِيمَانِ ۚ يَقُولُونَ بِأَفْوَاهِهِمْ مَا لَيْسَ فِي قُلُوبِهِمْ ۗ وَاللَّهُ أَعْلَمُ بِمَا يَكْتُمُونَ } و دا ئه‌و دوڕوییان بنیاست ئه‌وێن خودێ يا دلێ وان ئاشكه‌راكرى ده‌مێ خودان باوه‌ران گۆتییه‌ وان: وه‌رن د گه‌ل مه‌ شه‌ڕى د ڕێكا خودێ دا بكه‌ن، يان ب زێده‌كرنا هژمارا مه‌ بۆ مه‌ ببنه‌ پشته‌ڤان، وان گۆت: ئه‌گه‌ر مه‌ زانيبا هوين دێ شه‌ڕێ ئێكى كه‌ن ئه‌م دا شه‌ڕى د گه‌ل هه‌وه‌ دژى وى كه‌ين. هنگى ئه‌و ژ باوه‌رییێ پتر دنێزيكى كافریێنه‌؛ چونكى ئه‌و وى تشتێ نه‌ د دلێ خۆ دا ب ده‌ڤێن خۆ دبێژن. وخودێ ب وى تشتێ ئه‌و د سنگێن خۆ دا ڤه‌دشێرن زاناتره‌.

{ 168 } { الَّذِينَ قَالُوا لِإِخْوَانِهِمْ وَقَعَدُوا لَوْ أَطَاعُونَا مَا قُتِلُوا ۗ قُلْ فَادْرَءُوا عَنْ أَنْفُسِكُمُ الْمَوْتَ إِنْ كُنْتُمْ صَادِقِينَ } ئه‌و منافقێن هه‌ ئه‌ون یێن روينشتين وگۆتينه‌ برايێن خۆ يێن كو ل ڕۆژا (ئوحودێ) د شه‌ڕێ خۆ دا دژى بوتپه‌رێسان د گه‌ل خودان باوه‌ران نه‌خۆشى هاتییه‌ سه‌رى: ئه‌گه‌ر ئه‌وێن هه‌ گوهدارییا مه‌ كربا ئه‌و نه‌ دهاتنه‌كوشتن. تو -ئه‌ى پێغه‌مبه‌ر- بێژه‌ وان: پا دێ هوین مرنێ ژ خۆ دويربێخن ئه‌گه‌ر هوين د گۆتنا خۆ دا دڕاستگۆنه‌ كو ئه‌گه‌ر وان گه‌هدارییا هه‌وه‌ كربا ئه‌و نه‌دهاتنه‌ كوشتن، وكو ژ به‌ر نه‌چوونا هه‌وه‌ بۆ شه‌ڕى هوین یێن ماینه‌ زێندى.

{ 169 } { وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا ۚ بَلْ أَحْيَاءٌ عِنْدَ رَبِّهِمْ يُرْزَقُونَ } وتو -ئه‌ى پێغه‌مبه‌ر- هزر نه‌كه‌ كو ئه‌وێن د ڕێكا خودێ دا هاتينه‌ كوشتن دمرينه‌ ب چو ناحه‌سن، به‌لكى ئه‌و د ژينه‌كا به‌رزه‌خى دا دزێندينه‌ ل نك خودايێ خۆ، ئه‌وێ وان د ڕێكا وى دا جیهاد كرى ومرین، ڕزقێ وان د به‌حه‌شتێ دا بۆ وان دئێته‌ دان، وئه‌و يێن د خۆشییان دا.

{ 170 } { فَرِحِينَ بِمَا آتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ } ئه‌و دكه‌يفخۆشن ب وێ منه‌تا خودێ ل وان كرى، ووى ژ قه‌نجییا خۆ يا مه‌زن وكه‌ره‌ما خۆ يا به‌رفره‌هـ دايێ، ووان كه‌يف ب برايێن خۆ يێن موجاهد دئێت ئه‌وێن وان ل پشت خۆ هێلاينه‌ ل دنيايێ؛ دا ئه‌و ژى ب وێ سه‌ركه‌فتنێ ب سه‌ركه‌ڤن يا ئه‌و پێ سه‌ركه‌فتين، ژ به‌ر كو ئه‌و دزانن هندى ئه‌ون ئه‌و ژى دێ گه‌هنه‌ وێ خێرێ يا ئه‌و گه‌هشتينێ، ئه‌گه‌ر ئه‌و ژى د ڕێكا خودێ دا هاتنه‌ كوشتن، وكو چو ترس ل سه‌ر وان د وى تشتى دا يێ ل ئاخره‌تێ دئێته‌ ڕێكا وان نينه‌، وئه‌و ب خه‌م ناكه‌ڤن ل سه‌ر وێ بارا نه‌گه‌هشتییه‌ وان ژ دنيايێ.

{ 171 } { يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِينَ } وئه‌و د كه‌يفه‌كا مه‌زن دانه‌ ژ به‌ر وان قه‌نجییێن خودێ يێن بۆ وان هاتينه‌دان، وكو خودێ خێرا وان يێن باوه‌رى ب وى ئيناى به‌رزه‌ ناكه‌ت، به‌لكى ژ قه‌نجییا خۆ ئه‌و وێ بۆ وان ب خودان دكه‌ت ومه‌زن دكه‌ت.

{ 172 } { الَّذِينَ اسْتَجَابُوا لِلَّهِ وَالرَّسُولِ مِنْ بَعْدِ مَا أَصَابَهُمُ الْقَرْحُ ۚ لِلَّذِينَ أَحْسَنُوا مِنْهُمْ وَاتَّقَوْا أَجْرٌ عَظِيمٌ } ئه‌وێن د گازییا خودێ و پێغه‌مبه‌رێ وى هاتين، و ل دويڤ بوتپه‌رێسان ده‌ركه‌فتينه‌ وى جهێ دبێژنێ: (حمراء الأسد)، پشتى ئه‌و ل شه‌ڕێ (ئوحودێ) شكه‌ستين د گه‌ل كو ئێش وبرين كه‌فتبوونه‌ له‌شێ وان، ویا ژ وان هاتى وان كر، وپێگیرى ب فه‌رمانا پێغه‌مبه‌رێ خۆ كر، بۆ ئه‌وێن قه‌نجى كرى ژ وان وته‌قواداران خێره‌كا مه‌زن هه‌يه‌.

{ 173 } { الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ } وئه‌و ئه‌ون يێن هنده‌ك موشركان گۆتییێ: ئه‌بوو سفيان‌ وئه‌وێن د گه‌ل دا يێن كۆم بووينه‌ڤه‌ وڤێ جارێ دێ ئێن هه‌وه‌ برينن، ڤێجا هوين ژ وان بترسن، چونكى هوین نه‌شێنه‌ وان، به‌لێ ڤێ ترساندنێ باوه‌رییا وان ب سۆزا خودێ پتر لێ كر، وڤێ چه‌ندێ ئه‌و سست نه‌كرن، وئه‌و چوونه‌ وى جهێ خودێ حه‌زكرى، وگۆتن: خودێ تێرا مه‌ هه‌يه‌ وئه‌و چێترين وه‌كيله‌.

{ 174 } { فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ ۗ وَاللَّهُ ذُو فَضْلٍ عَظِيمٍ } ئينا ئه‌و ب قه‌نجى وخێره‌كا مه‌زن ڤه‌ ‌ژ (حمراء الأسد) زڤڕينه‌ (مه‌دينێ)، وخودێ مه‌رته‌به‌یه‌كا بلند دا وان، وباوه‌رییا وان زێده‌تر وپتر لێ هات، ووان دوژمنێن خودێ ڕه‌زيل كرن، وئه‌و ژ كوشتنێ وشه‌ڕى هاتنه‌ پاراستن، ووان ب گوهدارییا خودێ وپێغه‌مبه‌رێ وى دويكه‌فتنا ڕازيبوونا خودێ كر. وخودێ خودانێ قه‌نجى ودانه‌كا مه‌زن وبه‌رفره‌هه‌ ل سه‌ر وان و ل سه‌ر خه‌لكێ دى.

{ 175 } { إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ } هه‌ما شه‌يتانه‌ هه‌وه‌ د ڤێ چه‌ندێ دا سست دكه‌ت، وئه‌و يێ هاتى دا هه‌وه‌ ب پشته‌ڤانێن خۆ بترسينت، ڤێجا هوين ژ بوتپه‌رێسان نه‌ترسن؛ چونكى ئه‌و دلاوازن ووان چو پشته‌ڤان نينن، وهوين ب گوهدارییا من ژ من بترسن ئه‌گه‌ر هوین دخودان‌ باوه‌رن.

{ 176 } { وَلَا يَحْزُنْكَ الَّذِينَ يُسَارِعُونَ فِي الْكُفْرِ ۚ إِنَّهُمْ لَنْ يَضُرُّوا اللَّهَ شَيْئًا ۗ يُرِيدُ اللَّهُ أَلَّا يَجْعَلَ لَهُمْ حَظًّا فِي الْآخِرَةِ ۖ وَلَهُمْ عَذَابٌ عَظِيمٌ } وئه‌و كافرێن هه‌ ب له‌زكرنا خۆ د كافری وسه‌رداچوونێ دا بلا ته‌ -ئه‌ى پێغه‌مبه‌ر- ب خه‌م نه‌ئێخن، هندى ئه‌ون ئه‌و ب وێ چه‌ندێ چو زيانێ ناگه‌هيننه‌ خودێ، به‌لكى ئه‌و زیانێ دگه‌هیننه‌ خۆ ده‌مێ شرینى وخێرا مه‌زن یا باوه‌رێ ژ ده‌ست دده‌ن، خودێ دڤێت چو خێرێ ل ئاخره‌تێ نه‌ده‌ته‌ وان؛ چونكى وان پشت دابوو گازییا ڕاست، وعه‌زابه‌كا دژوار بۆ وان هه‌يه‌.

{ 177 } { إِنَّ الَّذِينَ اشْتَرَوُا الْكُفْرَ بِالْإِيمَانِ لَنْ يَضُرُّوا اللَّهَ شَيْئًا وَلَهُمْ عَذَابٌ أَلِيمٌ } هندى ئه‌ون يێن باوه‌رى ب كوفرێ گوهارتى ئه‌و ب تشته‌كى زيانێ ناگه‌هيننه‌ هه‌وه‌، به‌لكى زيانا كارێ وان بۆ وان ب خۆ دزڤڕت، وعه‌زابه‌كا ب ئێش بۆ وان ل ئاخره‌تێ هه‌يه‌.

{ 178 } { وَلَا يَحْسَبَنَّ الَّذِينَ كَفَرُوا أَنَّمَا نُمْلِي لَهُمْ خَيْرٌ لِأَنْفُسِهِمْ ۚ إِنَّمَا نُمْلِي لَهُمْ لِيَزْدَادُوا إِثْمًا ۚ وَلَهُمْ عَذَابٌ مُهِينٌ } وكافر بلا هزر نه‌كه‌ن ئه‌گه‌ر مه‌ عه‌مرێ وان درێژ كر، وخۆشییێن دنيايێ دانه‌ وان، ومه‌ ئه‌و ب كوفر وگونه‌هێن وان نه‌گرتن، ئه‌و وان ب وێ چه‌ندێ خێر گه‌هانده‌ خۆ، به‌لكى ئه‌م مرن وعه‌زابا وان ڤه‌دهێلين؛ دا ئه‌و پتر زۆردارییێ وسه‌رداچوونێ بكه‌ن، وعه‌زابه‌كا وان بشكێنت وره‌زیل بكه‌ت بۆ وان هه‌يه‌.

{ 179 } { مَا كَانَ اللَّهُ لِيَذَرَ الْمُؤْمِنِينَ عَلَىٰ مَا أَنْتُمْ عَلَيْهِ حَتَّىٰ يَمِيزَ الْخَبِيثَ مِنَ الطَّيِّبِ ۗ وَمَا كَانَ اللَّهُ لِيُطْلِعَكُمْ عَلَى الْغَيْبِ وَلَٰكِنَّ اللَّهَ يَجْتَبِي مِنْ رُسُلِهِ مَنْ يَشَاءُ ۖ فَآمِنُوا بِاللَّهِ وَرُسُلِهِ ۚ وَإِنْ تُؤْمِنُوا وَتَتَّقُوا فَلَكُمْ أَجْرٌ عَظِيمٌ } ئه‌ى ئه‌وێن هه‌وه‌ باوه‌رى ب خودێ ئيناى ودويكه‌فتنا پێغه‌مبه‌رێ وى كرى، نه‌بوويه‌ كو خودێ هه‌وه‌ ب ڤى ڕه‌نگێ هوين ل سه‌ر كو خودان باوه‌ر ومنافق دژێك جودا نه‌بن، بهێلت.. به‌لێ ئه‌و دێ مرۆڤێ پيس ژ یێ پاقژ ڤاڤێرت، ڤێجا منافق دێ ژ خودان باوه‌رى ئێته‌ جوداكرن. ونه‌ ژ كاربنه‌جهییا خودێیه‌ -گه‌لى خودان باوه‌ران- كو ئه‌و هه‌وه‌ ب وى تشتێ نه‌به‌رچاڤ ژ كارێ به‌نییێن خۆ يێ ئه‌و پێ دزانت ئاگه‌هدار بكه‌ت، دا هوين خودان باوه‌رى ژ وان ژ منافقى ڤاڤێرن، به‌لكى ئه‌و ب گرفتارى وته‌نگاڤییان وان ئاشكه‌را دكه‌ت، به‌لێ ژ پێغه‌مبه‌رێن خۆ خودێ وى هلدبژێرت يێ وى بڤێت، وئه‌و هنده‌ك غه‌يبا كو د دلێ وان منافقان دا هه‌ى ب ڕێكا وه‌حییێ بۆ وى پێغه‌مبه‌رى دبێژت، ڤێجا هوين باوه‌رییێ ب خودێ وپێغه‌مبه‌رێ وى بينن، وئه‌گه‌ر هوين باوه‌رییه‌كا دورست بينن وته‌قوایا خودايێ خۆ بكه‌ن، خێره‌كا مه‌زن بۆ هه‌وه‌ ل نك خودێ هه‌يه‌.

{ 180 } { وَلَا يَحْسَبَنَّ الَّذِينَ يَبْخَلُونَ بِمَا آتَاهُمُ اللَّهُ مِنْ فَضْلِهِ هُوَ خَيْرًا لَهُمْ ۖ بَلْ هُوَ شَرٌّ لَهُمْ ۖ سَيُطَوَّقُونَ مَا بَخِلُوا بِهِ يَوْمَ الْقِيَامَةِ ۗ وَلِلَّهِ مِيرَاثُ السَّمَاوَاتِ وَالْأَرْضِ ۗ وَاللَّهُ بِمَا تَعْمَلُونَ خَبِيرٌ } وئه‌وێن قه‌لسییێ ب وى تشتى دكه‌ن یێ خودێ ژ قه‌نجییا خۆ دايێ، بلا هزر نه‌كه‌ن ئه‌ڤ قه‌لسییه‌ بۆ وان باشه‌، به‌لكى ئه‌و بۆ وان خرابییه‌؛ چونكى ئه‌ڤ ماله‌ يێ وان كۆمكرى ل ڕۆژا ڕابوونێ دێ بته‌ تۆكه‌ك وكه‌فته‌ ستويێ وان. وخودايێ مه‌زنه‌ خودانێ ملكى، وئه‌وه‌ يێ پشتى نه‌مانا خه‌لكى هه‌مییێ دمينت، وئه‌و ب هه‌مى كريارێن هه‌وه‌ يێ شاره‌زايه‌، ودێ جزايێ هه‌ر ئێكى ل دويڤ حه‌قێ وى ده‌تێ.

{ 181 } { لَقَدْ سَمِعَ اللَّهُ قَوْلَ الَّذِينَ قَالُوا إِنَّ اللَّهَ فَقِيرٌ وَنَحْنُ أَغْنِيَاءُ ۘ سَنَكْتُبُ مَا قَالُوا وَقَتْلَهُمُ الْأَنْبِيَاءَ بِغَيْرِ حَقٍّ وَنَقُولُ ذُوقُوا عَذَابَ الْحَرِيقِ } ب ڕاستى خودێ گوهـ ل گۆتنا وان جوهییان بوو ئه‌وێن گۆتين: هندى خودێیه‌ فه‌قيرێ به‌ر ده‌ستێ مه‌يه‌، ئه‌و مالێ مه‌ ب قه‌ر ژ مه‌ دخوازت، وئه‌م دزه‌نگينين. ئه‌ڤێ گۆتنا وان گۆتى ئه‌م دێ نڤيسين، وئه‌م دێ نڤيسين كو ئه‌و پێ دڕازينه‌ ده‌مێ بابێن وان ژ زۆردارى وته‌عدايى پێغه‌مبه‌رێن خودێ كوشتين، و ل ئاخره‌تێ ئه‌م دێ وان ب ڤێ چه‌ندێ گرين، ودێ بێژينه‌ وان ده‌مێ ئه‌و د ئاگرى دا دئێنه‌ عه‌زابدان: تام بكه‌نه‌ عه‌زابا ئاگرێ سۆژه‌ك.

{ 182 } { ذَٰلِكَ بِمَا قَدَّمَتْ أَيْدِيكُمْ وَأَنَّ اللَّهَ لَيْسَ بِظَلَّامٍ لِلْعَبِيدِ } ئه‌ڤ عه‌زابا دژوار ژ به‌ر وان گۆتن وكريار وباوه‌ریێن ب گونه‌هـ بوو يێن هه‌وه‌ د دنيايێ دا دكرن، وهندى خودێیه‌ پڕ زۆردارێ به‌نییان نينه‌.

{ 183 } { الَّذِينَ قَالُوا إِنَّ اللَّهَ عَهِدَ إِلَيْنَا أَلَّا نُؤْمِنَ لِرَسُولٍ حَتَّىٰ يَأْتِيَنَا بِقُرْبَانٍ تَأْكُلُهُ النَّارُ ۗ قُلْ قَدْ جَاءَكُمْ رُسُلٌ مِنْ قَبْلِي بِالْبَيِّنَاتِ وَبِالَّذِي قُلْتُمْ فَلِمَ قَتَلْتُمُوهُمْ إِنْ كُنْتُمْ صَادِقِينَ } ئه‌و جوهییێن هه‌ ده‌مێ بۆ ئيسلامێ هاتينه‌ گازيكرن وان گۆت: هندى خودێیه‌ د ته‌وراتێ دا شيره‌ت ل مه‌ كرییه‌ كو ئه‌م باوه‌رییێ ب وى نه‌ئينين يێ بێت بێژته‌ مه‌: ئه‌ز پێغه‌مبه‌ره‌كم ژ نك خودێ، حه‌تا ئه‌و خێره‌كێ بۆ مه‌ بينت كو ئه‌و خۆ پێ نێزيكى خودێ بكه‌ت، ڤێجا ئاگره‌ك ژ عه‌سمانى بێت وێ خێرێ بسۆژت. تو -ئه‌ى پێغه‌مبه‌ر- بێژه‌ وان: هوين د ڤێ گۆتنا خۆ دا ددره‌وينن؛ چونكى به‌رى من پێغه‌مبه‌ر ب نيشانێن ئاشكه‌را ل سه‌ر ڕاستگۆییا وان هاتبوون، و ب وێ ژى هاتبوون يا هه‌وه‌ گۆتى ژ مه‌سه‌لا وى قوربانى یێ ئاگر ڤێ دكه‌ڤت، ڤێجا پا بۆچى بابێن هه‌وه‌ ئه‌و پێغه‌مبه‌ر كوشتن ئه‌گه‌ر هوين د گۆتنا خۆ دا دڕاستگۆنه‌؟

{ 184 } { فَإِنْ كَذَّبُوكَ فَقَدْ كُذِّبَ رُسُلٌ مِنْ قَبْلِكَ جَاءُوا بِالْبَيِّنَاتِ وَالزُّبُرِ وَالْكِتَابِ الْمُنِيرِ } وئه‌گه‌ر ڤان جوهییان وكافرێن دى تو -ئه‌ى پێغه‌مبه‌ر- دره‌وين ده‌رێخستى ، ب ڕاستى وان نه‌حه‌قان گه‌له‌ك پێغه‌مبه‌رێن به‌رى ته‌ ژى دره‌وين ده‌رێخست بوون، ئه‌و پێغه‌مبه‌ر ب نيشانێن ئاشكه‌را وهێجه‌تێن گه‌ش و ب كتابێن عه‌سمانى يێن كو ڕۆناهينه‌ تارییان ڕادكه‌ن، بۆ ملله‌تێن خۆ هاتبوون.

{ 185 } { كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ } هه‌ر نه‌فسه‌ك دڤێت تام بكه‌ته‌ مرنێ، ب ڤێ چه‌ندێ هه‌مى خه‌لك دێ زڤڕنه‌ نك خودايێ خۆ؛ دا ئه‌و حسێبێ د گه‌ل وان بكه‌ت. وهه‌ما خێرێن هه‌وه‌ ل دويڤ كريارێن هه‌وه‌ ب تمامى وبێ كيماسى ل ڕۆژا ڕابوونێ دێ بۆ هه‌وه‌ ئێنه‌دان، ڤێجا هه‌چییێ خودايێ وى قه‌درێ وى بگرت ووى ژ ئاگرى ڕزگار بكه‌ت وببه‌ته‌ به‌حه‌شتێ ئه‌و گه‌هشته‌ وێ يا وى ڤياى. وژينا دنيايێ هه‌ما ب تنێ خۆشییه‌كا به‌روه‌خته‌، ڤێجا هوين پێ نه‌ئێنه‌ خاپاندن.

{ 186 } { لَتُبْلَوُنَّ فِي أَمْوَالِكُمْ وَأَنْفُسِكُمْ وَلَتَسْمَعُنَّ مِنَ الَّذِينَ أُوتُوا الْكِتَابَ مِنْ قَبْلِكُمْ وَمِنَ الَّذِينَ أَشْرَكُوا أَذًى كَثِيرًا ۚ وَإِنْ تَصْبِرُوا وَتَتَّقُوا فَإِنَّ ذَٰلِكَ مِنْ عَزْمِ الْأُمُورِ } هوين -گه‌لى خودان باوه‌ران- ب مالێ خۆ دێ ئێنه‌ جه‌رباندن، ب ده‌رێخستنا نه‌فه‌قه‌يێن فه‌ر وسوننه‌ت ژێ، و ب وان گرفتارییێن ب سه‌ر دا دئێن، وهوين د نه‌فسێن هه‌وه‌ ژى دا دێ ئێنه‌ جه‌رباندن ب وان عيباده‌تێن ل سه‌ر هه‌وه‌ هاتينه‌ فه‌ركرن، وئه‌وا ب سه‌رێ هه‌وه‌ دئێت ژ برين وكوشتن ومرنا خۆشتڤیێن هه‌وه‌؛ وئه‌ڤه‌ ژ به‌ر هندێیه‌ دا خودان باوه‌رێ ڕاستگۆ ژ يێ دى ئاشكه‌را ببت. وهه‌وه‌ ژ جوهى وفه‌لان وبوتپه‌رێسان دێ گوهـ ل گه‌له‌ك ژ وان تشتان بت يێن هه‌وه‌ پێ نه‌خۆش ژ په‌يڤێن شركێ وهاڤێتنا دينێ هه‌وه‌. وئه‌گه‌ر هوين -گه‌لى خودان باوه‌ران- بێهنا خۆ ل سه‌ر وێ چه‌ندێ فره‌هـ بكه‌ن، و ب پێگيرییا فه‌رمانێن خودێ ته‌قوایا وى بكه‌ن، ئه‌و ژ وان كارێن موكمه‌ يێن كو ڤێت مرۆڤ بكه‌ت، وله‌زێ تێدا بكه‌ت.

{ 187 } { وَإِذْ أَخَذَ اللَّهُ مِيثَاقَ الَّذِينَ أُوتُوا الْكِتَابَ لَتُبَيِّنُنَّهُ لِلنَّاسِ وَلَا تَكْتُمُونَهُ فَنَبَذُوهُ وَرَاءَ ظُهُورِهِمْ وَاشْتَرَوْا بِهِ ثَمَنًا قَلِيلًا ۖ فَبِئْسَ مَا يَشْتَرُونَ } وتو -ئه‌ى پێغه‌مبه‌ر- ل بيرا خۆ بينه‌ ده‌مێ خودێ په‌يمانا موكم ژ وان ستاندى يێن كيتاب بۆ هاتى ژ جوهى وفه‌لان، ته‌ورات بۆ جوهییان وئنجيل بۆ فه‌لان؛ دا ئه‌و كارى پێ بكه‌ن، وتشتێ تێدا هاتى بۆ مرۆڤان ديار بكه‌ن، ووێ چه‌ندێ نه‌ڤه‌شێرن، ئينا وان په‌يمان شكاند وپێگيرى پێ نه‌كر، وبهایه‌كێ كێم به‌رانبه‌ر ڤه‌شارتنا حه‌قییێ وده‌ستێڤه‌دانا كيتابێ وه‌رگرت، ڤێجا چ پيسه‌ كڕينه‌ وان كرى، كو په‌يمان به‌رزه‌كرى، وكيتاب گوهاڕتى.

{ 188 } { لَا تَحْسَبَنَّ الَّذِينَ يَفْرَحُونَ بِمَا أَتَوْا وَيُحِبُّونَ أَنْ يُحْمَدُوا بِمَا لَمْ يَفْعَلُوا فَلَا تَحْسَبَنَّهُمْ بِمَفَازَةٍ مِنَ الْعَذَابِ ۖ وَلَهُمْ عَذَابٌ أَلِيمٌ } وتو هزر نه‌كه‌ ئه‌وێن كه‌يف ب وان كريارێن كرێت دئێت يێن وان كرين وه‌كى جوهى ودوڕوییان ويێن وه‌كى وان، وحه‌ز دكه‌ن خه‌لك په‌سنا وان ب وى تشتێ وان نه‌كرى بده‌ن، تو قه‌ت هزر نه‌كه‌ ئه‌و د دنيايێ دا ژ عه‌زابا خودێ دێ دپارستى بن، و ل ئاخره‌تێ عه‌زابه‌كا ب ئێش بۆ وان هه‌يه‌. و د ڤێ ئايه‌تێ دا گه‌فه‌كا مه‌زن بۆ هه‌ر ئێكى هه‌يه‌ يێ كاره‌كێ خراب بكه‌ت وكه‌يف پێ بێت، وبۆ هه‌ر ئێكێ مه‌دحێن خۆ ب وى تشتى بكه‌ت يێ وى نه‌كرى؛ دا خه‌لك په‌سنێن وى پێ بده‌ن.

{ 189 } { وَلِلَّهِ مُلْكُ السَّمَاوَاتِ وَالْأَرْضِ ۗ وَاللَّهُ عَلَىٰ كُلِّ شَيْءٍ قَدِيرٌ } وملكێ عه‌سمانان وعه‌ردى وهه‌ر تشته‌كێ تێدا هه‌ى يێ خودێ ب تنێیه‌، وخودێ ل سه‌ر هه‌ر تشته‌كى يێ خودان شيانه‌.

{ 190 } { إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِأُولِي الْأَلْبَابِ } هندى د ئافراندنا عه‌سمانان وعه‌ردى دايه‌ ب ڕه‌نگه‌كێ نوى وبێ وێنه‌، و د دويڤكهاتنا شه‌ڤێ وڕۆژێ دا، وژێكجودابوونا وان ژ لايێ كورتى ودرێژیێ ڤه‌، نيشانێن مه‌زن ل سه‌ر ته‌وحيدا خودێ هه‌نه‌ بۆ خودانێن عه‌قلێن ساخله‌م.

{ 191 } { الَّذِينَ يَذْكُرُونَ اللَّهَ قِيَامًا وَقُعُودًا وَعَلَىٰ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَٰذَا بَاطِلًا سُبْحَانَكَ فَقِنَا عَذَابَ النَّارِ } ئه‌وێن د هه‌مى حالێن خۆ دا خودێ ل بيرا خۆ دئينن: ژ پییان ڤه‌ و دڕوينشتى و ل سه‌ر ته‌نشتێن خۆ، وئه‌و هزرێن خۆ د ئافراندنا عه‌سمانان وعه‌ردى دا دكه‌ن، ودبێژن: خودايێ مه‌ ته‌ ئه‌ڤه‌ ژ قه‌ستا نه‌ئافراندينه‌، تو ژ وێ چه‌ندێ يێ پاك وپيرۆزى، ڤێجا تو عه‌زابا ئاگرى ژ مه‌ دوير بێخه‌.

{ 192 } { رَبَّنَا إِنَّكَ مَنْ تُدْخِلِ النَّارَ فَقَدْ أَخْزَيْتَهُ ۖ وَمَا لِلظَّالِمِينَ مِنْ أَنْصَارٍ } خودايێ مه‌ تو مه‌ ژ ئاگرى ڕزگار بكه‌، چونكى هندى تويى -ئه‌ى خودا- هه‌چییێ تو ژ به‌ر گونه‌هێن وى وى ببه‌يه‌ ئاگرى ئه‌و ته‌ ئه‌و ڕویڕه‌ش وشه‌رمزاركر، وچو پشته‌ڤان بۆ گونه‌هكارێن زۆردار نينن كو عه‌زابا خودێ ل ڕۆژا قيامه‌تێ ژ وان پاشڤه‌ ببه‌ن.

{ 193 } { رَبَّنَا إِنَّنَا سَمِعْنَا مُنَادِيًا يُنَادِي لِلْإِيمَانِ أَنْ آمِنُوا بِرَبِّكُمْ فَآمَنَّا ۚ رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الْأَبْرَارِ } خودايێ مه‌ هندى ئه‌مين مه‌ گوهـ ل گازيكه‌ره‌كى بوو -كو پێغه‌مبه‌رێ ته‌ موحه‌ممه‌ده‌ سلاڤ لێ بن- وى مرۆڤ گازى دكرن دا باوه‌رییێ ب ته‌ وته‌وحيدا ته‌ بينن، وكارى ب شريعه‌تێ ته‌ بكه‌ن، ئينا ئه‌م د به‌رسڤا گازییا وى هاتين، ومه‌ باوه‌رى ب په‌ياما وى ئينا، ڤێجا تو گونه‌هێن مه‌ ژێ ببه‌، وعه‌يبێن مه‌ ڤه‌شێره‌، ومه‌ ب باشان ڕا بگه‌هينه‌.

{ 194 } { رَبَّنَا وَآتِنَا مَا وَعَدْتَنَا عَلَىٰ رُسُلِكَ وَلَا تُخْزِنَا يَوْمَ الْقِيَامَةِ ۗ إِنَّكَ لَا تُخْلِفُ الْمِيعَادَ } خودايێ مه‌ وتو وێ بده‌ مه‌ يا ته‌ ل سه‌ر ئه‌زمانێن پێغه‌مبه‌رێن خۆ په‌يمان پێ دايه‌ مه‌ ژ سه‌ركه‌فتن وته‌وفيق وڕێنيشادانێ، و ل ڕۆژا ڕابوونێ تو مه‌ شه‌رمزار نه‌كه‌، هندى تويى تو يێ مه‌ردى وتو ل په‌يمانا خۆ يا ته‌ دايه‌ به‌نییێن خۆ لێڤه‌ نابى.

{ 195 } { فَاسْتَجَابَ لَهُمْ رَبُّهُمْ أَنِّي لَا أُضِيعُ عَمَلَ عَامِلٍ مِنْكُمْ مِنْ ذَكَرٍ أَوْ أُنْثَىٰ ۖ بَعْضُكُمْ مِنْ بَعْضٍ ۖ فَالَّذِينَ هَاجَرُوا وَأُخْرِجُوا مِنْ دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِنْ تَحْتِهَا الْأَنْهَارُ ثَوَابًا مِنْ عِنْدِ اللَّهِ ۗ وَاللَّهُ عِنْدَهُ حُسْنُ الثَّوَابِ } ئينا خودێ دوعایا وان قه‌بويل كر كو هندى ئه‌وه‌ ئه‌و كارێ چو كاركه‌ره‌كى ژ وان به‌رزه‌ ناكه‌ت، چ يێ نێر بت چ يێ مێ، وئه‌و د براينییا دينى دا و د قه‌بويلكرنا كريار وجزادانێ دا وه‌كى ئێكن، ڤێجا ئه‌وێن پێخه‌مه‌ت ڕازيبوونا خودێ مشه‌خت بووين، و ژ وارێن وان هاتينه‌ ده‌رێخستن، و د ڕێكا عه‌بدينییا خودايێ خۆ دا نه‌خۆشى هاتییه‌ سه‌رى، و د رێكا خودێ دا شه‌ڕكرى وپێخه‌مه‌ت بلندكرنا په‌يڤا وى هاتينه‌ كوشتن، خودێ گونه‌هێن وان دێ ڤه‌شێرت، كا چاوا بۆ وان د دنيايێ دا ڤه‌شارت بوون، وئه‌و وان سه‌را جزا ناده‌ت، ودێ وان كه‌ته‌ د وان به‌حه‌شتان دا يێن ڕويبار د بن داروبار وقه‌سرێن وان دا دچن، و ل نك خودێ قه‌نجییا باش هه‌يه‌.

{ 196 } { لَا يَغُرَّنَّكَ تَقَلُّبُ الَّذِينَ كَفَرُوا فِي الْبِلَادِ } تو -ئه‌ى پێغه‌مبه‌ر- ب وى حالى نه‌ئێ خاپاندن یێ كافر تێدا ژ ژيارا خۆش، وڕزقێ به‌رفره‌هـ، وڤه‌گوهاستنا وان ژ جهه‌كى بۆ جهه‌كى بۆ بازرگانییێ، و ب ده‌ستڤه‌ئینانا مفایى ومالى، چونكى نێزيكه‌ ئه‌و هه‌مى ژ ده‌ست وان ده‌ركه‌ڤت، وئه‌و ببنه‌ گه‌ره‌وێن كريارێن خۆ يێن خراب.

{ 197 } { مَتَاعٌ قَلِيلٌ ثُمَّ مَأْوَاهُمْ جَهَنَّمُ ۚ وَبِئْسَ الْمِهَادُ } ئه‌و په‌رتالكێ كێمه‌ نامينت، پاشى ڕۆژا قيامه‌تێ دويماهییا وان ئاگره‌، وئه‌و چ نه‌خۆش جهه‌.

{ 198 } { لَٰكِنِ الَّذِينَ اتَّقَوْا رَبَّهُمْ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا نُزُلًا مِنْ عِنْدِ اللَّهِ ۗ وَمَا عِنْدَ اللَّهِ خَيْرٌ لِلْأَبْرَارِ } به‌لێ ئه‌وێن ژ خودايێ خۆ ترسیاين، وپێگيرى ب فه‌رمانێن وى كرى، خودێ هنده‌ك به‌حه‌شتێن ڕويبار د بن داروبارێن وان دا دچن بۆ وان ئاماده‌ كرينه‌، ئه‌و مالا وان يا هه‌ر وهه‌ره‌ ژێ ده‌رناكه‌ڤن، وئه‌وا ل نك خودێ بۆ باشان هه‌ى مه‌زنتر وچێتره‌ ژ وان خۆشییێن دنيايێ يێن كافر تێدا.

{ 199 } { وَإِنَّ مِنْ أَهْلِ الْكِتَابِ لَمَنْ يُؤْمِنُ بِاللَّهِ وَمَا أُنْزِلَ إِلَيْكُمْ وَمَا أُنْزِلَ إِلَيْهِمْ خَاشِعِينَ لِلَّهِ لَا يَشْتَرُونَ بِآيَاتِ اللَّهِ ثَمَنًا قَلِيلًا ۗ أُولَٰئِكَ لَهُمْ أَجْرُهُمْ عِنْدَ رَبِّهِمْ ۗ إِنَّ اللَّهَ سَرِيعُ الْحِسَابِ } و ب ڕاستى هنده‌ك ژ كيتابییان هه‌نه‌ باوه‌رییێ ب خودێ دئينن كو ئه‌و خودایه‌كێ ب تنێیه‌ وپه‌رستنا وى ب تنێ دڤێت بێته‌كرن، وباوه‌رییێ ب وێ يا بۆ وان هاتییه‌ خوارێ ژ قورئانێ دئينن، و ب وێ يا بۆ وان هاتییه‌ خوارێ ژ ته‌وراتێ وئنجيلێ ژى، خۆ بۆ خودێ دشكێنن و ژ وى دترسن، ئايه‌تێن خودێ ب په‌رتاله‌كێ كێمێ دنيايێ نافرۆشن، ووى تشتێ خودێ ئينايه‌ خوارێ ناڤه‌شێرن، ووه‌كى كيتابییێن دى وه‌ربادانێ نائێخنێ. بۆ وان خێره‌كا مه‌زن ل نك خودايێ وان هه‌يه‌ ڕۆژا ئه‌و دچنه‌ نك وى، ڤێجا ئه‌و جزايێ وان ب تمامى وبێ كێماسى دێ ده‌ته‌ وان. هندى خودێیه‌ حسێبا وى يا سڤكه‌، هژمارتنا كريارێن هه‌وه‌ وجزادانا هه‌وه‌ سه‌را وان وى بێزار ناكه‌ت.

{ 200 } { يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ } ئه‌ى گه‌لى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شريعه‌تێ وى كرى، صه‌برێ ل سه‌ر گوهدانا خودايێ خۆ بكێشن، و ل سه‌ر وێ ته‌نگاڤى ونه‌خۆشییا دئێته‌ سه‌رێ هه‌وه‌، و ل هه‌مبه‌رى دوژمنێن خۆ دبێفره‌هـ بن دا ئه‌و ژ هه‌وه‌ د بێنفره‌هتر نه‌بن، و ل سه‌ر جيهادا د گه‌ل نه‌يارێن من ونه‌يارێن خۆ هوین دبه‌رده‌وام بن، و د هه‌مى حالێن خۆ دا هوين ژ خودێ بترسن؛ ب وێ هيڤییێ كو هوين ل دنيايێ وئاخره‌تێ ڕازيبوونا وى ب ده‌ست خۆ ڤه‌ بينن.