{ 1 } { بِسْمِ اللَّهِ الرَّحْمَٰنِ الرَّحِيمِ لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنْفَكِّينَ حَتَّىٰ تَأْتِيَهُمُ الْبَيِّنَةُ } نه‌بوويه‌ كو ئه‌وێن كافر بووين ژ جوهى وفه‌لان وبوتپه‌رێسان كو كوفرا خۆ بهێلن حه‌تا ئه‌و نيشان بۆ وان نه‌ئێت يا كيتابێن به‌رێ ژڤان پێ دايه‌ وان.

{ 2 } { رَسُولٌ مِنَ اللَّهِ يَتْلُو صُحُفًا مُطَهَّرَةً } ئه‌و نيشان پێغه‌مبه‌رێ خودێ موحه‌ممه‌ده‌ -سلاڤ لێ بن-، قورئانه‌كا د به‌په‌رێن پاقژكرى دا بۆ وان دخوينت.

{ 3 } { فِيهَا كُتُبٌ قَيِّمَةٌ } د وان به‌رپه‌ران دا به‌حسێن ڕاست وفه‌رمانێن دورست هه‌نه‌، يێن سه‌رى دكێشنه‌ حه‌قییێ وڕێكا ڕاست.

{ 4 } { وَمَا تَفَرَّقَ الَّذِينَ أُوتُوا الْكِتَابَ إِلَّا مِنْ بَعْدِ مَا جَاءَتْهُمُ الْبَيِّنَةُ } وئه‌وێن كيتاب بۆ هاتى ژ جوهى وفه‌لان د ده‌ر حه‌قا ڕاستییا پێغه‌مبه‌رينییا موحه‌ممه‌دى دا -سلاڤ لێ بن- ژێك جودا نه‌بوون؛ چونكى سالۆخه‌تێن وى د كيتابێن وان دا هاتبوون، حه‌تا بۆ وان ئاشكه‌را نه‌بووى كو ئه‌و ئه‌و پێغه‌مبه‌ره‌ يێ به‌حسێ وى د ته‌ورات وئنجيلێ دا هاتى، ئه‌و ل سه‌ر ڕاستییا پێغه‌مبه‌رينییا وى كۆم بووبوون، ڤێجا ده‌مێ ئه‌و هاتییه‌ هنارتن وان باوه‌رى پێ نه‌ئينا وئه‌و ژێك جودا بوون.

{ 5 } { وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ } و د هه‌مى شريعه‌تان دا فه‌رمان ب تشته‌كى ل وان نه‌هاتبوو كرن ژبلی هندێ كو ئه‌و په‌رستنا خودێ ب تنێ بكه‌ن و ب عيباده‌تى قه‌ستا كنارێ وى بكه‌ن، ڕوییێ خۆ ژ شركێ وه‌رگێڕنه‌ باوه‌رییێ، و ب كرنا نڤێژێ ڕاببن، وزه‌كاتێ بده‌ن، وئه‌وه‌ دينێ ڕاست كو ئيسلامه‌.

{ 6 } { إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَٰئِكَ هُمْ شَرُّ الْبَرِيَّةِ } هندى ئه‌ون يێن كافر بووين ژ جوهى وفه‌له‌ وبوتپه‌رێسان جزايێ وان ئه‌وه‌ ئه‌و د ئاگرێ جه‌هنه‌مێ دا بن هه‌ر وهه‌ر تێدا بمينن، خرابترينێ خه‌لكى هه‌مییێ ئه‌ون.

{ 7 } { إِنَّ الَّذِينَ آمَنُوا وَعَمِلُوا الصَّالِحَاتِ أُولَٰئِكَ هُمْ خَيْرُ الْبَرِيَّةِ } هندى ئه‌ون يێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى وچاكى كرين، چێترينێ خه‌لكى هه‌مییێ ئه‌ون.

{ 8 } { جَزَاؤُهُمْ عِنْدَ رَبِّهِمْ جَنَّاتُ عَدْنٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا أَبَدًا ۖ رَضِيَ اللَّهُ عَنْهُمْ وَرَضُوا عَنْهُ ۚ ذَٰلِكَ لِمَنْ خَشِيَ رَبَّهُ } جزايێ وان ڕۆژا قيامه‌تێ ل نك خودايێ وان ئه‌و به‌حه‌شتن يێن ئه‌و لێ ئاكنجى دبن زێده‌ دخۆشن، ڕويبار د بن قه‌سرێن وان دا دچن، هه‌ر وهه‌ر ئه‌و تێدا دمينن، خودێ ژ وان ڕازى بوويه‌ وكارێ وان يێ چاك قه‌بويل كرییه‌، وئه‌و ژى ژ وى ڕازى بووينه‌ ژ به‌ر وى قه‌درێ وى دايه‌ وان، ئه‌و جزايێ باش بۆ وییه‌ يێ ژ خودێ ترسیاى وخۆ ژ گونه‌هان دايه‌ پاش.