الانْشِقَاق
{ 1 } { بِسْمِ اللَّهِ الرَّحْمَٰنِ الرَّحِيمِ إِذَا السَّمَاءُ انْشَقَّتْ } ئه‌گه‌ر عه‌سمان ده‌رزى، و ل ڕۆژا قيامه‌تێ ئه‌و شه‌ق بوو.
{ 2 } { وَأَذِنَتْ لِرَبِّهَا وَحُقَّتْ } ووى گوهدارییا فه‌رمانا خودايێ خۆ كر كو شه‌ق ببت، وحه‌قه ئه‌و گوهدارییا فه‌رمانا وى بكه‌ت.
{ 3 } { وَإِذَا الْأَرْضُ مُدَّتْ } وئه‌گه‌ر عه‌رد ژێك هاته‌ده‌ر وفره‌هـ بوو.
{ 4 } { وَأَلْقَتْ مَا فِيهَا وَتَخَلَّتْ } وئه‌و مرییێن د ناڤ خۆ دا هاڤێتن و ژ وان ڤالا بوو.
{ 5 } { وَأَذِنَتْ لِرَبِّهَا وَحُقَّتْ } ووى گوهدارییا فه‌رمانا خودايێ خۆ كر، وحه‌قه ئه‌و گوهدارییا فه‌رمانا وى بكه‌ت.
{ 6 } { يَا أَيُّهَا الْإِنْسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ } ئه‌ى مرۆڤ هندى تويى تو يێ ب نك خودێ ڤه دچى، وتو يێ كريارێن باش يان خراب دكه‌ى، پاشى ڕۆژا قيامه‌تێ تو دێ ڕابه‌رى خودێ بى، ڤێجا تو دێ جزايێ خۆ وه‌رگرى.
{ 7 } { فَأَمَّا مَنْ أُوتِيَ كِتَابَهُ بِيَمِينِهِ } ڤێجا هه‌چییێ كيتابا كريارێن وى بێته د ده‌ستێ وى يێ ڕاستێ دا، وئه‌و مرۆڤێ خودان باوه‌ره.
{ 8 } { فَسَوْفَ يُحَاسَبُ حِسَابًا يَسِيرًا } حسێبا وى دێ يا ب ساناهى بت.
{ 9 } { وَيَنْقَلِبُ إِلَىٰ أَهْلِهِ مَسْرُورًا } وئه‌و ب كه‌يف دێ زڤڕته نك مرۆڤێن خۆ ل به‌حه‌شتێ.
{ 10 } { وَأَمَّا مَنْ أُوتِيَ كِتَابَهُ وَرَاءَ ظَهْرِهِ } وهه‌چییێ كيتابا وى ژ لایێ پشت وى ڤه بۆ بێته‌دان، وئه‌و مرۆڤێ كافره.
{ 11 } { فَسَوْفَ يَدْعُو ثُبُورًا } ئه‌و دێ نفرينێ ب تێچوونێ ل خۆ كه‌ت.
{ 12 } { وَيَصْلَىٰ سَعِيرًا } ودێ چته ئاگرى دا تام بكه‌ته گه‌رما وى.
{ 13 } { إِنَّهُ كَانَ فِي أَهْلِهِ مَسْرُورًا } هندى ئه‌و بوو ئه‌و د دنيايێ دا د ناڤ مرۆڤێن خۆ دا يێ كه‌يفخۆش ودفنبلند بوو.
{ 14 } { إِنَّهُ ظَنَّ أَنْ لَنْ يَحُورَ } وى هزرا دويماهییێ نه‌دكر، هندى ئه‌و بوو وى هزر دكر كو ئه‌و بۆ حسێبێ ب ساخى قه‌ت نازڤڕته نك خودايێ خۆ.
{ 15 } { بَلَىٰ إِنَّ رَبَّهُ كَانَ بِهِ بَصِيرًا } به‌لێ خودێ دێ وى زڤڕينته ڤه وه‌كى كو جارا ئێكێ وى ئه‌و داى ودێ جزايێ وى سه‌را كارێ وى ده‌تێ، هندى خودايێ وییه ب حالێ وى يێ بينه‌ر وپڕزانا بوويه هه‌ر ژ ڕۆژا ئه‌و ئافراندى وحه‌تا دوباره زێندى كرییه‌ڤه.
{ 16 } { فَلَا أُقْسِمُ بِالشَّفَقِ } خودێ سويند ب سۆراتییا ئاسۆيێ عه‌سمانى ده‌مێ ڕۆژ ئاڤا دبت خوار.
{ 17 } { وَاللَّيْلِ وَمَا وَسَقَ } و ب شه‌ڤێ وهه‌ر تشتێ تێدا ڤه‌حه‌وياى.
{ 18 } { وَالْقَمَرِ إِذَا اتَّسَقَ } و ب هه‌يڤێ ده‌مێ ڕۆناهییا وێ تمام دبت.
{ 19 } { لَتَرْكَبُنَّ طَبَقًا عَنْ طَبَقٍ } هوين -گه‌لی مرۆڤان- د گه‌له‌ك حالێن ژێك جودا ڕا دێ بۆرن: ژ چپكه‌كا ئاڤێ بۆ هنده‌ك خوينا هشك بۆ پارچه‌يه‌كا گۆشتى بۆ دانا رحێ بۆ مرنێ بۆ ڕابوونێ. وبۆ مرۆڤى چێ نابت ژبلی خودێ ب تشته‌كێ دى سويند بخۆت، ئه‌گه‌ر دێ كه‌فته د شركێ دا.
{ 20 } { فَمَا لَهُمْ لَا يُؤْمِنُونَ } ڤێجا ئه‌و چ تشته وان ژ باوه‌رییێ پاشڤه‌دبه‌ت پشتى ئايه‌ت بۆ وان هاتينه ئاشكه‌راكرن؟
{ 21 } { وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩ } ووان چيه ده‌مێ قورئان بۆ وان دئێته خواندن ئه‌و ناچنه سوجدێ، وباوه‌رییێ ب وى تشتى نائينن يێ تێدا هاتى؟
{ 22 } { بَلِ الَّذِينَ كَفَرُوا يُكَذِّبُونَ } به‌لكى هه‌ما عه‌ده‌تێ كافرانه ئه‌و دره‌وێ ب حه‌قییێ دكه‌ن.
{ 23 } { وَاللَّهُ أَعْلَمُ بِمَا يُوعُونَ } وخودێ دزانت كانێ ئه‌و چ د سنگێن خۆ دا ڤه‌دشێرن ژ ڕكدارییێ د گه‌ل كو ئه‌و دزانن ژى كو ئه‌و تشتێ قورئان پێ هاتى حه‌قییه.
{ 24 } { فَبَشِّرْهُمْ بِعَذَابٍ أَلِيمٍ } ڤێجا تو -ئه‌ى پێغه‌مبه‌ر- مزگينییێ بده وان كو خودێ عه‌زابه‌كا ب ئێش بۆ وان ئاماده‌كرییه.
{ 25 } { إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ } به‌لێ ئه‌وێن باوه‌رى ب خودێ وپێغه‌مبه‌رێ وى ئيناى وئه‌و كار كرى يێ خودێ ل سه‌ر وان فه‌ركرى، ل ئاخره‌تێ خێره‌كا بێ كێمكرن وڤه‌بڕين بۆ وان هه‌يه.
عربة الشراء 