الأحْقاف
{ 1 } { بِسْمِ اللَّهِ الرَّحْمَٰنِ الرَّحِيمِ حم } (حم) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه.
{ 2 } { تَنْزِيلُ الْكِتَابِ مِنَ اللَّهِ الْعَزِيزِ الْحَكِيمِ } ئه‌ڤ قورئانه ئينانه خوارا خودايێ زاله يێ كو كه‌س نه‌شێتێ، يێ كاربنه‌جهـ د كار وكريارێن خۆ دا.
{ 3 } { مَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَأَجَلٍ مُسَمًّى ۚ وَالَّذِينَ كَفَرُوا عَمَّا أُنْذِرُوا مُعْرِضُونَ } عه‌سمان وعه‌رد وهه‌ر تشته‌كێ د ناڤبه‌رێ دا مه ب حه‌قییێ ئافراندينه، نه‌كو ژ قه‌ستا وبێ ئه‌گه‌ر؛ به‌لكى دا خه‌لك مه‌زنییا ئافرانده‌رێ وان بزانن وپه‌رستنا وى ب تنێ بكه‌ن، ودا بزانن كو ئه‌و دشێت خه‌لكى پشتى مرنێ جاره‌كا دى ڕاكه‌ته‌ڤه، ودا ئه‌و حه‌قییێ ودادییێ د ناڤبه‌را خۆ دا ب جهـ بينن، وحه‌تا ده‌مه‌كێ ده‌سنيشانكرى ل نك وى. وئه‌وێن كوفر ب ته‌وحيدا خودێ كرى پشت دده‌نه وى تشتێ قورئانێ ئه‌و پێ ترساندين، هزرا خۆ تێدا ناكه‌ن ووجه‌كێ بۆ خۆ ژێ وه‌رناگرن.
{ 4 } { قُلْ أَرَأَيْتُمْ مَا تَدْعُونَ مِنْ دُونِ اللَّهِ أَرُونِي مَاذَا خَلَقُوا مِنَ الْأَرْضِ أَمْ لَهُمْ شِرْكٌ فِي السَّمَاوَاتِ ۖ ائْتُونِي بِكِتَابٍ مِنْ قَبْلِ هَٰذَا أَوْ أَثَارَةٍ مِنْ عِلْمٍ إِنْ كُنْتُمْ صَادِقِينَ } تو -ئه‌ى پێغه‌مبه‌ر- بێژه ڤان كافران: ئه‌رێ بێژنه من ئه‌و صه‌نه‌م وخوداوه‌ندێن هوين ژبلی خودێ په‌رستنێ بۆ دكه‌ن ئه‌وان چ ژ عه‌ردى ئافراندییه، يان وان پشكدارییه‌ك د گه‌ل خودێ د ئافراندنا عه‌سمانان دا هه‌يه؟ كانێ هوين كيتابه‌كا ژ نك خودێ هاتى به‌رى ڤێ قورئانێ يان پاشمايه‌كى ژ زانينێ بۆ من بينن، ئه‌گه‌ر هوين د ڤێ گۆتنا خۆ دا دڕاستگۆنه.
{ 5 } { وَمَنْ أَضَلُّ مِمَّنْ يَدْعُو مِنْ دُونِ اللَّهِ مَنْ لَا يَسْتَجِيبُ لَهُ إِلَىٰ يَوْمِ الْقِيَامَةِ وَهُمْ عَنْ دُعَائِهِمْ غَافِلُونَ } كه‌س ژ وى ڕێ به‌رزه‌تر نينه يێ ژبلی خودێ گازى هنده‌ك خوداوه‌ندێن د به‌رسڤا وى نه‌ئێن بكه‌ت؛ چونكى ئه‌و دمرينه يان دار وبه‌رن، ژ به‌ر هندێ ئه‌و ژ گازییا وان دبێ ئاگه‌هن، و ژ بێزارییا خۆ ئه‌و نه‌شێن نه مفاى بگه‌هيننه وان نه زيانێ.
{ 6 } { وَإِذَا حُشِرَ النَّاسُ كَانُوا لَهُمْ أَعْدَاءً وَكَانُوا بِعِبَادَتِهِمْ كَافِرِينَ } وئه‌گه‌ر ل ڕۆژا قيامه‌تێ مرۆڤ بۆ حسێب وجزادانێ هاتنه كۆمكرن ئه‌و خوداوه‌ندێن وان د دنيايێ دا دوعا ژێ دكرن بۆ وان دێ بنه دوژمن، ودێ له‌عنه‌تێ ل وان بارينن وخۆ ژێ به‌رى كه‌ن، ودێ حاشاتییێ كه‌ن كو ئه‌و ب په‌رستنا وان دزانا بووينه.
{ 7 } { وَإِذَا تُتْلَىٰ عَلَيْهِمْ آيَاتُنَا بَيِّنَاتٍ قَالَ الَّذِينَ كَفَرُوا لِلْحَقِّ لَمَّا جَاءَهُمْ هَٰذَا سِحْرٌ مُبِينٌ } وئه‌گه‌ر ئايه‌تێن مه بۆ ڤان بوتپه‌رێسان ئاشكه‌را بێنه خواندن، ئه‌وێن كافر بووين ده‌مێ قورئان بۆ هاتى، گۆتن: ئه‌ڤه سێره‌به‌ندییه‌كا ئاشكه‌رايه.
{ 8 } { أَمْ يَقُولُونَ افْتَرَاهُ ۖ قُلْ إِنِ افْتَرَيْتُهُ فَلَا تَمْلِكُونَ لِي مِنَ اللَّهِ شَيْئًا ۖ هُوَ أَعْلَمُ بِمَا تُفِيضُونَ فِيهِ ۖ كَفَىٰ بِهِ شَهِيدًا بَيْنِي وَبَيْنَكُمْ ۖ وَهُوَ الْغَفُورُ الرَّحِيمُ } يان ئه‌ڤ بوتپه‌رێسه دبێژن: موحه‌ممه‌دى ئه‌ڤ قورئانه ژ نك خۆ چێكرییه؟ تو -ئه‌ى پێغه‌مبه‌ر- بێژه وان: ئه‌گه‌ر من ئه‌و ژ نك خۆ چێكربت و ب دويڤ خودێ ڤه‌نابت، هوين نه‌شێن تشته‌كى ژ عه‌زابا خودێ ژ من پاشڤه‌ببه‌ن، ئه‌گه‌ر وى سه‌را وێ چه‌ندێ ئه‌ز عه‌زاب دام. ئه‌و ژ هه‌ر ئێكى زاناتره ب وى تشتێ هوين د ده‌ر حه‌قا ڤێ قورئانێ دا دبێژن، خودێ به‌سه ل سه‌ر من وهه‌وه شاهد بت وئه‌و باش گونه‌هـ ژێبره بۆ وى یێ تۆبه بكه‌ت، دلۆڤانكاره ب به‌نییێن خۆ یێن خودان باوه‌ر.
{ 9 } { قُلْ مَا كُنْتُ بِدْعًا مِنَ الرُّسُلِ وَمَا أَدْرِي مَا يُفْعَلُ بِي وَلَا بِكُمْ ۖ إِنْ أَتَّبِعُ إِلَّا مَا يُوحَىٰ إِلَيَّ وَمَا أَنَا إِلَّا نَذِيرٌ مُبِينٌ } تو -ئه‌ى پێغه‌مبه‌ر- بێژه بوتپه‌رێسێن ملله‌تێ خۆ: ئه‌ز نه ئێكه‌مين پێغه‌مبه‌رێ خودێمه بۆ مرۆڤان هاتيم، وئه‌ز نزانم كانێ د دنيايێ دا خودێ دێ چ ل من وهه‌وه كه‌ت، و د وى تشتى دا يێ ئه‌ز دكه‌م وفه‌رمانێ پێ ل هه‌وه دكه‌م هه‌ما ئه‌ز دويكه‌فتنا وێ دكه‌م يا خودێ ب وه‌حى بۆ من دهنێرت، وهه‌ما ئه‌ز ئاشكه‌را هه‌وه دترسينم.
{ 10 } { قُلْ أَرَأَيْتُمْ إِنْ كَانَ مِنْ عِنْدِ اللَّهِ وَكَفَرْتُمْ بِهِ وَشَهِدَ شَاهِدٌ مِنْ بَنِي إِسْرَائِيلَ عَلَىٰ مِثْلِهِ فَآمَنَ وَاسْتَكْبَرْتُمْ ۖ إِنَّ اللَّهَ لَا يَهْدِي الْقَوْمَ الظَّالِمِينَ } تو -ئه‌ى پێغه‌مبه‌ر- بێژه بوتپه‌رێسێن ملله‌تێ خۆ: هوين بێژنه من ئه‌گه‌ر ئه‌ڤ قورئانه ژ نك خودێ بت، وهه‌وه كافرى پێ كر، وشاهده‌كێ وه‌كى عه‌بدللاهێ كوڕێ سه‌لامى ژ ئيسرائيلیان ژى شاهده‌يى ل سه‌ر تشته‌كێ وه‌كى وى دا يێ د ڤێ قورئانێ دا هاتى، كو ئه‌و شاهده‌يیه يا بۆ پێغه‌مبه‌رينییا موحه‌ممه‌دى -سلاڤ لێ بن- د ته‌وراتێ دا هاتییه‌دان، ڤێجا وى باوه‌رى ئينا وكار ب وێ كر يا د ڤێ قورئانێ دا هاتى، وهه‌وه ژ خۆمه‌زنكرن باوه‌رى پێ نه‌ئينا، ئه‌رێ ما ئه‌ڤه مه‌زنترين زۆردارى ودژوارترين كوفر نينه؟ هندى خودێیه به‌رێ وى ملله‌تى ناده‌ته ئيسلامێ يێ ب كوفرێ زۆردارى ل خۆ كرى.
{ 11 } { وَقَالَ الَّذِينَ كَفَرُوا لِلَّذِينَ آمَنُوا لَوْ كَانَ خَيْرًا مَا سَبَقُونَا إِلَيْهِ ۚ وَإِذْ لَمْ يَهْتَدُوا بِهِ فَسَيَقُولُونَ هَٰذَا إِفْكٌ قَدِيمٌ } وئه‌وێن كوفر ب پێغه‌مبه‌رينییا موحه‌ممه‌دى كرى گۆته وان يێن باوه‌رى پێ ئيناى: ئه‌گه‌ر باوه‌رى ئينانا هه‌وه ب وێ يا موحه‌ممه‌د پێ هاتى باشى با هه‌وه به‌رى مه ڕانه‌دكر، وكو ئه‌و ب قورئانێ ب هيدايه‌ت نه‌هاتين ئه‌و دێ بێژن: ئه‌ڤه دره‌وه‌كه ژ مرۆڤێن به‌رێ يا هاتییه ڤه‌گوهاستن.
{ 12 } { وَمِنْ قَبْلِهِ كِتَابُ مُوسَىٰ إِمَامًا وَرَحْمَةً ۚ وَهَٰذَا كِتَابٌ مُصَدِّقٌ لِسَانًا عَرَبِيًّا لِيُنْذِرَ الَّذِينَ ظَلَمُوا وَبُشْرَىٰ لِلْمُحْسِنِينَ } وبه‌رى ڤێ قورئانێ مه ته‌ورات ژى ئينابوو خوارێ پێشبه‌ر بۆ ئيسرائيلیان دا ئه‌و ل دويڤ بچن، ودلۆڤانى بۆ هه‌ر كه‌سه‌كێ باوه‌رییێ پێ بينت وكارى پێ بكه‌ت، وئه‌ڤ قورئانه ڕاستگۆيیا كيتابێن به‌رى خۆ ديار دكه‌ت، مه ئه‌و ب زمانێ عه‌ره‌بى ئينايه خوارێ؛ دا ئه‌و پێ بێنه ترساندن يێن ب كوفر وگونه‌هێ زۆردارى ل خۆ كرى، ودا ئه‌و ببته مزگينى بۆ وان يێن گوهدارییا خودێ كرى، ڤێجا ب باوه‌رییا خۆ قه‌نجى د دنيايێ دا كرى.
{ 13 } { إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا فَلَا خَوْفٌ عَلَيْهِمْ وَلَا هُمْ يَحْزَنُونَ } هندى ئه‌ون يێن گۆتين: ئه‌للاهـ خودايێ مه‌يه، پاشى خۆ ل سه‌ر باوه‌رییا خۆ ڕاست كرى، چو ترس ژ نه‌خۆشییا ڕۆژا قيامه‌تێ ل سه‌ر وان نينه، وئه‌و ل سه‌ر وى تشتى ب خه‌م ناكه‌ڤن يێ وان ل پشت خۆ هێلايه ل دنيايێ.
{ 14 } { أُولَٰئِكَ أَصْحَابُ الْجَنَّةِ خَالِدِينَ فِيهَا جَزَاءً بِمَا كَانُوا يَعْمَلُونَ } ئه‌و خه‌لكێ به‌حه‌شتێنه ژ ڕه‌حما خودێ و ژ به‌ر كارێ چاك يێ وان د دنيايێ دا كرى ئه‌و هه‌ر وهه‌ر دێ ميننه تێدا.
{ 15 } { وَوَصَّيْنَا الْإِنْسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرًا ۚ حَتَّىٰ إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي ۖ إِنِّي تُبْتُ إِلَيْكَ وَإِنِّي مِنَ الْمُسْلِمِينَ } ومه شيره‌ت ل مرۆڤى كرییه كو قه‌نجییێ د گه‌ل ده‌یبابێن خۆ بكه‌ت هندى ئه‌و دساخ بن وپشتى مرنا وان ژى؛ چونكى ده‌یكا وى ب زه‌حمه‌ت ئه‌و د زكێ خۆ دا هلگرتییه، و ب زه‌حمه‌ت ونه‌خۆشى ئه‌و بوويه، وده‌مێ هلگرتن وشيردانا وى سيه هه‌يڤن. وبه‌حسكرنا ژ ڤان نه‌خۆشییێن ده‌یك دبينت نيشانا هندێیه كو حه‌قێ وێ ل سه‌ر عه‌يالی ژ حه‌قێ بابێ پتره. حه‌تا ده‌مێ ئه‌ڤ مرۆڤه دگه‌هته دويماهییا هێزا خۆ يا له‌شى وعه‌قلی، ودگه‌هته چل سالییێ ئه‌و دوعايێ ژ خودايێ خۆ دكه‌ت ودبێژت: خودايێ من تو به‌رێ من بده هندێ كو ئه‌ز سوپاسییا قه‌نجییا ته بكه‌م يا كو ته د گه‌ل من وده‌یبابێن من كرى، وتو به‌رێ من بده كرنا وى كارێ چاك يێ تو ژێ ڕازى ببى، وتو دوونده‌ها من بۆ من چاك بكه، هندى ئه‌زم من ژ هه‌مى گونه‌هێن خۆ تۆبه‌يه، وئه‌ز ژ وانم يێن خۆ ب ده‌ست ئه‌مر وفه‌رمانا ته ڤه به‌رداين.
{ 16 } { أُولَٰئِكَ الَّذِينَ نَتَقَبَّلُ عَنْهُمْ أَحْسَنَ مَا عَمِلُوا وَنَتَجَاوَزُ عَنْ سَيِّئَاتِهِمْ فِي أَصْحَابِ الْجَنَّةِ ۖ وَعْدَ الصِّدْقِ الَّذِي كَانُوا يُوعَدُونَ } ئه‌و ئه‌ون يێن ئه‌م باشترينێ كارێ وان يێ چاك ژ وان قه‌بويل دكه‌ين و ل خرابییێن وان دبۆرين، ئه‌و د ناڤ خه‌لكێ به‌حه‌شتێ دانه، ئه‌ڤ سۆزه يا مه دايه وان ئه‌وه سۆزا ڕاست وبێ گومان.
{ 17 } { وَالَّذِي قَالَ لِوَالِدَيْهِ أُفٍّ لَكُمَا أَتَعِدَانِنِي أَنْ أُخْرَجَ وَقَدْ خَلَتِ الْقُرُونُ مِنْ قَبْلِي وَهُمَا يَسْتَغِيثَانِ اللَّهَ وَيْلَكَ آمِنْ إِنَّ وَعْدَ اللَّهِ حَقٌّ فَيَقُولُ مَا هَٰذَا إِلَّا أَسَاطِيرُ الْأَوَّلِينَ } وئه‌وێ گۆتییه ده‌یبابێن خۆ ده‌مێ وان به‌رێ وى دايه باوه‌رییا ب خودێ و ب ڕابوونا پشتى مرنێ: ئۆف بۆ هه‌وه ئه‌رێ هوين ژڤانى دده‌نه من كو ئه‌ز جاره‌كا دى دێ ژ گۆڕا خۆ ده‌ركه‌ڤم، وگه‌له‌ك ملله‌ت به‌رى من بۆرينه وكه‌س ژێ ڕانه‌بوويه؟ وده‌یبابێن وى دوعايا هيدايه‌تێ بۆ وى ژ خودێ دكه‌ن ودبێژن: تێچوون بۆ ته بت، باوه‌رییێ بينه وكارێ چاك بكه، هندى سۆزا خودێیه ب ڕاكرنا مرییان يا ڕاسته وگومان تێدا نينه، وئه‌و دبێژته وان: ئه‌ڤا هوين دبێژن ژ وان ئه‌فسانه‌يانه يێن خه‌لكێ به‌رێ گۆتين و د كيتابێن خۆ دا نڤيسين.
{ 18 } { أُولَٰئِكَ الَّذِينَ حَقَّ عَلَيْهِمُ الْقَوْلُ فِي أُمَمٍ قَدْ خَلَتْ مِنْ قَبْلِهِمْ مِنَ الْجِنِّ وَالْإِنْسِ ۖ إِنَّهُمْ كَانُوا خَاسِرِينَ } ئه‌وێن ب ڤى ڕه‌نگى بن عه‌زابا خودێ ل سه‌ر وان فه‌ر بوويه، وغه‌زه‌با وى ب سه‌ر وان دا هاتییه د گه‌ل وان ملله‌تێن به‌رى وان ل سه‌ر كوفرێ بۆرين ژ ئه‌جنه ومرۆڤان، هندى ئه‌ون ئه‌و دزيانكار بووينه كو وان هيدايه‌ت دايه ب به‌رزه‌بوونێ وخۆشى دايه ب عه‌زابێ.
{ 19 } { وَلِكُلٍّ دَرَجَاتٌ مِمَّا عَمِلُوا ۖ وَلِيُوَفِّيَهُمْ أَعْمَالَهُمْ وَهُمْ لَا يُظْلَمُونَ } وبۆ هه‌ر ده‌سته‌كه‌كێ ژ خێرخواز وخرابكاران هنده‌ك جهـ ل دويڤ كارێ وان د دنيايێ دا كرى ڕۆژا قيامه‌تێ ل نك خودێ هه‌نه؛ ودا خودێ جزايێ كريارێن وان ب دورستى بده‌تێ، وزۆردارى ل وان نائێته‌كرن كو هنده‌ك گونه‌هـ بۆ وان بێنه زێده‌كرن، يان هنده‌ك خێرێن وان بێنه كێمكرن.
{ 20 } { وَيَوْمَ يُعْرَضُ الَّذِينَ كَفَرُوا عَلَى النَّارِ أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا وَاسْتَمْتَعْتُمْ بِهَا فَالْيَوْمَ تُجْزَوْنَ عَذَابَ الْهُونِ بِمَا كُنْتُمْ تَسْتَكْبِرُونَ فِي الْأَرْضِ بِغَيْرِ الْحَقِّ وَبِمَا كُنْتُمْ تَفْسُقُونَ } وڕۆژا كافر ل سه‌ر ئاگرى دئێنه پێشكێشكرن، وبۆ ڕه‌زيلكرن بۆ وان دئێته گۆتن: ب ڕاستى هه‌وه خۆشییێن خۆ د ژينا خۆ يا دنيايێ دا بربوون وهه‌وه كه‌يف پێ هاتبوو، ڤێجا ئه‌ڤرۆ -ئه‌ى گه‌لی كافران- ب عه‌زابه‌كا شه‌رمزار وڕه‌زيلكه‌ر د ئاگرى دا هوين دێ ئێنه جزادان؛ ژ به‌ر خۆمه‌زنكرنا بێ حه‌ق يا هه‌وه د عه‌ردى دا دكر، و ژ به‌ر ده‌ركه‌فتنا هه‌وه ژ بن ئه‌مرێ خودێ.
{ 21 } { وَاذْكُرْ أَخَا عَادٍ إِذْ أَنْذَرَ قَوْمَهُ بِالْأَحْقَافِ وَقَدْ خَلَتِ النُّذُرُ مِنْ بَيْنِ يَدَيْهِ وَمِنْ خَلْفِهِ أَلَّا تَعْبُدُوا إِلَّا اللَّهَ إِنِّي أَخَافُ عَلَيْكُمْ عَذَابَ يَوْمٍ عَظِيمٍ } وتو -ئه‌ى پێغه‌مبه‌ر- به‌حسێ پێغه‌مبه‌رێ خودێ هوودێ برايێ عادییان بكه، برایێ وان د مرۆڤاينییێ دا نه كو د دينى دا، ده‌مێ وى ملله‌تێ خۆ ترساندى كو عه‌زابا خودێ ب سه‌ر وان دا بێت، گاڤا ئه‌و ل وارێ خۆ يێ ب ناڤێ (ئه‌حقاف)ێ ناڤدار دئاكنجى، وئه‌و جهێ تژى خيز بوو ل ژێرییا گزيرتا عه‌ره‌بان، و ب ڕاستى به‌رى هوودى وپشتى وى ژى گه‌له‌ك پێغه‌مبه‌ر هاتبوون ئه‌و ل هندێ هشيار كربوون: كو هوين د په‌رستنا خۆ دا بۆ خودێ چو شريكان بۆ وى نه‌دانن، هندى ئه‌زم ئه‌ز دترسم عه‌زابا خودێ ب سه‌ر هه‌وه دا بێت ل ڕۆژه‌كا ترسا وێ مه‌زن، كو ڕۆژا قيامه‌تێیه.
{ 22 } { قَالُوا أَجِئْتَنَا لِتَأْفِكَنَا عَنْ آلِهَتِنَا فَأْتِنَا بِمَا تَعِدُنَا إِنْ كُنْتَ مِنَ الصَّادِقِينَ } وان گۆت: ئه‌رێ تو ب ڤێ گازییا خۆ هاتى؛ دا به‌رێ مه ژ په‌رستنا خوداوه‌ندێن مه بده‌يه پاش؟ پا كانێ وێ عه‌زابێ ب سه‌ر مه دا بينه يا تو ژڤانى پێ دده‌يه مه، ئه‌گه‌ر تو د گۆتن وسۆزا خۆ دا ژ ڕاستگۆيانى.
{ 23 } { قَالَ إِنَّمَا الْعِلْمُ عِنْدَ اللَّهِ وَأُبَلِّغُكُمْ مَا أُرْسِلْتُ بِهِ وَلَٰكِنِّي أَرَاكُمْ قَوْمًا تَجْهَلُونَ } هوودى گۆت: هه‌ما ب تنێ خودێ دزانت كانێ كه‌نگى ئه‌و عه‌زاب يا ژڤان بۆ هه‌وه پێ هاتییه‌دان دێ گه‌هته هه‌وه، وهه‌ما ئه‌ز پێغه‌مبه‌رێ خودێمه بۆ هه‌وه، ئه‌ز وێ دگه‌هينمه هه‌وه يا وى ئه‌ز پێ هنارتيم، به‌لێ ئه‌ز دبينم هوين ملله‌ته‌كێ نه‌زانن كو هوين له‌زێ د هاتنا عه‌زابێ دا دكه‌ن، وهوين خۆ ل سه‌ر خودێ بسته دكه‌ن.
{ 24 } { فَلَمَّا رَأَوْهُ عَارِضًا مُسْتَقْبِلَ أَوْدِيَتِهِمْ قَالُوا هَٰذَا عَارِضٌ مُمْطِرُنَا ۚ بَلْ هُوَ مَا اسْتَعْجَلْتُمْ بِهِ ۖ رِيحٌ فِيهَا عَذَابٌ أَلِيمٌ } ڤێجا ده‌مێ وان ئه‌و عه‌زاب يا وان له‌ز ل هاتنا وێ كرى ديتى، وه‌كى عه‌وره‌كى ب لايێ نهالێن وان ڤه هاتى، وان گۆت: ئه‌ڤه عه‌وره‌كه باران دێ بۆ مه ژێ بارت، ئينا هوودى گۆته وان: ئه‌و نه عه‌ورێ بارانێیه وه‌كى هوين هزر دكه‌ن، به‌لكى ئه‌و عه‌ورێ وێ عه‌زابێیه يا هه‌وه له‌ز ل هاتنا وێ كرى، ئه‌و هڕه‌بايه‌كه عه‌زابه‌كا ب ئێش ونه‌خۆش تێدايه.
{ 25 } { تُدَمِّرُ كُلَّ شَيْءٍ بِأَمْرِ رَبِّهَا فَأَصْبَحُوا لَا يُرَىٰ إِلَّا مَسَاكِنُهُمْ ۚ كَذَٰلِكَ نَجْزِي الْقَوْمَ الْمُجْرِمِينَ } هه‌ر تشته‌كێ ئه‌و ڤێ بكه‌ڤت ب ئانه‌هییا خودايێ خۆ ئه‌و دێ وى په‌لخينت، ڤێجا وه لێ هات ژبلی وان خانییێن ئه‌و تێڤه تشته‌كێ دى ل وارێ وان نه‌هاته ديتن، ب جزايه‌كێ وه‌كى ڤى ئه‌م ملله‌تێ تاوانبار جزا دده‌ين؛ ژ به‌ر تاوان وسه‌رداچوونا وان.
{ 26 } { وَلَقَدْ مَكَّنَّاهُمْ فِيمَا إِنْ مَكَّنَّاكُمْ فِيهِ وَجَعَلْنَا لَهُمْ سَمْعًا وَأَبْصَارًا وَأَفْئِدَةً فَمَا أَغْنَىٰ عَنْهُمْ سَمْعُهُمْ وَلَا أَبْصَارُهُمْ وَلَا أَفْئِدَتُهُمْ مِنْ شَيْءٍ إِذْ كَانُوا يَجْحَدُونَ بِآيَاتِ اللَّهِ وَحَاقَ بِهِمْ مَا كَانُوا بِهِ يَسْتَهْزِئُونَ } و ب ڕاستى مه ئه‌و ئه‌گه‌رێن مانا د عه‌ردى دا دابوونه عادییان يێن كو مه نه‌داينه هه‌وه ئه‌ى گه‌لی كافرێن قوره‌يشییان، ومه هنده‌ك گوهـ دابوونه وان كو وان پێ گوهـ لێ ببت، وهنده‌ك چاڤ ئه‌و پێ ببينن، وهنده‌ك دل ئه‌و پێ تێ بگه‌هن، به‌لێ وان ئه‌و د وێ ڕێكێ دا ب كارئينان يا خودێ پێ ژ وان ڕازى نه‌بت، ڤێجا وان چو مفا نه‌گه‌هانده وان؛ چونكى وان باوه‌رى ب ئايه‌تێن خودێ نه‌ئينا بوو، وئه‌و عه‌زابا وان له‌ز لێ دكر ويارى پێ دكرن ب سه‌رێ وان هات. وئه‌ڤه گه‌فه‌كه ژ خودێ وترساندنه‌كه بۆ كافران.
{ 27 } { وَلَقَدْ أَهْلَكْنَا مَا حَوْلَكُمْ مِنَ الْقُرَىٰ وَصَرَّفْنَا الْآيَاتِ لَعَلَّهُمْ يَرْجِعُونَ } ئه‌ى خه‌لكێ (مه‌كه‌هێ) ب ڕاستى ئه‌و گوندێن ل دۆر وڕه‌خێن هه‌وه ژ گوندێن عادى وثه‌موودییان مه تێبرن، وكاڤل كرن، ومه ب گه‌له‌ك ڕه‌نگان نيشان وهێجه‌تێن خۆ بۆ وان ئاشكه‌راكرن؛ دا به‌لكى ئه‌و ژ وێ كوفرێ بزڤڕن يا ئه‌و ل سه‌ر.
{ 28 } { فَلَوْلَا نَصَرَهُمُ الَّذِينَ اتَّخَذُوا مِنْ دُونِ اللَّهِ قُرْبَانًا آلِهَةً ۖ بَلْ ضَلُّوا عَنْهُمْ ۚ وَذَٰلِكَ إِفْكُهُمْ وَمَا كَانُوا يَفْتَرُونَ } ڤێجا پا دێ بلا ئه‌ڤ ملله‌تێن مه تێبرين ژ لايێ وان خوداوه‌ندان ڤه هاتبانه ب سه‌رێخستن يێن وان په‌رستن بۆ كرى؛ دا ئه‌و وان نێزيكى خودێ بكه‌ن ومه‌هده‌رێ بۆ بكه‌ن، نێ ئه‌و ل وان به‌رزه‌بوون، و د به‌رسڤا وان نه‌هاتن، وبه‌ڕه‌ڤانى ژێ نه‌كر، وئه‌و بوو ئه‌و دره‌وا وان كرى ده‌مێ وان ژ دره‌و خوداينى دايێ.
{ 29 } { وَإِذْ صَرَفْنَا إِلَيْكَ نَفَرًا مِنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنْصِتُوا ۖ فَلَمَّا قُضِيَ وَلَّوْا إِلَىٰ قَوْمِهِمْ مُنْذِرِينَ } وتو -ئه‌ى پێغه‌مبه‌ر- به‌حس بكه ده‌مێ مه ده‌سته‌كه‌ك ژ ئه‌جنان هنارتییه نك ته؛ دا ئه‌و گوهێ خۆ بده‌نه قورئانێ، ڤێجا ده‌مێ ئه‌و ئاماده‌بووين، وپێغه‌مبه‌رێ خودێ سلاڤ لێ بن قورئان خواندى، هنده‌ك ژ وان گۆته هنده‌كان: بێ ده‌نگ ببن؛ دا ئه‌م گوهدارییا قورئانێ بكه‌ين، ڤێجا ده‌مێ پێغه‌مبه‌رى خواندن ب دويماهى ئيناى، وئه‌و تێ گه‌هشتين ووێ كار ل وان كرى، ئه‌و زڤڕينه نك ملله‌تێن خۆ ووان ئه‌و ژ عه‌زابا خودێ ترساندن، ئه‌گه‌ر هات وئه‌و باوه‌رییێ نه‌ئينن.
{ 30 } { قَالُوا يَا قَوْمَنَا إِنَّا سَمِعْنَا كِتَابًا أُنْزِلَ مِنْ بَعْدِ مُوسَىٰ مُصَدِّقًا لِمَا بَيْنَ يَدَيْهِ يَهْدِي إِلَى الْحَقِّ وَإِلَىٰ طَرِيقٍ مُسْتَقِيمٍ } وان گۆت: ئه‌ى ملله‌تێ مه هندى ئه‌مين مه گوهـ ل كيتابه‌كێ بوو پشتى مووساى يا هاتییه خوارێ، ئه‌و ڕاستگۆيیا وان كتێبان یێن خودێ به‌رى وێ بۆ پێغه‌مبه‌رێن خۆ هنارتين ئاشكه‌را دكه‌ت، وبه‌رێ خه‌لكى دده‌ته حه‌قییێ وڕێكا ڕاست.
{ 31 } { يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُمْ مِنْ ذُنُوبِكُمْ وَيُجِرْكُمْ مِنْ عَذَابٍ أَلِيمٍ } ئه‌ى ملله‌تێ مه هوين د به‌رسڤا پێغه‌مبه‌رێ خودێ موحه‌ممه‌دى وه‌رن، وباوه‌رییێ ب وى تشتى بينن يێ ئه‌و پێ هاتى، خودێ گونه‌هێن هه‌وه دێ بۆ هه‌وه ژێ به‌ت، وهه‌وه ژ عه‌زابه‌كا ب ئێش ڕزگار كه‌ت.
{ 32 } { وَمَنْ لَا يُجِبْ دَاعِيَ اللَّهِ فَلَيْسَ بِمُعْجِزٍ فِي الْأَرْضِ وَلَيْسَ لَهُ مِنْ دُونِهِ أَوْلِيَاءُ ۚ أُولَٰئِكَ فِي ضَلَالٍ مُبِينٍ } وهه‌چییێ د به‌رسڤا پێغه‌مبه‌رێ خودێ نه‌ئێت وگوهدارییا وى تشتى نه‌كه‌ت يێ ئه‌و به‌رێ وى دده‌تێ، ئه‌و نه‌شێت د عه‌ردى دا خودێ بێزار كه‌ت گاڤا خودێ ڤيا وى عه‌زاب بده‌ت، وژبلی خودێ وى چو پشته‌ڤان ژى نابن عه‌زابا خودێ ژ وى پاشڤه ببه‌ن، ئه‌و د به‌رزه‌بوونه‌كا ئاشكه‌را ژ حه‌قییێ دانه.
{ 33 } { أَوَلَمْ يَرَوْا أَنَّ اللَّهَ الَّذِي خَلَقَ السَّمَاوَاتِ وَالْأَرْضَ وَلَمْ يَعْيَ بِخَلْقِهِنَّ بِقَادِرٍ عَلَىٰ أَنْ يُحْيِيَ الْمَوْتَىٰ ۚ بَلَىٰ إِنَّهُ عَلَىٰ كُلِّ شَيْءٍ قَدِيرٌ } ئه‌رێ ما ئه‌و نزانن كو هندى خودێیه ئه‌وێ عه‌سمان وعه‌رد بێ وێنه ئافراندين، و ب ئافراندنا وان ڤه نه‌وه‌ستیاى، يێ خودان شيانه كو وان مرییان زێندى بكه‌ته‌ڤه يێن وى بۆ جارا ئێكێ ئافراندين؟ به‌لێ، ئه‌و تشته‌كه ل به‌ر خودێ يێ ب ساناهییه، ئه‌و خودايێ ل سه‌ر هه‌ر تشته‌كى يێ خودان شيان.
{ 34 } { وَيَوْمَ يُعْرَضُ الَّذِينَ كَفَرُوا عَلَى النَّارِ أَلَيْسَ هَٰذَا بِالْحَقِّ ۖ قَالُوا بَلَىٰ وَرَبِّنَا ۚ قَالَ فَذُوقُوا الْعَذَابَ بِمَا كُنْتُمْ تَكْفُرُونَ } وڕۆژا قيامه‌تێ ئه‌وێن كافر بووين ل سه‌ر ئاگرێ جه‌هنه‌مێ دئێنه پێشكێشكرن، وبۆ وان دئێته گۆتن: ئه‌رێ ما ئه‌ڤ عه‌زابه نه يا ژ ڕاستییه؟ ئه‌و دێ به‌رسڤێ ده‌ن وبێژن: به‌لێ ب خودايێ مه ئه‌و يا ژ ڕاستییه، ڤێجا دێ بۆ وان ئێته گۆتن: پا دێ ڤێجا تام بكه‌نه وێ عه‌زابێ ژ به‌ر وێ كوفرا هه‌وه د دنيايێ دا دكر.
{ 35 } { فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلَا تَسْتَعْجِلْ لَهُمْ ۚ كَأَنَّهُمْ يَوْمَ يَرَوْنَ مَا يُوعَدُونَ لَمْ يَلْبَثُوا إِلَّا سَاعَةً مِنْ نَهَارٍ ۚ بَلَاغٌ ۚ فَهَلْ يُهْلَكُ إِلَّا الْقَوْمُ الْفَاسِقُونَ } ڤێجا تو -ئه‌ى پێغه‌مبه‌ر- بێهنا خۆ فره‌هـ بكه ل سه‌ر وێ نه‌خۆشییا ژ ملله‌تێ ته يێ كافر دگه‌هته ته، هه‌ر وه‌كى پێغه‌مبه‌رێن خودان عه‌زم به‌رى ته صه‌بر كێشاى -وئه‌و پێغه‌مبه‌ر نووح وئيبراهيم ومووسا وعيسانه، وتو ژى ژ وانى- وتو له‌زێ د عه‌زابدانا ملله‌تێ خۆ دا نه‌كه؛ چونكى ده‌مێ عه‌زاب دئێت وئه‌و وێ دبينن هه‌ر وه‌كى ئه‌و دانه‌كێ ڕۆژێ ب تنێ د دنيايێ دا مايين، ئه‌ڤه ڕاگه‌هاندنه‌كه بۆ وان وبۆ خه‌لكێ دى ژى. و ژ ملله‌تێ سه‌رداچوويى پێڤه‌تر كه‌س ب عه‌زابا خودێ نائێته تێبرن.
